The Comprehensive Aramaic Lexicon

28:01 [ai]	ܘܐܢ ܬܫܡܥ ܒܩܠܗ ܕܡܪܝܐ ܐܠܗܟ܂ ܘܬܛܪ ܘܬܥܒܕ ܟܠܗܘܢ ܦܘܩ̈ܕܢܘܗܝ ܕܡܦܩܕ ܐܢܐ ܠܟ ܝܘܡܢܐ܂ ܢܥܒܕܟ ܡܪܝܐ ܐܠܗܐ ܠܥܠ ܡܢ ܟܠܗܘܢ ܥܡ̈ܡܐ ܕܐܪܥܐ܂
28:02 [ai]	ܘܢܐܬܝܢ ܥܠܝܟ ܗܠܝܢ ܟܘܠܗܝܢ ܒܘܪ̈ܟܬܐ ܘܢܕܪܟܢܟ܂ ܟܕ ܬܫܡܥ ܒܩܠܗ ܕܡܪܝܐ ܐܠܗܟ܂
28:03 [ai]	ܒܪܝܟ ܐܢܬ ܒܩܪܝܬܐ܂ ܒܪܝܟ ܐܢܬ ܒܚܩܠܐ܂
28:04 [ai]	ܒܪ̈ܝܟܝܢ ܦܐܪ̈ܐ ܕܟܪܣܟ ܘܦܐܪ̈ܐ ܕܐܪܥܟ܂ ܘܝܿܠܕܐ ܕܒܥܝܪ̈ܟ܂ ܘܒܩܪ̈ܐ ܕܬܘܪ̈ܝܟ܂ ܘܓܙܪ̈ܐ ܕܥܢܟ܂
28:05 [ai]	ܒܪܝܟ ܣܠܟ܂ ܘܐܨܘܬܟ܂
28:06 [ai]	ܒܪܝܟ ܐܢܬ ܒܡܥܠܟ ܒܪܝܟ ܐܢܬ ܒܡܦܩܟ܂
28:07 [ai]	ܘܢܫܠܡ ܡܪܝܐ ܠܒ̈ܥܠܕܒܒܝܟ ܕܩܿܝܡܝܢ ܥܠܝܟ ܩܕܡܝܟ ܟܕ ܬܒܝܪ̈ܝܢ܂ ܒܐܘܪܚܐ ܚܕܐ ܢܦܩܘܢ ܥܠܝܟ܂ ܘܒܫܒܥ ܐܘܪ̈ܚܢ ܢܥܪܩܘܢ ܡܢ ܩܕܡܝܟ܂
28:08 [ai]	ܢܦܩܘܕ ܡܪܝܐ ܒܘܪ̈ܟܬܐ ܒܐܘܨܪ̈ܝܟ܂ ܘܒܟܠ ܡܕܡ ܕܡܘܫܛ ܐܢܬ ܐܝܕܟ܂ ܘܢܒܪܟܟ ܒܐܪܥܐ ܕܝܿܗܒ ܠܟ ܡܪܝܐ ܐܠܗܟ܂
28:09 [ai]	ܢܩܝܡܟ ܠܗ ܡܪܝܐ ܥܡܐ ܩܕܝܫܐ ܐܝܟ ܕܝܡܐ ܠܟ܂ ܐܢ ܬܛܪ ܟܘܠܗܘܢ ܦܘܩ̈ܕܢܘܗܝ ܕܡܪܝܐ ܐܠܗܟ ܘܬܗܠܟ ܒܐܘܪ̈ܚܬܗ܂
28:10 [ai]	ܘܢܚܙܘܢ ܟܠܗܘܢ ܥܡ̈ܡܐ ܕܐܪܥܐ ܕܫܡܗ ܕܡܪܝܐ ܐܬܩܪܝ ܥܠܝܟ܂ ܘܢܕܚܠܘܢ ܡܢܟ܂
28:11 [ai]	ܘܢܘܬܪܟ ܡܪܝܐ ܠܛܒܬܐ܂ ܒܦܐܪ̈ܐ ܕܟܪܣܟ ܘܒܝܠܕܐ ܕܒܥܝܪ̈ܟ܂ ܘܒܦܐܪ̈ܐ ܕܐܪܥܟ܂ ܒܐܪܥܐ ܕܝܡܐ ܡܪܝܐ ܠܐ̈ܒܗܝܟ ܠܡܬܠ ܠܟ܂
28:12 [ai]	ܢܦܬܚ ܠܟ ܡܪܝܐ ܐܘܨܪܗ ܛܒܐ ܫܡܝܐ ܘܢܬܠ ܡܛܪܐ ܕܐܪܥܟ ܒܙܒܢܗ܂ ܘܢܒܪܟ ܟܠܗܘܢ ܥ̈ܒܿܕܐ ܕܐ̈ܝܕܝܟ܂ ܬܘܙܦ ܠܥܡ̈ܡܐ ܣ̈ܓܝܐܐ ܘܐܢܬ ܠܐ ܬܐܙܦ܂ ܘܬܫܬܠܛ ܒܥܡ̈ܡܐ ܣ̈ܓܝܐܐ܂ ܘܒܟ ܠܐ ܢܫܬܠܛܘܢ܂
28:13 [ai]	ܢܥܒܕܟ ܡܪܝܐ ܪܝܫܐ ܘܠܐ ܕܢܘܒܬܐ/ܕܘܢܒܬܐ#3#/܂ ܘܬܗܘܐ ܠܥܠ ܘܠܐ ܬܗܘܐ ܠܬܚܬ܂ ܟܕ ܬܫܡܥ ܦܘܩ̈ܕܢܘܗܝ ܕܡܪܝܐ ܐܠܗܟ܂ ܕܡܦܩܕ ܐܢܐ ܠܟ ܝܘܡܢܐ܂ ܘܬܛܪ ܘܬܥܒܕ ܐܢܘܢ܂
28:14 [ai]	ܘܠܐ ܬܣܛܐ ܡܢ ܟܠܗܘܢ ܦܘܩ̈ܕܢܐ ܕܡܦܩܕ ܐܢܐ ܠܟ ܝܘܡܢܐ܂ ܠܐ ܠܝܡܝܢܐ ܘܠܐ ܠܣܡܠܐ܂ ܘܠܐ ܬܐܙܠ ܒܬܪ ܐ̈ܠܗܐ ܕܥܡ̈ܡܐ ܘܬܦܠܘܚ/ܘܠܐ ܬܦܠܘܚ#3#/ ܐܢܘܢ܂
28:15 [ai]	ܘܐܢ ܠܐ ܬܫܡܥ ܒܩܠܗ ܕܡܪܝܐ ܐܠܗܟ܂ ܘܠܐ ܬܛܪ ܘܠܐ ܬܥܒܕ ܟܘܠܗܘܢ ܦܘܩ̈ܕܢܘܗܝ ܘܢܡ̈ܘܣܘܗܝ ܕܡܦܩܕ ܐܢܐ ܠܟ ܝܘܡܢܐ܂ ܢܐܬܝܢ ܥܠܝܟ ܗܠܝܢ ܟܘܠܗܝܢ ܠܘ̈ܛܬܐ ܘܢܕܪܟܢܟ܂
28:16 [ai]	ܠܝܛ ܐܢܬ ܒܩܪܝܬܐ ܠܝܛ ܐܢܬ ܒܚܩܠܐ܂
28:17 [ai]	ܠܝܛ ܣܠܟ ܘܐܨܘܬܟ܂
28:18 [ai]	ܠܝ̈ܛܝܢ ܦܐܪ̈ܐ ܕܟܪܣܟ ܘܦܐܪ̈ܐ ܕܐܪܥܟ܂ ܘܒܩܪ̈ܐ ܕܬܘܪ̈ܝܟ ܘܓܙܪ̈ܐ ܕܥܢܟ܂
28:19 [ai]	ܠܝܛ ܐܢܬ ܒܡܥܠܟ܂ ܠܝܛ ܐܢܬ ܒܡܦܩܟ܂
28:20 [ai]	ܢܫܕܪ ܥܠܝܟ/ܥܡܟ#3#/ ܡܪܝܐ ܚܘܣܪܢܐ ܘܕܠܘܚܝܐ܂ ܘܟܐܬܐ ܒܟܠ ܡܕܡ ܕܡܘܫܛ ܐܢܬ ܐܝܕܟ ܕܬܥܒܕ܂ ܥܕܡܐ ܕܢܘܒܕܟ ܘܥܕܡܐ ܕܢܣܝܦܟ ܒܥܓܠ ܡܛܠ ܒܝܫܘܬܐ ܕܥܿܒ̈ܕܝܟ ܕܫܒܩܬܢܝ܂
28:21 [ai]	ܢܫܕܪ ܥܠܝܟ ܡܪܝܐ ܡܘܬܢܐ ܥܕܡܐ ܕܢܘܒܕܟ ܡܢ ܐܪܥܐ ܕܥܿܐܠ ܐܢܬ ‍<‍ܠܗܿ#3#‍>‍ ܠܬܡܢ ܠܡܐܪܬܗܿ܂
28:22 [ai]	ܢܡܚܝܟ ܡܪܝܐ ܒܬܡܗܐ ܘܒܩܠܦܝܬܐ܂ ܘܒܝܩܕܢܐ \ܘܒܫܠܗܒܝܬܐ ܘܒܝܪܩܢܐ ܘܒܚܪܒܐ /ܘܒܚܪܒܐ ܘܒܫܠܗܒܝܬܐ ܘܒܝܩܕܢܐ#2#/܂ ܘܒܪܘܚܐ ܕܫܘܒܐ܂ ܘܢܪܕܦܘܢܟ ܥܕܡܐ ܕܢܘܒܕܘܢܟ܂
28:23 [ai]	ܘܢܗܘܘܢ ܫܡܝܐ ܕܠܥܠ ܡܢ ܪܝܫܟ ܢܚܫܐ܂ ܘܐܪܥܐ ܕܬܚܘܬܝܟ ܦܪܙܠܐ܂
28:24 [ai]	ܢܬܠ ܡܪܝܐ ܡܛܪܐ ܕܐܪܥܟ ܐܒܩܐ܂ ܘܥܦܪܐ ܡܢ ܫܡܝܐ ܢܿܚܬ ܥܠܝܟ܂ ܥܕܡܐ ܕܢܘܒܕܟ܂
28:25 [ai]	ܢܬܒܪܟ ܡܪܝܐ ܩܕܡ ܒ̈ܥܠܕܒܒܝܟ܂ ܒܐܘܪܚܐ ܚܕܐ ܬܦܘܩ ܥܠܝܗܘܢ܂ ܘܒܫܒܥ ܐܘܪ̈ܚܢ ܬܥܪܘܩ ܡܢ ܩܕܡܝܗܘܢ܂ ܘܬܗܘܐ ܠܙܘܥܬܐ ܠܟܠܗܝܢ ܡ̈ܠܟܘܬܐ ܕܐܪܥܐ܂
28:26 [ai]	ܘܬܗܘܐ ܫܠܕܟ ܡܐܟܘܠܬܐ ܠܦܪܚܬܐ ܕܫܡܝܐ܂ ܘܠܚܝܘܬܐ ܕܐܪܥܐ ܘܠܝܬ ܕܡܿܟܫ܂
28:27 [ai]	ܢܡܚܝܟ ܡܪܝܐ ܒܫܘܚܢܐ ܕܡܨܪ̈ܝܐ܂ ܘܒܛܚܘܪܐ ܘܒܓܪܒܐ ܘܒܢܚܒܐ܂ ܕܠܐ ܬܫܟܚ ܠܡܬܐܣܝܘ܂
28:28 [ai]	ܢܡܚܝܟ ܡܪܝܐ ܒܟܡܗܘܬܐ܂ ܘܒܥܘܪܐ ܘܒܬܡܗܐ ܕܠܒܐ܂
28:29 [ai]	ܘܗܘܝܬ ܡܿܐܫ ܒܛܗܪܐ܂ ܐܝܟ/ܐܝܟܢܐ#2#/ ܕܡܿܐܫ ܥܘܝܪܐ ܒܚܫܘܟܐ܂ ܘܠܐ ܬܣܩ ܐܘܪܚܟ ܠܪܝܫ܂ ܘܗܘܝܬ ܕܒܝܪ ܒܩܛܝܪܐ ‍<‍ܘܐܠܝܨ#2#‍>‍ ܘܛܠܝܡ ܟܠܗܘܢ ܝܘܡ̈ܬܟ܂ ܘܠܐ ܢܗܘܐ ܡܿܢ ܕܦܪܩ ܠܟ܂
28:30 [ai]	ܐܢܬܬܐ ܬܡܟܘܪ ܘܓܒܪܐ ܐܚܪܢܐ ܢܣܒܝܗܿ܂ ܒܝܬܐ ܬܒܢܐ ܘܠܐ ܬܬܒ ܒܗ܂ ܟܪܡܐ ܬܨܘܒ ܘܠܐ ܬܥܨܘܪ ܡܢܗ/ܚܡܪܗ#3#/܂
28:31 [ai]	ܬܘܪܟ ܢܬܢܟܣ ܩܕܡܝܟ ܘܠܐ ܬܐܟܘܠ ܡܢܗ܂ ܘܚܡܪܟ ܢܬܕܒܪ ܡܢܟ ܒܩܛܝܪܐ ܘܠܐ ܢܬܦܢܐ ܠܟ܂ ܥܢܟ ܬܫܬܠܡ ܠܒ̈ܥܠܕܒܒܝܟ ܘܠܝܬ ܕܡܦܨܐ܂
28:32 [ai]	ܒܢ̈ܝܟ ܘܒܢ̈ܬܟ ܢܫܬܠܡܘܢ ܠܥܡܐ ܐܚܪܢܐ ܘܥܝ̈ܢܝܟ ܢܚ̈ܙܝܢ܂ ܘܬܕܘܐ ܥܠܝܗܘܢ ܟܠܗ ܝܘܡܐ ܘܠܐ ܬܣܦܩ ܒܐ̈ܝܕܝܟ܂
28:33 [ai]	ܦܐܪ̈ܐ ܕܐܪܥܟ ܘܟܠܗܿ ܠܐܘܬܟ܂ ܢܐܟܘܠ ܥܡܐ ܕܠܐ ܝܿܕܥ ܐܢܬ ܠܗ܂ ܘܗܘܝܬ ܛܠܝܡ ܘܐܠܝܨ ܟܠܗܘܢ ܝܘܡ̈ܬܟ܂
28:34 [ai]	ܘܗܘܝܬ ܟܡܗ ܡܢ ܚܙܘܐ ܕܥܝ̈ܢܝܟ ܕܚܿܙܐ ܐܢܬ܂
28:35 [ai]	ܢܡܚܝܟ ܡܪܝܐ ܒܫܘܚܢܐ ܒܝܫܐ ܥܠ ܒܘܪ̈ܟܝܟ܂ ܘܥܠ ܫ̈ܩܝܟ܂ ܕܠܐ ܬܫܟܚ ܠܡܬܐܣܝܘ܂ ܡܢ ܦܣܬܐ ܕܪܓܠܟ܂ ܘܥܕܡܐ ܠܡܘܚܟ܂
28:36 [ai]	ܢܕܒܪܟ ܡܪܝܐ ܠܟ ܘܠܡܠܟܟ܂ ܕܐܩܝܡܬ ܥܠܝܟ܂ ܠܘܬ ܥܡܐ ܕܠܐ ܝܕܥܬ܂ ܐܢܬ ܘܐ̈ܒܗܝܟ܂ ܘܬܦܠܘܚ ܬܡܢ ܠܐ̈ܠܗܐ ܐܚܪ̈ܢܐ ܕܩܝܣܐ ܘܕܟܐܦܐ܂
28:37 [ai]	ܘܬܗܘܐ ܠܬܡܗܐ ܘܠܡܬܠܐ ܘܠܪܢܝܐ ܒܟܘܠܗܘܢ ܥܡ̈ܡܐ ܕܢܒܕܪܟ ܡܪܝܐ ‍<‍ܐܠܗܟ#2#‍>‍ ܠܬܡܢ܂
28:38 [ai]	ܙܪܥܐ ܣܓܝ ܬܦܩ ܚܩܠܟ܂ ܘܩܠܝܠ ܬܚܡܘܠ܂ ܡܛܠ ܕܢܐܟܠܝܘܗܝ ܩܡܨܐ܂
28:39 [ai]	ܟܪܡܐ ܬܨܘܒ ܘܬܦܠܘܚ ܘܚܡܪܐ ܠܐ ܬܫܬܐ ܘܠܐ ܬܚܡܘܠ܂ ܡܛܠ ܕܐܿܟܠܐ ܠܗ ܬܘܠܥܐ܂
28:40 [ai]	ܙܝ̈ܬܐ ܢܗܘܘܢ ܠܟ ܒܟܠܗ ܬܚܘܡܟ܂ ܘܡܫܚܐ ܠܐ ܬܡܫܘܚ܂ ܡܛܘܠ ܕܢܬܪܘܢ ܙܝ̈ܬܝܟ܂
28:41 [ai]	ܒܢ̈ܝܐ ܘܒܢ̈ܬܐ ܬܘܠܕ ܘܠܐ ܢܗܘܘܢ ܕܝܠܟ܂ ܡܛܠ ܕܒܫܒܝܐ ܢܐܙܠܘܢ܂
28:42 [ai]	ܟܠܗܘܢ ܐ̈ܝܠܢܝܟ ܘܦܐܪ̈ܐ ܕܐܪܥܟ܂ ܢܐܟܘܠ ܐܢܘܢ ܨܪܨܘܪܐ܂
28:43 [ai]	ܘܥܡܘܪܐ ܕܒܓܘܟ܂ ܢܬܬܪܝܡ ܥܠܝܟ ܠܥܠ܂ ܘܐܢܬ ܬܚܘܬ ܠܬܚܬ܂
28:44 [ai]	ܗܘ ܢܘܙܦܟ ܘܐܢܬ ܠܐ ܬܘܙܦܝܘܗܝ܂ ܗܘ ܢܗܘܐ ܪܝܫܐ ܘܐܢܬ ܬܗܘܐ ܕܢܘܒܬܐ/ܕܘܢܒܬܐ#3#/܂
28:45 [ai]	ܘܢܐܬܝܢ ܥܠܝܟ ܗܠܝܢ ܟܘܠܗܝܢ ܠܘ̈ܛܬܐ ܘܢܕܪܟܢܟ܂ ܘܢܪܕܦܢܟ ܥܕܡܐ ܕܢܘܒܕܢܟ܂ ܡܛܠ ܕܠܐ ܫܡܥܬ ܒܩܠܗ ܕܡܪܝܐ ܐܠܗܟ܂ ܘܠܐ ܢܛܪܬ ܦܘܩ̈ܕܢܘܗܝ ܘܢܡ̈ܘܣܘܗܝ ܕܦܩܕܟ܂
28:46 [ai]	ܘܢܗ̈ܘܝܢ ܒܟ ܐ̈ܬܘܬܐ ܘܬܕܡܪ̈ܬܐ ܘܒܙܪܥܟ ܠܥܠܡ܂
28:47 [ai]	ܥܠ ܕܠܐ ܦܠܚܬ ܠܡܪܝܐ ܐܠܗܟ܂ ܒܚܕܘܬܐ ܘܒܛܒܘܬ ܠܒܐ܂ ܡܢ ܣܘܓܐܐ ܕܟܠ ܡܕܡ܂
28:48 [ai]	ܘܬܦܠܘܚ ܠܒ̈ܥܠܕܒܒܝܟ ܕܢܫܕܪ ܐܢܘܢ ܡܪܝܐ ܥܠܝܟ܂ ܒܟܦܢܐ ܘܒܨܗܝܐ ܘܒܥܪܛܠܝܘܬܐ܂ ܘܒܚܘܣܪܢܐ ܕܟܠ ܡܕܡ܂ ܘܢܬܠ ܢܝܪܐ ܕܦܪܙܠܐ ܥܠ ܨܘܪܟ܂ ܥܕܡܐ ܕܢܘܒܕܟ܂
28:49 [ai]	ܢܝܬܐ ܥܠܝܟ ܡܪܝܐ ܥܡܐ ܡܢ ܪܘܚܩܐ܂ ܡܢ ܣܘ̈ܦܝܗܿ ܕܐܪܥܐ ܐܝܟ ܕܛܿܐܣ ܢܫܪܐ܂ ܥܡܐ ܕܠܐ ܫܿܡܥ ܐܢܬ ܠܫܢܗ܂
28:50 [ai]	ܥܡܐ ܕܚ̈ܨܝܦܢ ܐ̈ܦܘܗܝ܂ ܕܠܐ ܒܿܗܬ ܡܢ ܐ̈ܦܝ ܣ̈ܒܐ܂ ܘܥܠ ܛ̈ܠܝܐ ܠܐ ܡܪܚܡ܂
28:51 [ai]	ܘܢܐܟܘܠ ܝܿܠܕܐ ܕܒܥܝܪܟ ܘܦܐܪ̈ܐ ܕܐܪܥܟ܂ ܥܕܡܐ ܕܢܘܒܕܟ܂ ܘܠܐ ܢܫܒܘܩ ܠܟ ܠܐ ܥܒܘܪܐ ܘܠܐ ܚܡܪܐ܂ ܘܠܐ ܡܫܚܐ܂ ܘܠܐ ܒܩܪ̈ܐ ܕܬܘܪ̈ܐ ܘܠܐ ܓܙܪ̈ܐ ܕܥܢܐ܂ ܥܕܡܐ ܕܢܘܒܕܟ܂
28:52 [ai]	ܘܢܐܠܨܟ ܒܟܘܠܗܝܢ ܩܘܪ̈ܝܟ܂ ܥܕܡܐ ܕܢܟܒܘܫ ܫܘܪ̈ܝܟ ܪ̈ܡܐ ܘܥܫܝ̈ܢܐ ܕܬܟܝܠ ܐܢܬ ܥܠܝܗܘܢ ܒܟܠܗܿ ܐܪܥܟ܂ ܘܢܐܠܨܟ ܒܟܘܠܗܝܢ ܩܘܪ̈ܝܟ܂ ܒܟܠܗܿ ܐܪܥܐ ܕܝܿܗܒ ܠܟ ܡܪܝܐ ܐܠܗܟ܂
28:53 [ai]	ܘܬܐܟܘܠ ܦܐܪ̈ܐ ܕܟܪܣܟ܂ ܒܣܪܐ ܕܒܢ̈ܝܟ ܘܕܒܢ̈ܬܟ ܕܝܿܗܒ ܠܟ ܡܪܝܐ ܐܠܗܟ܂ ܬܐܟܘܠ ܐܢܘܢ ܒܐܘܠܨܢܐ ܘܒܥܩܬܐ ܕܢܥܝܩ ܠܟ ܒܥܠܕܒܒܟ܂
28:54 [ai]	ܓܒܪܐ ܕܡܥܕܢ ܒܟ ܘܡܦܢܩ ܒܟ܂ ܬܚܘܪ ܥܝܢܗ ܒܐܚܘܗܝ ܘܒܐܢܬܬ ܩܝܡܗ ܘܒܫܪܟܐ ܕܒܢ̈ܘܗܝ ܕܡܫܬܚܪܝܢ܂
28:55 [ai]	ܘܠܐ ܢܬܠ ܠܚܕ ܡܢܗܘܢ ܡܢ ܒܣܪܐ ܕܒܢ̈ܘܗܝ ܕܐܿܟܠ܂ ܡܛܠ ܕܠܐ ܢܫܬܒܩ ܠܗ ܡܕܡ ܒܐܘܠܨܢܐ ܘܒܥܩܬܐ ܕܢܥܝܩ ܠܟ ܒܥܠܕܒܒܟ ܒܟܘܠܗܝܢ ܩܘܪ̈ܝܟ܂
28:56 [ai]	ܐܝܕܐ ܕܡܥܕܢܐ ܒܟ ܘܡܦܢܩܐ ‍<‍ܒܟ#3#‍>‍܂ ܕܠܐ ܢܣܝܬ ܦܣܬܐ ܕܪܓܠܗܿ ܠܡܩܡ܂ ܥܠ ܐܪܥܐ܂ ܡܢ ܥܘܕܢܗܿ ܘܡܢ ܦܘܢܩܗܿ܂ ܬܚܘܪ ܥܝܢܗܿ ܒܒܥܠܗܿ ܘܒܒܪܗܿ ܘܒܒܪܬܗܿ܂
28:57 [ai]	ܒܫܠܝܬܗܿ ܕܢܿܦܩܐ ܡܢ ܒܝܬ ܪ̈ܓܠܝܗܿ܂ ܘܒܒܪܗܿ ܕܬܐܠܕ ܟܕ ܬܐܟܘܠ ܐܢܘܢ ܡܐ ܕܚܣܪ ܠܗܿ ܟܠ܂ ܒܐܘܠܨܢܐ ܘܒܥܩܬܐ ܕܢܥܝܩ ܠܟ ܒܥܠܕܒܒܟ ܒܟܠܗܝܢ ܩܘܪ̈ܝܟ܂
28:58 [ai]	ܐܠܐ ܬܛܪ ܘܬܥܒܕ ܟܘܠܗܘܢ ܦܬ̈ܓܡܐ ܕܢܡܘܣܐ ܗܢܐ ܕܟܬܝܒܝܢ ܒܟܬܒܐ ܗܢܐ ܘܬܕܚܠ ܡܢ ܫܡܐ ܗܢܐ ܡܫܒܚܐ ܘܕܚܝܠܐ ܕܡܪܝܐ ܐܠܗܟ܂
28:59 [ai]	ܘܢܦܪܘܫ ܡܪܝܐ ܡܚ̈ܘܬܟ ܘܡܚ̈ܘܬܐ ܕܙܪܥܟ܂ ܡܚ̈ܘܬܐ ܕܪ̈ܘܪܒܢ ܘܡܗܝܡܢܢ܂ ܘܟܐ̈ܒܐ ܕܒܝܫ̈ܝܢ ܘܡܗܝܡܢܝܢ܂
28:60 [ai]	ܘܢܝܬܐ ܥܠܝܟ ‍<‍ܡܪܝܐ#2#‍>‍ ܟܘܠܗܝܢ/ܗܠܝܢ#3#/ ܡܚ̈ܘܬܐ ܕܡܨܪ̈ܝܐ ܕܕܚܿܠ ܐܢܬ ܡܢ ܩܕܡܝܗܝܢ܂ ܘܢܕܒܩܢ ܒܟ܂
28:61 [ai]	ܘܟܘܠ ܟܘܪܗܢ ܘܟܠ ܡܚ̈ܘܢ܂ ܕܠܐ ܟܬܝܒ̈ܢ ܒܟܬܒܐ ܗܢܐ ܕܢܡܘܣܐ܂ ܢܝܬܐ ܐ̈ܢܝܢ ܡܪܝܐ ܥܠܝܟ܂ ܥܕܡܐ ܕܢܘܒܕܟ܂
28:62 [ai]	ܘܬܫܬܚܪܘܢ ܩܠܝܠ ܒܡܢܝܢܐ ܕܣܓܝܬܘܢ ܗܘܝܬܘܢ ‍<‍ܛܒ#3#‍>‍ ܐܝܟ ܟ̈ܘܟܒܐ ܕܒܫܡܝܐ܂ ܥܠ/ܡܛܠ#3#/ ܕܠܐ ܫܡܥܬ ܒܩܠܗ ܕܡܪܝܐ ܐܠܗܟ܂
28:63 [ai]	ܘܐܝܟ/ܘܐܝܟܢܐ#3#/ ܕܚܕܝ ܡܪܝܐ ܥܠܝܟܘܢ ܕܢܛܐܒ ܠܟܘܢ ܘܢܣܓܝܟܘܢ܂ ܗܟܢܐ ܢܚܕܐ ܡܪܝܐ ܥܠܝܟܘܢ \ܟܕ ܢܘܒܕܟܘܢ /ܕܢܘܒܕܟܘܢ#3#/ ܘܢܓܡܪܟܘܢ܂ ܘܬܫܬܩܠܘܢ ܡܢ ܐܪܥܐ ܕܥܿܐܠ ܐܢܬ ܠܬܡܢ ܠܡܐܪܬܗܿ܂
28:64 [ai]	ܘܢܒܕܪܟ ܡܪܝܐ ܒܟܠܗܘܢ ܥܡ̈ܡܐ܂ ܡܢ ܣܘ̈ܦܝܗܿ ܕܐܪܥܐ ܘܥܕܡܐ ܠܣܘ̈ܦܝܗܿ ܕܐܪܥܐ܂ ܘܬܦܠܘܚ ܬܡܢ ܠܐ̈ܠܗܐ ܐܚܪ̈ܢܐ ܕܩܝܣܐ ܘܕܟܐܦܐ ܕܠܐ ܝܕܥܬ ܐܢܬ/ܐܢܘܢ#2#/ ܘܐ̈ܒܗܝܟ܂
28:65 [ai]	ܘܒܥܡ̈ܡܐ/ܘܐܦ ܒܥܡ̈ܡܐ#2#/ ܗܿܢܘܢ/ܗܠܝܢ#3#/ ܠܐ ܬܫܠܐ܂ ܘܠܐ ܢܗܘܐ ܢܝܚܐ ܠܦܣܬ ܪܓܠܟ܂ ܐܠܐ ܢܬܠ ܠܟ ܡܪܝܐ ܬܡܿܢ܂ ܠܒܐ ܙܝܿܥܐ ܘܚܫܟܐ ܕܥܝ̈ܢܐ ܘܕܘܝܿܒܐ ܕܢܦܫܐ/ܕܠܒܐ#3#/܂
28:66 [ai]	ܘܢܗܘܘܢ ܚܝ̈ܝܟ ܬܠܝܢ ܡܢ ܩܒܘܠ܂ ܘܬܗܘܐ ܕܚܿܠ ܒܐܝܡܡܐ ܘܒܠܠܝܐ܂ ܘܠܐ ܬܗܝܡܢ ܒܚܝ̈ܝܟ܂
28:67 [ai]	ܒܨܦܪܐ ܬܐܡܪ ܐܡܬܝ ܕܝܢ ܗܘܐ ܪܡܫܐ܂ ܘܒܪܡܫܐ ܬܐܡܪ ܐܡܬܝ ܕܝܢ ܗܘܐ ܨܦܪܐ܂ ܡܢ ܕܚܠܬܐ ܕܠܒܟ ܕܕܚܿܠ ܐܢܬ܂ ܘܡܢ ܚܙܘܐ ܕܥܝ̈ܢܝܟ ܕܚܿܙܐ ܐܢܬ܂
28:68 [ai]	ܘܢܗܦܟܟ ܡܪܝܐ ܠܡܨܪܝܢ ܒܐ̈ܠܦܐ܂ ܒܐܘܪܚܐ ܕܐܡܪ ܠܟ ‍<‍ܡܪܝܐ#2#‍>‍ ܕܠܐ ܬܘܣܦ ܬܘܒ ܠܡܚܙܝܗܿ܂ ܘܬܙܕܒܢܘܢ ܬܡܢ ܠܒ̈ܥܠܕܒܒܝܟܘܢ ܠܥܒ̈ܕܐ ܘܠܐ̈ܡܗܬܐ ܘܠܝܬ ܕܙܿܒܢ܂
28:69 [ai]	ܗܠܝܢ ܦܬ̈ܓܡܐ ܕܩܝܡܐ ܕܦܩܕ ܡܪܝܐ ܠܡܘܫܐ ܠܡܩܡܘ ܥܡ ܒܢ̈ܝ ܐܝܣܪܝܠ ܒܐܪܥܐ ܕܡܘܐܒ܂ ܣܛܪ ܡܢ ܩܝܡܐ ܕܐܩܝܡ ܥܡܗܘܢ ܒܚܘܪܝܒ܂

next chapter