← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܟܠܗܘܢ ܦܘܩ̈ܕܢܐ ܕܡܦܩܕ ܐܢܐ ܠܟܘܢ ܝܘܡܢܐ ܛܪܘ܂ ܘܥܒܕܘ ܐܢܘܢ܂ \ܕܬܚܘܢ ܘܬܣܓܘܢ /ܘܬܣܓܘܢ ܘܬܐܚܘܢ#2#/ ܘܬܥܠܘܢ ܘܬܐܪܬܘܢ ܐܪܥܐ ܕܝܡܐ ܡܪܝܐ ܠܐ̈ܒܗܝܟܘܢ܂
08:02 [ai]ܘܬܬܕܟܪܘܢ ܟܠܗܿ ܐܘܪܚܐ ܕܕܒܪܟܘܢ ܡܪܝܐ ܐܠܗܟܘܢ܂ ܗܐ ܐܪ̈ܒܥܝܢ ܫܢ̈ܝܢ ܒܡܕܒܪܐ܂ ܕܢܡܟܟܘܢ ܘܢܢܣܝܟܘܢ܂ ܘܕܢܕܥ ܡܐ ܕܐܝܬ ܒܠܒܟܘܢ܂ ܐܢ ܢܿܛܪܝܢ ܐܢܬܘܢ ܦܘܩ̈ܕܢܘܗܝ ܘܐܢ/ܐܘ#3#/ ܠܐ܂
08:03 [ai]ܘܡܟܟܟ ܘܐܟܦܢܟ ܘܐܘܟܠܟ ܡܢܢܐ ܕܠܐ ܝܕܥܬ ܘܠܐ ܝܕܥܘܗܝ ܐ̈ܒܗܝܟ܂ ܕܢܚܘܝܟ ܕܠܐ ܗܘܐ ܒܠܚܡܐ ܒܠܚܘܕ ܚܝܿܐ ܒܪ ܐܢܫܐ܂ ܐܠܐ ܒܟܠ ܡܕܡ ܕܡܦܩ ܦܘܡܗ ܕܡܪܝܐ ܚܝܿܐ ܐܢܫܐ܂
08:04 [ai]ܢܚ̈ܬܝܟ ܠܐ ܒܠܝܘ ܡܢܟ܂ ܘܪ̈ܓܠܝܟ ܠܐ ܐܢܚܦ܂ ܗܐ ܐܪ̈ܒܥܝܢ ܫ̈ܢܝܢ܂
08:05 [ai]ܘܕܬܕܥ ܒܠܒܟ ܕܐܝܟ ܕܪܕܐ ܓܒܪܐ ܠܒܪܗ܂ ܗܟܢܐ ܪܕܐ ܠܟ ܡܪܝܐ ܐܠܗܟ܂
08:06 [ai]ܛܪܘ ܦܘܩ̈ܕܢܘܗܝ ܕܡܪܝܐ ܐܠܗܟ܂ ܘܗܠܟ ܒܐܘܪ̈ܚܬܗ ܘܕܚܠ ܡܢܗ܂
08:07 [ai]ܡܛܠ ܕܡܪܝܐ ܐܠܗܟ ܡܥܠ ܠܟ ܠܐܪܥܐ ܛܒܬܐ܂ ܐܪܥܐ ܕܪ̈ܓܠܬܐ ܕܡ̈ܝܐ ܘܡܒ̈ܘܥܐ ܘܬܗܘ̈ܡܐ ܕܢܿܦܩܝܢ ܒܦܩ̈ܥܬܐ܂ ܘܒܛܘܪ̈ܐ܂
08:08 [ai]ܐܪܥܐ ܕܚ̈ܛܐ ܘܕܣܥܪ̈ܐ܂ ܘܕܓܘܦ̈ܢܐ ܘܕܬܐ̈ܢܐ ܘܕܪ̈ܘܡܢܐ܂ ܐܪܥܐ ܕܙܝ̈ܬܐ ܘܕܡܫܚܐ ܘܕܕܒܫܐ܂
08:09 [ai]ܐܪܥܐ ܕܠܐ ܒܡܣܟܢܘܬܐ ܬܐܟܘܠ ܒܗܿ ܠܚܡܐ܂ ܘܠܐ ܢܚܣܪ ܠܟ ܒܗܿ ܡܕܡ܂ ܐܪܥܐ ܕܟܐ̈ܦܝܗܿ ܦܪܙܠܐ܂ ܘܡܢ ܛܘܪ̈ܝܗܿ ܬܦܣܘܠ ܢܚܫܐ܂
08:10 [ai]ܘܬܐܟܘܠ ܘܬܣܒܥ܂ ܘܬܒܪܟ ܠܡܪܝܐ ܐܠܗܟ ܒܐܪܥܐ ܛܒܬܐ ܕܝܿܗܒ ܠܟ܂
08:11 [ai]ܐܙܕܗܪ ܠܟ ܕܠܡܐ ܬܛܥܐ ܠܡܪܝܐ ܐܠܗܟ܂ ܐܠܐ ܛܪ ܦܘܩ̈ܕܢܘܗܝ ܘܕܝ̈ܢܘܗܝ ܘܢܡ̈ܘܣܘܗܝ ܕܡܦܩܕ ܐܢܐ ܠܟ ܝܘܡܢܐ܂
08:12 [ai]ܕܠܐ ܟܕ ܬܐܟܘܠ ܘܬܣܒܥ܂ ܘܒܬ̈ܐ ܫܦܝܪ̈ܐ ܬܒܢܐ ܘܬܬܒ܂
08:13 [ai]ܘܥܢܟ ܘܬܘܪ̈ܝܟ ܢܣܓܘܢ܂ ܘܣܐܡܐ ܘܕܗܒܐ ܢܣܓܐ ܠܟ܂ ܘܟܠ ܕܐܝܬ ܠܟ ܢܣܓܐ܂
08:14 [ai]ܢܬܬܪܝܡ ܠܒܟ ܘܬܛܥܐ ܠܡܪܝܐ ܐܠܗܟ ܕܐܦܩܟ ܡܢ \ܐܪܥܐ ܕܡܨܪܝܢ /ܡܨܪܝܢ#3#/ ܡܢ ܒܝܬ ܥܒܕܘܬܐ܂
08:15 [ai]ܘܕܒܪܟ ܒܡܕܒܪܐ ܪܒܐ ܘܕܚܝܠܐ܂ ܐܬܪ ܕܚ̈ܘܘܬܐ ܚܪ̈ܡܢܐ ܘܥܩܪ̈ܒܐ ܘܒܝܬ ܨܗ̈ܘܢܐ܂ ܐܬܪ ܕܠܝܬ ܡ̈ܝܐ܂ ܐܦܩ ܠܟ ܡ̈ܝܐ ܡܢ ܟܐܦܐ ܕܛܪܢܐ܂
08:16 [ai]ܘܐܘܟܠܟ ܡܢܢܐ ܒܡܕܒܪܐ ܕܠܐ ܝܕܥܘܗܝ ܐ̈ܒܗܝܟ܂ ܕܢܡܟܟܟ ܘܢܢܣܝܟ ܘܢܛܐܒ ܠܟ ܒܚܪܬܟ/ܒܐܚܪܝܬܟ#2#/܂
08:17 [ai]ܘܬܐܡܪ ܒܠܒܟ܂ ܕܒܚܝܠܝ ܘܒܥܘܫܢܐ ܕܐ̈ܝܕܝ ܩܿܢܝܬ ܠܝ ܗܠܝܢ ܢܟ̈ܣܐ܂
08:18 [ai]ܐܬܕܟܪ ܠܡܪܝܐ ܐܠܗܟ܂ ܕܗܘܝܘ ܝܿܗܒ ܠܟ ܚܝܠܐ ܕܬܩܢܐ ܢܟ̈ܣܐ܂ ܕܢܩܝܡ ܩܝܡܗ ܕܝܡܐ ܠܐ̈ܒܗܝܟ ܐܝܟ ܕܝܘܡܢܐ܂
08:19 [ai]ܘܐܢ ܬܛܥܐ ܠܡܪܝܐ ܐܠܗܟ܂ ܘܬܐܙܠ ܒܬܪ ܐ̈ܠܗܐ ܐܚܪ̈ܢܐ܂ ܘܬܦܠܘܚ ܐܢܘܢ ܘܬܣܓܘܕ ܠܗܘܢ܂ ܣܿܗܕܬ ܒܟܘܢ ܝܘܡܢܐ ܕܡܐܒܕ ܐܿܒܕܝܢ ܐܢܬܘܢ܂
08:20 [ai]ܐܝܟ ܥܡ̈ܡܐ ܕܐܘܒܕ ܡܪܝܐ ܡܢ ܩܕܡܝܟܘܢ܂ ܗܟܢܐ ܐܿܒܕܝܢ ܐܢܬܘܢ ܐܠܐ ܫܿܡܥܝܢ ܐܢܬܘܢ ܒܩܠܗ ܕܡܪܝܐ ܐܠܗܟܘܢ܂

next chapter