← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܒܗ ܒܙܒܢܐ ܗܿܘ܂ ܐܡܪ ܠܝ ܡܪܝܐ܂ ܦܣܘܠ ܠܟ ܬܪ̈ܬܝܢ ܠܘܚ̈ܐ ܕܟܐܦܐ ܐܝܟ ܩ̈ܕܡܝܬܐ܂ ܘܣܩ ܠܘܬܝ/ܩܕܡܝ#3#/ ܠܛܘܪܐ܂ ܘܥܒܕ ܠܟ ܩܒܘܬܐ ܕܩܝܣܐ܂
10:02 [ai]ܘܐܟܬܘܒ ܥܠ ܠܘܚ̈ܐ ܦ̈ܬܓܡܐ ܕܐܝܬ ܗܘܘ ܥܠ ܠܘܚ̈ܐ ܩܕܡ̈ܝܬܐ ܕܬܒܪܬ܂ ܘܣܝܡ ܐ̈ܢܝܢ ܒܩܒܘܬܐ܂
10:03 [ai]ܘܥܒܿܕܬ ܩܒܘܬܐ ܕܩܝܣܐ ܕܐܫܟܪܥܐ ܘܦܣܿܠܬ ܬܪ̈ܬܝܢ ܠܘܚ̈ܐ ܕܟܐܦܐ ܐܝܟ ܩܕܡ̈ܝܬܐ܂ ܘܣܿܠܩܬ ܠܛܘܪܐ܂ ܘܬܪ̈ܬܝܗܝܢ ܠܘܚ̈ܐ ܒܐܝ̈ܕܝ܂
10:04 [ai]ܘܟܬܒ ܥܠ ܠܘܚ̈ܐ ܐܝܟ ܟܬܒܐ ܩܕܡܝܐ܂ ܥܣܪܐ ܦ̈ܬܓܡܝܢ ܕܡܠܠ ܡܪܝܐ ܥܡܟܘܢ ܒܛܘܪܐ ܡܢ ܓܘ ܢܘܪܐ܂ ܒܝܘܡܐ ܕܟܢܘܫܝܐ܂ ܘܝܗܒ ܐ̈ܢܝܢ ܠܝ ܡܪܝܐ܂
10:05 [ai]ܘܐܬܦܢܝܬ ܘܢܚܿܬܬ ܡܢ ܛܘܪܐ܂ ܘܣܿܡܬ ܐ̈ܢܝܢ ܠܘܚ̈ܐ ܒܩܒܘܬܐ ܕܥܒܿܕܬ܂ ܘܫܒܿܩܬ ܐ̈ܢܝܢ ܒܗܿ܂ ܐܝܟ ܕܦܩܕܢܝ ܡܪܝܐ܀܂
10:06 [ai]ܘܒܢ̈ܝ ܐܝܣܪܝܠ ܫܩܠܘ ܡܢ ܒܪܐܘܬ ܕܒܢ̈ܝ ܝܥܩܢ ܠܡܘܣܪܐ܂ ܬܡܢ ܡܝܬ ܐܗܪܘܢ ܘܐܬܩܒܪ ܬܡܢ܂ ܘܟܗܢ ܐܠܝܥܙܪ ܒܪܗ ܒܬܪܗ܂
10:07 [ai]ܘܡܢ ܬܡܢ ܫܩܠܘ ܠܓܕܓܕ ܘܡܢ ܓܕܓܕ ܠܝܛܒܬ܂ ܠܐܪܥܐ ܕܪ̈ܓܠܬܐ ܕܡ̈ܝܐ܂
10:08 [ai]ܒܗ ܒܙܒܢܐ ܗܿܘ ܦܪܫ ܡܪܝܐ ܠܫܒܛܐ ܕܠܘܝ ܕܢܫܩܘܠ ܩܒܘܬܐ ܕܩܝܡܗ ܕܡܪܝܐ܂ ܘܕܢܩܘܡ ܩܕܡ ܡܪܝܐ ܘܢܫܡܫܝܘܗܝ܂ ܘܢܒܪܟ ܫܡܗ ܕܡܪܝܐ ܥܕܡܐ ܠܝܘܡܢܐ܂
10:09 [ai]ܡܛܠ ܗܢܐ ܠܝܬ ܗܘܬ ܠܠܘܝ܂ ܦܠܓܘܬܐ ܘܝܪܬܘܬܐ ܥܡ ܐܚ̈ܘܗܝ܂ ܡܪܝܐ ܗܘ ܓܝܪ ܝܪܬܘܬܗ܂ ܐܝܟ ܕܐܡܪ ܠܗ ܡܪܝܐ ܐܠܗܟ܂
10:10 [ai]ܘܐܢܐ ܩܡܿܬ ܩܕܡ ܡܪܝܐ ܒܛܘܪܐ܂ ܐܝܟ ܝܘܡ̈ܬܐ ܩܕܡ̈ܝܐ܂ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝ̈ܠܘܢ܂ ܘܫܡܥܢܝ ܡܪܝܐ ܐܦ ܒܙܒܢܐ ܗܿܘ܂ ܘܠܐ ܨܒܐ ܡܪܝܐ ‍<‍ܐܠܗܟ#3#‍>‍ ܕܢܚܒܠܟ܂
10:11 [ai]ܘܐܡܪ ܠܝ ܡܪܝܐ܂ ܩܘܡ ܫܩܘܠ ܘܙܠ ܩܕܡ ܥܡܐ܂ ܘܢܥܠܘܢ ܘܢܐܪܬܘܢ ܐܪܥܐ ܕܝܡܿܝܬ ܠܐ̈ܒܗܝܗܘܢ܂ ܠܡܬܠ ܠܗܘܢ܀܀܂
10:12 [ai]ܡܟܝܠ ܐܝܣܪܝܠ ܡܢܐ ܫܿܐܠ ܠܟ ܡܪܝܐ ܐܠܗܟ܂ ܐܠܐ ܕܬܕܚܠ ܡܢ ܡܪܝܐ ܐܠܗܟ ܘܬܗܠܟ ܒܐܘܪ̈ܚܬܗ܂ ܘܬܪܚܡܝܘܗܝ ܘܬܦܠܘܚ ܠܡܪܝܐ ܐܠܗܟ ܡܢ ܟܠܗ ܠܒܟ ܘܡܢ ܟܠܗܿ ܢܦܫܟ܂
10:13 [ai]ܘܬܛܪ ܦܘܩ̈ܕܢܘܗܝ ܕܡܪܝܐ ܐܠܗܟ܂ ܘܢܡ̈ܘܣܘܗܝ ܕܡܦܩܕ ܐܢܐ ܠܟ ܝܘܡܢܐ܂ ܘܢܛܐܒ ܠܟ܂
10:14 [ai]ܕܡܪܝܐ ܐܢܘܢ ܐܠܗܟ ܫܡܝܐ ܘܫ̈ܡܝ ܫܡܝܐ܂ ܘܐܪܥܐ ܘܟܠ ܕܐܝܬ ܒܗܿ܂
10:15 [ai]ܘܒܐ̈ܒܗܝܟܘܢ ܒܠܚܘܕ ܨܒܐ ܡܪܝܐ ܘܪܚܡ ܐܢܘܢ܂ ܘܓܒܐ ܠܙܪܥܗܘܢ ܒܬܪܗܘܢ܂ ܡܢ ܟܠܗܘܢ ܥܡ̈ܡܐ ܐܝܟ ܕܝܘܡܢܐ܂܀
10:16 [ai]ܓܙܘܪܘ ܥܘܪܠܘܬܐ ܕܠܒܟܘܢ܂ ܘܩܕܠܟܘܢ ܬܘܒ ܠܐ ܬܩܫܘܢ܂
10:17 [ai]ܡܛܠ ܕܡܪܝܐ ܐܠܗܟܘܢ܂ ܗܘܝܘ ܐܠܗ ܐ̈ܠܗܝܢ ܘܡܪܐ ܡܪ̈ܘܬܐ܂ ܐܠܗܐ ܪܒܐ ܘܓܢܒܪܐ ܘܕܚܝܠܐ܂ ܕܠܐ ܢܿܣܒ ܒܐ̈ܦܐ܂ ܘܠܐ ܡܩܒܠ ܫܘܚܕܐ܂
10:18 [ai]ܘܥܿܒܕ ܕܝܢܐ ܕܝ̈ܬܡܐ ܘܕܐܪ̈ܡܠܬܐ܂ ܘܪܚܿܡ ܠܐܝܢܐ ܕܡܬܦܢܐ ܠܘܬܗ܂ ܘܝܿܗܒ ܠܗ ܠܚܡܐ ܘܬܟܣܝܬܐ܂
10:19 [ai]ܪܚܡܘ ܠܐܝܠܝܢ ܕܡܬܦܢܝܢ ܠܘܬܗ܂ ܡܛܠ ܕܬܘ̈ܬܒܐ/ܕܥܡܘܪ̈ܐ#2#/ ܗܘܝܬܘܢ ܒܐܪܥܐ ܕܡܨܪܝܢ܂
10:20 [ai]ܡܢ ܡܪܝܐ ܐܠܗܟ ܕܚܠ܂ ܘܠܗ ܦܠܘܚ ܘܠܗ ܐܬܢܩܦ܂ ܘܒܫܡܗ/ܘܒܗ#3#/ ܝܡܝ܂
10:21 [ai]ܕܗܘܝܘ ܬܫܒܘܚܬܟ ܘܗܘܝܘ ܐܠܗܟ܂ ܕܥܒܕ ܥܡܟ ܪ̈ܘܪܒܬܐ ܘܕܚ̈ܝܠܬܐ ܕܚ̈ܙܝ ܥܝܢܝ̈ܟ܂
10:22 [ai]ܒܫܒܥܝܢ ܢܦܫܢ ܢܚܬܘ ܐ̈ܒܗܝܟ ܠܡܨܪܝܢ܂ ܘܗܫܐ ܗܐ ܐܣܓܝܟ ܡܪܝܐ ܐܠܗܟ ܐܝܟ ܟ̈ܘܟܒܐ ܕܒܫܡܝܐ܂

next chapter