← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܠܐ ܢܣܒ ܓܒܪܐ ܐܢܬܬ ܐܒܘܗܝ܂ \ܘܠܐ ܢܓܠܐ /ܘܢܓܠܐ#3#/ ܟܢܦܐ ܕܐܒܘܗܝ܂
23:02 [ai]ܠܐ ܢܥܘܠ ܓܝܪܐ ܠܟܢܘܫܬܗ ܕܡܪܝܐ܂
23:03 [ai]ܘܠܐ ܢܥܘܠ ܒܪ ܓܘܪ̈ܐ ܠܟܢܘܫܬܗ ܕܡܪܝܐ܂ ܐܦ ܠܐ ܥܠ ܥܣܪܐ ܕܪ̈ܝܢ ܢܥܘܠ ܠܟܢܘܫܬܗ ܕܡܪܝܐ܂
23:04 [ai]ܠܐ ܢܥܘܠ ܥܡܘܢܝܐ ܘܡܘܐܒܝܐ ܠܟܢܘܫܬܗ ܕܡܪܝܐ܂ ܐܦ ܠܐ ܠܕܪܐ ܥܣܝܪܝܐ ܢܥܠܘܢ ܠܟܢܘܫܬܗ ܕܡܪܝܐ ܠܥܠܡ܂
23:05 [ai]ܥܠ ܕܠܐ ܩܪܒܘ ܠܟܘܢ ܠܚܡܐ ܘܡ̈ܝܐ ܒܐܘܪܚܐ ܟܕ ܢܦܩܬܘܢ ܡܢ ܡܨܪܝܢ܂ ܘܥܠ ܕܐܓܪ ܥܠܝܟ ܠܒܠܥܡ ܒܪ ܒܥܘܪ ܡܢ ܦܝܬܘܪ ܕܐܪܡ ܢܗܪ̈ܝܢ ܠܡܠܛܟ܂
23:06 [ai]ܘܠܐ ܨܒܐ ܡܪܝܐ ܐܠܗܟ ܠܡܫܡܥܗ ܠܒܠܥܡ܂ ܘܐܗܦܟ ܐ̈ܢܝܢ ܡܪܝܐ ܐܠܗܟ ܠܘ̈ܛܬܗ ܠܒܘܪ̈ܟܬܐ܂ ܡܛܠ ܕܪܚܡܟ ܡܪܝܐ ܐܠܗܟ܂
23:07 [ai]ܠܐ ܬܨܒܐ ܠܫܠܡܗܘܢ ܘܠܛܒܬܗܘܢ ܟܘܠ \ܝܘܡ̈ܝ ܚܝ̈ܝܟ /ܝܘܡ̈ܝܟ#3#/ ܠܥܠܡ܂
23:08 [ai]ܠܐ ܬܕܚܩܝܘܗܝ ܠܐܕܘܡܝܐ ܡܛܠ ܕܐܚܘܟ ܗܘ܂ ܘܠܐ ܬܕܚܩܝܘܗܝ ܠܡܨܪܝܐ ܡܛܠ ܕܥܡܘܪܐ ܗܘܝܬ ܒܐܪܥܗ܂
23:09 [ai]ܒܢ̈ܝܐ ܕܡܬܝܠܕܝܢ ܠܗܘܢ ܒܕܪܐ ܬܠܝܬܝܐ ܢܥܠܘܢ ܠܟܢܘܫܬܗ ܕܡܪܝܐ܂܀܂
23:10 [ai]ܘܟܕ ܬܦܘܩ ܒܡܫܪܝܬܐ ܥܠ ܒ̈ܥܠܕܒܒܝܟ܂ ܐܙܕܗܪ ܡܢ ܟܠ ܡܕܡ ܕܒܝܫ܂
23:11 [ai]ܘܐܢ ܢܗܘܐ ܒܟ ܓܒܪܐ ܕܠܐ ܗܘܐ ܕܟܐ ܡܢ ܩܪܝܐ ܕܠܠܝܐ܂ ܢܦܘܩ ܠܗ ܠܒܪ ܡܢ ܡܫܪܝܬܐ܂ ܘܠܐ ܢܥܘܠ ܠܓܘ ܡܫܪܝܬܐ܂
23:12 [ai]ܘܠܥܕܢ ܪܡܫܐ ܢܣܚܐ ܒܡ̈ܝܐ܂ ܘܡܐ ܕܥܪܒܬ ܫܡܫܐ܂ ܢܥܘܠ ܠܓܘ ܡܫܪܝܬܐ܂
23:13 [ai]ܘܐܬܪܐ ܢܗܘܐ ܝܕܝܥ ܠܟ ܠܒܪ ܡܢ ܡܫܪܝܬܐ ܘܦܘܩ ܬܡܢ ܠܡ̈ܝ ܪ̈ܓܠܝܟ܂
23:14 [ai]ܘܣܟܬܐ ܬܗܘܐ ܠܟ ܥܠ/ܥܡ#3#/ ܙܝܢܟ܂ ܘܡܐ ܕܝܿܬܒ ܐܢܬ ܠܡ̈ܝ ܪ̈ܓܠܝܟ܂ ܗܘܝܬ ܚܿܦܪ ܒܗܿ܂ ܘܗܘܝܬ ܡܟܣܐ ܬܒܬܟ܂
23:15 [ai]ܡܛܠ ܕܡܪܝܐ ܐܠܗܟ ܡܗܠܟ ܒܓܘ ܡܫܪܝܬܟ܂ ܕܢܦܨܝܟ ܘܢܫܠܡ ܒ̈ܥܠܕܒܒܝܟ ܩܕܡܝܟ܂ ܘܬܗܘܐ ܡܫܪܝܬܟ ܩܕܝܫܐ܂ ܕܠܐ ܢܚܙܐ ܒܟ ܨܒܘܬܐ ܕܡܦܪܣܝܐ ܘܢܗܦܘܟ ܠܗ ܡܢܟܘܢ܂
23:16 [ai]ܠܐ ܬܫܠܡ ܥܒܕܐ ܠܡܪܗ ܕܥܿܪܩ ܠܘܬܟ ܡܢ ܡܪܗ܂
23:17 [ai]ܐܠܐ ܥܡܟ ܢܬܒ ܒܐܬܪܐ ܕܨܿܒܐ܂ ܒܚܕܐ ܡܢ ܩܘܪ̈ܝܟ܂ ܐܬܪ ܕܫܦܝܪ ܠܗ܂ ܘܠܐ ܬܥܠܒܝܘܗܝ܂
23:18 [ai]ܠܐ ܬܗܘܐ ܙܢܝܬܐ ܡܢ ܒܢ̈ܬ/ܒܝܬ#3#/ ܐܝܣܪܝܠ܂ ܘܐܦ ܠܐ ܢܗܘܐ ܕܡܿܙܢܐ ܡܢ ܒܢ̈ܝ/ܒܝܬ#3#/ ܐܝܣܪܝܠ܂
23:19 [ai]ܠܐ ܬܥܠ ܐܓܪ ܙܢܝܬܐ ܘܕܡ̈ܝ ܟܠܒܐ ܠܒܝܬܗ ܕܡܪܝܐ ܐܠܗܟ܂ ܠܟܠ ܢܕܪ܂ ܡܛܠ ܕܛܡܐܝܢ ܐܢܘܢ ܩܕܡ ܡܪܝܐ ܐܠܗܟ ܬܪ̈ܝܗܘܢ܂
23:20 [ai]ܠܐ ܬܪܒܐ ܥܠ ܐܚܘܟ ܪܒܝܬܐ ܕܟܣܦܐ ܘܪܒܝܬܐ ܕܥܒܘܪܐ ܘܪܒܝܬܐ ܕܟܠ ܡܕܡ ܕܪܒܐ܂
23:21 [ai]ܥܠ ܢܘܟܪܝܐ ܪܒܐ܂ ܘܥܠ ܐܚܘܟ ܠܐ ܬܪܒܐ܂ ܕܢܒܪܟܟ ܡܪܝܐ ܐܠܗܟ ܒܟܘܠ ܡܕܡ ܕܡܘܫܛ ܐܢܬ ܐܝܕܟ܂ ܒܐܪܥܐ ܕܥܿܐܠ ܐܢܬ ܠܗܿ ܠܡܐܪܬܗܿ܀
23:22 [ai]ܘܐܢ ܢܿܕܪ ܐܢܬ ܢܕܪܐ ܠܡܪܝܐ ܐܠܗܟ܂ ܠܐ ܬܫܘܚܪ/ܬܘܚܪ#3#/ ܠܡܦܪܥܗ܂ ܡܛܘܠ ܕܡܬܒܥ ܬܒܿܥ ܠܗ ܡܪܝܐ ܡܢܟ܂ ܘܗܿܘܐ ܥܠܝܟ ܚܛܗܐ܂
23:23 [ai]ܘܐܢ ܠܐ ܨܿܒܐ ܐܢܬ ܠܡܕܪ ܠܐ ܗܿܘܐ ܥܠܝܟ ܚܛܗܐ܂
23:24 [ai]ܡܕܡ ܕܢܿܦܩ ܡܢ ܣ̈ܦܘܬܟ܂ ܛܪ ܘܥܒܕ ܐܝܟ ܕܢܕܪܬ ܠܡܪܝܐ ܐܠܗܟ܂ ܦܘܪܫܢܐ ܕܡܠܠܬ ܒܦܘܡܟ܂
23:25 [ai]ܘܡܐ ܕܥܿܐܠ ܐܢܬ ܠܟܪܡܐ ܕܚܒܪܟ܂ ܐܟܘܠ ܥܢ̈ܒܐ ܥܕܡܐ ܕܣܿܒܥܐ ܢܦܫܟ܂ ܘܒܡܐܢܟ ܠܐ ܬܪܡܐ܂
23:26 [ai]ܘܡܐ ܕܥܿܐܠ ܐܢܬ ܠܩܝܡܬܐ ܕܚܒܪܟ ܡܠܘܓ ܫܒ̈ܠܐ ܒܐܝܕܟ܂ ܘܡܓܠܐ ܠܐ ܬܢܝܦ ܥܠ ܩܝܡܬܐ ܕܚܒܪܟ܀

next chapter