← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܐܬܦܢܝܢ ܘܫܩܠܢ ܠܡܕܒܪܐ ܒܐܘܪܚܐ ܕܝܡܐ ܕܣܘܦ܂ ܐܝܟ/ܐܝܟܢܐ#3#/ ܕܐܡܪ ܠܝ ܡܪܝܐ܂ ܘܐܬܟܪܟܢܝܗܝ ܠܛܘܪܐ ܕܣܥܝܪ ܝܘܡ̈ܬܐ ܣ̈ܓܝܐܐ܂
02:02 [ai]ܘܐܡܪ ܠܝ ܡܪܝܐ܂
02:03 [ai]ܣܓܝ ܠܟܘܢ ܗܐ ܡܢ ܕܡܬܟܪܟܝܢ ܐܢܬܘܢ ܛܘܪܐ ܗܢܐ܂ ܐܬܦܢܘ ܠܟܘܢ ܠܓܪܒܝܐ܂
02:04 [ai]ܘܠܥܡܐ ܦܩܕ ܘܐܡܪ ܠܗܘܢ܂ ܐܢܬܘܢ ܥܿܒܪܝܢ ܐܢܬܘܢ ܒܬܚܘܡܐ ܕܐ̈ܚܝܟܘܢ ܒܢ̈ܝ ܥܣܘ ܕܝܿܬܒܝܢ ܒܣܥܝܪ܂ ܘܢܕܚܠܘܢ ܡܢܟܘܢ܂ ܐܙܕܗܪܘ ܛܒ܂
02:05 [ai]ܘܠܐ ܬܬܓܪܘܢ ܒܗܘܢ܂ ܡܛܠ ܕܠܐ ܝܿܗܒ ܐܢܐ ܠܟܘܢ ܝܘܪܬܢܐ ܡܢ ܐܪܥܗܘܢ ܒܝܬ ܡܕܪܟ ܦܣܬܐ ܕܪܓܠܐ܂ ܡܛܠ ܕܝܘܪܬܢܐ ܠܥܣܘ ܝܗܿܒܬ ܛܘܪܐ ܕܣܥܝܪ܂
02:06 [ai]ܥܒܘܪܐ ܙܒܢܘ ܡܢܗܘܢ ܒܟܣܦܐ ܘܐܟܘܠܘ܂ ܘܐܦ ܡ̈ܝܐ ܙܒܢܘ ܡܢܗܘܢ ܒܟܣܦܐ ܘܐܫܬܘ܂
02:07 [ai]ܡܛܠ ܕܡܪܝܐ ܐܠܗܟܘܢ ܒܪܟܟܘܢ܂ ܒܟܠܗ ܥܒܕܐ ܕܐ̈ܝܕܝܟܘܢ܂ ܘܝܕܥ ܠܡܕܒܪܘܬܟܘܢ ܒܡܕܒܪܐ ܗܢܐ ‍<‍ܪܒܐ#3#‍>‍ ܗܐ ܐܪ̈ܒܥܝܢ ܫ̈ܢܝܢ܂ ܡܪܝܐ ܐܠܗܟܘܢ ܥܡܟܘܢ܂ ܘܠܐ ܚܣܪ ܠܟܘܢ ܡܕܡ܂
02:08 [ai]ܘܥܒܪܢ ܡܢ ܠܘܬ ܐ̈ܚܝܢ ܒܢ̈ܝ ܥܣܘ ܕܝܿܬܒܝܢ ܒܣܥܝܪ܂ ܘܡܢ ܐܘܪܚܐ ܕܥܪܒܐ ܘܡܢ ܐܝܠܬ ܘܡܢ ܥܨܝܢܘܓܒܪ ܘܐܬܦܢܝܢ ܘܥܒܪܢ ܠܢ \ܠܐܘܪܚܐ ܕܡܕܒܪܐ /ܡܕܒܪܐ ܠܐܘܪܚܐ#3#/ ܕܡܘܐܒ܂
02:09 [ai]ܘܐܡܪ ܠܝ ܡܪܝܐ܂ ܠܐ ܬܐܠܘܨ ܠܡܘܐ̈ܒܝܐ܂ ܘܠܐ ܬܬܓܪܐ ܥܡܗܘܢ ܠܩܪܒܐ܂ ܡܛܠ ܕܠܐ ܝܿܗܒ ܐܢܐ ܠܟ ܡܢ ܐܪܥܗܘܢ ܝܘܪܬܢܐ܂ ܡܛܠ ܕܠܒܢ̈ܝ ܠܘܛ ܝܗܒܬܗܿ ܝܘܪܬܢܐ܂
02:10 [ai]ܐ̈ܡܢܐ ܡܢ ܠܘܩܕܡ ܝܬܒܘ ܒܗܿ܂ ܥܡܐ ܕܪܒ ܘܣܓܝ܂ ܘܪܡ ܐܝܟ ܓܢܒܪ̈ܐ܂
02:11 [ai]ܓܢܒܪ̈ܐ ܐܢܘܢ܂ ܘܡܬܚܫܒܝܢ ܐܦ ܗܢܘܢ ܐܝܟ ܓܢܒܪ̈ܐ܂ ܘܡܘܐ̈ܒܝܐ ܩܿܪܝܢ ܠܗܘܢ ܐܡ̈ܢܐ܂
02:12 [ai]ܘܒܣܥܝܪ ܝܬܒܘ ܚܘܪ̈ܝܐ ܡܢ ܠܘܩܕܡ܂ ܘܒܢ̈ܝ ܥܣܘ ܝܪܬܘ ܐܢܘܢ܂ ܘܐܘܒܕܘ ܐܢܘܢ ܡܢ ܩܕܡܝܗܘܢ܂ ܘܝܬܒܘ ܒܐܪܥܗܘܢ܂ ܐܝܟ ܕܥܒܕ ܐܝܣܪܝܠ ܠܐܪܥܐ ܕܝܪܬܘܬܗ܂ ܕܝܗܒ ܠܗܘܢ ܡܪܝܐ܀܂
02:13 [ai]ܡܟܝܠ ܩܘܡܘ ܥܒܪܘ ܢܚܠܐ ܕܙܪܕ܂ ܘܥܒܪܢ ܢܚܠܐ ܕܙܪܕ܂
02:14 [ai]ܘܝܘ̈ܡܬܐ ܕܗܠܟܢ ܡܢ ܪܩܡ ܕܓܝܐ ܥܕܡܐ ܕܥܒܪܢ ܢܚܠܐ ܕܙܪܕ܂ ܬܠܬܝܢ ܘܬܡܢܐ ܫ̈ܢܝܢ܂ ܥܕܡܐ ܕܣܦ ܟܘܠܗ ܕܪܐ ܕܓܒܪ̈ܐ ܩܪ̈ܒܬܢܐ ܡܢ ܓܘ ܡܫܪܝܬܐ܂ ܐܝܟ/ܐܝܟܢܐ#3#/ ܕܝܡܐ ܠܗܘܢ ܡܪܝܐ܂
02:15 [ai]ܐܦ ܐܝܕܗ ܕܡܪܝܐ ܗܘܬ ܒܗܘܢ ܕܬܘܒܕ ܐܢܘܢ ܡܢ ܓܘ ܡܫܪܝܬܐ ܥܕܡܐ ܕܓܡܪܘ܂
02:16 [ai]ܘܟܕ ܓܡܪܘ ܟܠܗܘܢ ܓܒܪ̈ܐ ܥܿܒ̈ܕܝ ܩܪܒܐ ܠܡܡܬ ܡܢ ܓܘ ܥܡܐ܂
02:17 [ai]ܡܠܠ ܥܡܝ ܡܪܝܐ ܘܐܡܪ ܠܝ܂
02:18 [ai]ܐܢܬ ܥܒܪ ܐܢܬ ܝܘܡܢܐ ܠܬܚܘܡܐ ܕܡܘܐܒ ܘܠܥܕ܂
02:19 [ai]ܘܬܬܩܪܒ ܠܘܩܒܠ ܒܢ̈ܝ ܥܡܘܢ܂ ܠܐ ܬܐܠܘܨ ܐܢܘܢ܂ ܘܠܐ ܬܬܓܪܐ ܒܗܘܢ܂ ܡܛܠ ܕܠܐ ܝܿܗܒ ܐܢܐ ܠܟ ܝܘܪܬܢܐ ܡܢ ܐܪܥܐ ܕܒܢ̈ܝ ܥܡܘܢ܂ ܡܛܠ ܕܠܒܢ̈ܝ ܠܘܛ ܝܗܒܬܗܿ ܝܘܪܬܢܐ܀܀
02:20 [ai]ܐܪܥܐ ܕܓܢܒܪ̈ܐ ܡܬܚܫܒܐ ܐܦ ܗܝ܂ ܓܢܒܪ̈ܐ ܐܝܬܒܘ ܒܗܿ ܡܢ ܠܘܩܕܡ܂ ܘܥܡܘ̈ܢܝܐ ܩܿܪܝܢ ܠܗܘܢ ܙܡܙܡܝܢ܂
02:21 [ai]ܥܡܐ ܕܪܒ ܘܣܓܝ܂ ܘܪܡ ܐܝܟ ܓܢܒܪ̈ܐ܂ ܘܐܘܒܕ ܐܢܘܢ ܡܪܝܐ ܡܢ ܩܕܡܝܗܘܢ܂ ܘܝܪܬܘ ܐܢܘܢ ܘܝܬܒܘ ܒܐܪܥܗܘܢ܂
02:22 [ai]ܐܝܟ ܕܥܒܕܘ ܒܢ̈ܝ ܥܣܘ ܕܝܿܬܒܝܢ ܒܣܥܝܪ܂ ܕܐܘܒܕܘ ܠܚܘܪ̈ܝܐ ܡܢ ܩܕܡܝܗܘܢ܂ ܘܝܪܬܘ ܐܢܘܢ ܘܝܬܒܘ ܒܐܪܥܗܘܢ ܥܕܡܐ ܠܝܘܡܢܐ܂
02:23 [ai]ܘܥܘ̈ܝܐ ܕܝܿܬܒܝܢ ܒܚܨܪܝܡ ܘܥܕܡܐ ܠܥܐܙܐ܂ ܩ̈ܦܘܕܩܝܐ/ܩ̈ܦܘܛܩܝܐ#3#/ ܕܢܦܩܘ ܡܢ ܩܦܘܕܩܝ ܐܘܒܕܘ ܐܢܘܢ܂ ܘܝܬܒܘ ܒܐܪܥܗܘܢ܂
02:24 [ai]ܡܟܝܠ ܩܘܡܘ ܫܩܘܠܘ ܘܥܒܪܘ ܢܚܠܐ ܕܐܪܢܘܢ܂ ܚܙܝ ܕܐܫܠܡܬ ܒܐ̈ܝܕܝܟ ܠܣܝܚܘܢ ܡܠܟܐ ܕܚܫܒܘܢ ܐܡܘܪܝܐ ܘܠܐܪܥܗ܂ ܫܪܐ ܠܡܘܒܕܘܬܗ ܘܐܬܓܪܐ ܥܡܗ ܠܩܪܒܐ܂
02:25 [ai]ܝܘܡܢܐ ܐܫܪܐ ܠܡܬܠ ܕܚܠܬܟ ܘܙܘܥܬܟ ܥܠ ܐ̈ܦܝ ܥܡ̈ܡܐ ܕܬܚܝܬ ܫܡܝܐ܂ ܕܢܫܡܥܘܢ ܫܡܥܟ ܘܢܙܘܥܘܢ܂ ܘܢܕܚܠܘܢ ܡܢ ܩܕܡܝܟ܂
02:26 [ai]ܘܫܿܕܪܬ ܐܝ̈ܙܓܕܐ ܡܢ ܡܕܒܪܐ ܕܩܪܡܘܬ ܠܘܬ ܣܝܚܘܢ ܡܠܟܐ ܕܚܫܒܘܢ ܒܡ̈ܠܐ ܕܫܠܡܐ ܠܡܐܡܪ ܠܗ܂
02:27 [ai]ܢܥܒܪ ܒܐܪܥܟ܂ ܒܐܘܪܚܐ ܐܘܪܚܐ ܢܐܙܠ܂ ܘܠܐ ܢܣܛܐ ܠܝܡܝܢܐ ܘܠܣܡܠܐ܂
02:28 [ai]ܥܒܘܪܐ ܒܟܣܦܐ ܙܒܢܘ ܠܢ ܘܢܐܟܘܠ܂ ܘܡ̈ܝܐ ܒܟܣܦܐ ܙܒܢܘ ܠܢ ܘܢܫܬܐ ܒܠܚܘܕ ܒܪ̈ܓܠܝܢ ܢܥܒܪ܂
02:29 [ai]ܐܝܟ ܕܥܒܕܘ ܠܢ ܒܢ̈ܝ ܥܣܘ ܕܝܿܬܒܝܢ ܒܣܥܝܪ܂ ܘܡܘܐ̈ܒܝܐ ܕܝܿܬܒܝܢ ܒܥܕ ܥܕܡܐ ܕܢܥܒܪ ܝܘܪܕܢܢ ܠܐܪܥܐ ܕܝܿܗܒ ܠܢ ܡܪܝܐ ܐܠܗܢ܂
02:30 [ai]ܘܠܐ ܨܒܐ ܣܝܚܘܢ ܡܠܟܐ ܕܚܫܒܘܢ ܕܢܥܒܪܢ ܒܬܚܘܡܗ܂ ܡܛܠ ܕܩܫܝ ܡܪܝܐ ܐܠܗܟܘܢ ܪܘܚܗ ܘܐܥܫܢ ܠܒܗ ܕܢܫܠܡܝܘܗܝ ܒܐ̈ܝܕܝܟܘܢ ܐܝܟ ܕܝܘܡܢܐ܂
02:31 [ai]ܘܐܡܪ ܠܝ ܡܪܝܐ܂ ܚܙܝ ܕܫܪܝܬ ܠܡܫܠܡܘ ܒܐ̈ܝܕܝܟ ܠܣܝܚܘܢ ‍<‍ܡܠܟܐ ܕܐܡܘܪ̈ܝܐ#3#‍>‍ ܘܠܐܪܥܗ܂ ܫܪܐ ܠܡܘܒܕܘܬܗ ܘܠܡܐܪܬ ܐܪܥܗ
02:32 [ai]ܘܢܦܩ ܣܝܚܘܢ ܠܐܘܪܥܢ܂ ܗܘ ܘܟܠܗ ܥܡܗ ܠܩܪܒܐ ܠܝܗܨ܂
02:33 [ai]ܘܐܫܠܡܗ ܡܪܝܐ ܐܠܗܢ ܩܕܡܝܢ܂ ܘܚܪܒܢܝܗܝ ܠܗ ܘܠܒܢ̈ܘܗܝ ܘܠܟܠܗ ܥܡܗ܂
02:34 [ai]ܘܟܒܫܢ ܟܠܗܝܢ ܩܘܪ̈ܝܗ ܒܙܒܢܐ ܗܿܘ܂ ܘܐܘܒܕܢ ܟܠܗܝܢ ܩܘܪ̈ܝܐ ܠܓܡܪ܂ ܘܢܫ̈ܐ ܘܝܩܪܬܐ܂ ܘܠܐ ܫܒܩܢ ܡܢܗܘܢ ܣܪܝܕܐ܂
02:35 [ai]ܒܠܚܘܕ ܒܥܝܪ̈ܐ ܒܙܢ ܠܢ܂ ܘܒܙܬܐ ܕܩܘܪ̈ܝܐ ܕܟܒܫܢ܂
02:36 [ai]ܡܢ ܥܕܘܥܝܪ ܕܥܠ ܣܦܬܐ ܕܢܚܠܐ ܕܐܪܢܘܢ܂ ܘܩܪܝܬܐ ܕܒܢܚܠܐ܂ ܘܥܕܡܐ ܠܓܠܥܕ܂ ܠܐ ܗܘܬ ܩܪܝܬܐ ܕܥܫܢܬ ܡܢܢ܂ ܟܠܗܝܢ ܐܫܠܡ ܐ̈ܢܝܢ ܡܪܝܐ ܐܠܗܢ ܩܕܡܝܢ܂
02:37 [ai]ܒܠܚܘܕ ܠܐܪܥܐ ܕܒܢ̈ܝ ܥܡܘܢ ܕܠܐ ܐܬܩܪܒܬܘܢ܂ ܟܠ/ܥܠ#3#/ ܝܕ ܢܚܠܐ ܕܝܒܩ܂ ܘܩܘܪ̈ܝܐ ܕܛܘܪ̈ܐ ܘܟܠ ܕܦܩܕܢ ܡܪܝܐ ܐܠܗܢ܀

next chapter