← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܪܚܡ ܠܡܪܝܐ ܐܠܗܟ܂ ܘܛܪ ܢܛܘܪ̈ܬܗ܂ ܘܢܡ̈ܘܣܘܗܝ ܘܕܝ̈ܢܘܗܝ ܘܦܘܩ̈ܕܢܘܗܝ܂ ܟܠܗܘܢ ܝܘܡ̈ܬܐ܂
11:02 [ai]ܘܬܕܥܘܢ ܝܘܡܢܐ܂ ܕܠܐ ܗܘܐ ܠܒܢ̈ܝܟܘܢ ܕܠܐ ܝܕܥܘ ܘܠܐ ܚܙܘ ܡܪܕܘܬܗ ܕܡܪܝܐ ܐܠܗܟܘܢ ܘܪܒܘܬܗ܂ ܘܐܝܕܗ ܬܩܝܦܬܐ ܘܕܪܥܗ ܪܡܐ܂
11:03 [ai]ܘܐ̈ܬܘܬܗ ܘܥ̈ܒܿܕܘܗܝ ܕܥܒܕ ܒܡܨܪܝܢ܂ ܠܦܪܥܘܢ ܡܠܟܐ ܕܡܨܪܝܢ ܘܠܟܠܗܿ ܐܪܥܗ܂
11:04 [ai]ܘܕܥܒܕ ܠܚܝܠܐ ܕܡܨܪ̈ܝܐ ܠܪ̈ܟܫܐ ܘܠܡܪ̈ܟܒܬܐ ܘܠܪ̈ܟܒܝܗܝܢ܂ ܕܐܛܝܦ ܡ̈ܝܐ ܕܝܿܡܐ ܕܣܘܦ ܥܠ ܐ̈ܦܝܗܘܢ܂ ܟܕ ܪܕܦܘ ܒܬܪܟܘܢ܂ ܘܐܘܒܕ ܐܢܘܢ ܡܪܝܐ ܥܕܡܐ ܠܝܘܡܢܐ܂
11:05 [ai]ܘܟܠ ܕܥܒܕ ܠܟܘܢ ܒܡܕܒܪܐ܂ ܥܕܡܐ/ܠܝܘܡܢܐ#3#/ ܕܐܬܝܬܘܢ ܠܐܬܪܐ ܗܢܐ܂
11:06 [ai]ܘܡܕܡ ܕܥܒܕ ܠܕܬܢ ܘܠܐܒܝܪܡ ܒܢ̈ܝ ܐܠܝܒ ܒܪܗ ܕܪܘܒܝܠ܂ ܕܦܬܚܬ ܐܪܥܐ ܦܘܡܗܿ ܘܒܠܥܬ ܐܢܘܢ܂ ܠܗܘܢ ‍<‍ܘܠܢܫ̈ܝܗܘܢ#3#‍>‍ ܘܠܒܢ̈ܝܗܘܢ ܘܠܡܫ̈ܟܢܝܗܘܢ܂ ܘܠܟܠ ܡܕܡ ܕܐܝܬ ܗܘܐ ܠܗܘܢ܂ ܕܩܝܡܝܢ ܗܘܘ ܥܠ ܪ̈ܓܠܝܗܘܢ \ܒܝܢܬ ܟܠܗ ܐܝܣܪܝܠ /ܒܟܠܗ ܐܝܣܪܐܝܠ#3#/܂
11:07 [ai]ܐܠܐ ܥܝ̈ܢܝܟܘܢ ܗܘ ܚ̈ܙܝ ܠܟܠܗܘܢ ܥ̈ܒܿܕܘܗܝ ܕܡܪܝܐ ܪ̈ܘܪܒܐ ܕܥܒܕ܂
11:08 [ai]ܛܪܘ ܟܠܗܘܢ ܦܘܩ̈ܕܢܐ ܕܡܦܩܕ ܐܢܐ ܠܟܘܢ ܝܘܡܢܐ܂ ܕܬܬܚܝܠܘܢ ܘܬܥܠܘܢ ܘܬܐܪܬܘܢ ܐܪܥܐ ܕܥܿܒܪܝܢ ܐܢܬܘܢ ܠܗܿ ܠܡܐܪܬܗܿ܂
11:09 [ai]ܘܬܣܓܘܢ ܝܘܡ̈ܬܐ ܒܐܪܥܐ ܕܝܡܼܐ ܡܪܝܐ ܠܐ̈ܒܗܝܟܘܢ ܠܡܬܠ ܠܗܘܢ ܘܠܙܪܥܗܘܢ܂ ܐܪܥܐ ܕܡܪܕܝܐ ܚܠܒܐ ܘܕܒܫܐ܂
11:10 [ai]ܡܛܘܠ ܕܐܪܥܐ ܕܥܿܐܠܝܢ ܐܢܬܘܢ ܠܗܿ ܠܡܐܪܬܗܿ܂ ܠܐ ܗܘܬ ܐܝܟ ܐܪܥܐ ܕܡܨܪܝܢ ܕܢܦܩܬܘܢ ܡܢܗܿ܂ ܕܙܿܪܥܝܢ ܐܢܬܘܢ ܙܪ̈ܥܟܘܢ ܘܡܫܩܝܢ ܐܢܬܘܢ ܒܪ̈ܓܠܝܟܘܢ܂ ܐܝܟ ܦܪܕܝܣܐ ܕܫܩܝܐ܂
11:11 [ai]ܐܪܥܐ ܕܝܢ ܕܥܿܒܪܝܢ ܐܢܬܘܢ ܠܗܿ ܠܡܐܪܬܗܿ܂ ܐܪܥܐ ܗܝ ܕܛܘܪ̈ܐ ܘܕܦܩ̈ܥܬܐ܂ ܘܡܢ ܡܛܪܐ ܗܘ ܕܫܡܝܐ ܫܿܬܝܐ ܡ̈ܝܐ܂
11:12 [ai]ܐܪܥܐ ܕܡܪܝܐ ܐܠܗܟ ܬܒܿܥ ܠܗܿ ܐܡܝܢܐܝܬ܂ ܥܝ̈ܢܘܗܝ ܕܡܪܝܐ ܐܠܗܟ ܒܗܿ ܡܢ ܪܫܗܿ ܕܫܢܬܐ ܘܥܕܡܐ ܠܚܪܬܗܿ ܕܫܢܬܐ܂
11:13 [ai]ܘܐܢ ܬܫܡܥܘܢ ܠܦܘܩ̈ܕܢܐ ܕܡܦܩܕ ܐܢܐ ܠܟܘܢ ܝܘܡܢܐ܂ ܘܬܪܚܡܘܢ ܠܡܪܝܐ ܐܠܗܟܘܢ ܘܬܦܠܚܘܢܗ ܡܢ ܟܠܗ ܠܒܟܘܢ ܘܡܢ ܟܠܗܿ ܢܦܫܟܘܢ܂
11:14 [ai]ܐܬܠ ܡܛܪܐ ܕܐܪܥܟܘܢ ܒܙܒܢܗ ܒܟܝܪܝܐ ܘܠܩܝܫܝܐ܂ ܘܬܚܡܘܠ ܥܒܘܪܟ ܘܚܡܪܟ ܘܡܫܚܟ܂
11:15 [ai]ܘܐܬܠ ܥܣܒܐ ܒܚܩܠܟ ܠܒܥܝܪܟ܂ ܘܬܐܟܘܠ ܘܬܣܒܥ܂
11:16 [ai]ܐܙܕܗܪܘ ܕܠܐ ܢܫܬܕܠ ܠܒܟܘܢ ܘܬܣܛܘܢ/ܘܬܛܪܘܢ#2#/ ܘܬܦܠܚܘܢ ܠܐ̈ܠܗܐ ܐܚܪ̈ܢܐ ܘܬܣܓܕܘܢ ܠܗܘܢ܂
11:17 [ai]ܘܢܬܚܡܬ ܪܘܓܙܗ ܕܡܪܝܐ ܥܠܝܟܘܢ܂ ܘܢܟܠܐ ܫܡܝܐ ܕܠܐ ܢܗܘܐ/ܢܬܠܘܢ#3#/ ܡܛܪܐ܂ ܘܐܪܥܐ ܠܐ ܬܬܠ ܥ̈ܠܠܬܗܿ܂ ܘܬܐܒܕܘܢ ܒܥܓܠ ܡܢ ܐܪܥܐ ܛܒܬܐ ܕܝܿܗܒ ܠܟܘܢ ܡܪܝܐ ܐܠܗܟܘܢ܂
11:18 [ai]ܘܬܣܝܡܘܢ ܗܠܝܢ ܦܘܩ̈ܕܢܐ ܒܠܒܟܘܢ ܘܒܢܦܫܟܘܢ܂ ܘܩܛܘܪܘ ܐܢܘܢ ܐܬܐ ܥܠ ܐ̈ܝܕܝܟܘܢ ܘܢܗܘܘܢ ܪܘܫܡܐ ܒܝܬ ܥܝ̈ܢܝܟܘܢ܂
11:19 [ai]ܘܐܠܦܘ ܐܢܘܢ ܠܒܢ̈ܝܟܘܢ ܕܢܡܠܠܘܢ ܒܗܘܢ܂ ܡܐ ܕܝܿܬܒܝܢ ܐܢܬܘܢ ܒܒ̈ܬܝܟܘܢ ܘܡܐ ܕܐܿܙܠܝܢ ܐܢܬܘܢ ܒܐܘܪܚܐ܂ ܘܡܐ ܕܕܡܿܟܝܢ ܐܢܬܘܢ ܘܡܐ ܕܩܿܝܡܝܢ ܐܢܬܘܢ܂
11:20 [ai]ܘܟܬܘܒܘ ܐܢܘܢ ܥܠ ܐܣ̈ܟܦܬܐ ܕܒ̈ܬܝܟܘܢ ܘܥܠ ܬܪ̈ܥܝܟܘܢ܂
11:21 [ai]ܕܢܣܓܘܢ ܝܘܡ̈ܝܟܘܢ/ܝܘܡ̈ܬܟܘܢ#2#/ ܘܝܘܡ̈ܝ ܒܢ̈ܝܟܘܢ܂ ܒܐܪܥܐ ܕܝܡܼܐ ܡܪܝܐ ܐܠܗܟܘܢ ܠܐܒ̈ܗܝܟܘܢ ܠܡܬܠ ܠܗܘܢ ܐܝܟ ܝܘܡ̈ܝ ܫܡܝܐ ܥܠ ܐܪܥܐ܂
11:22 [ai]ܘܐܢ ܬܛܪܘܢ ܗܠܝܢ ܟܠܗܘܢ ܦܘܩ̈ܕܢܐ/ܦܬܓܡ̈ܐ#3#/ ܕܡܦܩܕ ܐܢܐ ܠܟܘܢ ܝܘܡܢܐ܂ ܘܬܥܒܕܘܢ ܐܢܘܢ܂ ܘܬܪܚܡܘܢ ܠܡܪܝܐ ܐܠܗܟܘܢ܂ ܘܬܗܠܟܘܢ ܒܟܠܗܝܢ ܐܘܪ̈ܚܬܗ܂ ܘܬܬܢܩܦܘܢ ܠܗ܂
11:23 [ai]ܢܘܒܕ ܡܪܝܐ ܠܗܠܝܢ ܟܠܗܘܢ ܥܡ̈ܡܐ ܡܢ ܩܕܡܝܟܘܢ܂ ܘܬܐܪܬܘܢ ܠܥܡ̈ܡܐ ܕܪ̈ܘܪܒܝܢ ܘܥܫܝ̈ܢܝܢ ܡܢܟܘܢ܂
11:24 [ai]ܟܠ ܐܬܪܐ ܕܬܕܪܘܟ ܒܗ ܦܣܬܐ ܕܪܓܠܟܘܢ ܠܟܘܢ ܢܗܘܐ܂ ܡܢ ܡܕܒܪܐ ܘܠܒܢܢ܂ ܘܡܢ ܢܗܪܐ ܠܢܗܪܐ/ܪܒܐ#2#/ ܦܪܬ܂ ܘܥܕܡܐ ܠܝܡܐ ܐܚܪܝܐ ܢܗܘܐ ܬܚܘܡܟܘܢ܂
11:25 [ai]ܘܠܐ ܢܩܘܡ ܐܢܫ ܩܕܡܝܟܘܢ܂ ܘܕܚܠܬܟܘܢ ܘܙܘܥܬܟܘܢ܂ ܢܬܠ ܡܪܝܐ ܐܠܗܟܘܢ ܥܠ ܐ̈ܦܝ ܟܠܗܿ ܐܪܥܐ ܕܬܕܪܟܘܢ ܒܗܿ ܐܝܟ/ܐܝܟܢܐ#3#/ ܕܐܡܪ ܠܟܘܢ ܡܪܝܐ܂
11:26 [ai]ܚܙܘ ܕܝܿܗܒ ܐܢܐ ܩܕܡܝܟܘܢ ܝܘܡܢܐ܂ ܒܘܪ̈ܟܬܐ ܘܠܘ̈ܛܬܐ܂
11:27 [ai]ܒܘܪ̈ܟܬܐ ܐܢ ܬܫܡܥܘܢ ܦܘܩ̈ܕܢܘܗܝ ܕܡܪܝܐ ܐܠܗܟܘܢ܂ ܕܡܦܩܕ ܐܢܐ ܠܟܘܢ ܝܘܡܢܐ܂
11:28 [ai]ܘܠܘ̈ܛܬܐ ܐܢ ܠܐ ܬܫܡܥܘܢ ܦܘܩ̈ܕܢܘܗܝ ܕܡܪܝܐ ܐܠܗܟܘܢ܂ ܘܐܢ ܬܣܛܘܢ ܡܢ ܐܘܪܚܐ ܕܡܦܩܕ ܐܢܐ ܠܟܘܢ ܝܘܡܢܐ܂ ܘܬܐܙܠܘܢ ܒܬܪ ܐ̈ܠܗܐ ܐܚܪ̈ܢܐ ܕܠܐ ܝܿܕܥܝܢ ܐܢܬܘܢ ܠܗܘܢ܂
11:29 [ai]ܘܟܕ ܢܥܠܟ ܡܪܝܐ ܐܠܗܟ ܠܐܪܥܐ ܕܥܿܐܠ ܐܢܬ ܠܬܡܢ ܠܡܐܪܬܗܿ܂ ܗܒ ܒܘܪ̈ܟܬܐ ܥܠ ܛܘܪܐ ܕܓܪܙܝܡ܂ ܘܠܘ̈ܛܬܐ ܥܠ ܛܘܪܐ ܕܓܒܠ܂
11:30 [ai]ܗܐ ܗܢܘܢ ܒܥܒܪܐ ܕܝܘܪܕܢܢ܂ ܒܣܬܪ ܐܘܪܚܐ ܒܡܥܪ̈ܒܝ ܫܡܫܐ܂ ܒܐܪܥܐ ܕܟܢ̈ܥܢܝܐ ܕܝܿܬܒܝܢ ܒܥܪܒܐ/ܒܥܒܪܐ#3#/܂ ܠܘܩܒܠ ܓܠܓܠܐ ܘܠܘܩܒܠ ܒܝܬ ܒܠܘܛܐ ܕܡܡܪܐ܂
11:31 [ai]ܡܛܠ ܕܥܿܒܪܝܢ ܐܢܬܘܢ ܝܘܪܕܢܢ ܠܡܥܠ ܠܡܐܪܬ ܐܪܥܐ ܕܝܿܗܒ ܠܟܘܢ ܡܪܝܐ ܐܠܗܟܘܢ ܘܬܐܪܬܘܢܗܿ ܘܬܬܒܘܢ ܒܗܿ܂
11:32 [ai]ܘܬܛܪܘܢ ܘܬܥܒܕܘܢ ܟܘܠܗܘܢ ܢܡ̈ܘܣܐ/ܦܘ̈ܩܕܢܐ ܘܢܡ̈ܘܣܐ#3#/ ܘܕܝ̈ܢܐ ܕܝܿܗܒ ܐܢܐ ܩܕܡܝܟܘܢ ܝܘܡܢܐ܂

next chapter