← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܠܐ ܬܟܘܣ ܠܡܪܝܐ ܐܠܗܟ ܬܘܪܐ ܐܘ ܐܡܪܐ ܕܐܝܬ ܒܗ ܡܘܡܐ ܟܠ ܡܕܡ ܕܣܼܢܐ܂ ܡܛܠ ܕܛܡܐ ܗܘ ܩܕܡ ܡܪܝܐ ܐܠܗܟ܂
17:02 [ai]ܘܐܢ ܢܫܬܟܚ ܒܝܢܬܟܘܢ ܒܚܕܐ ܡܢ ܩܘܪ̈ܝܟܘܢ ܕܝܿܗܒ ܠܟܘܢ ܡܪܝܐ ܐܠܗܟܘܢ܂ ܓܒܪܐ ܐܘ ܐܢܬܬܐ ܕܢܥܒܕ ܕܒܝܫ ܩܕܡ ܡܪܝܐ ܐܠܗܟ܂ ܘܢܥܒܪ ܥܠ ܩܝܡܗ܂
17:03 [ai]ܘܢܐܙܠ ܘܢܦܠܘܚ ܠܐ̈ܠܗܐ ܐܚܪ̈ܢܐ܂ ܘܢܣܓܘܕ ܠܗܘܢ܂ ܐܘ ܠܫܡܫܐ ܐܘ ܠܣܗܪܐ܂ ܐܘ ܠܟܠ ܚܝ̈ܠܘܬܐ ܕܫܡܝܐ܂ ܕܠܐ ܦܩܕܬ܂
17:04 [ai]ܘܢܚܘܘܢܟ ܘܬܫܡܥ ܘܬܥܩܒ ܫܦܝܪ܂ ܐܢ ܫܪܝܪܐ ܗܝ ܡܠܬܐ܂ ܘܐܬܥܒܕܬ ܗܕܐ ܛܢܦܘܬܐ ܒܐܝܣܪܐܝܠ܂
17:05 [ai]ܐܦܩܝܗܝ ܠܓܒܪܐ ܗܿܘ ܐܘ ܠܐܢܬܬܐ ܗܿܝ܂ ܕܥܒܕܘ ܦܬܓܡܐ ܗܢܐ ܒܝܫܐ ܒܩܘܪ̈ܝܟܘܢ܂ ܐܢ ܓܒܪܐ ܗܘ ܐܘ ܐܢܬܬܐ܂ ܘܪܓܘܡܘ ܐܢܘܢ ܒܟܐ̈ܦܐ ܘܢܡܘܬܘܢ܂
17:06 [ai]ܥܠ ܦܘܡ ܬܪ̈ܝܢ ܣܗ̈ܕܝܢ܂ ܐܘ ܥܠ ܦܘܡ ܬܠܬܐ ܣܗ̈ܕܝܢ ܢܬܩܛܠ܂ ܡܿܢ ܕܚܝܒ ܡܘܬܐ܂ ܠܐ ܢܬܩܛܠ ܥܠ ܦܘܡ ܣܗܕܐ ܚܕ܂
17:07 [ai]ܘܐܝܕܐ ܕܣܗ̈ܕܐ \ܬܫܪܐ ܒܗ ܒܩܕܡܝܬܐ /ܬܗܘܐ ܒܗ ܠܘܩܕܡ#3#/ ܠܡܩܛܠܗ܂ ܘܐܝܕܐ ܕܟܠܗ ܥܡܐ ܒܐܚܪܝܬܐ܂ ܘܐܘܒܕܘ ܥܿܒ̈ܕܝ ܒܝܫ̈ܬܐ ܡܢ ܒܝܢܬܟܘܢ܂
17:08 [ai]ܘܟܕ ܢܬܟܣܐ ܡܢܟܘܢ ܦܬܓܡܐ ܕܕܝܼܢܐ/ܗܢܐ#3#/܂ ܒܝܬ ܕܡܐ ܠܕܡܐ܂ ܘܒܝܬ ܕܝܢܼܐ ܠܕܝܢܼܐ܂ ܘܒܝܬ ܡܚܘܬܐ ܕܓܪܒܐ ܠܒܝܬ ܡܚܘܬܐ ܕܓܪܒܐ܂ ‍<‍ܟܠ#2#‍>‍ ܦܬܓܡܐ ܕܚܪܝܢܐ ܒܩܘܪ̈ܝܟܘܢ܂ ܬܩܘܡ ܘܬܐܙܠ ܠܐܬܪܐ ܕܢܓܒܐ ܠܗ ܡܪܝܐ ܐܠܗܟ܂
17:09 [ai]ܘܬܐܙܠ ܠܘܬ ܟܗܢܐ ܘܠܘܬ/ܐܘ ܠܘܬ#3#/ ܠܘܝܐ܂ ܐܘ ܠܘܬ ܕܝܿܢܐ ܕܢܗܘܐ ܒܝ̈ܘܡܬܐ ܗܿܢܘܢ܂ ܘܬܫܐܠ ܘܢܚܘܘܢܟ ܦܬܓܡܐ ܕܕܝܢܼܐ܂
17:10 [ai]ܘܬܥܒܕ ܡܢ ܦܘܡ ܦܬܓܡܐ ܕܢܚܘܘܢܟ ܡܢ ܐܬܪܐ ܗܿܘ܂ ܐܝܟ ܕܐܡܪ ܡܪܝܐ܂ ܘܬܛܪ ܘܬܥܒܕ ܐܝܟ ܕܢܠܦܘܢܟ܂
17:11 [ai]ܡܢ ܦܘܡ ܢܡܘܣܐ ܕܢܚܘܘܢܟ܂ ܘܡܢ ܦܘܡ ܕܝܢܼܐ ܕܢܐܡܪܘܢ ܠܟ ܬܥܒܕ܂ ܘܠܐ ܬܣܛܐ ܡܢ ܦܘܡ ܦܬܓܡܐ ܕܢܚܘܘܢܟ܂ ܠܐ ܠܝܡܝܢܐ ܘܠܐ ܠܣܡܠܐ܂
17:12 [ai]ܘܓܒܪܐ ܕܢܥܒܕ/ܕܢܥܒܪ#3#/ ܒܡܪܚܘܬܐ܂ ܘܠܐ ܢܫܡܥ ܠܟܗܢܐ ܕܩܿܐܡ ܠܡܫܡܫܘ ܬܡܢ ܩܕܡ ܡܪܝܐ ܐܠܗܟ܂ ܐܘ ܠܕܝܿܢܐ ܢܬܩܛܠ ܓܒܪܐ ܗܿܘ܂ ܘܐܘܒܕܘ ܥܿܒ̈ܕܝ ܒܝܫ̈ܬܐ ܡܢ ܐܝܣܪܐܝܠ/ܒܝܢܬܟܘܢ#3#/܂
17:13 [ai]ܘܟܠܗ ܥܡܐ ܢܫܡܥܘܢ ܘܢܕܚܠܘܢ܂ ܘܬܘܒ ܠܐ ܢܡܪܚܘܢ܀܂
17:14 [ai]ܘܟܕ ܬܥܘܠ ܠܐܪܥܐ ܕܝܿܗܒ ܠܟ ܡܪܝܐ ܐܠܗܟ ܘܬܐܪܬܝܗܿ ܘܬܬܒ ܒܗܿ܂ ܘܬܐܡܪ ܐܩܝܡ ܥܠܝ ܡܠܟܐ ܐܝܟ ܗܠܝܢ ܥܡ̈ܡܐ ܕܒܚܕܪ̈ܝ܂
17:15 [ai]ܡܩܡܘ ܐܩܝܡ ܥܠܝܟ ܡܠܟܐ܂ ܐܝܢܐ ܕܓܒܐ ܠܗ ܡܪܝܐ ܐܠܗܟ܂ ܡܢ ܒܝܢܬ ܐ̈ܚܝܟ ܐܩܝܡ ܥܠܝܟ ܡܠܟܐ܂ ܠܐ ܫܠܝܛ ܠܟ ܕܬܩܝܡ ܥܠܝܟ ܓܒܪܐ ܢܘܟܪܝܐ܂ ܐܝܢܐ ܕܠܐ ܗܘܐ ܡܢ ܐ̈ܚܝܟ܂
17:16 [ai]ܒܠܚܘܕ ܕܝܢ ܠܐ ܢܣܓܐ ܠܗ ܪ̈ܟܫܐ܂ ܕܠܐ ܢܗܦܟܝܘܗܝ ܠܥܡܐ ܠܡܨܪܝܢ܂ ܟܕ ܢܣܓܘܢ ܠܗ ܪ̈ܟܫܐ܂ ܘܡܪܝܐ ܐܡܪ ܠܟܘܢ܂ ܕܠܐ ܬܘܣܦܘܢ ܬܘܒ ܠܡܗܦܟ ܒܐܘܪܚܐ ܗܕܐ܂
17:17 [ai]ܘܠܐ ܢܣܓܐ ܠܗ ܢܫ̈ܐ܂ ܕܠܐ ܢܣ̈ܛܝܢ/ܢܫ̈ܛܝܢ#3#/ ܠܒܗ܂ ܘܣܐܡܐ/ܘܟܣܦܐ#3#/ ܘܕܗܒܐ ܠܐ ܢܣܓܐ/ܢܗܘܐ#3#/ ܠܗ ܛܒ܂
17:18 [ai]ܘܡܐ ܕܝܿܬܒ ܥܠ ܟܘܪܣܝܐ ܕܡܠܟܘܬܗ܂ ܢܟܬܘܒ ܠܗ ܦܪܫܓܢܗ ܕܢܡܘܣܐ ܗܢܐ܂ ܒܣܦܪܐ ܡܢ ܩܕܡ ܟܗܢܐ ܘܠܘܝܐ܂
17:19 [ai]ܘܢܗܘܐ ܥܡܗ܂ ܘܢܗܘܐ ܩܿܪܐ ܒܗ ܟܠ ܝܘܡ̈ܝ ܚܝ̈ܘܗܝ܂ ܕܢܐܠܦ ܠܡܕܚܠ ܡܢ ܩܕܡ ܡܪܝܐ ܐܠܗܗ܂ ܘܢܿܛܪ ܟܠܗܘܢ ܦ̈ܬܓܡܘܗܝ/ܦܘܩܕܢܘ̈ܗܝ#3#/ ܕܢܡܘܣܐ ܗܢܐ܂ ܘܦܘܩ̈ܕܢܐ ܗܠܝܢ܂ ܘܢܥܒܕ ܐܢܘܢ܂
17:20 [ai]ܕܠܐ ܢܬܬܪܝܡ ܠܒܗ ܡܢ ܐ̈ܚܘܗܝ܂ ܘܠܐ ܢܣܛܐ ܡܢ ܦܘܩ̈ܕܢܐ ܠܐ ܠܝܡܝܢܐ ܘܠܐ ܠܣܡܠܐ܂ ܕܢܣܓܐ ܝܘܡ̈ܬܐ ܕܡܠܟܘܬܗ ܗܘ ܘܒܢ̈ܘܗܝ ܒܝܢܬ ܒܢ̈ܝ ܐܝܣܪܝܠ܀܂

next chapter