← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܡܟܝܠ ܐܝܣܪܝܠ ܫܡܥ ܢܡ̈ܘܣܐ ܘܕܝ̈ܢܐ ܕܡܠܦ ܐܢܐ ܠܟܘܢ ܝܘܡܢܐ ܠܡܥܒܕ܂ ܕܬܚܘܢ ܘܬܥܠܘܢ ܘܬܐܪܬܘܢ ܐܪܥܐ ܕܝܿܗܒ ܠܟܘܢ ܡܪܝܐ ܐܠܗܐ ܕܐ̈ܒܗܝܟܘܢ܂
04:02 [ai]ܠܐ ܬܘܣܦܘܢ ܥܠ ܦܘܩܕܢܐ ܕܡܦܩܕ ܐܢܐ ܠܟܘܢ܂ ܘܠܐ ܬܒܨܪܘܢ ܡܢܗ܂ ܐܠܐ ܛܪܘ ܦܘܩܕܢܗ ܕܡܪܝܐ ܐܠܗܟܘܢ ܕܡܦܩܕ ܐܢܐ ܠܟܘܢ܂
04:03 [ai]ܥܝ̈ܢܝܟܘܢ ܚܙ̈ܝ ܟܠ ܡܕܡ ܕܥܒܕ ܡܪܝܐ/ܐܠܗܐ#3#/ ܠܒܥܠ ܦܥܘܪ܂ ܡܛܠ ܕܟܠ ܓܒܪܐ ܕܐܙܠ ܒܬܪ ܒܥܠ ܦܥܘܪ ܐܘܒܕܗ ܡܪܝܐ ܐܠܗܟܘܢ ܡܢ ܒܝܢܬܟܘܢ܂
04:04 [ai]ܘܐܢܬܘܢ ܕܐܬܢܩܦܬܘܢ ܠܡܪܝܐ ܐܠܗܟܘܢ܂ ܗܐ ܚܝ̈ܝܢ ܐܢܬܘܢ ܟܠܟܘܢ ܥܕܡܐ ܠܝܘܡܢܐ܂
04:05 [ai]ܚܙܘ ܕܐܠܦܬܟܘܢ ܢܡ̈ܘܣܐ ܘܕܝ̈ܢܐ܂ ܐܝܟܢܐ ܕܦܩܕܢܝ ܡܪܝܐ ܐܠܗܝ܂ ܕܬܥܒܕܘܢ ܐܢܘܢ ܒܐܪܥܐ ܕܥܿܐܠܝܢ ܐܢܬܘܢ ܠܗܿ ܠܡܐܪܬܗܿ܂
04:06 [ai]ܘܬܛܪܘܢ ܘܬܥܒܕܘܢ ܐܢܘܢ ܕܗܝ ܗܝ ܚܟܡܬܟܘܢ/ܚܡܬܟܘܢ#2#/ ܘܣܘܟܠܟܘܢ ܠܥܝܢ ܥܡ̈ܡܐ ܕܢܫܡܥܘܢ ܗܠܝܢ ܟܠܗܘܢ ܢܡ̈ܘܣܐ܂ ܘܢܐܡܪܘܢ ܕܚܟܝܡ ܗܘ ܘܣܟܘܠܬܢ ܥܡܐ ܗܢܐ ܪܒܐ܂
04:07 [ai]ܐܝܢܘ ܓܝܪ ܥܡܐ ܪܒܐ ܕܩܪܝܒ ܠܗ ‍<‍ܡܪܝܐ#3#‍>‍ ܐܠܗܗ܂ ܐܝܟ ܡܪܝܐ ܐܠܗܢ ܒܟܠ ܕܩܿܪܝܢܢ ܠܗ܂
04:08 [ai]ܘܐܝܢܘ ܥܡܐ ܪܒܐ ܕܐܝܬ ܠܗ ܢܡ̈ܘܣܐ ܘܕܝ̈ܢܐ ܙܕܝܩ̈ܐ܂ ܐܝܟ ܟܘܠܗ ܢܡܘܣܐ ܗܢܐ ܕܝܿܗܒ ܐܢܐ ܩܕܡܝܟܘܢ ܝܘܡܢܐ܂
04:09 [ai]ܒܠܚܘܕ ܐܙܕܗܪܘ ܛܒ܂ ܘܛܪܘ ܢܦܫ̈ܬܟܘܢ ܕܠܐ ܬܛܥܘܢ ܟܠ ܦܬ̈ܓܡܐ ܕܚ̈ܙܝ ܥܝ̈ܢܝܟܘܢ܂ ܘܠܐ ܢܥܒܪܘܢ ܡܢ ܠܒܟܘܢ ܟܠܗܘܢ ܝܘܡ̈ܝ ܚܝ̈ܝܟܘܢ܂ ܘܐܘܕܥܘ ܐܢܘܢ ܠܒܢܝܟܘܢ ܘܠܒܢ̈ܝ ܒ̈ܢܝܟܘܢ܂
04:10 [ai]ܝܘܡܐ ܕܩܡܬܘܢ ܩܕܡ ܡܪܝܐ ܐܠܗܟܘܢ ܒܚܘܪܝܒ܂ ܟܕ ܐܡܪ ܠܝ ܡܪܝܐ ܟܢܫ ܩܕܡܝ ܠܥܡܐ/ܠܟܠܗ ܥܡܐ#2#/ ܘܐܫܡܥ ܐܢܘܢ ܦܬ̈ܓܡܝ܂ ܘܢܐܠܦܘܢ ܠܡܕܚܠ ܩܕܡܝ ܟܠܗܘܢ ܝܘܡ̈ܬܐ ܕܚܝ̈ܝܢ ܒܐܪܥܐ ܘܠܒܢ̈ܝܗܘܢ ܢܠܦܘܢ܂
04:11 [ai]ܘܩܪܒܬܘܢ ܘܩܡܬܘܢ ܒܫܦܘ̈ܠܝ ܛܘܪܐ܂ ܘܛܘܪܐ ܡܬܓܘܙܠ ܗܘܐ ܒܢܘܪܐ܂ ܥܕܡܐ ܠܠܒܐ ܕܫܡܝܐ܂ ܘܚܫܘܟܐ ܘܥܢܢܐ ܘܥܪܦܠܐ܂
04:12 [ai]ܘܡܠܠ ܡܪܝܐ ܥܡܟܘܢ ܒܛܘܪܐ ܡܢ ܓܘ ܢܘܪܐ܂ ܩܠܐ ܕܡܡܠܠܐ ܫܿܡܥܝܢ ܗܘܝܬܘܢ܂ ܘܕܡܘܬܐ ܠܐ ܚܿܙܝܢ ܗܘܝܬܘܢ܂ ܐܠܐ ܐܢ ܩܠܐ ܒܠܚܘܕ܂
04:13 [ai]ܘܚܘܝܟܘܢ ܩܝܡܗ܂ ܘܦܩܕܟܘܢ ܕܬܥܒܕܘܢ ܥܣܪܐ ܦܬ̈ܓܡܝܢ܂ ܘܟܬܒ ܐܢܘܢ ܥܠ ܬܪ̈ܬܝܢ ܠܘܚ̈ܐ ܕܟܐܦܐ܂
04:14 [ai]ܘܠܝ ܦܩܕܢܝ ܡܪܝܐ ܒܙܒܢܐ ܗܿܘ܂ ܕܐܠܦܟܘܢ ܢܡ̈ܘܣܐ ܘܕܝ̈ܢܐ܂ ܕܬܥܒܕܘܢ ܐܢܘܢ ܒܐܪܥܐ ܕܥܿܒܪܝܢ ܐܢܬܘܢ ܠܬܡܢ ܠܡܐܪܬܗܿ܂
04:15 [ai]ܐܙܕܗܪܘ ܛܒ ܒܢܦܫܟܘܢ܂ ܡܛܠ ܕܠܐ ܚܙܝܬܘܢ ܕܡܘܬܐ ܒܝܘܡܐ ܕܡܠܠ ܡܪܝܐ ܥܡܟܘܢ ܒܚܘܪܝܒ ܡܢ ܓܘ ܢܘܪܐ܂
04:16 [ai]ܕܠܐ ܬܚܒܠܘܢ ܘܬܥܒܕܘܢ ܠܟܘܢ ܨܠܡ̈ܐ ܘܕܡ̈ܘܬܐ ܕܟܠ ܓܢܣ/ܨܠܡ#3#/܂ ܕܡܘܬܐ ܕܕܟܪܐ ܐܘ ܕܢܩܒܬܐ܂
04:17 [ai]ܕܡܘܬܐ ܕܟܠ ܒܥܝܪܐ ܕܐܝܬ ܒܐܪܥܐ܂ ܕܡܘܬܐ ܕܟܠ ܦܪܚܬܐ ܕܓܦܐ ܕܦܪܚܐ ܒܫܡܝܐ܂
04:18 [ai]ܕܡܘܬܐ ܕܟܠ ܪܚܫܐ ܕܐܪܥܐ܂ ܕܡܘܬܐ ܕܟܠ ܢܘ̈ܢܐ ܕܒܝܡܐ ܕܠܬܚܬ ܡܢ ܐܪܥܐ܂
04:19 [ai]ܘܕܠܐ ܬܪܝܡܘܢ ܥܝ̈ܢܝܟܘܢ ܠܫܡܝܐ܂ ܘܬܚܙܘܢ ܫܡܫܐ ܘܣܗܪܐ ܘܟ̈ܘܟܒܐ܂ ܘܟܠܗܘܢ ܚܝ̈ܠܘܬܐ ܕܫܡܝܐ܂ ܘܬܛܥܘܢ ‍<‍ܒܬܪܗܘܢ#2#‍>‍ ܘܬܣܓܕܘܢ ܠܗܘܢ ܘܬܦܠܚܘܢ ܐܢܘܢ܂ ܕܦܠܓ ܐܢܘܢ ܡܪܝܐ ܐܠܗܟܘܢ ܠܟܠܗܘܢ ܥܡ̈ܡܐ ܕܬܚܝܬ ܫܡܝܐ܂
04:20 [ai]ܘܠܟܘܢ ܩܪܒ ܡܪܝܐ܂ ܘܐܦܩܟܘܢ ܡܢ ܟܘܪܐ ܕܦܪܙܠܐ ܡܢ ܡܨܪܝܢ܂ ܕܬܗܘܘܢ ܠܗ ܥܡܐ ܘܝܪܬܘܬܐ ܐܝܟ ܕܝܘܡܢܐ܂
04:21 [ai]ܘܪܓܙ ܥܠܝ ܡܪܝܐ ܡܛܠ ܦܬ̈ܓܡܝܟܘܢ܂ ܘܝܡܐ ܕܠܐ ܐܥܒܪ ܝܘܪܕܢܢ ܗܢܐ܂ ܘܠܐ ܐܥܘܠ ܠܐܪܥܐ ܛܒܬܐ ܕܝܿܗܒ ܠܟܘܢ ܡܪܝܐ܂ ܐܠܗܟܘܢ ܝܘܪܬܢܐ܂
04:22 [ai]ܡܛܠ ܕܐܢܐ ܡܿܐܬ ܐܢܐ ܒܐܪܥܐ ܗܕܐ܂ ܘܠܐ ܥܿܒܪ ܐܢܐ ܝܘܪܕܢܢ ܗܢܐ܂ ܐܢܬܘܢ ܕܝܢ ܥܿܒܪܝܢ ܐܢܬܘܢ܂ ܘܝܿܪܬܝܢ ܐܢܬܘܢ ܐܪܥܐ ܗܕܐ ܛܒܬܐ ‍<‍ܕܝܗܒ ܠܟܘܢ ܡܪܝܐ ܐܠܗܟܘܢ#3#‍>‍܂
04:23 [ai]ܐܙܕܗܪܘ ܕܠܐ/ܕܠܡܐ#3#/ ܬܛܥܘܢ ܩܝܡܗ ܕܡܪܝܐ ܐܠܗܟܘܢ ܕܐܩܝܡ ܥܡܟܘܢ܂ ‍<‍ܘܬܚܒܠܘܢ#3#‍>‍ ܘܬܥܒܕܘܢ ܠܟܘܢ ܨ̈ܠܡܐ ܘܕܡ̈ܘܬܐ ܕܟܠ ܡܕܡ ܕܦܩܕܟܘܢ ܡܪܝܐ ܐܠܗܟܘܢ܂
04:24 [ai]ܡܛܠ ܕܡܪܝܐ ܐܠܗܟܘܢ ܢܘܪܐ ܗܘ ܐܟܠܬܐ܂ ܘܐܠܗܐ ܗܘ ܛܢܢܐ܂
04:25 [ai]ܘܟܕ ܬܘܠܕܘܢ ܒܢ̈ܝܐ ܐܘ ܒܢ̈ܝ ܒܢ̈ܝܐ܂ ܘܢܥܬܩܘܢ ܒܐܪܥܐ܂ ܘܬܚܒܠܘܢ ܘܬܥܒܕܘܢ ܨ̈ܠܡܐ ܘܕܡ̈ܘܬܐ ܕܟܠ ܡܕܡ܂ ܘܬܥܒܕܘܢ ܕܒܝܫ ܩܕܡ ܡܪܝܐ ܐܠܗܟܘܢ ܘܬܪܓܙܘܢܗ܂
04:26 [ai]ܣܿܗܕܬ ܒܟܘܢ ܝܘܡܢܐ ܫܡܝܐ ܘܐܪܥܐ܂ ܕܡܐܒܕ ܐܿܒܕܝܢ ܐܢܬܘܢ ܒܥܓܠ ܡܢ ܐܪܥܐ ܕܥܿܒܪܝܢ ܐܢܬܘܢ ܝܘܪܕܢܢ ‍<‍ܝܘܡܢܐ#3#‍>‍ ܠܡܐܪܬܗܿ܂ ܘܠܐ ܬܣܓܘܢ ܒܗܿ ܝܘܡ̈ܬܐ܂ ܐܠܐ ܡܐܒܕ ܬܐܒܕܘܢ܂
04:27 [ai]ܘܢܒܕܪܟܘܢ ܡܪܝܐ ܒܝܬ ܥܡ̈ܡܐ܂ ܘܬܫܬܚܪܘܢ ܩܠܝܠ ܒܡܢܝܢܐ܂ ܒܝܬ ܥܡ̈ܡܐ ܕܢܒܕܪܟܘܢ ܡܪܝܐ ܐܠܗܟܘܢ ܠܬܡܢ܂
04:28 [ai]ܘܬܦܠܚܘܢ ܬܡܢ ܠܐ̈ܠܗܐ ܐܚܪ̈ܢܐ ܥܒܿܕ ܐ̈ܝܕܝܐ ܕܒܢ̈ܝ ܐܢܫܐ܂ ܕܩܝܣܐ ܘܕܟܐܦܐ܂ ܕܠܐ ܚܿܙܝܢ ܘܠܐ ܫܿܡܥܝܢ܂ ܘܠܐ ܐܿܟܠܝܢ ܘܠܐ ܡܪ̈ܝܚܝܢ܂
04:29 [ai]ܘܬܒܥܘܢܗ ܬܡܢ ܠܡܪܝܐ ܐܠܗܟܘܢ ܘܬܫܟܚܘܢܗ܂ ܟܕ ܬܥܩܒܘܢ ܥܠܘܗܝ ܡܢ ܟܠܗ ܠܒܟܘܢ܂ ܘܡܢ ܟܠܗܿ ܢܦܫܟܘܢ܂
04:30 [ai]ܡܐ ܕܥܩܬ ܠܟܘܢ ܘܡܛܝܟܘܢ ܗܠܝܢ ܟܠܗܘܢ ܦܬ̈ܓܡܐ ܒܚܪܬܐ ܕܝܘܡ̈ܬܐ܂ ܘܬܬܦܢܘܢ ܠܘܬ ܡܪܝܐ ܐܠܗܟܘܢ ܘܬܫܡܥܘܢ ܒܩܠܗ܂
04:31 [ai]ܡܛܠ ܕܐܠܗܐ ܗܘ ܡܪܚܡܢܐ ܡܪܝܐ ܐܠܗܟܘܢ܂ ܠܐ ܢܚܒܠܟܘܢ ܘܠܐ ܢܫܒܘܩܟܘܢ܂ ܘܠܐ ܢܛܥܐ ܩܝܡܐ ܕܝܡܐ ܠܐ̈ܒܗܝܟܘܢ܂
04:32 [ai]ܐܠܐ ܫܐܠܘ ܥܠ ܝܘܡ̈ܬܐ ܩ̈ܕܡܝܐ ܕܗܘܘ ܩܕܡܝܟܘܢ܂ ܡܢ ܝܘܡܐ ‍<‍ܩܕܝܡܐ#3#‍>‍ ܕܒܪܐ ܐܠܗܐ ܠܐܢܫܐ ܥܠ ܐܪܥܐ܂ ܡܢ ܣ̈ܘܦܝ ܫܡܝܐ ܘܥܕܡܐ ܠܣ̈ܘܦܝ ܫܡܝܐ܂ ܐܢ ܗܘܐ ܐܝܟ ܗܢܐ ܦܬܓܡܐ ܪܒܐ ܐܘ ܐܫܬܡܥ ܐܟܘܬܗ܂
04:33 [ai]ܐܢ ܫܡܥ ܥܡܐ ܐܚܪܢܐ ܩܠܗ ܕܐܠܗܐ ܕܡܡܠܠ ܡܢ ܓܘ ܢܘܪܐ܂ ܐܝܟ ܕܫܡܥܬܘܢ ܐܢܬܘܢ ܘܚܝܝܬܘܢ܂
04:34 [ai]ܐܘ ܢܣܝܘ ܠܐܠܗܐ ܕܐܙܠ ܘܢܣܒ ܠܗ ܥܡܐ ܡܢ ܓܘ ܥܡܐ܂ ܒܢ̈ܣܝܘܢܐ ܘܒܐ̈ܬܘܬܐ܂ ܘܒܬܕܡܪ̈ܬܐ ܘܒܩܪ̈ܒܐ܂ ܘܒܐܝܕܐ ܬܩܝܦܬܐ ܘܒܕܪܥܐ ܪܡܐ܂ ܘܒܚ̈ܙܘܢܐ ܪ̈ܘܪܒܐ܂ ܟܠ ܕܥܒܕ ܡܪܝܐ ܐܠܗܟܘܢ ܠܡܨܪ̈ܝܐ ܠܥܢ̈ܝܟܘܢ܂
04:35 [ai]ܐܢܬܘܢ ܚܙܝܼܬܘܢ ܘܝܕܥܬܘܢ ܕܡܪܝܐ ܗܘ ܐܠܗܐ܂ ܘܠܝܬ ܬܘܒ ܠܒܪ ܡܢܗ܂
04:36 [ai]ܡܢ ܫܡܝܐ ܐܫܡܥܟܘܢ ܩܠܗ ܠܡܠܦܘܬܟܘܢ܂ ܘܥܠ ܐܪܥܐ ܚܘܝܟܘܢ ܢܘܪܗ ܪܒܬܐ܂ ܘܦܬ̈ܓܡܘܗܝ ܐܫܡܥܟܘܢ ܡܢ ܓܘ ܢܘܪܐ܂
04:37 [ai]ܘܒܕܪܚܡ ܠܐ̈ܒܗܝܟܘܢ ܓܒܐ ܠܙܪܥܗܘܢ/ܠܕܪܗܘܢ#3#/ ܒܬܪܗܘܢ܂ ܘܐܦܩܟܘܢ ܒܦܪܨܘܦܗ ܒܚܝܠܐ ܪܒܐ ܡܢ ܡܨܪܝܢ܂
04:38 [ai]ܠܡܘܒܕܘ ܡܢ ܩܕܡܝܟܘܢ ܥܡ̈ܡܐ ܕܪ̈ܘܪܒܝܢ ܘܥܫܝ̈ܢܝܢ ܡܢܟܘܢ܂ ܕܢܥܠܟܘܢ ܘܢܬܠ ܠܟܘܢ ܐܪܥܗܘܢ ܝܘܪܬܢܐ ܐܝܟ ܕܝܘܡܢܐ܂
04:39 [ai]ܘܬܕܥܘܢ ܝܘܡܢܐ܂ ܘܬܦܢܘܢ ܠܒܟܘܢ܂ ܡܛܠ ܕܡܪܝܐ ܗܘ ܐܠܗܐ ܒܫܡܝܐ ܡܢ ܠܥܠ܂ ܘܥܠ ܐܪܥܐ ܡܢ ܠܬܚܬ܂ ܘܠܝܬ ܬܘܒ ܠܒܪ ܡܢܗ܂
04:40 [ai]ܛܪܘ ܢܡ̈ܘܣܘܗܝ ܘܦܘܩ̈ܕܢܘܗܝ܂ ܕܡܦܩܕ ܐܢܐ ܠܟܘܢ ܝܘܡܢܐ܂ ܕܢܛܐܒ ܠܟܘܢ ܘܠܒܢ̈ܝܟܘܢ ‍<‍ܡܢ#3#‍>‍ ܒܬܪܟܘܢ܂ ܘܬܣܓܘܢ ܝܘܡ̈ܬܐ ܒܐܪܥܐ ܕܝܿܗܒ ܠܟܘܢ ܡܪܝܐ ܐܠܗܟܘܢ ܟܠܗܘܢ ܝܘܡ̈ܬܐ܂
04:41 [ai]ܗܿܝ ܕܝܢ ܦܪܫ ܡܘܫܐ ܬܠܬ ܩܘܪ̈ܝܐ ܒܥܒܪܐ ܕܝܘܪܕܢܢ ܡܢ ܡܕܢܚ̈ܝ ܫܡܫܐ܂
04:42 [ai]ܕܢܥܪܘܩ ܠܬܡܢ ܩܿܛܘܠܐ ܕܢܩܛܘܠ ܠܚܒܪܗ ܕܠܐ ܒܨܒܝܢܗ܂ ܘܠܐ ܣܿܢܐ ܗܘܐ ܠܗ ܡܢ ܐܬܡܠܝ ܘܡܢ ܡܢܬܡܠܝ܂ ܘܢܥܪܘܩ ܠܚܕܐ ܡܢ ܗܠܝܢ ܩܘܪ̈ܝܐ ܘܢܚܐ܂
04:43 [ai]ܚܕܐ ܡܢܗܝܢ ܒܘܨܪ/ܒܨܘܪ#2#/ ܕܒܡܕܒܪܐ܂ ܒܐܪܥܐ ܕܦܩܥܬܐ ܕܪܘܒܝܠ܂ ܘܐܚܪܬܐ ܪܡܬ ܓܠܥܕ ܕܓܕ܂ ܘܓܘܠܢ ܕܒܡܬܢܝܢ ܕܡܢܫܐ܂
04:44 [ai]ܗܢܐ ܢܡܘܣܐ ܕܣܡ ܡܘܫܐ ܩܕܡ ܒܢ̈ܝ ܐܝܣܪܝܠ܂
04:45 [ai]ܗܠܝܢ ܣܗ̈ܕܘܬܐ ܘܢܡ̈ܘܣܐ ܘܕܝ̈ܢܐ ܕܡܠܠ ܡܘܫܐ ܥܡ ܒܢ̈ܝ ܐܝܣܪܝܠ ܟܕ ܢܦܩܘ ܡܢ ܡܨܪܝܢ܂
04:46 [ai]ܒܥܒܪܐ ܕܝܘܪܕܢܢ܂ ܒܢܚܠܐ ܠܘܩܒܠ ܒܝܬ ܦܥܘܪ܂ ܒܐܪܥܐ ܕܣܝܚܘܢ ܡܠܟܐ ܕܐܡܘܪ̈ܝܐ ܕܝܿܬܒ ܗܘܐ ܒܚܫܒܘܢ܂ ܕܩܛܠܗ ܡܘܫܐ ܘܒܢ̈ܝ ܐܝܣܪܝܠ ܟܕ ܢܦܩܘ ܡܢ ܡܨܪܝܢ܂
04:47 [ai]ܘܝܪܬܘ ܐܪܥܗ܂ ܘܐܪܥܐ ܕܥܘܓ ܡܠܟܐ ܕܡܬܢܝܢ܂ ܬܪ̈ܝܢ ܡ̈ܠܟܐ ܕܐܡܘܪ̈ܝܐ ܕܒܥܒܪܐ ܕܝܘܪܕܢܢ ܡܢ ܡܕܢܚ̈ܝ ܫܡܫܐ܂
04:48 [ai]ܡܢ ܥܕܘܥܝܪ ܕܥܠ ܣܦܬܐ ܕܢܚܠܐ ܕܐܪܢܘܢ܂ ܘܥܕܡܐ ܠܛܘܪܐ ܕܣܪܝܘܢ܂ ܕܗܘܝܘ ܚܪܡܘܢ܂
04:49 [ai]ܘܟܠܗܿ ܥܪܒܐ ܕܒܥܒܪܐ ܕܝܘܪܕܢܢ ܡܢ ܡܕܢܚܐ܂ ܘܥܕܡܐ ܠܝܡܐ ܕܥܪܒܐ ܕܬܚܝܬ ܐܫܕܘܕ ܘܦܣܓܐ܂

next chapter