← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܠܐ ܬܗܘܐ ܠܟܗܢܐ ܘܠܠܘܝܐ ܦܠܓܘܬܐ ܘܝܪܬܘܬܐ ܒܝܢܬ ܒܢ̈ܝ ܐܝܣܪܝܠ܂ ܐܠܐ ܩܘܪ̈ܒܢܘܗܝ ܕܡܪܝܐ ܘܝܪܬܘܬܗ ܢܐܟܠܘܢ܂
18:02 [ai]ܘܝܪܬܘܬܐ ܠܐ ܬܗܘܐ ܠܗ ܒܝܢܬ/ܒܝܬ#3#/ ܐ̈ܚܘܗܝ܂ ܡܪܝܐ ܗܘ ܓܝܪ ܝܪܬܘܬܗ ܐܝܟ/ܐܝܟܢܐ#3#/ ܕܐܡܪ ܠܗ܂
18:03 [ai]ܘܗܢܐ ܢܗܘܐ ܙܕܩܗ ܕܟܗܢܐ ܡܢ ܥܡܐ ܡܢ ܢܿܟ̈ܣܝ ܢܟܣܬܐ܂ ܐܢ ܬܘܪܐ ܗܘ ܐܘ ܐܡܪܐ ܢܬܠ ܠܟܗܢܐ ܕܪܥܐ ܘܦܟܐ ܘܥܢܘܝܬܐ܂
18:04 [ai]ܪܝܫ ܥܒܘܪܟ ܘܚܡܪܟ ܘܡܫܚܟ܂ ܘܪܝܫ ܓܙ̈ܐ/ܓܙܪ̈ܐ#2#/ ܕܥܢܟ ܗܒ ܠܗ܂
18:05 [ai]ܡܛܠ ܕܠܗ ܓܒܐ ܡܪܝܐ ܐܠܗܟ ܡܢ ܟܠܗܘܢ ܫܒ̈ܛܝܟ ܘܢܩܘܡ ܘܢܫܡܫ ܒܫܡܗ ܕܡܪܝܐ ܐܠܗܟ܂ ܗܘ ܘܒܢ̈ܘܗܝ ܟܠܗܘܢ ܝܘܡ̈ܬܐ܂
18:06 [ai]ܘܐܢ/ܘܟܕ#3#/ ܢܐܬܐ ܠܘܝܐ ܚܕ ܡܢ ܐ̈ܚܝܟ ܡܢ ܟܠܗ ܐܝܣܪܐܝܠ ܡܢ ܐܬܪ ܕܥܿܡܪ܂ ܢܐܬܐ ܒܟܘܠ ܪܓܬ ܢܦܫܗ ܠܐܬܪܐ ܕܓܒܐ ܡܪܝܐ܂
18:07 [ai]ܘܢܫܡܫ ܒܫܡܗ ܕܡܪܝܐ ܐܠܗܗ܂ ܐܝܟ ܟܠܗܘܢ ܐ̈ܚܘܗܝ ܠܘ̈ܝܐ ܕܩܿܝܡܝܢ ܬܡܢ ܩܕܡ ܡܪܝܐ܂
18:08 [ai]ܡܢܬܐ ܫܘܝܐܝܬ ܢܐܟܠܘܢ܂ ܣܛܪ ܡܢ ܙܒܢܐ ܕܐ̈ܒܗܐ܂
18:09 [ai]ܘܡܐ ܕܥܠܬ ܠܐܪܥܐ ܕܝܿܗܒ ܠܟ ܡܪܝܐ ܐܠܗܟ܂ ܠܐ ܬܐܠܦ ܠܡܥܒܕ ܐܝܟ ܥܒܿܕܝ̈ܗܘܢ ܕܥܡ̈ܡܐ ܗܿܢܘܢ/ܗܠܝܢ#3#/܂
18:10 [ai]ܠܐ ܢܫܬܟܚ ܒܟ܂ ܕܡܥܒܪ ܒܪܗ ܐܘ ܒܪܬܗ ܒܢܘܪܐ܂ ܘܕܩܨܡ ܩܨܡܐ ܘܕܡܐܚܕ ܥܝܢܐ܂ ܘܕܡܢܚܫ ܘܕܚܪܫ܂
18:11 [ai]ܘܕܐܿܫܦ ܒܐܫܦܐ ܘܕܫܿܐܠ ܡܢ ܙܟܘܪ̈ܐ ܘܡܢ ܝܕܘ̈ܥܐ܂ ܘܫܐܠ ܠܡ̈ܝܬܐ܂
18:12 [ai]ܡܛܠ ܕܛܡܐ ܗܘ ܩܕܡ ܡܪܝܐ ܐܠܗܟ ܟܠ ܡܿܢ ܕܥܿܒܕ ܗܠܝܢ܂ ܘܡܛܘܠ ܛܢ̈ܦܘܬܐ ܗܠܝܢ ܡܘܒܕ ܠܗܘܢ ܡܪܝܐ ܐܠܗܟ ܡܢ ܩܕܡܝܟ܂
18:13 [ai]ܗܘܝܬ ܬܡܝܡ ܩܕܡ ܡܪܝܐ ܐܠܗܟ܂
18:14 [ai]ܡܛܠ ܕܥܡ̈ܡܐ ܗܠܝܢ ܕܝܿܪܬ ܐܢܬ ܠܗܘܢ܂ ܠܙܟܘܪ̈ܐ ܘܠܩ̈ܨܘܡܐ ܫܿܡܥܝܢ܂ ܐܢܬ ܕܝܢ ܠܐ ܗܘܐ ܗܟܢܐ ܝܿܗܒ ܠܟ ܡܪܝܐ ܐܠܗܟ܂
18:15 [ai]ܢܒܝܐ ܡܢ ܓܘܟ ܡܢ ܐ̈ܚܝܟ ܐܟܘܬܝ ܢܩܝܡ ܠܗ ܡܪܝܐ ܐܠܗܟ܂ ܠܗ ܗܘܝܬܘܢ ܫܿܡܥܝܢ܂
18:16 [ai]ܐܝܟ ܕܫܐܠܬ ܡܢ ܩܕܡ ܡܪܝܐ ܐܠܗܟ ܒܚܘܪܝܒ ܒܝܘܡܐ ܕܟܢܘܫܝܐ܂ ܘܐܡܪܬ ܕܠܐ ܐܘܣܦ ܠܡܫܡܥ ܩܠܗ ܕܡܪܝܐ ܐܠܗܝ܂ ܘܗܕܐ ܢܘܪܐ ܪܒܬܐ ܬܘܒ ܠܐ ܐܚܙܐ ܕܠܐ ܐܡܘܬ܂
18:17 [ai]ܘܐܡܪ ܠܝ ܡܪܝܐ܂ ܫܦܝܪ ܟܠ ܡܕܡ ܕܡܠܠܘ܂
18:18 [ai]ܢܒܝܐ ܐܩܝܡ ܠܗܘܢ ܡܢ ܓܘ ܐ̈ܚܝܗܘܢ ܐܟܘܬܟ܂ ܘܐܬܠ ܦܬ̈ܓܡܝ ܒܦܘܡܗ܂ ܘܢܐܡܪ ܠܗܘܢ ܟܠ ܡܕܡ ܕܐܦܩܕܝܘܗܝ܂
18:19 [ai]ܘܓܒܪܐ ܕܠܐ ܢܫܡܥ ܠܦܬ̈ܓܡܝ ܕܢܡܠܠ ܒܫܡܝ܂ ܐܢܐ ܐܬܒܥ ܡܢܗ܂
18:20 [ai]ܒܪܡ ܕܝܢ ܢܒܝܐ ‍<‍ܐܝܢܐ#3#‍>‍ ܕܢܡܪܚ ܠܡܡܠܠܘ ܡܠܬܐ ܒܫܡܝ܂ ܕܠܐ ܦܩܿܕܬܗ ܕܢܐܡܪ܂ ܘܕܢܡܠܠ ܒܫܡ ܐ̈ܠܗܐ ܐܚܪ̈ܢܐ܂ ܢܬܩܛܠ ܢܒܝܐ ܗܿܘ܂
18:21 [ai]ܘܐܢ ܬܐܡܪ ܒܠܒܟ܂ ܐܝܟܢܐ ܐܕܥܝܘܗܝ ܠܦܬܓܡܐ ܕܠܐ ܐܡܪܗ ܡܪܝܐ܂
18:22 [ai]ܡܐ ܕܡܠܠ ܢܒܝܐ ܒܫܡܗ ܕܡܪܝܐ܂ ܘܠܐ ܗܘܐ ܦܬܓܡܐ ‍<‍ܗܿܘ#3#‍>‍ ܘܠܐ ܐܬܐ܂ ܗܼܘ ܗܿܘ ܦܬܓܡܐ ܠܐ ܡܠܠ ܡܪܝܐ܂ ܒܡܪܚܘܬܐ ܡܠܠܗ/ܗܘ ܡܡܠܠܗ#3#/ ܢܒܝܐ܂ ܠܐ ܬܕܚܠܘܢ ܡܢܗ܀܂

next chapter