← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܘܩܪܐ ܡܘܫܐ ܠܟܠܗ ܐܝܣܪܝܠ ܘܐܡܪ ܠܗܘܢ܂ ܫܡܥ ܐܝܣܪܝܠ ܢܡ̈ܘܣܐ ܘܕܝ̈ܢܐ ܕܐܿܡܪ ܐܢܐ ܩܕܡܝܟܘܢ ܝܘܡܢܐ܂ ܕܬܐܠܦܘܢ ܐܢܘܢ܂ ܘܬܛܪܘܢ ܐܢܘܢ ܘܬܥܒܕܘܢ ܐܢܘܢ܂
05:02 [ai]ܡܪܝܐ ܐܠܗܢ ܐܩܝܡ ܥܡܢ ܩܝܡܐ ܒܚܘܪܝܒ܂
05:03 [ai]ܠܐ ܗܘܐ ܥܡ ܐ̈ܒܗܝܢ ‍<‍ܒܠܚܘܕ#3#‍>‍ ܐܩܝܡ ܡܪܝܐ ܩܝܡܐ ܗܢܐ܂ ܐܠܐ ‍<‍ܐܦ#3#‍>‍ ܥܡܢ܂ ܚܢܢ ܕܗܪܟܐ ܚܢܢ ܝܘܡܢܐ ܘܟܠܢ ܚܝ̈ܝܢ ܚܢܢ܂
05:04 [ai]ܐ̈ܦܝܢ ܠܘܩܒܠ ܐ̈ܦܝܢ ܡܠܠ ܡܪܝܐ ܥܡܟܘܢ ܒܛܘܪܐ ܡܢ ܓܘ ܢܘܪܐ܂
05:05 [ai]ܘܐܢܐ ܩܿܐܡ ܗܘܿܝܬ ܒܝܬ ܡܪܝܐ ܘܠܟܘܢ܂ ܒܙܒܢܐ ܗܿܘ܂ ܕܐܚܘܝܟܘܢ ܦ̈ܬܓܡܘܗܝ ܕܡܪܝܐ ܐܠܗܟܘܢ܂ ܟܕ ܕܚܠܬܘܢ ܡܢ ܩܕܡ ܢܘܪܐ܂ ܘܠܐ ܣܠܩܬܘܢ ܠܛܘܪܐ܀ ܘܐܡܪ܂
05:06 [ai]ܐܢܐ ܐܢܐ ܡܪܝܐ ܐܠܗܟ ܕܐܦܩܬܟ ܡܢ ܐܪܥܐ ܕܡܨܪܝܢ ܡܢ ܒܝܬ ܥܒܕܘܬܐ܂
05:07 [ai]ܠܐ ܢܗܘܐ ܠܟ ܐܠܗ ܐܚܪܝܢ ܠܒܪ ܡܢܝ܂
05:08 [ai]ܠܐ ܬܥܒܕ ܠܟ ܟܠ ܨܠܡ ܘܟܠ ܕܡܘ܂ ܕܐܝܬ ܒܫܡܝܐ ܡܢ ܠܥܠ܂ ܘܕܐܝܬ ܒܐܪܥܐ ܡܢ ܠܬܚܬ܂ ܘܕܐܝܬ ܒܡ̈ܝܐ ܠܬܚܬ ܡܢ ܐܪܥܐ܂
05:09 [ai]ܠܐ ܬܣܓܘܕ ܠܗܘܢ ܘܠܐ ܬܦܠܘܚ ܐܢܘܢ܂ ܡܛܠ ܕܐܢܐ ܐܢܐ ܡܪܝܐ ܐܠܗܟ ܐܠܗܐ ܛܢܢܐ܂ ܦܪܥ ܚ̈ܘܒܐ ܕܐ̈ܒܗܐ ܥܠ ܒ̈ܢܝܐ܂ ܠܬܠܬܐ ܘܠܐܪ̈ܒܥܐ ܕܪ̈ܝܢ ܠܣ̈ܢܐܝ܂
05:10 [ai]ܘܥܿܒܕ ܐܢܐ ܛܝܒܘܬܐ \ܠܐ̈ܠܦܝ ܕܪ̈ܐ /ܠܐ̈ܠܦܐ ܕܕܪ̈ܐ#2#/܂ ܠܪ̈ܚܡܝ ܘܠܢܿܛܪ̈ܝ ܦܘܩ̈ܕܢܝ܀܀܂
05:11 [ai]ܠܐ ܬܐܡܐ ܒܫܡܗ ܕܡܪܝܐ ܐܠܗܟ ܒܕܓܠܘܬܐ܂ ܡܛܠ ܕܠܐ ܡܙܟܐ ܡܪܝܐ ܠܡܿܢ ܕܝܡܿܐ ܒܫܡܗ ܒܕܓܠܘܬܐ܂
05:12 [ai]ܛܪ ܝܘܡܐ ܕܫܒܬܐ ܘܩܕܫܝܗܝ܂ ܐܝܟ ܕܦܩܕܟ ܡܪܝܐ ܐܠܗܟ܂
05:13 [ai]ܫܬܐ ܝܘܡ̈ܝܢ ܬܦܠܘܚ ܘܬܥܒܕ ܟܠ ܥܒܿܕܟ܂
05:14 [ai]ܘܝܘܡܐ ܕܫܒܥܐ ܫܒܬܐ ܠܡܪܝܐ ܐܠܗܟ܂ ܠܐ ܬܥܒܕ ܒܗܿ ܟܠ ܥܒܿܕ ܐܢܬ ܘܒܪܟ ܘܒܪܬܟ ܘܥܒܕܟ ܘܐܡܬܟ ܘܬܘܪܟ ܘܚܡܪܟ ܘܟܘܠܗܿ ܒܥܝܪܟ܂ ܘܥܡܘܪܐ/ܘܥܒܘܪܐ#3#/ ܕܐܝܬ ܒܩܘܪ̈ܝܟ ܕܢܬܬܢܝܚ ܥܒܕܟ ܘܐܡܬܟ ܐܟܘܬܟ܂
05:15 [ai]ܘܐܬܕܟܪ ܕܥܒܕܐ ܗܘܝܬ ܒܡܨܪܝܢ܂ ܘܐܦܩܟ ܡܪܝܐ ܐܠܗܟ ܡܢ ܬܡܢ܂ ܒܐܝܕܐ ܬܩܝܦܬܐ ܘܒܕܪܥܐ ܪܡܐ܂ ܡܛܠ ܗܢܐ ܦܩܕܟ ܡܪܝܐ ܐܠܗܟ܂ ܠܡܛܪ ܝܘܡܐ ܕܫܒܬܐ܀
05:16 [ai]ܝܩܪ ܠܐܒܘܟ ܘܠܐܡܟ܂ ܐܝܟ ܕܦܩܕܟ ܡܪܝܐ ܐܠܗܟ܂ ܕܢܣܓܘܢ ܝܘܡ̈ܝܟ/ܝܘܡ̈ܬܟ#2#/ ܘܢܛܐܒ ܠܟ ܒܐܪܥܐ ܛܒܬܐ ܕܝܿܗܒ ܠܟ ܡܪܝܐ ܐܠܗܟ܂
05:17 [ai]ܠܐ ܬܩܛܘܠ܂
05:18 [ai]ܠܐ ܬܓܘܪ܂
05:19 [ai]ܠܐ ܬܓܢܘܒ܂
05:20 [ai]ܠܐ ܬܣܗܕ ܥܠ ܚܒܪܟ ܣܗܕܘܬܐ ܕܓܠܬܐ܂
05:21 [ai]ܠܐ ܬܪܓ ܐܢܬܬܗ ܕܚܒܪܟ܂ ܠܐ ܬܪܓ ܒܝܬܗ ܕܚܒܪܟ܂ ܘܠܐ ܚܩܠܗ ܘܠܐ ܟܪܡܗ܂ ܘܠܐ ܥܒܕܗ ܘܠܐ ܐܡܬܗ܂ ܘܠܐ ܬܘܪܗ ܘܠܐ ܚܡܪܗ܂ ܘܠܐ ܟܠ ܡܕܡ ܕܐܝܬ ܠܚܒܪܟ܂
05:22 [ai]ܗܠܝܢ ‍<‍ܟܠܗܘܢ#3#‍>‍ ܦܬ̈ܓܡܐ ܡܠܠ ܡܪܝܐ ܥܡ ܟܠܗܿ ܟܢܘܫܬܐ ܒܛܘܪܐ ܡܢ ܓܘ ܢܘܪܐ܂ ܒܥܢܢܐ ܘܒܥܪܦܠܐ܂ ܘܒܩܠܐ ܪܒܐ/ܪܡܐ#3#/ ܕܠܝܬ ܠܗ ܣܟܐ܂ ܘܟܬܒ ܐܢܘܢ ܥܠ ܬܪ̈ܬܝܢ ܠܘܚ̈ܐ ܕܟܐܦܐ܂ ܘܝܗܒ ܐܢܘܢ ܠܝ܂
05:23 [ai]ܘܟܕ ܫܡܥܬܘܢ ܩܠܐ ܡܢ ܓܘ ܚܫܘܟܐ܂ ܘܛܘܪܐ ܡܬܓܘܙܠ ܗܘܐ ܒܢܘܪܐ ܩܪܒܬܘܢ ܠܘܬܝ ܟܠܟܘܢ ܪܝܫܐ ܕܫ̈ܒܛܝܟܘܢ ܘܣ̈ܒܝܟܘܢ܂
05:24 [ai]ܘܐܡܪܬܘܢ܂ ܗܐ ܚܘܝܢ ܡܪܝܐ ܐܠܗܢ ܫܘܒܚܗ ܘܪܒܘܬܗ܂ ܘܩܠܗ ܫܡܥܢ ܡܢ ܓܘ ܢܘܪܐ܂ ܝܘܡܢܐ ܚܼܙܝܢ ܕܡܠܠ ܐܠܗܐ/ܡܪܝܐ#3#/ ܥܡ ܐܢܫܐ ܘܚܝܼܐ܂
05:25 [ai]ܡܟܝܠ ܠܡܢܐ ܡܿܝܬܝܢܢ܂ ܘܬܐܟܠܢ ܢܘܪܐ ܗܕܐ ܪܒܬܐ܂ ܐܢ ܡܘܣܦܝܢܢ ܬܘܒ ܠܡܫܡܥ ܩܠܗ ܕܡܪܝܐ ܐܠܗܢ ܡܿܝܬܝܢܢ܂
05:26 [ai]ܡܢܘ ܓܝܪ ܒܪ ܒܣܪܐ ܕܐܟܘܬܢ ܕܫܡܥ ܩܠܗ ܕܐܠܗܐ ܚܝܐ ܕܡܡܠܠ ܡܢ ܓܘ ܢܘܪܐ ܘܚܝܼܐ܂
05:27 [ai]ܩܪܘܒ ܐܢܬ ܘܫܡܥ ܟܠܡܕܡ ܕܐܿܡܪ ܠܟ ܡܪܝܐ ܐܠܗܢ܂ ܘܐܢܬ ܐܡܼܪ ܠܢ ܟܠ ܡܕܡ ܕܐܿܡܪ ܠܟ ܡܪܝܐ ܐܠܗܢ܂ ܘܢܫܡܥ ܘܢܥܒܕ܂
05:28 [ai]ܘܫܡܥ ܡܪܝܐ ܩܠܐ ܕܦܬ̈ܓܡܝܟܘܢ ܐܝܟ ܕܐܡܪܬܘܢ ܠܝ܂ ܘܐܡܪ ܠܝ ܡܪܝܐ܂ ܫܡܿܥܬ ܩܠܗ ܕܥܡܐ ܗܢܐ ܘܦܬ̈ܓܡܐ ܕܐܡܪܘ ܠܟ܂ ܫܦܝܪ ܟܠܡܕܡ ܕܡܠܠܘ܂
05:29 [ai]ܐܫܬܘܦ ܕܝܢ ܢܗܘܐ ܠܗܘܢ ܠܒܐ ܗܢܐ܂ ܠܡܕܚܠ ܩܕܡܝ܂ ܘܠܡܛܪ ܟܠܗܘܢ ܦܘܿܩ̈ܕܢܝ ܟܠܗܘܢ ܝܘܡ̈ܬܐ܂ ܕܢܛܐܒ ܠܗܘܢ ܘܠܒܢ̈ܝܗܘܢ ܠܥܠܡ܂
05:30 [ai]ܙܠ ܘܐܡܪ ܠܗܘܢ܂ ܐܬܦܢܘ ܠܟܘܢ ܠܡܫ̈ܟܢܝܟܘܢ܂
05:31 [ai]ܘܐܢܬ ܗܪܟܐ ܩܘܡ ܩܕܡܝ܂ ܘܐܿܡܪ ܠܟ ܟܠܗܘܢ ܦܘܩ̈ܕܢܝ ܘܢܡ̈ܘܣܝ ܘܕܝ̈ܢܝ܂ ܕܬܠܦ ܐܢܘܢ ܘܢܥܒܕܘܢ ܒܐܪܥܐ ܕܝܿܗܒ ܐܢܐ ܠܗܘܢ ܠܡܐܪܬܗܿ܂
05:32 [ai]ܛܪܘ ܘܥܒܕܘ ܐܝܟ/ܐܝܟܢܐ#3#/ ܕܦܩܕܟܘܢ ܡܪܝܐ ܐܠܗܟܘܢ܂ ܘܠܐ ܬܣܛܘܢ ܠܐ ܠܝܡܝܢܐ ܘܠܐ ܠܣܡܠܐ܂
05:33 [ai]ܒܟܠܗܿ ܐܘܪܚܐ ܕܦܩܕܟܘܢ ܡܪܝܐ ܐܠܗܟܘܢ܂ ܙܠܘ ܕܬܚܘܢ ܘܢܛܐܒ ܠܟܘܢ܂ ܘܬܣܓܘܢ ܝܘܡ̈ܬܐ ܒܐܪܥܐ ܕܬܐܪܬܘܢ܂

next chapter