← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܛܪ ܝܪܚܐ ܕܗ̈ܒܒܐ ܘܥܒܕ ܦܨܚܐ ܠܡܪܝܐ ܐܠܗܟ܂ ܡܛܠ ܕܒܝܪܚܐ ܕܗ̈ܒܒܐ ܐܦܩܟ ܡܪܝܐ ܐܠܗܟ ܡܢ ܡܨܪܝܢ ܒܠܠܝܐ܂
16:02 [ai]ܘܟܘܣ ܦܨܚܐ ܠܡܪܝܐ ܐܠܗܟ ܡܢ ܥܢܐ ܘܡܢ ܬܘܪ̈ܐ܂ ܒܐܬܪܐ ܕܓܒܐ ܡܪܝܐ ܐܠܗܟ ܠܡܫܪܝܘ ܫܡܗ ܬܡܢ܂
16:03 [ai]ܠܐ ܬܐܟܘܠ ܥܠܘܗܝ ܚܡܝܥܐ܂ ܐܠܐ ܫܒܥܐ ܝܘܡ̈ܝܢ ܐܟܘܠ ܥܠܘܗܝ ܦܛܝܪܐ ܠܚܡܐ ܡܡܟܟܐ܂ ܡܛܠ ܕܒܣܘܪܗܒܐ ܢܦܩܬܘܢ ܡܢ ܡܨܪܝܢ܂ ܕܬܗܘܐ ܡܬܕܟܪ ܝܘܡܐ ܕܢܦܩܬ ܒܗ ܡܢ ܡܨܪܝܢ܂ ܟܠܗܘܢ ܝܘܡ̈ܝ ܚܝ̈ܝܟ܂
16:04 [ai]ܘܠܐ ܢܬܚܙܐ ܚܡܝܥܐ/ܚܡܝܪܐ#2#/ ܒܟܘܠܗ ܬܚܘܡܟ ܫܒܥܐ ܝܘܡ̈ܝܢ܂ ܘܠܐ ܢܒܘܬ ܡܢ ܒܣܪܐ ܕܢܿܟܣ ܐܢܬ ܒܪܡܫܐ܂ ܒܝܘܡܐ ܩܕܡܝܐ ܠܨܦܪܐ܂
16:05 [ai]ܠܐ ܫܠܝܛ ܠܟ ܠܡܟܣ ܦܨܚܐ ܒܚܕܐ ܡܢ ܩܘܪ̈ܝܟ ܕܝܿܗܒ ܠܟ ܡܪܝܐ ܐܠܗܟ܂
16:06 [ai]ܐܠܐ ܒܐܬܪܐ ܕܢܓܒܐ ܡܪܝܐ ܐܠܗܟ ܠܡܫܪܝܘ ܫܡܗ܂ ܬܡܢ ܟܘܣ ܦܨܚܐ܂ ܒܪܡܫܐ/ܠܡܪܝܐ#3#/ ܒܡܥܪ̈ܒܝ ܫܡܫܐ܂ ܐܝܟ ܙܒܢܐ ܕܢܦܩܬ ‍<‍ܒܗ#3#‍>‍ ܡܢ ܡܨܪܝܢ܂
16:07 [ai]ܘܒܫܠ ܘܐܟܘܠ ܒܐܬܪܐ ܕܓܒܐ ܠܗ ܡܪܝܐ ܐܠܗܟ܂ ܘܗܦܘܟ ܒܨܦܪܐ ܙܠ ܠܡܫܟܢܟ܂
16:08 [ai]ܫܬܐ ܝܘܡ̈ܝܢ ܬܐܟܘܠ ܦܛܝܪܐ܂ ܘܝܘܡܐ ܕܫܒܥܐ ܟܢܘܫܝܐ ܗܘ ܠܡܪܝܐ ܐܠܗܟܘܢ܂ ܠܐ ܬܥܒܕܘܢ ܒܗ ‍<‍ܟܠ#3#‍>‍ ܥܒܿܕܐ܂
16:09 [ai]ܫܒܥܐ ܫܒ̈ܘܥܝܢ ܬܡܢܐ ܠܟ܂ ܡܐ ܕܡܫܪܐ ܐܢܬ ܡܓܠܐ ܒܩܿܝܡܬܐ܂ ܫܿܪܐ ܠܡܡܢܐ ܫܒܥܐ ܫܒ̈ܘܥܝܢ܂
16:10 [ai]ܘܥܒܕ ܥܕܥܐܕܐ ܕܫܒ̈ܘܥܐ ܠܡܪܝܐ ܐܠܗܟ܂ ܡܣܬ ܦܘܪܫܢܐ ܕܐ̈ܝܕܝܟ ܕܦܪܫ ܐܢܬ܂ ܐܝܟ/ܐܝܟܢܐ#3#/ ܕܒܪܟܟ ܡܪܝܐ ܐܠܗܟ܂
16:11 [ai]ܘܚܕܝ ܩܕܡ ܡܪܝܐ ܐܠܗܟ܂ ܐܢܬ ܘܒܪܟ ܘܒܪܬܟ܂ ܘܥܒܕܟ ܘܐܡܬܟ܂ ܘܠܘܝܐ ܕܒܩܘܪ̈ܝܟ܂ ܘܥܡܘܪܐ ܘܝܬܡܐ ܘܐܪܡܠܬܐ ܕܒܓܘܟ܂ ܒܐܬܪܐ ܕܓܒܐ ܡܪܝܐ ܐܠܗܟ ܠܡܫܪܝܘ ܫܡܗ ܬܡܢ܂
16:12 [ai]ܘܐܬܕܟܪ ܕܥܒܼܕܐ ܗܘܝܬ ܒܡܨܪܝܢ܂ ܛܪ ܘܥܒܕ ܗܠܝܢ ܟܠܗܘܢ ܢܡ̈ܘܣܐ܀܂
16:13 [ai]ܥܕܥܐܕܐ ܕܡ̈ܛܠܠܐ ܥܒܕ ܠܟ ܫܒܥܐ ܝܘܡ̈ܝܢ܂ ܡܐ ܕܚܿܡܠ ܐܢܬ ܡܢ ܐܕܪܐ ܘܡܢ ܡܥܨܪܬܐ܂
16:14 [ai]ܘܚܕܝ ܒܥܕܥܐܕܟ ܐܢܬ ܘܒܪܟ ܘܒܪܬܟ܂ ܘܥܒܕܟ ܘܐܡܬܟ܂ ܘܠܘܝܐ ܘܝܬܡܐ ܘܐܪܡܠܬܐ ܘܥܡܘܪܐ ܕܒܩܘܪ̈ܝܟ܂
16:15 [ai]ܫܒܥܐ ܝܘܡ̈ܝܢ ܥܒܕ ܥܕܥܐܕܐ ܠܡܪܝܐ ܐܠܗܟ ܒܐܬܪܐ ܕܓܒܐ ܡܪܝܐ ‍<‍ܐܠܗܟ#3#‍>‍܂ ܕܢܒܪܟܟ ܡܪܝܐ ܐܠܗܟ ܒܟܠܗܿ ܥܠܠܬܟ܂ ܘܒܟܠܗ ܥܒܿܕܐ ܕܐ̈ܝܕܝܟ܂ ܘܬܗܘܐ ܚܿܕܐ܂
16:16 [ai]ܬܠܬ ܙܒܢܝ̈ܢ ܒܫܢܬܐ ܢܬܚܙܘܢ ‍<‍ܟܘܠ#3#‍>‍ ܕܘܟܪ̈ܢܝܟ ܩܕܡ ܡܪܝܐ ܐܠܗܟ܂ ܒܐܬܪܐ ܕܓܒܐ ‍<‍ܡܪܝܐ#3#‍>‍ ܒܥܕܥܐܕܐ ܕܦܛܝܪ̈ܐ ܘܒܥܕܥܐܕܐ ܕܫܒ̈ܘܥܐ ܘܒܥܕܥܐܕܐ ܕܡ̈ܛܠܠܐ܂ ܘܠܐ ܬܬܚܙܐ ܩܕܡ ܡܪܝܐ ܐܠܗܟ ܣܪܝܩܐܝܬ܂
16:17 [ai]ܐܠܐ ܐܢܫ ܐܝܟ ܡܘܗܒܬܐ ܕܐܝܕܗ܂ ܐܝܟ ܒܘܪܟܬܐ ܕܝܿܗܒ ܠܟ ܡܪܝܐ ܐܠܗܟ܂
16:18 [ai]ܕܝܿܢ̈ܐ ܘܣܦܪ̈ܐ ܥܒܼܕ ܠܟ ܒܟܠܗܝܢ ܩܘܪ̈ܝܟ ܕܝܿܗܒ ܠܟ ܡܪܝܐ ܐܠܗܟ ܠܫ̈ܒܛܝܟ܂ ܘܢܕܘܢܘܢ ܠܥܡܐ ܕܝ̈ܢܼܐ ܕܙܕܝܩܘܬܐ܂
16:19 [ai]ܘܠܐ ܬܨܠܐ ܕܝܢܼܐ܂ ܘܠܐ ܬܣܒ ܒܐ̈ܦܐ܂ ܘܠܐ ܬܩܒܠ ܫܘܚܕܐ܂ ܡܛܠ ܕܫܘܚܕܐ ܡܥܘܪ ܥܝ̈ܢܝܗܘܢ ܕܚ̈ܟܝܡܐ ܒܕܝܢܼܐ܂ ܘܡܗܦܟ ܡ̈ܠܝܗܘܢ ܕܙܟ̈ܝܐ܂
16:20 [ai]ܐܠܐ ܒܙܕܝܩܘܬܐ ܕܘܢ ܚܒܪܟ܂ ܕܬܚܐ ܘܬܥܘܠ ܘܬܐܪܬ ܐܪܥܐ ‍<‍ܗܿܝ#3#‍>‍ ܕܝܿܗܒ ܠܟ ܡܪܝܐ ܐܠܗܟ܂
16:21 [ai]ܠܐ ܬܨܘܒ ܠܟ ܫ̈ܬܠܬܐ ܕܟܠ ܐܝܠܢ܂ ܥܠ ܓܢܒ ܡܕܒܚܐ ܕܡܪܝܐ ܐܠܗܟ ܕܬܥܒܕ ܠܟ܂
16:22 [ai]ܘܠܐ ܬܩܝܡ ܠܟ ܩܝܡܬܐ ܡܕܡ ܕܣܿܢܐ ܡܪܝܐ ܐܠܗܟ܂

next chapter