The Comprehensive Aramaic Lexicon

32:01 [ai]	ܨܘܬ ܫܡܝܐ ܘܐܡܠܠ܂ ܬܫܡܥ ܐܪܥܐ ܡܐܡܪܗ ܕܦܘܡܝ܂
32:02 [ai]	ܢܪܣܡ ܐܝܟ ܡܛܪܐ ܝܘܠܦܢܝ܂ ܘܢܚܘܬ ܐܝܟ ܛܠܐ ܡܐܡܪܝ܂ ܐܝܟ ܪ̈ܘܚܐ ܕܥܠ ܬܕܐܐ܂ ܘܐܝܟ ܐܪ̈ܣܝܣܐ ܕܥܠ ܥܣܒܐ܂
32:03 [ai]	ܡܛܘܠ ܕܒܫܡܗ ܕܡܪܝܐ ܐܩܪܐ܂ ܗܒܘ ܪܒܘܬܐ ܠܐܠܗܢ ܬܩܝܦܐ܂
32:04 [ai]	ܕܕܠܐ ܡܘܡ ‍<‍ܐܢܘܢ#3#‍>‍ ܥ̈ܒܿܕܘܗܝ܂ ܘܟܘܠܗܝܢ ܐܘܪ̈ܚܬܗ ܕܝܢܐ܂ ܐܠܗܐ ܗܘ ܡܗܝܡܢܐ ܘܠܐ ܗܘܐ ܥܘܿܠܐ܂ ܙܕܝܩܐ ‍<‍ܗܘ#3#‍>‍ ܘܬܪܝܨܐ܂
32:05 [ai]	ܚܒܠܘ ܘܠܐ ܠܗ ܒܢ̈ܝܐ ܕܡܘܡܐ܂ ܕܪܐ ܡܥܩܡܐ ܘܡܦܬܠܐ܂
32:06 [ai]	ܗܠܝܢ ܠܡܪܝܐ ܦܪܥܝܢ ܐܢܬܘܢ܂ ܥܡܐ ܣܟܠܐ ܘܠܐ ܗܘܐ ܚܟܝܡܐ܂ ܕܠܡܐ ܠܐ ܗܘܐ ܐܒܘܟ ܕܩܢܟ܂ ܘܗܘ ܥܒܼܕܟ ܘܐܬܩܢܟ܂
32:07 [ai]	ܐܬܕܟܪ ܝܘܡ̈ܬܐ ܕܡܢ ܥܠܡ܂ ܘܐܣܬܟܠ/ܘܐܬܒܝܢ#3#/ ܒܫ̈ܢܝܐ ܕܕܪܕܪܝܢ܂ ܫܿܐܠ ܠܐܒܘܟ ܘܢܚܘܝܟ܂ ܘܠܣ̈ܒܝܟ ܘܢܐܡܪܘܢ ܠܟ܂
32:08 [ai]	ܕܟܕ ܡܦܠܓ ܡܪܝܡܐ ܥܡ̈ܡܐ܂ ܘܟܕ ܡܦܪܫ ܒܢ̈ܝܢܫܐ܂ ܐܩܝܡ ܬܚܘܡܐ ܕܥܡ̈ܡܐ ܠܡܢܝܢܐ ܕܒܢ̈ܝ ܐܝܣܪܝܠ܂
32:09 [ai]	ܡܛܠ ܕܦܠܓܘܬܗ ܕܡܪܝܐ ܥܡܗ܂ ܘܝܥܩܘܒ ܚܒܠܐ ܕܝܪܬܘܬܗ܂
32:10 [ai]	ܐܫܟܚܗ ܒܐܪܥܐ ܕܡܕܒܪܐ܂ ܘܒܚܘܪܒܐ ܕܐܫܝܡܘܢ ܐܩܦܗ ܘܚܒܒܗ ܘܢܛܪܗ ܐܝܟ ܒܒܬܐ ܕܥܝܢܐ܂
32:11 [ai]	ܐܝܟ ܢܫܪܐ ܕܛܿܐܣ ܥܠ ܩܢܗ܂ ܘܥܠ ܦܪ̈ܘܓܘܗܝ ܡܪܚܦ/ܡܦܪܚ#2#/ ܦܿܪܣ ܓܦܘ̈ܗܝ ܘܡܩܒܠ ܠܗܘܢ܂ ܘܫܿܩܠ ܠܗܘܢ ܥܠ ܥܘܫܢܐ ܕܐܒܪ̈ܘܗܝ܂
32:12 [ai]	ܡܪܝܐ ܒܠܚܘܕܘܗܝ ܕܒܪܗ܂ ܘܠܝܬ ܗܘܐ ܥܡܗ ܐܠܗ ܢܘܟܪܝ܂
32:13 [ai]	ܐܘܬܒܗ ܥܠ ܥܘܫܢܐ/ܥܘܫܢܗܿ#3#/ ܕܐܪܥܐ܂ ܘܐܘܟܠܗ ܥ̈ܠܠܬܐ ܕܚܩܠܐ܂ ܘܐܝܢܩܗ ܕܒܫܐ ܡܢ ܟܐܦܐ܂ ܘܡܫܚܐ ܡܢ ܟܐܦܐ ܕܛܪܢܐ܂
32:14 [ai]	ܚܐܘܬܐ ܕܬܘܪ̈ܐ ܘܚܠܒܐ ܕܥܢܐ܂ ܥܡ ܬܪܒܐ ܕܡ̈ܦܛܡܐ ܕܟܪ̈ܐ ܒܢ̈ܝ ܕܝ̈ܨܐ ܘܓܕܝ̈ܐ܂ ܥܡ ܬܪܒܐ ܘܫܘܡܢܐ ܕܚ̈ܛܐ܂ ܘܕܡܐ ܕܥܢ̈ܒܐ ܐܫܩܝܗ ܚܡܪܐ܂
32:15 [ai]	ܘܫܡܢ ܐܝܣܪܝܠ ܘܒܥܛ܂ ܫܡܢ ‍<‍ܘܥܒܝ#3#‍>‍ ܘܬܩܦ ܘܩܢܐ ܢܟ̈ܣܐ܂ ܘܛܥܐ ܠܐܠܗܐ ܕܥܒܕܗ܂ ܘܨܚܝ ܠܬܩܝܦܐ ܕܦܪܩܗ܂
32:16 [ai]	ܐܛܢܗ ܒܢܘܟܪ̈ܝܐ܂ ܘܒܕܚ̈ܠܬܐ ܐܪܓܙܗ܂
32:17 [ai]	ܕܒܚܘ ܠܫܐ̈ܕܐ ܕܠܐ ܗܘܘ ܐ̈ܠܗܐ܂ ܐ̈ܠܗܐ ܕܠܐ ܝܕܥܘ ܐܢܘܢ܂ ܚ̈ܕܬܐ ܐܢܘܢ ܕܗܟܝܠ ܐܬܥܒܕܘ܂ ܘܠܐ ܕܚܠܘ ܠܗܘܢ ܐ̈ܒܗܝܟܘܢ܂
32:18 [ai]	ܠܬܩܝܦܐ ܕܝܠܕܟ ܛܥܝܬ܂ ܘܐܬܢܫܝܬ ܠܐܠܗܐ ܕܫܒܚܟ܂
32:19 [ai]	ܘܚܙܐ ܡܪܝܐ ܘܪܓܙ܂ ܥܠ ܕܐܪܓܙܘܗܝ ܒܢ̈ܘܗܝ ܘܒܢ̈ܬܗ܂
32:20 [ai]	ܘܐܡܪ ܐܦܢܐ ܐ̈ܦܝ ܡܢܗܘܢ܂ ܘܐܚܙܐ ܡܢܐ ܗܿܘܝܐ ܚܪܬܗܘܢ܂ ܡܛܠ ܕܕܪܐ ܐܢܘܢ ܗܦܝܟܐ܂ ܒܢ̈ܝܐ ܕܠܝܬ ܒܗܘܢ ܗܝܡܢܘܬܐ܂
32:21 [ai]	ܗܢܘܢ ܐܛܢܘܢܝ ܒܠܐ ܐܠܗ܂ ܘܐܪܓܙܘܢܝ ܒܕܚ̈ܠܬܗܘܢ܂ ܘܐܦ ܐܢܐ ܐܛܢ ܐܢܘܢ ܒܠܐ ܥܡܝ܂ ܘܒܥܡܐ ܣܟܠܐ ܐܪܓܙ ܐܢܘܢ܂
32:22 [ai]	ܡܛܠ ܕܢܘܪܐ ܩܿܕܚܐ ܒܪܘܓܙܝ܂ ܘܡܘܩܕܐ ܥܕܡܐ ܠܫܝܘܠ ܬܚܬܝܬܐ܂ ܬܐܟܘܠ ܐܪܥܐ ܘܥ̈ܠܠܬܗܿ ܘܬܘܩܕ ܫܬܐ̈ܣܐ ܕܛܘܪ̈ܐ܂
32:23 [ai]	ܐܟܢܫ ܥܠܝܗܘܢ ܒܝܫ̈ܬܐ܂ ܘܓܐܪ̈ܝ ܐܘܟܠ ܒܗܘܢ܂
32:24 [ai]	ܘܢܬܛܪܦܘܢ/ܢܬܛܪܦܘܢ#3#/ ܠܟܦܢܐ ܘܢܫ̈ܬܠܡܢ ܠܗܘܢ ܪ̈ܘܚܐ ܒܝ̈ܫܬܐ܂ ܘܠܛܝܪܐ ܐܫܠܡ ܐܢܘܢ܂ ܘܚܝܘܬ ܫܢܐ ܐܓܪܐ ܒܗܘܢ܂ ܥܡ ܚܡܬܐ ܕܚ̈ܘܘܬܐ ܕܚܿܠܕܝܢ ܒܥܦܪܐ܂
32:25 [ai]	ܡܢ ܠܒܪ ܬܓܝܙܝ ܚܪܒܐ܂ ܘܡܢ ܬܘ̈ܢܐ ܕܚܠܬܐ܂ ܘܐܦ/ܐܦ#3#/ ܓܕܘ̈ܕܐ ܘܒܬ̈ܘܠܬܐ܂ ܘܛ̈ܠܝܐ ܥܡ ܓܒܪ̈ܐ ܣ̈ܒܐ܂
32:26 [ai]	ܘܐܡܿܪܬ ܐܝܟܐ ܐܢܘܢ܂ ܐܒܛܠ ܡܢ ܒܢ̈ܝ ܐܢܫܐ ܕܘܟܪܢܗܘܢ܂
32:27 [ai]	ܐܠܘ ܠܐ ܪܘܓܙܐ ܕܒܥܠܕܒܒܐ ܕܥܫܢ܂ ܕܠܐ ܢܬܬܪܝܡܘܢ ܒ̈ܥܠܕܒܒܝܗܘܢ/ܐܠܘ̈ܨܝܗܘܢ#3#/܂ ܘܢܐܡܪܘܢ ܕܐܝܕܢ ܗܘ ܐܬܬܪܝܡܬ܂ ܘܠܐ ܗܘܐ ܡܪܝܐ ܥܒܕ ܗܠܝܢ܂
32:28 [ai]	ܡܛܠ ܕܥܡܐ ܗܘ ܕܐܒܝܕܐ ܬܪܥܝܬܗ܂ ܘܠܝܬ ܒܗܘܢ ܣܘܟܠܐ܂
32:29 [ai]	ܐܠܘ ܚܟܡܘ ܘܐܣܬܟܠܘ ܒܗܕܐ܂ ܘܐܬܒܝܢܘ ܒܚܪܬܗܘܢ܂
32:30 [ai]	‍<‍ܐܝܟܢ#3#‍>‍ ܪܕܦ ܗܘܐ ܚܕ ܠܐܠܦܐ܂ ܘܬܪ̈ܝܢ ܡܥܪ̈ܩܝܢ ܗܘܘ ܪܒܘܬܐ܂ ܐܠܐ ܬܩܝܦܗܘܢ ܐܫܠܡ ܐܢܘܢ܂ ܘܡܪܝܐ ܚܒܫ ܐܢܘܢ܂
32:31 [ai]	ܡܛܠ ܕܠܐ ܗܘܐ ܐܝܟ ܬܘܩܦܢ ܬܘܩܦܗܘܢ܂ ܘܒ̈ܥܠܕܒܒܝܢ ܕܝܿܢ̈ܝܢ܂
32:32 [ai]	ܡܛܠ ܕܡܢ ܓܦܬܐ ܕܣܕܘܡ ܓܦܬܗܘܢ ܘܡܢ ܫܬܠܬܐ ܕܥܡܘܪܐ܂ ܥܢ̈ܒܝܗܘܢ ܥܢ̈ܒܝܢ ܡܪ̈ܝܪܢ܂ ܘܣܓܘ̈ܠܝܗܘܢ ܡܪ̈ܪܐ ܠܗܘܢ܂
32:33 [ai]	ܚܡܬܐ ܕܬܢܝܢܐ ܚܡܬܗܘܢ܂ ܘܪܫܐ ܕܦܬܢܐ ܒܝܫܐ܂
32:34 [ai]	ܗܐ ܓܢܝܙ/ܢܛܝܪ#3#/ ܥܡܝ ܘܚܬܝܡ ܒܐܘܨܪ̈ܐ܂
32:35 [ai]	ܕܝܠܝ ܗܘ ܦܘܪܥܢܐ ܕܐܦܪܘܥ܂ ܐܢܘܢ ܒܙܒܢܐ ܕܬܡܘܛ ܪܓܠܗܘܢ܂ ܡܛܠ ܕܩܪܝܒ ܗܘ ܝܘܡܐ ܕܬܒܪܗܘܢ܂ ܘܡܣܪܗܒ ܡܕܡ ܕܥܬܝܕ ܠܗܘܢ܂
32:36 [ai]	ܡܛܠ ܕܕܐܿܢ ܡܪܝܐ ܠܥܡܗ܂ ܘܒܥܒ̈ܕܘܗܝ ܡܬܒܝܐ܂ ܡܛܘܠ ܕܚܙܐ ܕܫܠܛܬ ܐܝܕܐ܂ ܘܠܝܬ ܕܥܿܕܪ ܘܕܣܿܡܟ܂
32:37 [ai]	ܘܢܐܡܪ ܐܝܟܐ ܐܢܘܢ ܐ̈ܠܗܝܗܘܢ ܬܩܝ̈ܦܐ܂ ܗܿܢܘܢ ܕܬܟܝܠܝܢ ܗܘܘ ܥܠܝܗܘܢ܂
32:38 [ai]	ܕܬܪܒܐ ܕܕܒܚ̈ܝܗܘܢ ܐܿܟܠܝܢ ܗܘܘ܂ ܘܫܿܬܝܢ ܗܘܘ ܚܡܪܐ ܕܢܘܩܝܗܘܢ܂ ܢܩܘܡܘܢ ܗܫܐ ܘܢܥܕܪܢܟܘܢ܂ ܘܢܗܘܘܢ ܥܠܝܟܘܢ ܡܣܬܪ̈ܢܐ܂
32:39 [ai]	ܚܙܘ ܗܟܝܠ ܕܐܢܐ ܐܢܐ܂ ܘܠܝܬ ܐܠܗ ܠܒܪ ܡܢܝ܂ ܐܢܐ ܡܡܝܬ ܐܢܐ ܘܐܢܐ ܡܿܚܐ ܐܢܐ܂ ܐܢܐ ܡܿܚܐ ܐܢܐ ܘܐܢܐ ܡܐܣܐ ܐܢܐ܂ ܘܠܝܬ ܕܦܿܠܛ ܡܢ ܐ̈ܝܕܝ܂
32:40 [ai]	ܡܛܠ ܕܐܪܝܿܡܬ ܥܠ ܫܡܝܐ ܐܝܕܝ܂ ܘܐܡܿܪܬ ܕܚܝ ܐܢܐ ܠܥܠܡ܂
32:41 [ai]	ܐܠܛܘܫ ܫܢܢܗ ܕܣܝܦܝ ܐܝܟ ܒܪܩܐ܂ ܘܬܐܚܘܕ ܒܕܝܢܐ ܐܝܕܝ܂ ܐܗܦܟ ܦܘܪܥܢܐ ܠܣܢܐ̈ܝ/ܥܠ ܣܢ̈ܐܝ#2#/܂ ܘܠܒ̈ܥܠܕܒܒܝ ܐܫܠܡ܂
32:42 [ai]	ܐܪܘܐ ܓܐܪ̈ܝ ܡܢ ܕܡܐ܂ ܘܣܝܦܝ ܢܐܟܘܠ ܒܣܪܐ܂ ܡܢ ܕܡܐ ܕܩ̈ܛܝܠܐ ܘܕܫ̈ܒܝܐ܂ ܘܡܢ ܪܝܫ ܬܓܐ ܕܒܥܠܕܒܒܐ܂
32:43 [ai]	ܡܟܝܠ ܫܒܚܘ ܥܡ̈ܡܐ ܥܡܗ܂ ܡܛܠ ܕܕܡܐ ܕܥܒ̈ܕܘܗܝ ܡܬܦܪܥ܂ ܘܦܘܪܥܢܐ ܡܗܦܟ ܠܣܢܐ̈ܘܗܝ/ܥܠ ܣܢܐ̈ܘܗܝ#2#/܂ ܘܡܚܣܐ ܥܠ ܐܪܥܗ ܘܥܠ ܥܡܗ܀܂܀
32:44 [ai]	ܘܐܬܐ ܡܘܫܐ ܘܐܡܪ/ܘܡܠܠ#3#/ ܟܠܗܘܢ ܦܬ̈ܓܡܐ ܕܬܫܒܘܚܬܐ ܗܕܐ ܩܕܡ ‍<‍ܟܠܗܿ#3#‍>‍ ܥܡܐ܂ ܗܘ ܘܝܫܘܥ ܒܪܢܘܢ܂
32:45 [ai]	ܘܟܕ ܫܠܡ ܡܘܫܐ ܠܡܐܡܪ/ܠܡܡܠܠܘ#3#/ ܟܠܗܘܢ ܦܬ̈ܓܡܐ ܗܠܝܢ ܠܟܘܠܗ/ܥܡ ܒܢ̈ܝ#3#/ ܐܝܣܪܝܠ܂
32:46 [ai]	ܐܡܪ ܠܗܘܢ ܣܝܡܘ ܠܒܟܘܢ ܒܟܠܗܘܢ ܦܬ̈ܓܡܐ ܗܠܝܢ ܕܡܣܗܕ ܐܢܐ ܒܟܘܢ ܝܘܡܢܐ܂ ܕܬܦܩܕܘܢ ܠܒܢ̈ܝܟܘܢ ܕܢܛܪܘܢ ܘܢܥܒܕܘܢ ܟܠܗܘܢ ܦܬ̈ܓܡܘܗܝ/ܦܘܩ̈ܕܢܘܗܝ#3#/ ܕܢܡܘܣܐ ܗܢܐ܂
32:47 [ai]	ܡܛܠ ܕܠܐ ܗܘܐ ܓܝܪ ܦܬܓܡܐ ܣܪܝܩܐ ܠܟܘܢ܂ ܡܛܠ ܕܗܘܝܘ ܚܝ̈ܝܟܘܢ܂ ܘܒܦܬܓܡܐ ܗܢܐ ܬܣܓܘܢ/ܬܓܪܘܢ#3#/ ܝܘܡ̈ܬܐ ܒܐܪܥܐ ܕܥܿܒܪܝܢ ܐܢܬܘܢ܂ ܝܘܪܕܢܢ ܠܬܡܢ ܠܡܐܪܬܗܿ܀܀
32:48 [ai]	ܘܡܠܠ ܡܪܝܐ ܥܡ ܡܘܫܐ ܒܗ ܒܝܘܡܐ ܗܿܘ ܘܐܡܪ ܠܗ܂
32:49 [ai]	ܣܩ ܠܛܘܪܐ ܗܢܐ ܕܥܒܪ̈ܝܐ ܠܛܘܪܐ ‍<‍ܗܢܐ#3#‍>‍ ܕܢܒܘ܂ ܕܒܐܪܥܐ ܕܡܘܐܒ ܩܕܡ ܐܝܪܝܚܘ܂ ܘܚܙܝܗܿ ܠܐܪܥܐ ܕܟܢܥܢ ܕܝܿܗܒ ܐܢܐ ܠܒܢ̈ܝ ܐܝܣܪܝܠ ܝܘܪܬܢܐ܂
32:50 [ai]	ܘܡܘܬ ܒܛܘܪܐ ܕܣܿܠܩ ܐܢܬ ܠܗ/ܠܬܡܢ#3#/܂ ܘܐܬܟܢܫ/ܘܐܬܟܬܫ#2#/ ܠܘܬ ܥܡܟ܂ ܐܝܟ/ܐܝܟܢܐ#3#/ ܕܡܝܬ ܐܗܪܘܢ ܐܚܘܟ܂ ܒܗܘܪ ܛܘܪܐ܂ ܘܐܬܟܢܫ ܠܘܬ ܥܡܗ܂
32:51 [ai]	ܥܠ ܕܐܥܠܝܬܘܢ ܒܝ ܒܓܘ ܒܢܝ ܐܝܣܪܝܠ܂ ܒܡ̈ܝܐ ܕܡܨܘܬܐ ܒܪܩܡ ܒܡܕܒܪܐ ܕܨܝܢ܂ ܥܠ ܕܠܐ ܩܕܫܬܘܢܢܝ ܒܓܘ ܒܢ̈ܝ ܐܝܣܪܐܝܠ܂
32:52 [ai]	ܡܢ ܩܒܘܠ ܚܙܝܗܿ ܠܐܪܥܐ ܕܝܿܗܒ ܐܢܐ ܠܒܢ̈ܝ ܐܝܣܪܝܠ ܘܠܬܡܢ ܠܐ ܬܥܘܠ܀

next chapter