← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܗܠܝܢ ܢܡ̈ܘܣܐ ܘܕܝ̈ܢܐ ܕܬܛܪܘܢ ܘܬܥܒܕܘܢ܂ ܒܐܪܥܐ ܕܝܿܗܒ ܠܟܘܢ ܡܪܝܐ ܐܠܗܐ ܕܐ̈ܒܗܝܟܘܢ ܠܡܐܪܬܗܿ܂ ܟܠܗܘܢ ܝܘܡ̈ܬܐ ܕܚܝ̈ܝܢ ܐܢܬܘܢ ܒܐܪܥܐ܂
12:02 [ai]ܐܘܒܕܘ ܟܠܗܘܢ ܐܬܪ̈ܘܬܐ ܕܦܠܚܘ ܬܡܢ ܥܡ̈ܡܐ ܕܝܿܪܬܝܢ ܐܢܬܘܢ ܠܗܘܢ ܘܠܐ̈ܠܗܝܗܘܢ܂ ܥܠ ܛܘܪ̈ܐ ܪ̈ܡܐ ܘܥܠ ܪ̈ܡܬܐ܂ ܘܬܚܝܬ ܟܠ ܐܝܠܢ ܕܡܿܛܠ܂
12:03 [ai]ܘܬܥܩܪܘܢ ܡܕܒܚ̈ܝܗܘܢ܂ ܘܬܬܒܪܘܢ ܩܝܡ̈ܬܗܘܢ܂ ܘܚܫ̈ܠܬܗܘܢ ܬܘܩܕܘܢ ܒܢܘܪܐ܂ ܘܐ̈ܠܗܝܗܘܢ ܓܠܝ̈ܦܐ ܬܬܒܪܘܢ܂ ܘܬܘܒܕܘܢ ܫܡܗܘܢ ܡܢ ܐܬܪܐ ܗܿܘ܂
12:04 [ai]ܘܐܢܬܘܢ ܠܐ ܬܥܒܕܘܢ ܗܟܢܐ ܠܡܪܝܐ ܐܠܗܟܘܢ܂
12:05 [ai]ܐܠܐ ܒܐܬܪܐ ܕܓܒܐ ܡܪܝܐ ܐܠܗܟܘܢ ܡܢ ܟܘܠ ܫ̈ܒܛܝܟܘܢ܂ ܠܡܣܡ ܫܡܗ ܬܡܢ܂ ܠܒܝܬ ܡܫܪܝܗ ܗܘܝܬܘܢ ܡܥܩܒܝܢ܂ ܘܐܿܙܠܝܢ ܠܬܡܢ܂
12:06 [ai]ܘܐܘܒܠܘ ܠܬܡܢ ܝܩ̈ܕܝܟܘܢ ܫ̈ܠܡܐ ܘܕܒܚ̈ܝܟܘܢ܂ ܘܡܥܣܪ̈ܝܟܘܢ܂ ܘܦܘܪ̈ܫܢܐ ܕܐ̈ܝܕܝܟܘܢ ܘܢܕܪ̈ܝܟܘܢ ܘܩܘܪ̈ܒܢܝܟܘܢ܂ ܘܒܘܟܪ̈ܐ ܕܬܘܪ̈ܝܟܘܢ ܘܕܥܢܟܘܢ܂
12:07 [ai]ܘܐܟܘܠܘ ܬܡܢ ܩܕܡ ܡܪܝܐ ܐܠܗܟܘܢ܂ ܘܚܕܘ ܒܟܠ ܡܕܡ ܕܡܘܫܛܝܢ ܐܢܬܘܢ ܐ̈ܝܕܝܟܘܢ܂ ܐܢܬܘܢ ܘܐܢ̈ܫܝ ܒܬܝ̈ܟܘܢ܂ ܕܒܪܟܟܘܢ ܡܪܝܐ ܐܠܗܟܘܢ܂
12:08 [ai]ܘܠܐ ܬܥܒܕܘܢ ܐܝܟ ܕܥܒܕܝܢܢ ܗܪܟܐ ܝܘܡܢܐ܂ ܐܢܫ ܐܝܟ ܕܫܦܝܪ ܒܥܝ̈ܢܘܗܝ܂
12:09 [ai]ܡܛܠ ܕܠܐ ܥܕܟܝܠ ܡܛܝܬܘܢ ‍<‍ܥܕܡܐ#2#‍>‍ ܠܒܝܬ ܡܫܪܝܐ ܘܠܝܪܬܘܬܐ ܕܝܿܗܒ ܠܟ ܡܪܝܐ ܐܠܗܟ܂
12:10 [ai]ܘܥܒܪܘ ܝܘܪܕܢܢ܂ ܘܬܒܘ ‍<‍ܒܗ#3#‍>‍ ܒܐܪܥܐ ܕܡܘܪܬ ܠܟܘܢ ܡܪܝܐ ܐܠܗܟܘܢ܂ ܘܡܢܝܚ ܠܟܘܢ ܡܢ ܟܠܗܘܢ ܒ̈ܥܠܕܒܒܝܟܘܢ܂ ܕܚܕܝܪ̈ܝܢ ܠܟܘܢ܂ ܘܬܒܘ ܒܣܒܪܐ܂
12:11 [ai]ܘܐܬܪܐ ܕܢܓܒܐ ܡܪܝܐ ܐܠܗܟܘܢ܂ ܕܢܫܪܐ ܒܗ ܫܡܗ܂ ܠܬܡܢ ܐܝܬܘ ܟܠ ܡܕܡ ܕܡܦܩܕ ܐܢܐ ܠܟܘܢ ‍<‍ܝܘܡܢܐ#3#‍>‍܂ ܝܩ̈ܕܝܟܘܢ ܫ̈ܠܡܐ ܘܕܒܚ̈ܝܟܘܢ ܘܡܥܣܪ̈ܝܟܘܢ ܘܦܘܪ̈ܫܢܐ ܕܐܝܕܝ̈ܟܘܢ܂ ܘܟܠܗ ܓܒܝܐ ܕܢܕܪ̈ܝܟܘܢ ܕܢܿܕܪܝܢ ܐܢܬܘܢ ܠܡܪܝܐ܂
12:12 [ai]ܘܚܕܘ ܩܕܡ ܡܪܝܐ ܐܠܗܟܘܢ܂ ܐܢܬܘܢ ܘܒܢ̈ܝܟܘܢ ܘܒܢ̈ܬܟܘܢ ܘܥܒ̈ܕܝܟܘܢ ܘܐ̈ܡܗܬܟܘܢ܂ ܘܠܘ̈ܝܐ ܕܒܩܘܪ̈ܝܟܘܢ ‍<‍ܠܐ ܬܫܒܩܘܢܗ#3#‍>‍܂ ܡܛܠ ܕܠܝܬ ܠܗܘܢ ܝܪܬܘܬܐ ܘܦܠܓܘܬܐ ܥܡܟܘܢ܂
12:13 [ai]ܐܙܕܗܪ ܕܠܐ ܬܿܣܩ ܝܩܕܟ ܫܠܡܐ ܒܟܠ ܐܬܪ ܕܨܿܒܐ ܐܢܬ܂
12:14 [ai]ܐܠܐ ܐܢ ܒܐܬܪܐ ܕܢܓܒܐ ܡܪܝܐ ܒܚܕ ܡܢ ܫ̈ܒܛܝܟ܂ ܬܡܢ ܬܿܣܩ ܝܩ̈ܕܝܟ ܫ̈ܠܡܐ ܘܬܡܢ܂ ܬܥܒܕ ܟܠ ܡܕܡ ܕܡܦܩܕ ܐܢܐ ܠܟ܂
12:15 [ai]ܒܠܚܘܕ ܒܟܠ ܪܓܬܐ ܕܢܦܫܟ ܟܘܣ ܘܐܟܘܠ ܒܣܪܐ܂ ܐܝܟ ܒܘܪܟܬܐ ܕܝܿܗܒ ܠܟ ܡܪܝܐ ܐܠܗܟ܂ ܒܟܠܗܝܢ ܩܘܪ̈ܝܟ܂ ܕܛܡܐ ܘܕܕܟܐ ܢܐܟܠܘܢ܂ ܐܝܟ ܛܒܝܐ ܘܐܝܟ ܐܝܠܐ܂
12:16 [ai]ܒܠܚܘܕ ܕܡܐ ܠܐ ܬܐܟܠܘܢ܂ ܐܠܐ ܥܠ ܐܪܥܐ ܐܫܘܕܝܗܝ ܐܝܟ ܡ̈ܝܐ܂
12:17 [ai]ܠܐ ܬܫܬܠܛ ܠܡܐܟܠ ܒܩܘܪ̈ܝܟܘܢ ܡܥܣܪ̈ܐ ܕܥܒܘܪܟܘܢ ܘܕܚܡܪܟܘܢ ܘܕܡܫܚܟܘܢ܂ ܘܒܘܟܪ̈ܐ ܕܬܘܪ̈ܝܟܘܢ ܘܕܥܢܟܘܢ܂ ܘܟܘܠ ܢܕܪ̈ܝܟܘܢ ܕܬܕܪܘܢ܂ ܘܩܘܪ̈ܒܢܝܟܘܢ ܘܦܘܪ̈ܫܢܐ ܕܐ̈ܝܕܝܟܘܢ܂
12:18 [ai]ܐܠܐ ܩܕܡ ܡܪܝܐ ܐܠܗܟ ܬܐܟܠܝܘܗܝ ‍<‍\ܕܫܢܐ ܒܫܢܐ#3# /ܫܢܐ ܒܫܢܐ#2#‍>‍܂ ܒܐܬܪܐ ܕܢܓܒܐ ܠܗ ܡܪܝܐ ܐܠܗܟ܂ ܐܢܬ ܘܒܪܟ ܘܒܪܬܟ܂ ܘܥܒܕܟ ܘܐܡܬܟ܂ ܘܠܘܝܐ ܕܒܩܘܪ̈ܝܟ܂ ܘܬܚܕܐ ܩܕܡ ܡܪܝܐ ܐܠܗܟ ܒܟܘܠ ܡܕܡ ܕܡܘܫܛ ܐܢܬ ܐܝܕܟ܂
12:19 [ai]ܐܙܕܗܪ ܕܠܐ ܬܫܒܘܩ ܠܠܘ̈ܝܐ ܟܠܗܘܢ ܝܘܡ̈ܝܟ ܒܐܪܥܐ܂
12:20 [ai]ܘܟܕ ܢܪܘܚ ܡܪܝܐ ܐܠܗܟ ܬܚܘܡܟ ܐܝܟ ܕܐܡܪ ܠܟ܂ ܘܬܐܡܪ ܐܟܘܠ ܒܣܪܐ܂ ܡܛܠ ܕܪܓܐ ܢܦܫܟ ܠܡܐܟܠ ܒܣܪܐ܂ ܒܟܘܠܗܝܢ ܐܪ̈ܓܝܓܬܐ ܕܢܦܫܟ ܬܐܟܘܠ ܒܣܪܐ܂
12:21 [ai]ܘܐܢ ܪܚܝܩ ܗܘ ܡܢܟ ܐܬܪܐ ܕܢܓܒܐ ܡܪܝܐ ܐܠܗܟ ܕܢܣܝܡ ܫܡܗ ܬܡܢ܂ ܟܘܣ ܡܢ ܬܘܪ̈ܝܟ ܘܡܢ ܥܢܟ܂ ܕܝܿܗܒ ܠܟ ܡܪܝܐ ܐܠܗܟ ܐܝܟ ܕܦܩܕܟ܂ ܘܐܟܘܠ ܒܩܘܪ̈ܝܟ ܒܟܘܠܗܝܢ ܐܪ̈ܓܝܓܬܐ ܕܢܦܫܟ܂
12:22 [ai]ܒܪܡ ܕܝܢ ܐܝܟ ܕܡܬܐܟܠ ܛܒܝܐ ܘܐܝܠܐ܂ ܗܟܢܐ ܬܐܟܠܝܘܗܝ܂ ܕܛܡܐ ܘܕܕܟܐ ܐܝܟ ܚܕܐ ܬܐܟܠܘܢܗ܂
12:23 [ai]ܒܠܚܘܕ ܐܬܚܝܠ ܕܠܐ ܬܐܟܘܠ ܕܡܐ܂ ܡܛܠ ܕܕܡܐ ܢܦܫܐ ܗܘ܂ ܠܐ ܬܐܟܘܠ ܢܦܫܐ ܥܡ ܒܣܪܐ܂
12:24 [ai]ܠܐ ܬܐܟܠܝܘܗܝ܂ ܐܠܐ ܐܫܘܕܝܗܝ ܥܠ ܐܪܥܐ ܐܝܟ ܡ̈ܝܐ܂
12:25 [ai]ܠܐ ܬܐܟܠܝܘܗܝ܂ ܕܢܛܐܒ ܠܟ ܘܠܒܢ̈ܝܟ ܡܢ ܒܬܪܟ܂ ܟܕ ܬܥܒܕ ܕܫܦܝܪ ܩܕܡ ܡܪܝܐ ܐܠܗܟ܂
12:26 [ai]ܒܠܚܘܕ ܩܘܕܫ̈ܝܟ ܕܢܗܘܘܢ ܠܟ ܘܢܕܪ̈ܝܟ܂ ܫܩܘܠ ܘܬܐ ܠܐܬܪܐ ܕܓܒܐ ܡܪܝܐ ‍<‍ܐܠܗܟ#2#‍>‍܂
12:27 [ai]ܘܥܒܕ ܝܩܕܟ ܫܠܡܐ ܒܣܪܐ ܘܕܡܐ ܥܠ ܡܕܒܚܗ ܕܡܪܝܐ ܐܠܗܟ܂ ܘܕܡܐ ܕܕܒܚܝ̈ܟ ܢܬܐܫܕ ܥܠ ܡܕܒܚܗ ܕܡܪܝܐ ܐܠܗܟ܂ ܘܒܣܪܐ ܐܟܘܠ܂
12:28 [ai]ܛܪ ܘܫܡܥ/ܘܥܒܕ#3#/ ܗܠܝܢ ܟܠܗܘܢ ܦܘܩ̈ܕܢܐ/ܦܬܓܡ̈ܐ#3#/ ܕܡܦܩܕ ܐܢܐ ܠܟ ܝܘܡܢܐ܂ ܕܢܛܐܒ ܠܟ ܘܠܒܢ̈ܝܟ ܡܢ ܒܬܪܟ ܠܥܠܡ܂ ܟܕ ܬܥܒܕ ܕܛܒ ܘܕܫܦܝܪ ܩܕܡ ܡܪܝܐ ܐܠܗܟ܂
12:29 [ai]ܘܟܕ ܢܘܒܕ ܡܪܝܐ ܐܠܗܟ ܥܡ̈ܡܐ ܕܐܿܙܠ ܐܢܬ ܠܘܬܗܘܢ܂ ܘܢܘܒܕ ܐܢܘܢ ܡܢ ܩܕܡܝܟ܂ ܘܬܐܪܬ ܐܢܘܢ ܘܬܬܒ ܒܐܪܥܗܘܢ܂
12:30 [ai]ܐܙܕܗܪ ܕܠܐ ܬܛܥܐ ܒܬܪܗܘܢ܂ ܡܢ ܒܬܪ ܕܡܘܒܕ ܠܗܘܢ ܡܪܝܐ ܡܢ ܩܕܡܝܟ܂ ܘܠܐ ܬܫܐܠ ܥܠ ܐ̈ܠܗܝܗܘܢ܂ ܘܬܐܡܪ ܐܝܟܢܐ ܦܠܚܝܢ ܗܘܘ ܥܡ̈ܡܐ ܗܠܝܢ ܠܐ̈ܠܗܝܗܘܢ܂ ܕܐܥܒܕ ܐܦ ܐܢܐ ܐܟܘܬܗܘܢ܂
12:31 [ai]ܐܢܬ ܕܝܢ ܠܐ ܬܥܒܕ ܗܟܢܐ ܠܡܪܝܐ ܐܠܗܟ܂ ܡܛܠ ܕܟܠ ܕܐܣܠܝ ܘܣܢܐ ܡܪܝܐ ܥܒܕܘ ܠܐ̈ܠܗܝܗܘܢ܂ ܐܦ ܒܢ̈ܝܗܘܢ ܘܒܢ̈ܬܗܘܢ ܐܘܩܕܘ ܒܢܘܪܐ ܠܐ̈ܠܗܝܗܘܢ܂

next chapter