← Back
The Comprehensive Aramaic Lexicon
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܘܐܢ ܢܗܘܐ ܕܝܢܼܐ ܒܝܬ ܓܒܪܐ ܠܚܒܪܗ܂ ܢܩܪܒܘܢ ܠܘܬ ܕܝ̈ܢܿܐ ܘܢܕܘܢܘܢ ܐܢܘܢ܂ ܘܢܙܟܘܢ ܠܙܿܟܝܐ ܘܢܚܝܒܘܢ ܠܚܝܿܒܐ܂
25:02 [ai]ܘܐܢ ܚܝܒ ܡܪܕܘܬܐ ܚܝܿܒܐ܂ ܢܪܡܝܘܗܝ ܕܝܿܢܐ ܘܢܢܓܕܘܢܗ ܩܕܡܘܗܝ܂ ܐܝܟ ܙܕܩܐ ܕܣܟܠܘܬܗ܂
25:03 [ai]ܒܡܢܝܢܐ ܐܪ̈ܒܥܝܢ ܢܢܓܕܘܢܗ ܘܠܐ ܢܘܣܦܘܢ܂ ܕܠܐ ܟܕ ܢܘܣܦܘܢ ܢܢܓܕܘܢܗ܂ ܝܬܝܪ ܥܠ/ܡܢ#2#/ ܗܢܐ ܢܓܕܐ ܢܬܩܠܐ ܐܚܘܟ ܠܥܢܝ̈ܟ܂
25:04 [ai]ܠܐ ܬܒܠܘܡ ܬܘܪܐ ܒܕܪܟܬܐ܂
25:05 [ai]ܘܟܕ/ܘܠܐ#2#/ ܢܬܒܘܢ ܐܚ̈ܐ ܐܝܟ ܚܕܐ܂ ܘܢܡܘܬ ܚܕ ܡܢܗܘܢ ܘܠܝܬ ܠܗ ܒܪܐ܂ ܠܐ ܬܗܘܐ ܐܢܬܬܗ ܕܡܝܬܐ ܠܓܒܪܐ ܢܘܟܪܝܐ܂ ܐܠܐ ܝܒܡܗܿ ܢܣܒܝܗܿ܂ ܘܬܗܘܐ ܠܗ ܐܢܬܬܐ ܘܢܝܒܡܝܗܿ܂
25:06 [ai]ܘܒܘܟܪܐ ܕܝܿܠܕܐ ܢܫܬܡܐ ܥܠ ܫܡܐ ܕܐܚܘܗܝ ܡܝܬܐ܂ ܕܠܐ ܢܬܛܥܐ ܫܡܗ ܡܢ ܐܝܣܪܝܠ܂
25:07 [ai]ܘܐܢ ܠܐ ܨܿܒܐ ܓܒܪܐ ܕܢܣܒ ܐܢܬܬ ܐܚܘܗܝ܂ ܬܣܩ ܐܢܬܬ ܐܚܘܗܝ ܠܬܪܥܐ ܠܘܬ ܣܒ̈ܐ ܘܬܐܡܪ܂ ܠܐ ܨܿܒܐ ܝܒܡܝ ܕܢܩܝܡ ܠܐܚܘܗܝ ܫܡܐ ܒܐܝܣܪܝܠ܂ ܘܠܐ ܨܿܒܐ ܠܡܣܒܢܝ܂
25:08 [ai]ܢܩܪܘܢܗ ܣ̈ܒܐ ܕܩܪܝܬܗ܂ ܘܢܡܠܠܘܢ ܥܡܗ܂ ܘܐܢ ܢܩܘܡ ܘܢܐܡܪ ܕܠܐ ܢܿܣܒ ܐܢܐ ܠܗܿ܂
25:09 [ai]ܬܩܪܘܒ ܐܝܒܡܬܗ ܠܘܬܗ ܩܕܡ ܣܒ̈ܐ܂ ܘܬܫܪܐ ܡܣܢܗ ܡܢ ܪܓܠܗ܂ ܘܬܪܘܩ ܒܐ̈ܦܘܗܝ ܘܬܐܡܪ܂ ܗܟܢܐ ܢܬܥܒܕ ܠܓܒܪܐ ܕܠܐ ܢܒܢܐ ܒܝܬܐ ܠܐܚܘܗܝ܂
25:10 [ai]ܘܢܬܩܪܐ ܫܡܗ ܒܐܝܣܪܝܠ/ܒܝܬ ܐܝܣܪܐܝܠ#3#/ ܒܝܬ ܫܪܐ ܡܣܢܐ܂
25:11 [ai]ܘܟܕ ܢܨܘܢ ܓܒܪܐ ܘܐܚܘܗܝ ܚܕ ܥܡ ܚܕ ܘܬܩܪܘܒ ܐܢܬܬ ܚܕ ܡܢܗܘܢ ܠܡܦܨܝܘ ܒܥܠܗܿ ܡܢ ܐ̈ܝܕܝ ܡܿܢ ܕܡܬܟܬܫ ܥܡܗ܂ ܘܬܘܫܛ ܐܝܕܗܿ ܘܬܐܚܘܕ ܒܚܢܗ܂
25:12 [ai]ܦܣܘܩ ܐܝܕܗܿ܂ ܘܠܐ ܬܚܘܣ ܥܝܢܟ ܥܠܝܗܿ܀
25:13 [ai]ܠܐ ܢܗܘܐ ܠܟ ܒܡܪܣܘܦܟ ܡܬܩܠܐ ܘܡܬܩܠܐ ܪܒܐ ܘܙܥܘܪܐ܂
25:14 [ai]ܠܐ ܬܗܘܐ ܠܟ ܒܒܝܬܟ܂ ܟܝܠܬܐ ܘܟܝܠܬܐ ܪܒܬܐ ܘܙܥܘܪܬܐ܀
25:15 [ai]ܡܬܩܠܐ ܫܠܡܐ ܕܙܕܝܩܘܬܐ ܢܗܘܐ ܠܟ܂ ܘܟܝܠܬܐ ܬܪܝܨܬܐ ܕܙܕܝܩܘܬܐ ܬܗܘܐ ܠܟ܂ ܕܢܣܓܘܢ ܝܘܡ̈ܝܟ ܒܐܪܥܐ ܕܝܿܗܒ ܠܟ ܡܪܝܐ ܐܠܗܟ܂
25:16 [ai]ܡܛܠ ܕܛܡܐ ܗܘ ܩܕܡ ܡܪܝܐ ܐܠܗܟ ܟܠ ܡܿܢ ܕܥܿܒܕ ܗܠܝܢ܂ ܘܟܠ ܡܿܢ ܕܥܿܒܕ ܥܘܠܐ܂
25:17 [ai]ܐܬܕܟܪ ܟܘܠ ܡܕܡ ܕܥܒܕ ܠܟ ܥܡܠܝܩ ܒܐܘܪܚܐ ܟܕ ܢܦܩܬܘܢ ܡܢ ܡܨܪܝܢ܂
25:18 [ai]ܕܐܪܥܟܘܢ ܒܚܪܒܐ܂ ܘܩܛܠ ܒܟܘܢ ܟܠ ܕܦܫ ܒܬܪܟܘܢ܂ ܘܐܢܬ ܡܛܪܦ ‍<‍ܐܢܬ#3#‍>‍ ܘܠܐܐ܂ ܘܠܐ ܕܚܠ ܡܢ ܩܕܡ ܡܪܝܐ ܐܠܗܟ܂
25:19 [ai]ܘܡܐ ܕܐܢܝܚ ܠܟ ܡܪܝܐ ܐܠܗܟ ܡܢ ܟܠܗܘܢ ܒ̈ܥܠܕܒܒܝܟ ܕܒܚܕܪ̈ܝܟ܂ ܒܐܪܥܐ ܕܝܿܗܒ ܠܟ ܡܪܝܐ ܐܠܗܟ ܝܘܪܬܢܐ܂ ܥܛܝ ܕܘܟܪܢܗ ܕܥܡܠܝܩ ܡܢ ܬܚܝܬ ܫܡܝܐ ܘܠܐ ܬܛܥܐ܂

next chapter