← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


26:01 [ai]ܘܡܐ ܕܥܠܬ ܠܐܪܥܐ ܕܝܿܗܒ ܠܟ ܡܪܝܐ ܐܠܗܟ ܝܘܪܬܢܐ܂ ܘܝܪܬܬܗܿ ܘܝܬܒܬ ܒܗܿ܂
26:02 [ai]ܣܒ ܡܢ ܪܝܫ ܟܘܠܗܘܢ ܦܐܪ̈ܐ ܕܐܪܥܐ ܕܡܿܥܠ ܐܢܬ ܡܢ ܐܪܥܐ ܕܝܿܗܒ ܠܟ ܡܪܝܐ ܐܠܗܟ ‍<‍ܝܘܪܬܢܐ#3#‍>‍܂ ܘܣܝܡ ܒܡܣܢܬܐ܂ ܘܩܘܡ ܙܠ ܠܐܬܪܐ ܕܓܒܐ ܡܪܝܐ ܐܠܗܟ ܕܢܫܪܐ ܫܡܗ ܬܡܢ܂
26:03 [ai]ܘܬܐ ܠܘܬ ܟܗܢܐ ܕܢܗܘܐ ܒܝܘܡ̈ܬܐ ܗܿܢܘܢ܂ ܘܐܡܪ ܠܗ܂ ܚܘܝܬ ܝܘܡܢܐ ܠܡܪܝܐ ܐܠܗܟ܂ ܕܐܬܿܝܬ ܠܐܪܥܐ ܕܝܡܐ ܡܪܝܐ ܠܐ̈ܒܗܝܢ ܠܡܬܠ ܠܢ܂
26:04 [ai]ܘܢܣܒ ܟܗܢܐ ܡܣܢܬܐ ܡܢ ܐܝܕܟ܂ ܘܢܣܝܡܝܗܿ ܩܕܡ ܡܪܝܐ ܐܠܗܟ܂
26:05 [ai]ܘܥܢܝ ܘܐܡܪ ܩܕܡ ܡܪܝܐ ܐܠܗܟ܂ ܠܐܪܡ ܐܬܕܒܪ ܐܒܝ ܘܢܚܬ ܠܡܨܪܝܢ܂ ܘܥܡܪ ܬܡܢ ܙܒܢܐ ܙܥܘܪܐ܂ ܘܗܘܐ ܬܡܢ ܠܥܡܐ ܪܒܐ/ܣܓܝܐܐ#2#/ ‍<‍ܘܣܓܝܐܐ#3#‍>‍ ܘܥܫܝܢܐ܂
26:06 [ai]ܘܐܒܐܫܘ ܠܢ ܡܨܪ̈ܝܐ ܘܡܟܟܘܢ܂ ܘܣܡܘ ܥܠܝܢ ܦܘܠܚܢܐ ܩܫܝܐ܂
26:07 [ai]ܘܓܥܝܢ ܠܘܬ ܡܪܝܐ ܐܠܗܐ ܕܐ̈ܒܗܝܢ܂ ܘܫܡܥ ܡܪܝܐ ܩܠܢ܂ ܘܚܙܐ ܡܘܟܟܢ ܘܥܡܠܢ ܘܐܘܠܨܢܝܢ܂
26:08 [ai]ܘܐܦܩܢ ܡܪܝܐ ܡܢ ܡܨܪܝܢ܂ ܒܐܝܕܐ ܥܫܝܢܬܐ/ܬܩܝܦܬܐ#3#/ ܘܒܕܪܥܐ ܪܡܐ܂ ܘܒܚܙܘܐ ܪܒܐ ܘܒܐ̈ܬܘܬܐ ܘܒܬܕܡܪ̈ܬܐ܂
26:09 [ai]ܘܐܬܝܢ ܠܐܬܪܐ ܗܢܐ܂ ܘܝܗܒ ܠܢ ܡܪܝܐ ܐܪܥܐ ܗܕܐ܂ ܐܪܥܐ ܕܡܪܕܝܐ ܚܠܒܐ ܘܕܒܫܐ܂
26:10 [ai]ܘܗܫܐ ܗܐ ܐܝܬܿܝܬ ܪܫܝܬܐ ܕܦܐܪ̈ܐ/ܡܢ ܦܐܪ̈ܐ#2#/ ܕܐܪܥܐ ܕܝܗܒ ܠܝ ܡܪܝܐ܂ ܘܣܝܡܝܗܿ ܩܕܡ ܡܪܝܐ ܐܠܗܟ܂ ܘܣܓܘܕ ܬܡܢ ܩܕܡ ܡܪܝܐ ܐܠܗܟ܂
26:11 [ai]ܘܚܕܝ ܒܟܘܠ ܛܒ̈ܬܐ ܕܝܿܗܒ ܠܟ ܡܪܝܐ ܐܠܗܟ ܘܠܒܝܬܟ܂ ܐܢܬ ܘܠܘܝܐ ܘܥܡܘܪܐ ܕܒܓܘܟ܂
26:12 [ai]ܘܡܐ ܕܫܠܡܬ ܠܡܥܣܪܘ ܟܠܗ ܡܥܣܪܐ ܕܥܠܠܬܟ܂ ܒܫܢܬܐ ܕܬܠܬ ܕܗܝ ܗܝ ܫܢܬ ܡܥܣܪ̈ܐ܂ ܗܒ ܠܠܘܝܐ ܘܠܥܡܘܪܐ ܘܠܝܬܡܐ ܘܠܐܪܡܠܬܐ܂ ܘܢܐܟܠܘܢ ܒܩܘܪ̈ܝܟ ܘܢܣܒܥܘܢ܂
26:13 [ai]ܘܐܡܪ ܩܕܡ ܡܪܝܐ ܐܠܗܟ܂ ܒܨܿܝܬ ܩܘܕܫܐ ܡܢ ܒܝܬܐ܂ ܘܝܗܿܒܬ ܠܠܘܝܐ ܘܠܥܡܘܪܐ ܘܠܝܬܡܐ ܘܠܐܪܡܠܬܐ܂ ܐܝܟ ܟܠܗܘܢ ܦܘܩ̈ܕܢܐ ܕܦܩܕܬܢܝ܂ ܠܐ ܥܿܒܪܬ ܡܢ ܦܘܩ̈ܕܢܝܟ܂ ܘܠܐ ܛܥܿܝܬ܂
26:14 [ai]ܘܠܐ ܐܟܠܬ ܒܐܒܠܝ ܡܢܗ܂ ܘܠܐ ܒܨܝܬܗ ܟܕ ܛܡܐ ܐܢܐ܂ ܘܠܐ ܣܿܡܬ ܡܢܗ ܠܡܝܬܐ܂ ܐܠܐ ܫܡܿܥܬ ܒܩܠܗ ܕܡܪܝܐ ܐܠܗܝ܂ ܘܥܒܿܕܬ ܐܝܟ/ܐܝܟܢܐ#3#/ ܕܦܩܕܬܢܝ܂
26:15 [ai]ܚܙܝ ܡܢ ܡܥܡܪܐ ܕܩܘܕܫܟ ܡܢ ܫܡܝܐ܂ ܘܒܪܟ ܠܥܡܟ ܐܝܣܪܝܠ ܘܠܐܪܥܐ ܕܝܗܒܬ ܠܢ܂ ܐܝܟ ܕܝܡܝܬ ܠܐ̈ܒܗܝܢ ܐܪܥܐ ܕܡܪܕܝܐ ܚܠܒܐ ܘܕܒܫܐ܀
26:16 [ai]ܝܘܡܢܐ ܡܪܝܐ ܐܠܗܟ ܡܦܩܕ ܠܟ ܕܬܥܒܕ ܢܡ̈ܘܣܐ ܗܠܝܢ ܘܕܝ̈ܢܐ܂ ܛܪ ܘܥܒܕ ܐܢܘܢ܂ ܡܢ ܟܘܠܗ ܠܒܟ ܘܡܢ ܟܠܗܿ ܢܦܫܟ܂
26:17 [ai]ܠܡܪܝܐ ܐܡܪܬ ܝܘܡܢܐ܂ ܕܢܗܘܐ ܠܟ ܐܠܗܐ ܘܬܗܠܟ ܒܐܘܪ̈ܚܬܗ܂ ܘܬܛܪ ܢܡ̈ܘܣܘܗܝ ܘܕܝ̈ܢܘܗܝ ܘܦܘܩ̈ܕܢܘܗܝ ܘܬܫܡܥ ܒܩܠܗ܂
26:18 [ai]ܘܡܪܝܐ ܐܡܪ ܠܟ ܝܘܡܢܐ܂ ܕܬܗܘܐ ܠܗ ܥܡܐ ܚܒܝܒܐ܂ ܐܝܟ ܕܐܡܪ ܠܟ܂ ܘܬܛܪ ‍<‍ܘܬܥܒܕ#3#‍>‍ ܟܠܗܘܢ ܦܘܩ̈ܕܢܘܗܝ܂
26:19 [ai]ܘܢܥܒܕܟ ܠܥܠ ܡܢ ܟܠܗܘܢ ܥܡ̈ܡܐ ܕܥܒܕ ܠܬܫܒܘܚܬܐ ܘܠܫܡܐ ܘܠܐܝܩܪܐ܂ ܘܬܗܘܐ ܥܡܐ ܩܕܝܫܐ ܠܡܪܝܐ ܐܠܗܟ ܐܝܟ/ܐܝܟܢܐ#3#/ ܕܐܡܪ ܠܟ܂

next chapter