← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܘܡܐ/ܘܡܢ#3#/ ܕܐܥܠܟ ܡܪܝܐ ܐܠܗܟ ܠܐܪܥܐ ܕܥܿܐܠ ܐܢܬ ܠܬܡܢ ܠܡܐܪܬܗܿ܂ ܘܢܘܒܕ ܥܡ̈ܡܐ ܣ̈ܓܝܐܐ ܡܢ ܩܕܡܝܟ܂ ܚ̈ܬܝܐ ܘܓܪ̈ܓܘܣܝܐ܂ ܘܐܡܘܪ̈ܝܐ ܘܟܢ̈ܥܢܝܐ܂ ܘܦܪ̈ܙܝܐ ܘܚ̈ܘܝܐ ܘܝܒ̈ܘܣܝܐ܂ ܫܒܥܐ ܥܡ̈ܡܝܢ ܕܣ̈ܓܝܐܝܢ ܘܥܫܝ̈ܢܝܢ ܡܢܟ܂
07:02 [ai]ܘܢܫܠܡ ܐܢܘܢ ܡܪܝܐ ܐܠܗܟ ܩܕܡܝܟ܂ ܘܬܡܚܘܢ ܐܢܘܢ ܘܡܚܪܡܘ ܬܚܪܡܘܢ ܐܢܘܢ܂ ܠܐ ܬܩܝܡܘܢ ܥܡܗܘܢ ܩܝܡܐ܂ ܘܠܐ ܬܪܚܡܘܢ ܥܠܝܗܘܢ܂
07:03 [ai]ܘܠܐ ܬܬܚܬܢܘܢ ܠܗܘܢ ܒܢ̈ܬܟܘܢ ܠܐ ܬܬܠܘܢ ܠܒܢ̈ܝܗܘܢ܂ ܘܒܢ̈ܬܗܘܢ ܠܐ ܬܣܒܘܢ ܠܒܢ̈ܝܟܘܢ܂
07:04 [ai]ܕܠܐ ܢܣ̈ܛܝܢ ܠܒܢ̈ܝܟܘܢ ܡܢܝ܂ ܘܢܦܠܚܘܢ ܠܐ̈ܠܗܐ ܐܚܪ̈ܢܐ܂ ܘܢܬܚܡܬ ܪܘܓܙܗ ܕܡܪܝܐ ܥܠܝܟܘܢ܂ ܘܢܘܒܕܟܘܢ ܒܥܓܠ܂
07:05 [ai]ܐܠܐ ܗܟܢܐ ܥܒܕܘ ܠܗܘܢ ܡܕܒܚ̈ܝܗܘܢ ܥܩܪܘ܂ ܘܩܝܡ̈ܬܗܘܢ ܬܒܪܘ܂ ܘܚܫ̈ܠܬܗܘܢ ܓܕܡܘ܂ ܘܓܠܝܦܝ̈ܗܘܢ ܐܘܩܕܘ ܒܢܘܪܐ܂
07:06 [ai]ܡܛܠ ܕܥܡܐ ܐܢܬ ܩܕܝܫܐ ܠܡܪܝܐ ܐܠܗܟ܂ ܘܠܟ ܓܒܐ ܡܪܝܐ ܐܠܗܟ ܕܬܗܘܐ ܠܗ ܥܡܐ ܚܒܝܒܐ܂ ܡܢ ܟܠܗܘܢ ܥܡ̈ܡܐ ܕܥܠ ܐ̈ܦܝ ‍<‍ܟܠܗܿ#3#‍>‍ ܐܪܥܐ܂
07:07 [ai]ܠܐ ܗܘܐ ܡܛܠ ܕܣ̈ܓܝܐܝܢ ܐܢܬܘܢ ܡܢ ܟܠܗܘܢ ܥܡ̈ܡܐ܂ \ܨܒܐ ܒܟܘܢ ܡܪܝܐ ܘܓܒܟܘܢ ܡܛܠ ܕܐܢܬܘܢ ܙܥܘܪܝܢ ܐܢܬܘܢ ܡܢ ܟܠܗܘܢ ܥܡ̈ܡܐ /#2#/܂
07:08 [ai]ܐܠܐ ܡܛܠ ܕܪܚܿܡ ܠܟܘܢ ܡܪܝܐ܂ ܘܕܢܩܝܡ ܡܘܡ̈ܬܐ ܕܝܡܼܐ ܠܐ̈ܒܗܝܟܘܢ ܐܦܩܟܘܢ ܡܪܝܐ ܒܐܝܕܗ ܬܩܝܦܬܐ܂ ܘܦܪܩܟܘܢ ܡܢ ܒܝܬ ܥܒܕܘܬܐ܂ ܡܢ ܐܝܕܗ ܕܦܪܥܘܢ ܡܠܟܐ ܕܡܨܪܝܢ܂
07:09 [ai]ܘܕܬܕܥ ܕܡܪܝܐ ܐܠܗܟ ܗܘܝܘ ܐܠܗܐ܂ ܐܠܗܐ ܡܗܝܡܢܐ܂ ܢܿܛܪ ܩܝܡܐ ܘܛܝܒܘܬܐ ܠܪ̈ܚܡܘܗܝ/ܠܕܚ̈ܠܘܗܝ#3#/ ܘܠܢܿܛܪ̈ܝ ܦܘܩ̈ܕܢܘܗܝ܂ ܠܐܠܦ ܕܪ̈ܝܢ܂
07:10 [ai]ܘܦܪܥ ܠܣܢܐ̈ܘܗܝ ܒܚܝ̈ܝܗܘܢ ܦܪܥ ܠܗܘܢ ܕܢܘܒܕ ܐܢܘܢ ܠܐ ܢܿܛܪ ܠܣܢܐ̈ܘܗܝ܂ ܐܠܐ ܒܚܝ̈ܝܗܘܢ ܦܪܥ ܠܗܘܢ܂
07:11 [ai]ܛܪܘ ܦܘܩ̈ܕܢܐ ܘܢܡ̈ܘܣܐ ܘܕܝ̈ܢܐ ܕܡܦܩܕ ܐܢܐ ܠܟܘܢ ܝܘܡܢܐ܂ ܘܥܒܕܘ ܐܢܘܢ܂
07:12 [ai]ܐܢ ܬܫܡܥܘܢ ܕܝ̈ܢܐ ܗܠܝܢ܂ ܘܬܛܪܘܢ ܐܢܘܢ ܘܬܥܒܕܘܢ ܐܢܘܢ܂ ܢܛܪ ܠܟ ܡܪܝܐ ܐܠܗܟ ܩܝܡܐ ܘܛܝܒܘܬܐ ܕܝܡܐ ܠܐ̈ܒܗܝܟ܂
07:13 [ai]ܘܢܪܚܡܟ ܘܢܒܪܟܟ ܘܢܣܓܝܟ܂ ܘܢܒܪܟ ܦܐܪ̈ܐ ܕܟܪܣܟ ܘܦܐܪ̈ܐ ܕܐܪܥܟ܂ ܘܥܒܘܪܟ ܘܚܡܪܟ ܘܡܫܚܟ܂ ܘܒܩܪ̈ܐ ܕܬܘܪ̈ܝܟ ܘܓܙܪ̈ܐ ܕܥܢܟ܂ ܒܐܪܥܐ ܕܝܡܐ ܠܐ̈ܒܗܝܟ ܠܡܬܠ ܠܟ܂
07:14 [ai]ܒܪܝܟ ܬܗܘܐ ܡܢ ܟܠ ܥܡ̈ܡܝܢ܂ ܠܐ ܢܗܘܐ ܒܟ ܕܥܩܪ ܘܕܥܩܪܐ܂ ܘܐܦܠܐ ܒܒܥܝܪܟ܂
07:15 [ai]ܘܢܥܒܪ ܡܪܝܐ ܡܢܟ ܟܠ ܟܐܒ܂ ܘܟܘܠܗܝܢ ܡܚ̈ܘܬܐ ܒܝ̈ܫܬܐ ܕܡܨܪ̈ܝܐ ܕܝܿܕܥ ܐܢܬ܂ ܠܐ ܢܝܬܐ ܐ̈ܢܝܢ ܥܠܝܟ܂ ܐܠܐ ܢܝܬܐ ܐ̈ܢܝܢ ܥܠ ܟܠܗܘܢ ܣܢܐ̈ܝܟ܂
07:16 [ai]ܘܬܐܟܘܠ ܠܟܠܗܘܢ ܥܡ̈ܡܐ ܕܝܿܗܒ ܠܟ ܡܪܝܐ ܐܠܗܟ܂ ܘܠܐ ܬܚܘܣ ܥܝܢܟ ܥܠܝܗܘܢ܂ ܘܠܐ ܬܦܠܘܚ ܠܐ̈ܠܗܝܗܘܢ܂ ܡܛܠ ܕܦܚ̈ܐ ܐܢܘܢ ܠܟ܂
07:17 [ai]ܘܐܢ ܬܐܡܪ ܒܠܒܟ ܕܣ̈ܓܝܐܝܢ ܐܢܘܢ ܗܠܝܢ ܥܡ̈ܡܐ ܡܢܝ܂ ܐܝܟܢܐ ܡܫܟܚ ܐܢܐ ܕܐܘܒܕ ܐܢܘܢ܂
07:18 [ai]ܠܐ ܬܕܚܠ ܡܢܗܘܢ܂ ܐܠܐ ܐܬܕܟܪ ܟܠ ܡܕܡ ܕܥܒܕ ܡܪܝܐ ܐܠܗܟ ܠܦܪܥܘܢ ܘܠܟܠܗܿ ܡܨܪܝܢ܂
07:19 [ai]ܢܣ̈ܝܘܢܐ ܪ̈ܘܪܒܐ ܕܚ̈ܙܝ ܥܝ̈ܢܝܟ܂ ܐ̈ܬܘܬܐ ܘܬܕܡܪ̈ܬܐ܂ ܘܐܝܕܐ ܬܩܝܦܬܐ ܘܕܪܥܐ ܪܡܐ܂ ܘܐܦܩܟ ܡܪܝܐ ܐܠܗܟ܂ ܗܟܢܐ ܢܥܒܕ ܡܪܝܐ ܐܠܗܟ ܠܟܠܗܘܢ ܥܡ̈ܡܐ܂ ܕܕܚܿܠ ܐܢܬ ܡܢ ܩܕܡܝܗܘܢ܂
07:20 [ai]ܘܐܦ ܕܒܘܪ̈ܝܬܐ ܢܓܪܐ ܡܪܝܐ ܐܠܗܟ ܒܗܘܢ܂ ܥܕܡܐ ܕܢܐܒܕܘܢ܂ ܘܐܝܠܝܢ ܕܡܫܬܚܪܝܢ ܘܐܝܠܝܢ ܕܛܿܫܝܢ ܡܢ ܩܕܡܝܟ܂
07:21 [ai]ܠܐ ܬܕܚܠ ܡܢܗܘܢ܂ ܡܛܠ ܕܡܪܝܐ ܐܠܗܟ ܒܓܘܟ܂ ܐܠܗܐ ܪܒܐ ܘܕܚܝܠܐ܂
07:22 [ai]ܘܢܘܒܕ ‍<‍ܐܢܘܢ#2#‍>‍ ܡܪܝܐ ܐܠܗܟ ܠܗܠܝܢ ܥܡ̈ܡܐ ܡܢ ܩܕܡܝܟ܂ ܒܩܠܝܠ ܩܠܝܠ܂ ܠܐ ‍<‍ܓܝܪ#2#‍>‍ ܡܫܟܚ ܐܢܬ ܕܬܘܒܕ ܐܢܘܢ ܒܥܓܠ܂ ܕܠܐ ܬܣܓܐ ܥܠܝܟ ܚܝܘܬ ܒܪܐ܂
07:23 [ai]ܘܢܫܠܡ ܐܢܘܢ ܡܪܝܐ ܐܠܗܟ ܩܕܡܝܟ܂ ܘܬܡܚܐ ܐܢܘܢ ܡܚܘܬܐ ܪܒܬܐ܂ ܥܕܡܐ ܕܬܘܒܕ ܐܢܘܢ܂
07:24 [ai]ܘܢܫܠܡ ܡ̈ܠܟܝܗܘܢ ܒܐ̈ܝܕܝܟ܂ ܘܬܘܒܕ ܫܡܗܘܢ ܡܢ ܬܚܝܬ ܫܡܝܐ܂ ܘܠܐ ܢܩܘܡ ܐܢܫ ܩܕܡܝܟ ܥܕܡܐ ܕܬܘܒܕ ܐܢܘܢ܂
07:25 [ai]ܓ̈ܠܝܦܐ ܕܐ̈ܠܗܝܗܘܢ ܬܘܩܕܘܢ ܒܢܘܪܐ܂ ܘܠܐ ܬܪܓ ܣܐܡܐ ܘܕܗܒܐ܂ ܕܐܝܬ ܒܗܘܢ܂ ܘܬܣܒ ܠܟ܂ ܕܠܐ ܬܬܛܡܐ ܒܗ܂ ܡܛܠ ܕܡܣܠܝ ܗܘ ܩܕܡ ܡܪܝܐ ܐܠܗܟ܂
07:26 [ai]ܠܐ ܬܥܠ ܛܢܦܘܬܐ ܠܒܝܬܟ܂ ܕܠܐ ܬܗܘܐ ܚܪܡ ܐܟܘܬܗ܂ ܐܠܐ ܡܣܠܝܘ ܐܣܠܝܗܝ ܘܡܛܢܦܘ ܛܢܦܝܗܝ܂ ܡܛܠ ܕܚܪܡܐ ܗܘ܂

next chapter