← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܫܡܥ ܐܝܣܪܝܠ܂ ܐܢܬ ܥܿܒܪ ܐܢܬ ܝܘܡܢܐ ܝܘܪܕܢܢ܂ ܠܡܐܙܠ ܠܡܘܒܕܘ ܥܡ̈ܡܐ ܕܪ̈ܘܪܒܝܢ ܘܥܫ̈ܝܢܝܢ ܡܢܟ܂ ܘܩܘܪ̈ܝܐ ܕܪ̈ܘܪܒܢ ܘܥܫܝ̈ܢܢ܂ ܘܟܪ̈ܝܟܢ ܥܕܡܐ ܠܫܡܝܐ܂
09:02 [ai]ܥܡܐ ܕܪܒ ܘܪܡ܂ ܒܢ̈ܝ ܓܢܒܪ̈ܐ ܕܐܢܬ ܝܿܕܥ ܐܢܬ ܘܐܢܬ ܫܡܥܬ܂ ܕܠܐ ܐܢܫ ܡܫܟܚ ܠܡܩܡ ܩܕܡ ܓܢܒܪ̈ܐ܂
09:03 [ai]ܘܕܬܕܥ ܝܘܡܢܐ ܕܡܪܝܐ ܐܠܗܟ ܗܘ \ܥܿܒܪ ܩܕܡܝܟ /ܥܿܒܕ ܩܪܒܟ#3#/܂ ܢܘܪܐ ܗܘ ܐܟܠܬܐ܂ ܘܗܘ ܢܘܒܕ ܐܢܘܢ܂ ܘܗܘ ܢܬܒܪ ܐܢܘܢ ܡܢ ܩܕܡܝܟ܂ ܘܬܚܪܘܒ ܐܢܘܢ ܘܬܘܒܕ ܐܢܘܢ ܒܥܓܠ܂ ܐܝܟ ܕܐܡܪ ܠܟ ܡܪܝܐ܂
09:04 [ai]ܠܐ ܬܐܡܪ ܒܠܒܟ ܡܐ ܕܬܒܪ ܐܢܘܢ ܡܪܝܐ ܐܠܗܟ ܡܢ ܩܕܡܝܟ܂ ܕܒܙܕܝܩܘܬܝ ܐܥܠܢܝ ܡܪܝܐ ܠܡܐܪܬ ܐܪܥܐ ܗܕܐ܂ ܡܛܠ ܕܒܚ̈ܛܗܝܗܘܢ ܗܘ ܓܝܪ ܕܥܡ̈ܡܐ ܗܠܝܢ ܡܘܒܕ ܠܗܘܢ ܡܪܝܐ ܡܢ ܩܕܡܝܟ܂
09:05 [ai]ܠܐ ܗܘܐ ܒܙܕܝܩܘܬܟ ܘܒܬܪܝܨܘܬܗ ܕܠܒܟ ܥܿܐܠ ܐܢܬ ܠܡܐܪܬ ܐܪܥܗܘܢ܂ ܐܠܐ ܒܚ̈ܛܗܝܗܘܢ/ܡܛܠ ܕܒܚ̈ܛܗܝܗܘܢ#2#/ ܗܘ ܕܥܡ̈ܡܐ ܗܠܝܢ ܡܘܒܕ ܠܗܘܢ ܡܪܝܐ ܐܠܗܟ ܡܢ ܩܕܡܝܟ܂ ܘܕܢܩܝܡ ܦܬܓܡܐ ܕܝܡܐ ܠܐ̈ܒܗܝܟ܂ ܠܐܒܪܗܡ ܘܠܐܝܣܚܩ ܘܠܝܥܩܘܒ܂
09:06 [ai]ܘܕܬܕܥ ܕܠܐ ܗܘܐ ܒܙܕܝܩܘܬܟ ܝܿܗܒ ܠܟ ܡܪܝܐ ܐܠܗܟ ܐܪܥܐ ܗܕܐ ܛܒܬܐ ܠܡܐܪܬܗܿ܂ ܡܛܠ ܕܥܡܐ ܐܢܬ ܩܫܐ ܩܕܠܐ܂
09:07 [ai]ܐܬܕܟܪ ܘܠܐ ܬܛܥܐ ܕܐܪܓܙܬ ܠܡܪܝܐ ܐܠܗܟ ܒܡܕܒܪܐ܂ ܡܢ ܝܘܡܐ ܕܢܦܩܬܘܢ ܡܢ ܡܨܪܝܢ ܘܥܕܡܐ ܕܐܬܝܬܘܢ ܠܐܬܪܐ ܗܢܐ ܡܡܪ̈ܡܪܢܐ ܗܘܝܬܘܢ ܩܕܡ ܡܪܝܐ܂
09:08 [ai]ܘܒܚܘܪܝܒ ܐܪܓܙܬܘܢܝܗܝ ܠܡܪܝܐ܂ ܘܪܓܙ ܡܪܝܐ ܥܠܝܟܘܢ ܕܢܘܒܕܟܘܢ܂
09:09 [ai]ܟܕ ܣܠܿܩܬ ܠܛܘܪܐ ܘܢܣܿܒܬ ܠܘܚ̈ܐ ܕܟܐܦܐ܂ ܠܘܚ̈ܐ ܕܩܝܡܐ ܕܐܩܝܡ ܡܪܝܐ ܥܡܟܘܢ܂ ܘܝܿܬܒܬ ܒܛܘܪܐ ܐܪ̈ܒܥܝܢ ܐܝ̈ܡܡܝܢ ܘܐܪ̈ܒܥܝܢ ܠܝ̈ܠܘܢ܂ ܠܚܡܐ ܠܐ ܐܿܟܠܬ܂ ܘܡ̈ܝܐ ܠܐ ܐܫܬܝܬ܂
09:10 [ai]ܘܝܗܒ ܠܝ ܡܪܝܐ ܬܪ̈ܬܝܢ ܠܘܚ̈ܐ ܕܟܐܦܐ܂ ܕܟ̈ܬܝܒܢ ܒܨܒܥܗ ܕܐܠܗܐ܂ ܘܥܠܝܗܝܢ ܐܝܬ ܗܘܘ ܟܠܗܘܢ ܦܬ̈ܓܡܐ ܕܡܠܠ ܡܪܝܐ ܥܡܟܘܢ ܒܛܘܪܐ ܡܢ ܓܘ ܢܘܪܐ܂ ܒܝܘܡܐ ܕܟܢܘܫܝܐ܂
09:11 [ai]ܘܡܢ ܒܬܪ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝ̈ܠܘܢ܂ ܝܗܒ ܠܝ ܡܪܝܐ ܬܪ̈ܬܝܢ ܠܘܚ̈ܐ ܕܟܐܦܐ ܠܘܚ̈ܐ ܕܩܝܡܐ܂
09:12 [ai]ܘܐܡܪ ܠܝ ܡܪܝܐ܂ ܩܘܡ ܚܘܬ ܒܥܓܠ ܡܟܐ܂ ܡܛܠ ܕܚܒܠ ‍<‍ܠܗ#3#‍>‍ ܥܡܟ ܕܐܦܩܬ ܡܢ ܡܨܪܝܢ܂ ܣܛܘ ܠܗܘܢ ܥܓܠ ܡܢ ܐܘܪܚܐ ܕܦܩܕܬ ܐܢܘܢ܂ ܘܥܒܕܘ ܠܗܘܢ ܢܣܝܟܐ܂
09:13 [ai]ܘܐܡܪ ܠܝ ܡܪܝܐ ܚܙܝܿܬܗ ܠܥܡܐ ܗܢܐ܂ ܘܗܐ ܥܡܐ ܩܫܐ ܩܕܠܐ ܗܘ܂
09:14 [ai]ܗܫܐ ܫܒܘܩܝܢܝ ܐܘܒܕ ܐܢܘܢ܂ ܘܐܥܛܐ ܫܡܗܘܢ ܡܢ ܬܚܝܬ ܫܡܝܐ܂ ܘܐܥܒܕܟ ܠܥܡܐ ܕܥܫܝܢ ܘܣܓܝ ܡܢܗܘܢ܂
09:15 [ai]ܘܐܬܦܢܝܬ ܘܢܚܿܬܬ ܡܢ ܛܘܪܐ܂ ܘܛܘܪܐ ܡܬܓܘܙܠ ܗܘܐ ܒܢܘܪܐ܂ ܘܬܪ̈ܬܝܢ ܠܘܚ̈ܐ ܕܩܝܡܐ ܒܬܪ̈ܬܝܗܝܢ ܐ̈ܝܕܝ܂
09:16 [ai]ܘܚܙܝܿܬ ܕܚܛܝܬܘܢ ܠܡܪܝܐ ܐܠܗܟܘܢ܂ ܘܥܒܕܬܘܢ ܠܟܘܢ ܥܓܠܐ ܕܢܣܟܬܐ܂ ܘܣܛܝܬܘܢ ܒܥܓܠ ܡܢ ܐܘܪܚܐ ܕܦܩܕܟܘܢ ܡܪܝܐ ܐܠܗܟܘܢ܂
09:17 [ai]ܘܐܚܿܕܬ ܠܬܪ̈ܬܝܗܝܢ ܠܘܚ̈ܐ܂ ܘܫܿܕܝܬ ܐ̈ܢܝܢ ܡܢ ܬܪ̈ܬܝܗܝܢ ܐ̈ܝܕܝ܂ ܘܬܒܿܪܬ ܐ̈ܢܝܢ ܠܥܢܝܟ̈ܘܢ܂
09:18 [ai]ܘܨܿܠܝܬ ܩܕܡ ܡܪܝܐ ܐܝܟ ܕܡܢ ܠܘܩܕܡ܂ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝ̈ܠܘܢ܂ ܠܚܡܐ ܠܐ ܐܿܟܠܬ܂ ܘܡ̈ܝܐ ܠܐ ܐܫܬܝܬ܂ ܥܠ ܟܠܗܘܢ ܚ̈ܛܗܝܟܘܢ ܕܚܛܝܬܘܢ܂ ܘܥܒܕܬܘܢ ܕܒܝܫ ܩܕܡ ܡܪܝܐ ܘܐܪܓܙܬܘܢܝܗܝ܂
09:19 [ai]ܡܛܠ ܕܕܚܿܠܬ ܡܢ ܩܕܡ ܚܡܬܐ ܘܪܘܓܙܐ ܕܪܓܙ ܡܪܝܐ ܥܠܝܟܘܢ ܕܢܘܒܕܟܘܢ܂ ܘܫܡܥܢܝ ܡܪܝܐ ܐܦ ܒܙܒܢܐ ܗܿܘ܂
09:20 [ai]ܘܥܠ ܐܗܪܘܢ ܪܓܙ ܡܪܝܐ ܛܒ ܕܢܘܒܕܝܘܗܝ܂ ܘܨܿܠܝܬ ܐܦ ܥܠ ܐܗܪܘܢ ܒܙܒܢܐ ܗܿܘ܂
09:21 [ai]ܘܥܓܠܐ ܕܚ̈ܛܗܝܟܘܢ ܕܥܒܕܬܘܢ ܢܣܿܒܬ ܘܐܘܩܕܬܗ ܒܢܘܪܐ܂ ܘܕܩܩܬܗ ܘܛܚܢܬܗ ܛܒ܂ ܥܕܡܐ ܕܐܬܕܩܩ ܐܝܟ ܥܦܪܐ܂ ܘܫܕܝܬܗ ܥܦܪܗ ܒܢܚܠܐ ܕܢܿܚܬ ܡܢ ܛܘܪܐ܂
09:22 [ai]ܘܒܝܩܕܢܐ ܘܒܢܣ̈ܝܘܢܐ܂ ܘܒܩܒܪ̈ܐ ܕܪ̈ܓܝ ܪܓܬܐ ܡܪܓܙܝܢ ܗܘܝܬܘܢ ܠܡܪܝܐ/ܩܕܡ ܡܪܝܐ#3#/܂
09:23 [ai]ܘܟܕ ܫܕܪܟܘܢ ܡܪܝܐ ܡܢ ܪܩܡ ܕܓܝܐ ܘܐܡܪ ܠܟܘܢ܂ ܣܩܘ ܘܝܪܬܘ ܐܪܥܐ ܕܝܗܿܒܬ ܠܟܘܢ ܡܪܡܪܬܘܢ ܡܠܬ ܦܘܡܗ ܕܡܪܝܐ ‍<‍ܐܠܗܐ#2#‍>‍܂ ܘܠܐ ܗܝܡܢܬܘܢܝܗܝ܂ ܘܠܐ ܫܡܥܬܘܢ ܒܩܠܗ܂
09:24 [ai]ܡܡܪ̈ܡܪܢܐ ܗܘܝܬܘܢ ܩܕܡ ܡܪܝܐ ܡܢ ܝܘܡܐ ܕܝܕܥܬܟܘܢ܂
09:25 [ai]ܘܨܿܠܝܬ ܩܕܡ ܡܪܝܐ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝ̈ܠܘܢ܂ ܡܛܠ ܕܐܡܪ ܡܪܝܐ ܕܢܘܒܕܟܘܢ܂
09:26 [ai]ܘܨܿܠܝܬ ܩܕܡ ܡܪܝܐ ܘܐܡܿܪܬ܂ ܡܪܝܐ ܐܠܗܐ܂ ܠܐ ܬܚܒܠ ܥܡܟ ܘܝܪܬܘܬܗ ܕܦܪܩܬ ܒܪܒܘܬܟ܂ ܘܐܦܩܬ ‍<‍ܐܢܘܢ#3#‍>‍ ܡܢ ܡܨܪܝܢ ܒܐܝܕܐ ܬܩܝܦܬܐ܂
09:27 [ai]ܐܠܐ ܐܬܕܟܪ ܠܥܒ̈ܕܝܟ܂ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܠܐ ܬܬܦܢܐ ܥܠ ܩܫܝܘܬܗ ܕܥܡܐ ܗܢܐ܂ ܘܒܥܘܠܗ ܘܒܚ̈ܛܗܘܗܝ܂
09:28 [ai]ܕܠܐ ܢܐܡܪܘܢ ܥܡܘܪ̈ܝܗܿ ܕܐܪܥܐ ܗܿܝ ܕܐܦܩܬ ܐܢܘܢ ܡܢܗܿ܂ ܡܛܠ ܕܠܐ ܐܬܡܨܝ ܚܝܠܐ ܡܪܝܐ ܕܢܥܠ ܐܢܘܢ ܠܐܪܥܐ ܕܐܡܪ ܠܗܘܢ܂ ܘܡܛܠ ܕܣܿܢܐ ܠܗܘܢ/ܐܢܘܢ#3#/ ܐܦܩ ܐܢܘܢ܂ ܕܢܩܛܠ ܐܢܘܢ ܒܡܕܒܪܐ܂
09:29 [ai]ܘܗܢܘܢ ܥܡܟ ܐܢܘܢ ܘܝܪܬܘܬܟ܂ ܕܐܦܩܬ ܒܚܝܠܟ ܪܒܐ ܘܒܕܪܥܟ ܪܡܐ܂

next chapter