← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܗܠܝܢ ܦܘܩ̈ܕܢܐ ܘܢܡ̈ܘܣܐ ܘܕܝ̈ܢܐ܂ ܕܦܩܕܢܝ ܡܪܝܐ ܐܠܗܟܘܢ ܕܐܠܦܟܘܢ܂ ܕܬܥܒܕܘܢ ܒܐܪܥܐ ܕܥܿܐܠܝܢ ܐܢܬܘܢ ܠܗܿ ܠܡܐܪܬܗܿ܂
06:02 [ai]ܘܬܕܚܠܘܢ ܡܢ ܡܪܝܐ ܐܠܗܟܘܢ ܘܬܛܪܘܢ ܟܠܗܘܢ ܦܘܩ̈ܕܢܘܗܝ ܘܢܡ̈ܘܣܘܗܝ ܘܕܝ̈ܢܘܗܝ ܕܡܦܩܕ ܐܢܐ ܠܟ܂ ‍<‍ܝܘܡܢܐ#2#‍>‍ ܐܢܬ ܘܒܪܟ ܘܒܪ ܒܪܟ܂ ܟܠܗܘܢ ܝܘܡ̈ܝ ܚܝ̈ܝܟ܂ ܕܢܣܓܘܢ ܝܘܡ̈ܬܟ܂
06:03 [ai]\ܫܡܥ ܐܝܣܪܝܠ ܘܛܪ ܘܥܒܕ /ܫܡܥܘ ܐܝܣܪܐܝܠ ܘܛܪܘ ܘܥܒܕܘ#2#/ ܕܢܛܐܒ ܠܟ ܘܬܣܓܐ ܛܒ܂ ܐܝܟ ܕܐܡܪ ܠܟ ܡܪܝܐ ܐܠܗܐ ܕܐ̈ܒܗܝܟ܂ ܕܢܬܠ ܠܟ ܐܪܥܐ ܕܡܪܕܝܐ ܚܠܒܐ ܘܕܒܫܐ܂
06:04 [ai]ܫܡܥ ܐܝܣܪܝܠ܂ ܡܪܝܐ ܐܠܗܢ ܡܪܝܐ ܚܕ ܗܘ܂
06:05 [ai]ܪܚܡ ܠܡܪܝܐ ܐܠܗܟ܂ ܡܢ ܟܠܗ ܠܒܟ ‍<‍ܘܡܢ ܟܠܗ ܚܝܠܟ#3#‍>‍ ܘܡܢ ܟܠܗܿ ܢܦܫܟ ‍<‍ܘܡܢ ܟܘܠܗ ܚܝܠܟ#3#‍>‍܂ ܘܡܢ ܟܠܗ ܩܢܝܢܟ܂
06:06 [ai]ܘܢܗܘܘܢ ܗܠܝܢ ܦܬ̈ܓܡܐ ܕܡܦܩܕ ܐܢܐ ܠܟ ܝܘܡܢܐ ܥܠ ܠܒܟ܂
06:07 [ai]ܘܬܢܐ ܐܢܘܢ ܠܒܢ̈ܝܟ܂ ܘܡܠܠ ܒܗܘܢ ܡܐ ܕܝܿܬܒ ܐܢܬ ܒܒܝܬܟ܂ ܘܡܐ ܕܐܿܙܠ ܐܢܬ ܒܐܘܪܚܐ܂ ܘܡܐ ܕܕܡܿܟ ܐܢܬ ܘܡܐ ܕܩܿܐܡ ܐܢܬ܂
06:08 [ai]ܘܩܛܘܪ ܐܢܘܢ ܐܬܐ ܥܠ ܐܝܕܟ܂ ܘܢܗܘܘܢ ܪܘܫܡܐ ܒܝܬ ܥܝ̈ܢܝܟ܂
06:09 [ai]ܘܟܬܘܒ ܐܢܘܢ ܥܠ ܐ̈ܣܟܦܬܐ ܕܒܬ̈ܝܟ܂ ܘܥܠ ܬܪ̈ܥܝܟ܂
06:10 [ai]ܘܡܐ ܕܐܥܠܟ ܡܪܝܐ ܐܠܗܟ ܠܐܪܥܐ ܕܝܡܐ ܠܐ̈ܒܗܝܟ ܠܡܬܠ ܠܗܘܢ܂ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܠܡܬܠ ܠܟ ܩܘܪ̈ܝܐ ܕܪ̈ܘܪܒܢ ܘܛܒ̈ܢ ܕܠܐ ܒܢܼܝܬ܂
06:11 [ai]ܘܒܬ̈ܐ ܕܡܠܝܢ ܟܠ ܛܒ̈ܬܐ ܕܠܐ ܡܠܼܝܬ܂ ܘܓܘܒ̈ܐ ܚܦܝܪ̈ܐ ܕܠܐ ܚܦܪܬ܂ ܘܟܪ̈ܡܐ ܘܙܝ̈ܬܐ ܕܠܐ ܢܨܒܬ܂ ܘܬܐܟܘܠ ܘܬܣܒܥ܂
06:12 [ai]ܐܙܕܗܪ ܕܠܐ/ܕܠܡܐ#2#/ ܬܛܥܐ ܠܡܪܝܐ ܐܠܗܟ܂ ܕܐܦܩܟ ܡܢ ܐܪܥܐ ܕܡܨܪܝܢ܂ ܡܢ ܒܝܬ ܥܒܕܘܬܐ܂
06:13 [ai]ܠܡܪܝܐ ܐܠܗܟ ܕܚܠ܂ ܘܠܗ ܦܠܘܚ܂ ܘܒܫܡܗ ܝܡܝ܂
06:14 [ai]ܠܐ ܬܐܙܠܘܢ ܒܬܪ ܐ̈ܠܗܐ ܐܚܪ̈ܢܐ ܕܥܡ̈ܡܐ ܕܒܚܕܪ̈ܝܟܘܢ܂
06:15 [ai]ܡܛܠ ܕܐܠܗܐ ܗܘ ܛܢܢܐ ܡܪܝܐ ܐܠܗܟ ܒܓܘܟ܂ ܕܠܐ ܢܬܚܡܬ ܪܘܓܙܗ ܕܡܪܝܐ ܐܠܗܟ ܥܠܝܟ ܘܢܘܒܕܟ ܡܢ \ܐ̈ܦܝܗܿ ܕܐܪܥܐ /ܐ̈ܦܝ ܐܪܥܐ#2#/܂
06:16 [ai]ܠܐ ܬܢܣܘܢ ܠܡܪܝܐ ܐܠܗܟܘܢ܂ ܐܝܟ ܕܢܣܝܬܘܢ ܒܢܣ̈ܝܘܢܐ܂
06:17 [ai]ܐܠܐ ܛܪܘ ܦܘܩ̈ܕܢܘܗܝ ܕܡܪܝܐ ܐܠܗܟܘܢ܂ ܘܣ̈ܗܕܘܬܗ ܘܢܡ̈ܘܣܘܗܝ ܕܦܩܕܟ܂
06:18 [ai]ܘܥܒܕ ܕܫܦܝܪ ܘܬܪܝܨ ܩܕܡ ܡܪܝܐ ܐܠܗܟ ܕܢܛܐܒ ܠܟ܂ ܘܬܥܘܠ ܘܬܐܪܬ ܐܪܥܐ ܛܒܬܐ ܕܐܝܡܐ ܡܪܝܐ ܠܐ̈ܒܗܝܟ܂
06:19 [ai]ܘܢܬܒܪ ܠܟܠܗܘܢ ܒ̈ܥܠܕܒܒܝܟ܂ ܡܢ ܩܕܡܝܟ܂ ܐܝܟ ܕܐܡܪ ܡܪܝܐ܂
06:20 [ai]ܘܟܕ ܢܫܐܠܟ ܒܪܟ ܡܚܪ ܘܢܐܡܪ ܠܟ܂ ܡܢܐ ܗܝ ܣܗܕܘܬܐ ܘܢܡ̈ܘܣܐ ܘܕܝ̈ܢܐ ܕܦܩܕܟܘܢ ܡܪܝܐ ܐܠܗܢ܂
06:21 [ai]ܐܡܪ ܠܒܪܟ܂ ܕܥܒ̈ܕܐ ܗ̈ܘܝܢ ܕܦܪܥܘܢ ܒܡܨܪܝܢ܂ ܘܐܦܩܢ ܡܪܝܐ ܡܢ ܡܨܪܝܢ܂ ܒܐܝܕܐ ܬܩܝܦܬܐ܂
06:22 [ai]ܘܥܒܕ ܡܪܝܐ ܐ̈ܬܘܬܐ ܘܬܕܡܪ̈ܬܐ ܪ̈ܘܪܒܬܐ ܘܒܝ̈ܫܬܐ/ܘܥܫܝ̈ܢܬܐ#2#/ܘܦܪ̈ܝܫܬܐ#3#/ ܒܡܨܪܝܢ܂ ܒܦܪܥܘܢ ܘܒܟܠܗ ܚܝܠܗ/ܒܝܬܗ#3#/܂ ܠܥ‍<‍ܝ‍>‍ܢܝ̈ܢ܂
06:23 [ai]ܘܠܢ ܐܦܩܢ ܡܪܝܐ ܡܢ ܬܡܢ/ܡܨܪܝܢ#3#/܂ ܕܢܥܠܢ ܘܢܬܠ ܠܢ ܐܪܥܐ ܕܝܡܐ ܠܐ̈ܒܗܝܢ܂
06:24 [ai]ܘܦܩܕܢ ܡܪܝܐ ‍<‍ܐܠܗܢ#3#‍>‍ ܠܡܥܒܕ ܗܠܝܢ ܟܠܗܘܢ ܢܡ̈ܘܣܐ܂ ܠܡܕܚܠ ܡܢ ܩܕܡ ܡܪܝܐ ܐܠܗܢ܂ ܕܢܛܐܒ ܠܢ ܟܠܗܘܢ ܝܘܡ̈ܬܐ܂ ܘܢܚܝܢ ܐܝܟ ܕܝܘܡܢܐ܂
06:25 [ai]ܘܙܕܝܩܘܬܐ ܬܗܘܐ ܠܢ ܡܐ ܕܢܛܪܢ ܘܥܒܕܢ ܟܠܗ ܗܢܐ ܦܘܩܕܢܐ ܩܕܡ ܡܪܝܐ ܐܠܗܢ ܐܝܟ ܕܦܩܕܢ܂

next chapter