← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܒܢ̈ܝܐ ܐܢܬܘܢ ܕܡܪܝܐ ܐܠܗܟܘܢ܂ ܠܐ ܬܬܥܪܕܘܢ ܘܠܐ ܬܥܒܕܘܢ ܩܘ̈ܕܚܬܐ ܒܝܬ ܥܝ̈ܢܝܟܘܢ܂ ܥܠ ܡܝܬܐ܂
14:02 [ai]ܡܛܠ ܕܥܡܐ ܐܢܬ ܩܕܝܫܐ ܠܡܪܝܐ ܐܠܗܟ܂ ܘܠܟ ܓܒܐ ܡܪܝܐ ܐܠܗܟ ܕܬܗܘܐ ܠܗ ܥܡܐ ܚܒܝܒܐ ܛܒ ܡܢ ܟܠܗܘܢ ܥܡ̈ܡܐ ܕܥܠ ܐ̈ܦܝ ܐܪܥܐ܂
14:03 [ai]ܠܐ ܬܐܟܠܘܢ ܟܘܠ ܕܛܡܐ܂
14:04 [ai]ܘܗܕܐ ܚܝܘܬܐ ܕܬܐܟܠܘܢ܂ ܬܘܪܐ ܘܐܡܪܐ ܘܢܩܝܐ ܘܥܙܐ܂
14:05 [ai]ܘܐܝܠܐ ܘܛܒܝܐ ܘܝܚܡܘܪܐ ܘܝܥܠܐ ܘܪܝܡܐ܂ ܘܕܝܨܐ ܘܐܪܢܐ܂
14:06 [ai]ܟܠ ܒܥܝܪ̈ܐ ܕܨܪܝܐ ܦܪܣܬܗܿ ܘܦܠܝܓܐ ܠܬܪ̈ܝܢ ܘܡܬܓܘܪܪܐ ܗܿܝ ܐܟܘܠܘ܂
14:07 [ai]ܗܠܝܢ ܕܝܢ ܠܐ ܬܐܟܠܘܢ ܡܢ ܐܝܠܝܢ ܕܡܬܓܘܪܪܝܢ ܘܡܢ ܐܝܠܝܢ ܕܨܪ̈ܝܢ ܦܪ̈ܣܬܗܘܢ ܨ̈ܠܦܢ ܨ̈ܠܦܢ܂ ܓܡܠܐ ܘܐܪܢܒܐ ܘܚܓܣܐ ܡܬܓܘܪܪܝܢ ܘܦܪ̈ܣܬܗܘܢ ܠܐ ܨܪ̈ܝܢ܂ ܛܡܐܝܢ ܐܢܘܢ ܠܟܘܢ܂
14:08 [ai]ܘܚܙܝܪܐ ܕܨܪܝܐ ܦܪܣܬܗ ܘܠܐ ܡܬܓܘܪܪ ܛܡܐ ܗܘ ܠܟܘܢ܂ ܡܢ ܒܣܪܗܘܢ ܠܐ ܬܐܟܠܘܢ܂ ܘܠܦܓܪ̈ܝܗܘܢ ܠܐ ܬܬܩܪܒܘܢ܂
14:09 [ai]ܘܗܠܝܢ ܐܟܘܠܘ ܡܢ ܟܠ ܕܐܝܬ ܒܡ̈ܝܐ܂ ܟܠ ܕܐܝܬ ܠܗ ܓܦ̈ܐ ܘܩ̈ܠܦܐ ܐܟܘܠܘ܂
14:10 [ai]ܘܟܠ ܕܠܝܬ ܠܗ ܓܦ̈ܐ ܘܩ̈ܠܦܐ ܠܐ ܬܐܟܠܘܢ܂ ܛܡܐ ܗܘ ܠܟܘܢ܂
14:11 [ai]ܘܟܠ ܦܪܚܬܐ ܕܕܟܝܐ ܐܟܘܠܘ܂
14:12 [ai]ܘܗܠܝܢ ܠܐ ܬܐܟܠܘܢ ܡܢܗܘܢ ܢܫܪܐ܂
14:13 [ai]ܘܕܝܬܐ܂
14:14 [ai]ܘܢܥܒܐ ܒܓܢܣ̈ܝܗܘܢ܂
14:15 [ai]ܘܢܥܡܐ ܘܢܨܐ ܒܓܢܣ̈ܝܗܘܢ܂
14:16 [ai]ܘܥܘܕܐ܂
14:17 [ai]ܘܫܠܐ ܢܘ̈ܢܐ܂
14:16b [ai]ܘܩܦܘܦܐ ܘܟܘܟܒܝ܂
14:17b [ai]ܘܩܩܐ ܘܫܪܩܪܩܐ܂
14:18 [ai]ܘܚܘܪܒܐ ܘܐܢܦܐ ܒܓܢܣ̈ܝܗܘܢ܂ ܘܬܪܢܓܘܠ ܒܪܐ ܘܛܘܣܐ܂
14:19 [ai]ܘܟܠܗ ܝܠܕܐ ܕܦܪܚܬܐ ܗܕܐ ܛܡܐ ܗܘ ܠܟܘܢ܂ ܠܐ ܢܬܐܟܠܘܢ܂
14:20 [ai]ܘܟܘܠ ܦܪܚܬܐ ܕܕܟܝܐ ܐܟܘܠܘ܂
14:21 [ai]ܘܠܐ ܬܐܟܠܘܢ ܟܠ ܕܛܡܐ܂ ܐܠܐ ܠܥܡܘܪܐ ܕܒܩܘܪ̈ܝܟ ܗܒܝܗܝ ܢܐܟܠܝܘܗܝ܂ ܐܘ ܙܒܢܝܗܝ ܠܢܘܟܪܝܐ܂ ܡܛܠ ܕܥܡܐ ܐܢܬ ܩܕܝܫܐ ܠܡܪܝܐ ܐܠܗܟ܂ ܠܐ ܬܒܫܠ ܓܕܝܐ ܒܚܠܒܐ ܕܐܡܗ܂
14:22 [ai]ܡܥܣܪܘ ܥܣܪܘ ܟܠܗܿ ܥܠܠܬܐ ܕܙܪܥܟܘܢ ܕܡܦܩܐ ܚܩܠܐ/ܐܪܥܟܘܢ#3#/ ܫܢܐ ܒܫܢܐ܂
14:23 [ai]ܘܐܟܘܠ ܩܕܡ ܡܪܝܐ ܐܠܗܟ ܒܐܬܪܐ ܕܓܒܐ܂ ܠܡܫܪܝܘ ܫܡܗ ܬܡܢ܂ ܡܥܣܪ̈ܐ ܕܥܒܘܪܟ ܘܕܚܡܪܟ ܘܕܡܫܚܟ ܘܒܘܟܪ̈ܐ ܕܬܘܪ̈ܝܟ ܘܕܥܢܟ܂ ܘܬܐܠܦ ܠܡܕܚܠ ܩܕܡ ܡܪܝܐ ܐܠܗܟ ܟܠܗܘܢ ܝܘܡ̈ܬܐ܂
14:24 [ai]ܘܐܢ ܣܓܝܐܐ ܗܝ ܡܢܟ ܐܘܪܚܐ܂ ܘܠܐ ܡܫܟܚ ܐܢܬ ܠܡܫܩܠܗ܂ ܡܛܠ ܕܪܚܝܩ ܗܘ ܡܢܟ ܐܬܪܐ ܕܓܒܐ ܡܪܝܐ ܐܠܗܟ܂ ܠܡܫܪܝܘ ܫܡܗ ܬܡܢ܂ ܡܐ ܕܒܪܟܟ/ܕܒܪܟ#3#/ ܡܪܝܐ ܐܠܗܟ܂
14:25 [ai]ܙܒܢܝܗܝ ܒܟܣܦܐ܂ ܘܨܘܪ ܟܣܦܐ ܒܐܝܕܟ܂ ܘܙܠ ܠܐܬܪܐ ܕܓܒܐ ܡܪܝܐ ܐܠܗܟ܂
14:26 [ai]ܘܙܒܢ ܒܟܣܦܐ ܟܠ ܕܪܓܐ ܢܦܫܟ܂ ܡܢ ܬܘܪ̈ܐ ܘܡܢ ܥܢܐ܂ ܘܡܢ ܚܡܪܐ ܘܡܢ ܫܟܪܐ ܘܡܢ ܟܠ ܕܫܐܠܐ ܠܟ ܢܦܫܟ܂ ܘܐܟܘܠ ܬܡܢ ܩܕܡ ܡܪܝܐ ܐܠܗܟ܂ ܘܚܕܝ ܐܢܬ ܘܒܝܬܟ/ܘܒܢ̈ܝܟ ܘܒܢ̈ܬܟ#2#/܂
14:27 [ai]ܘܠܘܝܐ ܕܒܩܘܪ̈ܝܟ ܠܐ ܬܫܒܩܝܘܗܝ܂ ܡܛܠ ܕܠܝܬ ܠܗ ܦܠܓܘܬܐ ܘܝܪܬܘܬܐ ܥܡܟ܂
14:28 [ai]ܘܡܢ ܒܬܪ ܬܠܬ ܫ̈ܢܝܢ܂ ܐܦܩ ܟܠܗ ܡܥܣܪܐ ܕܥܠܠܬܟ ܒܫܢܬܐ ܗܿܝ܂ ܫܒܘܩ ܒܩܘܪ̈ܝܟ܂
14:29 [ai]ܘܢܐܬܐ ܠܘܝܐ ܕܠܝܬ ܠܗ ܦܠܓܘܬܐ ܘܝܪܬܘܬܐ ܥܡܟ܂ ܘܐܝܢܐ ܕܡܬܦܢܐ ܠܘܬܝ܂ ܘܝܬܡܐ ܘܐܪܡܠܬܐ ܕܒܩܘܪ̈ܝܟ ܘܢܐܟܠܘܢ ܘܢܣܒܥܘܢ܂ ܘܢܒܪܟܟ ܡܪܝܐ ܐܠܗܟ ܒܟܠܗ ܥܒܿܕܐ ܕܐ̈ܝܕܝܟ ܕܬܥܒܕ܂

next chapter