← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܘܐܬܦܢܝܢ ܘܣܠܩܢ ܠܐܘܪܚܐ ܕܡܬܢܝܢ܂ ܘܢܦܩ ܥܘܓ ܡܠܟܐ ܕܡܬܢܝܢ ܠܐܘܪܥܢ܂ ܗܘ ܘܟܠܗ ܥܡܗ ܠܩܪܒܐ ܒܐܪܕܥܝ܂
03:02 [ai]ܘܐܡܪ ܠܝ ܡܪܝܐ܂ ܠܐ ܬܕܚܠ ܡܢܗ܂ ܡܛܠ ܕܒܐ̈ܝܕܝܟ ܐܫܠܡܬܗ ܘܠܟܠܗ ܥܡܗ ܘܠܐܪܥܗ܂ ܘܥܒܕ ܠܗ ܐܝܟ ܕܥܒܕܬ ܠܣܝܚܘܢ ܡܠܟܐ ܕܐܡܘܪ̈ܝܐ ܕܝܿܬܒ ܗܘܐ ܒܚܫܒܘܢ܂
03:03 [ai]ܘܐܫܠܡ ܡܪܝܐ ܐܠܗܢ ܒܐܝܕܢ ܐܦ ܠܥܘܓ ܡܠܟܐ ܕܡܬܢܝܢ܂ ܘܠܟܠܗ ܥܡܗ܂ ܘܚܪܒܢܝܗܝ ܘܠܐ ܫܒܩܢ ܠܗ ܣܪܝܕܐ܂
03:04 [ai]ܘܟܒܫܢ ܟܠܗܝܢ ܩܘܪ̈ܝܗ ܒܙܒܢܐ ܗܿܘ܂ ܘܠܐ ܫܒܩܢ ܩܪܝܬܐ ܕܠܐ ܢܣܒܢܗܿ ܡܢܗܘܢ܂ ܫܬܝܢ ܩܘܪ̈ܝܐ ܟܠܗ ܚܒܠ ܐܪܓܘܒ܂ ܒܝܬ ܡܠܟܘܬܗ ܕܥܘܓ ܕܒܡܬܢܝܢ܂
03:05 [ai]ܟܠܗܝܢ ܗܠܝܢ ܩܘܪ̈ܝܐ ܕܥܫܝ̈ܢܝܢ ܫܘܪ̈ܝܗܝܢ ܘܪܡܝܢ ܬܪ̈ܥܝܗܝܢ ܘܡܘܟ̈ܠܝܗܝܢ܂ ܣܛܪ/ܠܒܪ#3#/ ܡܢ ܩܘܪ̈ܝܐ ܕܫ̈ܛܚܐ ܕܛܒ ܣ̈ܓܝܐܢ܂
03:06 [ai]ܘܚܪ̈ܒܢ ܐܢܝ̈ܢ܂ ܐܝܟ ܕܥܒܕܢ ܠܣܝܚܘܢ ܡܠܟܐ ܕܚܫܒܘܢ܂ ܕܚܪ̈ܒܢ ܟܠܗܝܢ ܩܘܪ̈ܝܗ ܠܓܡܪ܂ ܘܢܫ̈ܐ ܘܝܩܪܬܐ܂
03:07 [ai]ܘܟܠܗܿ ܒܥܝܪܐ܂ ܘܒܙܬܐ ܕܩܘܪ̈ܝܐ ܒܙܢ ܠܢ܂
03:08 [ai]ܘܢܣܒܢܗܿ ܒܙܒܢܐ ܗܿܘ ܠܐܪܥܐ ܡܢ ܐܝܕܐ ܕܬܪ̈ܝܗܘܢ ܡ̈ܠܟܐ ܕܐܡܘܪ̈ܝܐ ܕܒܥܒܪܐ ܕܝܘܪܕܢܢ܂ ܡܢ ܢܚܠܐ ܕܐܪܢܘܢ ܘܥܕܡܐ ܠܛܘܪܐ ܕܚܪܡܘܢ܂
03:09 [ai]ܨܝ̈ܕܢܝܐ ܩܿܪܝܢ ܠܚܪܡܘܢ ܣܪܝܘܢ܂ ܘܐܡܘܪ̈ܝܐ ܩܿܪܝܢ ܠܗ ܣܢܝܪ/ܣܥܝܪ#2#/܂
03:10 [ai]ܘܟܠܗܝܢ ܩܘܪ̈ܝܐ ܕܦܩܥܬܐ܂ ܘܟܠܗܿ ܓܠܥܕ ܘܟܠܗܿ ܡܬܢܝܢ܂ ܥܕܡܐ ܠܣܠܟܐ ܘܠܐܪܕܥܝ܂ ܟܘܠܗܝܢ ܩܘܪ̈ܝܐ ܕܡܠܟܘܬܗ ܕܥܘܓ ܕܒܡܬܢܝܢ܂
03:11 [ai]ܡܛܠ ܕܥܘܓ ܡܠܟܐ ܕܡܬܢܝܢ܂ ܒܠܚܘܕܘܗܝ ܐܫܬܚܪ ܡܢ ܫܪܟܐ ܕܓܢܒܪ̈ܐ܂ ܥܪܣܗ ܥܪܣܐ ܗܝ ܕܦܪܙܠܐ܂ ܘܗܐ ܒܪܒܬ ܗܝ ܕܒܢ̈ܝ ܥܡܘܢ܂ ܬܫܥ ܐ̈ܡܝܢ ܐܘܪܟܗܿ܂ ܘܐܪ̈ܒܥ ܐ̈ܡܝܢ ܦܬܝܗܿ ܒܐܡܬܐ ܕܓܢܒܪ̈ܐ܂
03:12 [ai]ܘܐܪܥܐ ܗܕܐ ܝܪܬܢ ܒܙܒܢܐ ܗܿܘ ܡܢ ܥܕܘܥܝܪ ܕܥܠ ܣܦܬܐ ܕܢܚܠܐ ܕܐܪܢܘܢ܂ ܘܦܠܓܗ ܕܛܘܪܐ ܕܓܠܥܕ ܘܩܘܪ̈ܝܗ܂ ܝܗܿܒܬ ܠܪܘܒܝܠ ܘܠܓܕ܂
03:13 [ai]ܘܫܪܟܐ ܕܓܠܥܕ ܘܟܠܗܿ ܡܬܢܝܢ܂ ܒܝܬ ܡܠܟܘܬܗ ܕܥܘܓ ܝܗܿܒܬ ܠܦܠܓܗ ܕܫܒܛܐ ܕܡܢܫܐ܂ ܟܠܗ ܚܒܠ ܐܪܓܘܒ ܘܟܠܗܿ ܡܬܢܝܢ܂ ܗܝ ܗܝ ܡܬܩܪܝܐ ܐܪܥ ܓܢܒܪ̈ܐ܂
03:14 [ai]ܘܝܐܝܪ ܒܪ ܡܢܫܐ ܢܣܒ ܠܗ ܟܠܗ ܚܒܠ ܐܪܓܘܒ܂ ܥܕܡܐ ܠܬܚܘܡܐ ܕܓܫܘܪ ܘܕܡܥܟܬ܂ ܘܩܪܐ ܐ̈ܢܝܢ ܥܠ ܫܡܗ܂ ܡܬܢܝܢ ܘܟܦܪ̈ܘܢܐ ܕܝܐܝܪ ܥܕܡܐ ܠܝܘܡܢܐ܂
03:15 [ai]ܘܠܡܟܝܪ ܝܗܒܬ ܓܠܥܕ܂
03:16 [ai]ܘܠܪܘܒܝܠ ܘܠܓܕ ܝܗܿܒܬ ܡܢ ܓܠܥܕ ܘܥܕܡܐ ܠܢܚܠܐ ܕܐܪܢܘܢ܂ ܘܓܘܗ ܕܢܚܠܐ ܘܬܚܘܡܗ܂ ܘܥܕܡܐ ܠܝܒܩ ܕܢܚܠܐ ܕܬܚܘܡܐ ܕܒܢ̈ܝ ܥܡܘܢ܂
03:17 [ai]ܘܥܪܒܐ ܘܝܘܪܕܢܢ܂ ܘܬܚܘܡܐ ܡܢ ܟܢܪܬ܂ ܘܥܕܡܐ ܠܝܡܐ ܕܥܪܒܐ ܝܡܐ ܕܡܠܚܐ ܕܬܚܝܬ ܐܫܕܘܕ ܘܦܣܓܐ ܕܒܪܡܬܐ ܡܢ/ܕܡܢ#2#/ ܡܕܢܚܐ܂
03:18 [ai]ܘܦܩܕܬܟܘܢ ܒܗ ܒܙܒܢܐ ܗܿܘ ܘܐܡܪܬ ܠܟܘܢ܂ ܡܪܝܐ ܐܠܗܟܘܢ ܝܿܗܒ ܠܟܘܢ ܐܪܥܐ ܗܕܐ ܠܡܐܪܬܗܿ܂ ܟܕ ܡܙܝܢܝܢ ܐܢܬܘܢ ܥܒܪܘ ܩܕܡ ܐ̈ܚܝܟܘܢ ܒܢ̈ܝ ܐܝܣܪܝܠ܂ ܟܠܟܘܢ ܓܢܒܪ̈ܝ ܚܝܠܐ܂
03:19 [ai]ܒܠܚܘܕ ܢܫ̈ܝܟܘܢ ܘܝܩܪܬܟܘܢ ܘܒܥܝܪܟܘܢ/ܘܒܢ̈ܝܟܘܢ#3#/ ܫܒܘܩܘ܂ ܝܿܕܥ ܐܢܐ ܓܝܪ ܕܩܢܝܢܐ ܣܓܝܐܐ ܐܝܬ ܠܟܘܢ܂ ܢܬܒܘܢ ܒܩܘܪ̈ܝܟܘܢ ܕܝܗܿܒܬ ܠܟܘܢ܂
03:20 [ai]ܥܕܡܐ ܕܢܢܝܚ ܡܪܝܐ ܠܐܚ̈ܝܟܘܢ ܐܟܘܬܟܘܢ܂ ܘܢܐܪܬܘܢ ܐܦ ܗܢܘܢ܂ ܐܪܥܐ ܕܝܿܗܒ ܠܟܘܢ ܡܪܝܐ ܐܠܗܟܘܢ ܒܥܒܪܐ ܕܝܘܪܕܢܢ܂ ܘܗܿܝ ܕܝܢ ܬܗܦܟܘܢ ܐܢܫ ܠܝܪܬܘܬܗ܂ ܕܝܗܿܒܬ ܠܟܘܢ܂
03:21 [ai]ܘܠܝܫܘܥ ܦܩܕܬ ܒܙܒܢܐ ܗܿܘ ܘܐܡܿܪܬ ܥܝ̈ܢܝܟ ܚܙܝ ܟܠ/ܡܕܡ#3#/ ܕܥܒܕ ܡܪܝܐ ܐܠܗܟܘܢ ܠܗܠܝܢ ܬܪ̈ܝܢ ܡ̈ܠܟܝܢ܂ ܗܟܢܐ ܢܥܒܕ ܡܪܝܐ \ܠܗܠܝܢ ܟܠܗܝܢ /ܠܟܘܠܗܝܢ ܗܠܝܢ#2#/ ܡ̈ܠܟܘܬܐ ܕܥܿܒܪܝܢ ܐܢܬܘܢ ܠܗܝܢ܂
03:22 [ai]ܠܐ ܬܕܚܠܘܢ ܡܢܗܘܢ܂ ܡܛܘܠ ܕܡܪܝܐ ܐܠܗܟܘܢ܂ ܗܘ/ܗܘܝܘ#2#/ ܡܬܟܬܫ \ܥܠ ܐ̈ܦܝܟܘܢ /ܚܠܦܝܟܘܢ#3#/܂
03:23 [ai]ܘܐܬܟܫܦܬ ܩܕܡ ܡܪܝܐ ܒܙܒܢܐ ܗܿܘ ܘܐܡܿܪܬ܂
03:24 [ai]ܒܒܥܘ ܡܪܝܐ ܐܠܗܐ܂ ܐܢܬ ܫܪܝܬ ܠܡܚܘܝܘ ܠܥܒܕܟ ܪܒܘܬܟ܂ ܘܐܝܕܟ ܬܩܝܦܬܐ ܘܕܪܥܟ ܪܡܐ܂ ܐܝܢܐ ܗܘ ܓܝܪ ܐܠܗܐ ܐܝܬ ܒܫܡܝܐ ܐܘ ܒܐܪܥܐ܂ ܕܢܥܒܕ ܐܝܟ ܥܒܿܕܝ̈ܟ ܘܐܝܟ ܓܢܒܪ̈ܘܬܟ܂
03:25 [ai]ܐܥܒܪ ܗܫܐ ܐܚܙܐ ܐܪܥܐ ‍<‍ܗܕܐ#3#‍>‍ ܛܒܬܐ ܕܒܥܒܪܐ ܕܝܘܪܕܢܢ܂ ܛܘܪܐ ܗܢܐ ܛܒܐ ܘܠܒܢܢ܂
03:26 [ai]ܘܪܓܙ ܥܠܝ ܡܪܝܐ ܡܛܠܬܟܘܢ ܘܠܐ ܫܡܥܢܝ܂ ܘܐܡܪ ܠܝ ܡܪܝܐ ܣܿܦܩ ܠܟ܂ ܠܐ ܬܘܣܦ ܬܘܒ ܠܡܡܠܠܘ ܩܕܡܝ ܦܬܓܡܐ ܗܢܐ܂
03:27 [ai]ܣܩ ܠܪܝܫ ܪܡܬܐ܂ ܘܐܪܝܡ ܥܝ̈ܢܝܟ ܠܡܕܢܚܐ ܘܠܡܥܪܒܐ܂ ܘܠܓܪܒܝܐ ܘܠܬܝܡܢܐ܂ ܘܚܙܝܗܿ ܒܥܝ̈ܢܝܟ܂ ܘܠܐ ܬܥܒܪ ܝܘܪܕܢܢ ܗܢܐ܂
03:28 [ai]ܘܦܩܕ ܠܝܫܘܥ ܘܚܝܠܝܗܝ ܘܥܫܢܝܗܝ܂ ܡܛܠ ܕܗܘ ܢܥܒܪ ܩܕܡ ܥܡܐ ܗܢܐ܂ ܘܗܘ ܢܘܪܬ ܐܢܘܢ ܐܪܥܐ ܕܬܚܙܐ܂
03:29 [ai]ܘܝܬܒܢ ܒܢܚܠܐ ܠܘܩܒܠ ܒܝܬ ܦܥܘܪ܂

next chapter