← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܘܐܢ ܢܣܒ ܓܒܪܐ ܐܢܬܬܐ ܘܢܕܡܟ ܥܡܗܿ܂ ܐܠܐ ܐܫܟܚܬ ܪ̈ܚܡܐ ܩܕܡܘܗܝ ܥܠ ܕܐܫܟܚ ܒܗܿ ܨܒܘܬܐ ܕܡܦܪܣܝܐ܂ ܢܟܬܘܒ ܠܗܿ ܟܬܒܐ ܕܫܘܒܩܢܐ ܘܢܬܠ ܠܗܿ ܘܢܫܪܝܗܿ ‍<‍ܡܢ ܒܝܬܗ#3#‍>‍܂
24:02 [ai]ܘܬܦܘܩ ܡܢ ܒܝܬܗ܂ ܘܐܢ ܬܐܙܠ ܘܬܗܘܐ ܠܓܒܪܐ ܐܚܪܢܐ܂
24:03 [ai]ܘܢܣܢܝܗܿ ܓܒܪܐ ܐܚܪܢܐ܂ ܘܢܟܬܘܒ ܠܗܿ ܟܬܒܐ ܕܫܘܒܩܢܐ܂ ܘܢܬܠ ܠܗܿ ܘܢܫܪܝܗܿ ܡܢ ܒܝܬܗ܂ ܐܘ ܐܢ ܢܡܘܬ ܓܒܪܐ ܐܚܪܢܐ ܕܢܣܒܗܿ܂
24:04 [ai]ܠܐ ܫܠܝܛ ܠܗ ܠܒܥܠܗܿ ܩܕܡܝܐ ܕܫܒܩܗܿ܂ ܕܢܚܕܪ ܢܣܒܝܗܿ ‍<‍ܡܢ#3#‍>‍ ܒܬܪ ܕܐܬܛܡܐܬ܂ ܡܛܠ ܕܛܡܐܐ ܗܝ ܩܕܡ ܡܪܝܐ܂ ܘܠܐ ܬܚܛܐ ܠܐܪܥܐ ܕܝܿܗܒ ܠܟ ܡܪܝܐ ܐܠܗܟ ܝܘܪܬܢܐ܀
24:05 [ai]ܘܟܕ ܢܣܒ ܓܒܪܐ ܐܢܬܬܐ ܚܕܬܐ܂ ܠܐ ܢܦܘܩ ܒܚܝܠܐ܂ ܘܠܐ ܢܐܙܠ ܠܟܠ ܨܒܘ܂ ܐܠܐ ܢܗܘܐ ܒܒܝܬܗ ܫܢܬܐ ܚܕܐ܂ ܘܢܚܕܐ ܥܡ ܐܢܬܬܐ ܕܢܣܒ܂
24:06 [ai]ܠܐ ܬܣܒ ܪܚܝܐ ܘܪܟܒܗܿ ܡܫܟܢܐ܂ ܢܦܫܐ ܗܘ ܓܝܪ ܡܥܝܩ ܐܢܬ܂
24:07 [ai]ܘܐܢ ܢܫܬܟܚ ܓܒܪܐ ܡܢ ܒܢ̈ܝ ܐܝܣܪܝܠ܂ ܕܢܓܢܘܒ ܢܦܫܐ ܡܢ ܐ̈ܚܘܗܝ ܡܢ ܒܢ̈ܝ ܐܝܣܪܝܠ ܕܢܬܬܓܪ ܒܗܿ ܘܢܙܒܢܝܗܿ܂ ܡܬܩܛܠܘ ܢܬܩܛܠ ܓܒܪܐ ܗܿܘ܂ ܘܒܥܪܘ ܒܝܫܬܐ ܡܢ ܒܝܢܬܟܘܢ܂
24:08 [ai]ܛܪܘ ܡܚܘܬܐ ܕܓܪܒܐ ܘܐܙܕܗܪܘ ܛܒ܂ ܘܥܒܕܘ ܐܝܟ/ܐܝܟܢܐ#3#/ ܕܡܠܦܝܢ ܠܟܘܢ ܟܗ̈ܢܐ ܘܠܘ̈ܝܐ܂ ܐܝܟ ܕܦܩܕܬ ܐܢܘܢ ܢܛܪܘܢ ܘܢܥܒܕܘܢ܂
24:09 [ai]ܘܐܬܕܟܪ ܡܕܡ ܕܥܒܕ ܡܪܝܐ ܐܠܗܟ ܠܡܪܝܡ ܒܐܘܪܚܐ܂ ܟܕ ܢܦܩܬܘܢ ܡܢ ܡܨܪܝܢ܂
24:10 [ai]ܘܐܢ ܢܚܘܒ ܠܟ ܚܒܪܟ ܚܘܒܬܐ ܕܡܕܡ ܠܐ ܬܥܘܠ ܠܒܝܬܗ ܠܡܣܒ ܡܫܟܢܗ܂
24:11 [ai]ܐܠܐ ܩܘܡ/ܩܕܡ#2#/ ܒܫܘܩܐ܂ ܘܓܒܪܐ ܗܿܘ ܕܚܝܒ ܠܟ܂ ܗܘ ܢܦܩܝܘܗܝ ܠܟ ܡܫܟܢܐ ܠܫܘܩܐ܂
24:12 [ai]ܘܐܢ ܓܒܪܐ ܗܘ ܡܣܟܢܐ܂ ܠܐ ܬܕܡܟ ‍<‍ܠܟ#3#‍>‍ ܒܡܪܛܘܛܗ܂
24:13 [ai]ܐܠܐ ܦܢܝܗܝ ܠܗ ܡܫܟܢܗ ܡܐ ܕܥܪܒܬ ܫܡܫܐ܂ ܘܢܕܡܟ ܒܡܪܛܘܛܗ ܘܢܒܪܟܟ ܘܬܗܘܐ ܠܟ ܙܕܝܩܘܬܐ ܩܕܡ ܡܪܝܐ ܐܠܗܟ܂
24:14 [ai]ܠܐ ܬܛܠܘܡ ܐܓܪܐ ܕܡܣܟܢܐ ܘܕܒܿܝܫܐ ܡܢ ܐܚܝ̈ܟ܂ ܐܘ ܡܢ ܥܡܘܪܐ ܕܒܩܘܪ̈ܝܟ܂
24:15 [ai]ܐܠܐ ܒܪ ܝܘܡܗ ܗܒ ܠܗ ܐܓܪܗ܂ ܘܠܐ ܬܥܪܒ ܥܠܘܗܝ ܫܡܫܐ܂ ܡܛܠ ܕܡܣܟܢܐ ܗܘ܂ ܘܥܠ ܐ̈ܦܝ ܐܓܪܗ ܗܘ ܡܫܠܡ ܠܟ ܢܦܫܗ܂ ܕܠܐ ܢܩܪܐ ܥܠܝܟ \ܩܕܡ ܡܪܝܐ /ܠܡܪܝܐ#3#/܂ ܘܢܗܘܐ ܥܠܝܟ ܚܛܗܐ܂
24:16 [ai]ܠܐ ܢܡܘܬܘܢ ܐ̈ܒܗܐ ܥܠ ܐ̈ܦܝ ܒܢ̈ܝܗܘܢ܂ ܘܒܢ̈ܝܐ ܠܐ ܢܡܘܬܘܢ ܥܠ ܐ̈ܦܝ ܐ̈ܒܗܝܗܘܢ܂ ܐܠܐ ‍<‍ܟܠ#2#‍>‍ ܐܢܫ ܒܚ̈ܛܗܘܗܝ ܢܡܘܬ܂
24:17 [ai]ܠܐ ܬܨܠܐ ܕܝܢܼܐ ܕܥܡܘܪܐ ܘܕܝܬܡܐ܂ ܘܠܐ ܬܣܒ ܡܫܟܢܐ ܡܪܛܘܛܗܿ ܕܐܪܡܠܬܐ܂
24:18 [ai]ܘܐܬܕܟܪ ܕܥܒܼܕܐ ܗܘܝܬ ܒܡܨܪܝܢ܂ ܘܦܪܩܟ ܡܪܝܐ ܐܠܗܟ ܡܢ ܬܡܢ܂ ܡܛܠ ܗܢܐ ܡܦܩܕ ܐܢܐ ܠܟ ܘܐܿܡܪ ܐܢܐ ܠܟ ܕܬܥܒܕ ܦܬܓܡܐ ܗܢܐ܂
24:19 [ai]ܘܡܐ ܕܚܿܨܕ ܐܢܬ ܚܨܕܐ ܕܚܩܠܟ܂ ܘܛܿܥܐ ܐܢܬ ܟܦܐ܂ ܠܐ ܬܗܦܘܟ ܬܣܒܝܗܿ܂ ܐܠܐ ܬܗܘܐ ܠܥܡܘܪܐ ܘܠܝܬܡܐ ܘܠܐܪܡܠܬܐ܂ ‍<‍ܡܛܠ#2#‍>‍ ܕܢܒܪܟܟ ܡܪܝܐ ܐܠܗܟ ܒܟܘܠܗ ܥܒܿܕܐ ܕܐ̈ܝܕܝܟ܂
24:20 [ai]ܘܡܐ ܕܚܿܒܛ ܐܢܬ ܙܝ̈ܬܝܟ܂ ܠܐ ܬܦܠܐ ܒܣܬܪܟ܂ ܐܠܐ ܠܥܡܘܪܐ ܘܠܝܬܡܐ ܘܠܐܪܡܠܬܐ ܢܗܘܐ܀
24:21 [ai]ܘܡܐ ܕܩܿܛܦ ܐܢܬ ܟܪܡܟ܂ ܠܐ ܬܒܥܪ ܒܣܬܪܟ܂ ܐܠܐ ܠܥܡܘܪܐ ܘܠܝܬܡܐ ܘܠܐܪܡܠܬܐ ܢܗܘܐ܂
24:22 [ai]ܘܐܬܕܟܪ ܕܥܒܼܕܐ ܗܘܝܬ ܒܡܨܪܝܢ܂ ܡܛܠ ܗܢܐ ܡܦܩܕ ܐܢܐ ܠܟ ܕܬܥܒܕ ܦܬܓܡܐ ܗܢܐ܂

next chapter