← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܘܒܬܪ ܫܒܥ ܫ̈ܢܝܢ܂ ܥܒܕ ܫܘܒܩܢܐ܂
15:02 [ai]ܘܗܢܘ ܙܕܩܗ ܕܫܘܒܩܢܐ܂ ܢܫܒܘܩ ܟܠ ܓܒܪܐ ܡܪܐ ܚܘܒܐ ܕܚܝܒ ܠܗ ܚܒܪܗ܂ ܠܐ ܢܬܒܥ ܡܢ ܚܒܪܗ ܘܡܢ ܐܚܘܗܝ܂ ܡܛܠ ܕܐܬܩܪܝ ܫܘܒܩܢܐ ܠܡܪܝܐ܂
15:03 [ai]ܘܡܢ ܢܘܟܪܝܐ ܬܒܥ܂ ܘܡܕܡ ܕܐܝܬ ܠܟ ܠܘܬ ܐܚܘܟ ܫܒܘܩ܂
15:04 [ai]ܕܠܐ ܢܗܘܐ ܒܝܢܬܟܘܢ ܡܣܟܢܐ܂ ܡܛܠ ܕܡܒܪܟܘ ܢܒܪܟܟ ܡܪܝܐ ܐܠܗܟ܂ ܒܐܪܥܐ ܕܝܿܗܒ ܠܟ ܡܪܝܐ ܐܠܗܟ ܠܡܐܪܬܗܿ܂
15:05 [ai]ܘܐܢ ܬܫܡܥ ܒܩܠܗ ܕܡܪܝܐ ܐܠܗܟ܂ ܘܬܛܪ ܘܬܥܒܕ ܗܢܐ ܟܘܠܗ ܦܘܩܕܢܐ ܕܡܦܩܕ ܐܢܐ ܠܟ ܝܘܡܢܐ܂
15:06 [ai]ܢܒܪܟܟ ܡܪܝܐ ܐܠܗܟ ܐܝܟ ܕܐܡܪ ܠܟ܂ ܬܘܙܦ ܠܥܡ̈ܡܐ ܣ̈ܓܝܐܐ ܘܐܢܬ ܠܐ ܬܐܙܦ܂ ܘܬܫܬܠܛ ܒܥܡ̈ܡܐ ܣ̈ܓܝܐܐ ܘܒܟ ܠܐ ܢܫܬܠܛܘܢ܂
15:07 [ai]ܘܐܢ ܢܗܘܐ ܒܝܢܬܟܘܢ ܡܣܟܢܐ ܚܕ ܡܢ ܐ̈ܚܝܟܘܢ܂ ܒܚܕܐ ܡܢ ܩܘܪ̈ܝܟܘܢ܂ ܒܐܪܥܐ ܕܝܿܗܒ ܠܟ ܡܪܝܐ ܐܠܗܟ܂ ܠܐ ܬܥܫܢ ܠܒܟ܂ ܘܠܐ ܬܐܚܘܕ ܐܝܕܟ ܡܢ ܐܚܘܟ ܡܣܟܢܐ܂
15:08 [ai]ܐܠܐ ܦܬܚ ܠܗ ܐܝܕܟ ܘܐܘܙܦܝܗܝ ܡܕܡ ܕܚܣܝܪ ܠܗ܂
15:09 [ai]ܐܙܕܗܪ ܕܠܡܐ/ܕܠܐ#2#/ ܢܗܘܐ ܦܬܓܡܐ ܕܥܘܠܐ ܒܠܒܟ܂ ܘܬܐܡܪ ܕܩܪܒܬ ܫܢܬܐ ܕܫܘܒܩܢܐ ܫܢܬܐ ܕܫܒ̈ܘܥܐ܂ ܘܬܒܐܫ ܥܝܢܟ ܒܐܚܘܟ ܡܣܟܢܐ܂ ܘܠܐ ܬܬܠ ܠܗ܂ ܘܢܩܪܐ ܥܠܝܟ ܠܡܪܝܐ܂ ܘܢܗܘܐ ܥܠܝܟ ܚܛܗܐ܂
15:10 [ai]ܐܠܐ ܗܒ ܠܗ܂ ܘܠܐ ܢܒܐܫ ܠܒܟ܂ ܡܐ ܕܝܿܗܒ ܐܢܬ ܠܗ܂ ܕܡܛܠ ܦܬܓܡܐ ܗܢܐ ܢܒܪܟܟ ܡܪܝܐ ܐܠܗܟ ܒܟܠܗܘܢ ܥܒܿܕܝ̈ܟ܂ ܘܒܟܠ ܡܕܡ ܕܡܘܫܛ ܐܢܬ ܐܝܕܟ܂
15:11 [ai]ܠܐ ܓܝܪ ܓܡܪ ܡܣܟܢܐ ܡܢ ܓܘ ܐܪܥܐ܂ ܡܛܠ ܗܢܐ ܡܦܩܕ ܐܢܐ ܠܟ܂ ܘܐܿܡܪ ܐܢܐ ܠܟ ܕܬܦܬܚ ܐܝܕܟ ܠܐܚܘܟ ܡܣܟܢܐ܂ ܘܠܒܿܝܫܐ ܕܒܐܪܥܟ/ܕܥܡܟ#3#/܂
15:12 [ai]ܘܟܕ ܢܙܕܒܢ ܠܟ ܐܚܘܟ ܥܒܪܝܐ ܘܥܒܪܝܬܐ/ܐܘ ܥܒܪܝܬܐ#3#/ ܫܬ ܫ̈ܢܝܢ ܢܦܠܚܟ܂ ܘܠܫܢܬܐ ܕܫܒܥ ܫܒܘܩܝܗܝ ܒܪ ܚܐܪ̈ܐ ܡܢ ܠܘܬܟ܂
15:13 [ai]ܘܡܐ ܕܫܿܒܩ ܐܢܬ ܠܗ ܒܪ ܚܐܪ̈ܐ ܡܢ ܠܘܬܟ܂ ܠܐ ܬܫܒܘܩܝܘܗܝ ܣܪܝܩܐܝܬ܂
15:14 [ai]ܐܠܐ ܦܪܘܫ ܘܗܒ ܠܗ܂ ܡܢ ܥܢܟ ܘܡܢ ܬܘܪ̈ܝܟ܂ ܘܡܢ ܐܕܪܟ ܘܡܢ ܡܥܨܪܬܟ܂ ܘܡܢ ܡܕܡ ܕܝܗܒ ܠܟ ܡܪܝܐ ܐܠܗܟ ܗܒ ܠܗ܂
15:15 [ai]ܘܐܬܕܟܪ ܕܥܒܕܐ ܗܘܝܬ ܒܡܨܪܝܢ܂ ܘܦܪܩܟ ܡܪܝܐ ܐܠܗܟ܂ ܡܛܠ ܗܢܐ ܡܦܩܕ ܐܢܐ ܠܟ ܦܬܓܡܐ ܗܢܐ ܝܘܡܢܐ܂
15:16 [ai]ܘܐܢ ܢܐܡܪ ܠܟ ܕܠܐ ܢܿܦܩ ܐܢܐ ܡܢ ܠܘܬܟ܂ ܡܛܘܠ ܕܪܚܡܿܬܟ ܘܠܒܝܬܟ܂ ܘܦܩܚ ܠܝ ܥܡܟ܂
15:17 [ai]ܣܒ ܡܩܒܐ ܘܩܘܒ ܐܕܢܗ ܥܠ ܬܪܥܐ܂ ܘܢܗܘܐ ܠܟ ܥܒܕܐ ܠܥܠܡ܂ ܘܐܦ ܠܐܡܬܟ ܗܟܢܐ ܬܥܒܕ ܠܗܿ܂
15:18 [ai]ܘܠܐ ܢܬܒܐܫ ܒܥܝ̈ܢܝܟ ܡܐ/ܥܠ#3#/ ܕܫܿܒܩ ܐܢܬ ܠܗ ܒܪ ܚܐܪ̈ܐ ܡܢ ܠܘܬܟ܂ ܡܛܠ ܕܚܕ ܬܪ̈ܝܢ ܒܐܓܪܐ ܕܐܓܝܪܐ ܦܠܚܟ ܫܬ ܫ̈ܢܝܢ܂ ܘܢܒܪܟܟ ܡܪܝܐ ܐܠܗܟ ܒܟܠ ܡܕܡ ܕܥܿܒܕ ܐܢܬ܀
15:19 [ai]ܘܟܠ ܒܘܟܪܐ ܕܡܬܝܠܕ ‍<‍ܠܟ#2#‍>‍ ܒܬܘܪ̈ܝܟ ܘܒܥܢܟ ܕܟܪ̈ܐ܂ ܩܕܫ ܠܡܪܝܐ ܐܠܗܟ܂ ܠܐ ܬܦܠܘܚ ܒܒܘܟܪ̈ܐ ܕܬܘܪ̈ܝܟ܂ ܘܠܐ ܬܓܘܙ ܒܘܟܪ̈ܐ ܕܥܢܟ܂
15:20 [ai]ܐܠܐ ܩܕܡ ܡܪܝܐ ܐܠܗܟ ܐܟܘܠܝܗܝ ܕܫܢܐ ܒܫܢܐ܂ ܒܐܬܪܐ ܕܓܒܐ ܡܪܝܐ ‍<‍ܐܠܗܟ#3#‍>‍܂ ܐܢܬ ܘܒܝܬܟ܂
15:21 [ai]ܘܐܢ ܢܗܘܐ ܒܗ ܡܘܡܐ \ܘܢܬܚܓܪ ܐܘ ܢܬܥܘܪ /ܢܬܥܘܪ ܐܘ ܢܬܚܓܪ#3#/ ܐܘ ܟܠ ܡܕܡ/ܡܘܡ#3#/ ܕܣܢܐ܂ ܠܐ ܬܩܪܒܝܘܗܝ ܠܡܪܝܐ ܐܠܗܟ܂
15:22 [ai]ܐܠܐ ܒܩܘܪ̈ܝܟ ܐܟܘܠܝܗܝ ܕܛܡܐ ܘܕܕܟܐ ܐܟܚܕܐ ܐܝܟ ܛܒܝܐ ܘܐܝܟ ܐܝܠܐ ܬܐܟܠܝܘܗܝ܂
15:23 [ai]ܒܠܚܘܕ ܕܡܐ ܠܐ ܬܐܟܠܘܢ܂ ܐܠܐ ܥܠ ܐܪܥܐ ܐܫܘܕܝܗܝ ܐܝܟ ܡ̈ܝܐ܂

next chapter