← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܠܐ ܬܚܙܐ ܬܘܪܗ ܕܐܚܘܟ ܐܘ ܢܩܝܗ ܟܕ ܛܿܥܝܢ ܘܬܗܡܐ ܡܢܗܘܢ܂ ܐܠܐ ܡܗܦܟܘ ܐܗܦܟ ܐܢܘܢ ܠܐܚܘܟ/ܠܗ#3#/܂
22:02 [ai]ܘܐܢ ܠܐ ܩܪܝܒ ܠܟ ܐܚܘܟ ܘܠܐ ܝܿܕܥ ܐܢܬ ܠܗ܂ ܐܥܠ ܐܢܘܢ \ܠܓܘ ܒܝܬܟ /ܠܒܝܬܟ#3#/܂ ܘܢܗܘܘܢ ܠܘܬܟ ܥܕܡܐ ܕܬܒܿܥ ܠܗܘܢ ܐܚܘܟ܂ ܘܦܢܐ ܐܢܘܢ ܠܗ܂
22:03 [ai]ܗܟܢܐ ܥܒܕ ܠܬܘܪܗ ܘܠܚܡܪܗ ܘܠܬܟܣܝܬܗ܂ ܘܗܟܢܐ ܥܒܕ ܠܟܠ ܐܒܕܬܐ ܕܐܒܕܐ ܡܢܗ ܘܡܫܟܚ ܐܢܬ ܠܗܿ܂ ܠܐ ܫܠܝܛ ܠܟ ܕܬܗܡܐ܂
22:04 [ai]ܠܐ ܬܚܙܐ ܚܡܪܗ ܕܒܥܠܕܒܒܟ/ܕܐܚܘܟ#3#/ ܐܘ ܬܘܪܗ ܟܕ ܐܪܡܝܢ ܒܐܘܪܚܐ܂ ܘܬܗܡܐ ܡܢܗܘܢ܂ ܐܠܐ ܡܩܡܘ ܐܩܝܡ ܐܢܘܢ ܥܡܗ܀܂
22:05 [ai]ܠܐ ܢܗܘܘܢ ܡܐ̈ܢܐ ܕܓܒܪܐ ܥܠ ܐܢܬܬܐ܂ ܘܠܐ ܢܠܒܫ ܓܒܪܐ ܡܐ̈ܢܐ ܕܐܢܬܬܐ܂ ܡܛܠ ܕܛܡܐ ܗܘ ܩܕܡ ܡܪܝܐ ܐܠܗܟ܂ ܟܠ ܡܿܢ ܕܥܿܒܕ ܗܠܝܢ܂
22:06 [ai]ܘܟܕ ܬܫܟܚ ܩܢܐ ܕܨܦܪ̈ܐ ܩܕܡܝܟ ܒܐܘܪܚܐ܂ ܒܟܠ ܐܝܠܢ ܐܘ ܥܠ ܐܪܥܐ ܦܪ̈ܘܓܐ ܐܘ ܒܢܬ̈ܐ܂ ܘܐܡܐ ܩܦܝܦܐ ܥܠ ܦܪ̈ܘܓܐ܂ ܐܘ ܥܠ ܒܢܬ̈ܐ܂ ܠܐ ܬܣܒ ܐܡܐ ܥܡ ܒܢ̈ܝܗܿ܂
22:07 [ai]ܐܠܐ ܡܦܪܚܘ ܐܦܪܚܝܗܿ ܠܐܡܐ܂ ܘܒܢ̈ܝܗܿ ܣܒ ܠܟ ܕܢܛܐܒ ܠܟ ܘܢܣܓܘܢ ܝܘܡ̈ܬܟ܀܂
22:08 [ai]ܘܡܐ ܕܒܿܢܐ ܐܢܬ ܒܝܬܐ ܚܕܬܐ܂ ܥܒܕ ܬܝܟܐ ܠܐܓܪܟ܂ ܕܠܐ/ܕܠܡܐ#3#/ ܢܦܠ ܡܢܗ ܐܢܫܐ ܘܢܗܘܐ/ܘܬܥܒܕ#3#/ ܕܡܐ ܒܒܝܬܟ܀܂
22:09 [ai]ܠܐ ܬܙܪܘܥ ܟܪܒܟ ܚܠܛܐ܂ ܕܠܐ ܬܬܩܕܫ ܥܠܠܬܗ ܕܙܪܥܐ ܕܙܪܥ ܐܢܬ܂ ܘܥܠܠܬܗ ܕܟܪܡܐ܂
22:10 [ai]ܠܐ ܬܕܒܪ ܦܕܢܐ ܒܬܘܪܐ ܘܒܚܡܪܐ ܐܟܚܕܐ܂
22:11 [ai]ܠܐ ܬܠܒܫ ܦܬܟܐ ܕܥܡܪܐ ܘܕܟܬܢܐ ܐܝܟ ܚܕܐ܂
22:12 [ai]ܓܕܝ̈ܠܬܐ ܥܒܕ ܠܟ ܥܠ ܐܪ̈ܒܥ ܟܢ̈ܦܘܗܝ ܕܡܪܛܘܛܟ ܕܡܬܟܣܐ ܐܢܬ܂
22:13 [ai]ܘܟܕ ܢܣܒ ܓܒܪܐ ܐܢܬܬܐ܂ ܘܢܥܘܠ ܠܘܬܗܿ ܘܢܣܢܝܗܿ܂
22:14 [ai]ܘܢܓܘܪ ܒܬܪܗܿ ܥܠܬܐ ܒܡ̈ܠܐ܂ ܘܢܿܦܩ ܥܠܝܗܿ ܫܡܐ ܒܝܫܐ ܘܢܐܡܪ܂ ܐܢܬܬܐ ܗܕܐ ܢܣܿܒܬ ܘܕܡܿܟܬ ܠܘܬܗܿ܂ ܘܠܐ ܐܫܟܚܬ ܠܗܿ ܒܬ̈ܘܠܐ܂
22:15 [ai]ܢܣܒ ܐܒܘܗܿ ܕܛܠܝܬܐ ܘܐܡܗܿ܂ ܘܢܦܩܘܢ ܐܢܘܢ ܠܒܬ̈ܘܠܝܗܿ ܕܛܠܝܬܐ ܠܘܬ ܣ̈ܒܐ ܕܩܪܝܬܐ ܠܬܪܥܐ܂
22:16 [ai]ܘܢܐܡܪ ܐܒܘܗܿ ܕܛܠܝܬܐ ܠܣ̈ܒܐ܂ ܒܪܬܝ ܝܗܿܒܬ ܠܓܒܪܐ ܗܢܐ ܐܢܬܬܐ ܘܣܢܗܿ܂
22:17 [ai]ܘܗܐ ܓܐܪ ܒܬܪܗܿ ܥܠܬܐ ܒܡ̈ܠܐ܂ ܘܐܿܡܪ ܕܠܐ ܐܫܟܚܬ ܒܬܿܘܠܐ ܠܒܪܬܟ܂ ܘܗܠܝܢ ܒܬ̈ܘܠܐ ܕܒܪܬܝ܂ ܢܦܪܣܘܢ ܫܘܫܦܐ ܩܕܡ ܣ̈ܒܐ ܕܩܪܝܬܐ܂
22:18 [ai]ܘܢܕܒܪܘܢܗ ܣ̈ܒܐ ܕܩܪܝܬܐ ܠܓܒܪܐ ܗܿܘ ܘܢܪܕܘܢܗ܂
22:19 [ai]ܘܢܚܣܪܘܢܗ ܡܐܐ ܕܟܣܦܐ܂ ܘܢܬܠܘܢ ܠܐܒܘܗܿ ܕܛܠܝܬܐ ܥܠ ܕܐܦܩ ܫܡܐ ܒܝܫܐ ܥܠ ܒܬܘܠܬܐ ܒܪܬ ܐܝܣܪܝܠ܂ ܘܠܗ ܬܗܘܐ ܐܢܬܬܐ܂ ܘܠܐ ܢܫܬܠܛ ܠܡܫܒܩܗܿ ܟܠܗܘܢ ܝܘܡ̈ܘܗܝ܂
22:20 [ai]ܘܐܢ ܡܢ ܩܘܫܬܐ ܗܘܬ ܡܠܬܐ ܗܕܐ܂ ܘܠܐ ܐܫܬܟܚܘ ܒܬ̈ܘܠܐ ܠܛܠܝܬܐ܂
22:21 [ai]ܢܦܩܘܢܗܿ ܠܛܠܝܬܐ ܠܬܪܥܐ ܕܒܝܬ ܐܒܘܗܿ܂ ܘܢܪܓܡܘܢܗܿ ܒܟܐ̈ܦܐ ܐܢܫ̈ܝ ܩܪܝܬܐ ܘܬܡܘܬ܂ ܥܠ ܕܥܒܕܬ ܒܗܬܬܐ ܒܐܝܣܪܝܠ܂ ܘܙܢܝܬ ܒܝܬ ܐܒܘܗܿ܂ ܘܒܥܪܘ ܒܝܫܬܐ ܡܢ ܒܝܢܬܟܘܢ܂
22:22 [ai]ܘܟܕ ܢܫܬܟܚ ܓܒܪܐ ܕܕܡܿܟ ܥܡ ܐܢܬܬ ܓܒܪܐ܂ ܡܬܩܛܠܘ ܢܬܩܛܠܘܢ ܬܪ̈ܝܗܘܢ܂ ܓܒܪܐ ܕܕܡܟ ܥܡܗܿ ܐܦ ܗܝ ܐܢܬܬܐ܂ ܘܒܥܪܘ ܒܝܫܬܐ ܡܢ ܐܝܣܪܝܠ܂
22:23 [ai]ܘܐܢ ܬܗܘܐ ܥܠܝܡܬܐ ܒܬܘܠܬܐ ܕܡܟܝܪܐ ܠܓܒܪܐ܂ ܘܢܫܟܚܝܗܿ ܓܒܪܐ ܐܚܪܢܐ ܒܩܪܝܬܐ ܘܢܕܡܟ ܥܡܗܿ܂
22:24 [ai]ܐܦܩܘ ܐܢܘܢ ܠܬܪ̈ܝܗܘܢ ܠܬܪܥܐ ܕܩܪܝܬܐ ܗܿܝ܂ ܘܪܓܘܡܘ ܐܢܘܢ ܒܟܐ̈ܦܐ ܘܢܡܘܬܘܢ܂ ܥܠ ܕܠܐ ܒܓܢܬ ܗܿܝ ܥܠܝܡܬܐ ܒܩܪܝܬܐ܂ ܘܗܿܘ ܓܒܪܐ ܥܠ ܕܨܥܪ ܐܢܬܬ ܚܒܪܗ܂ ܘܒܥܪܘ ܒܝܫܬܐ ܡܢ ܒܝܢܬܟܘܢ܀
22:25 [ai]ܘܐܢ ܒܚܩܠܐ ܐܫܟܚ ܓܒܪܐ ܥܠܝܡܬܐ ܕܡܟܝܪܐ܂ ܘܐܚܕܗܿ ܒܩܛܝܪܐ ܘܕܡܟ ܥܡܗܿ܂ ܢܬܩܛܠ ܓܒܪܐ ܕܕܡܟ ܥܡܗܿ ܒܠܚܘܕܘܗܝ܂
22:26 [ai]ܘܠܥܠܝܡܬܐ ܠܐ ܬܥܒܕܘܢ ܠܗܿ ܡܕܡ܂ ܡܛܠ ܕܠܐ ܚܝܿܒܐ ܥܠܝܡܬܐ ܚܛܗܐ ܕܡܘܬܐ܂ ܐܝܟ ܕܩܿܐܡ ܓܝܪ ܓܒܪܐ ܥܠ ܚܒܪܗ ܘܩܿܛܠ ܠܗ܂ ܗܟܢܐ ܗܝ ܨܒܘܬܐ ܗܕܐ܂
22:27 [ai]ܡܛܠ ܕܒܚܩܠܐ ܗܘ ܐܫܟܚܗܿ܂ ܘܒܓܢܬ ܥܠܝܡܬܐ ܕܡܟܝܪܐ ܘܠܝܬ ܕܡܦܨܐ ܠܗܿ܂
22:28 [ai]ܘܐܢ/ܘܟܕ#2#/ ܢܫܟܚ ܓܒܪܐ ܥܠܝܡܬܐ ܒܬܘܠܬܐ ܕܠܐ ܗܘܬ ܡܟܝܪܐ܂ ܘܢܐܚܕܝܗܿ ܘܢܕܡܟ ܥܡܗܿ ܘܢܫܬܟܚܘܢ܂
22:29 [ai]ܢܬܠ ܓܒܪܐ ܗܿܘ ܕܕܡܟ ܥܡܗܿ \ܠܐܒܘܗܿ ܕܥܠܝܡܬܐ ܚܡܫܝܢ ܕܟܣܦܐ /ܚܡܫܝܢ ܕܟܣܦܐ ܠܐܒܘܗܿ#3#/܂ ܘܠܗ ܬܗܘܐ ܐܢܬܬܐ ܚܠܦ ܕܨܥܪܗܿ܂ ܘܠܐ ܢܫܬܠܛ ܠܡܫܒܩܗܿ ܟܠ ܝܘܡ̈ܝ ܚ̈ܝܘܗܝ܀܂

next chapter