← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62005: P Dt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


33:01 [ai]ܘܗܕܐ ‍<‍ܗܝ#3#‍>‍ ܒܘܪܟܬܐ ܕܒܪܟ ܡܘܫܐ ܥܒܕܗ ܕܐܠܗܐ ܠܒܢ̈ܝ ܐܝܣܪܝܠ ܩܕܡ ܕܢܡܘܬ܂
33:02 [ai]ܘܐܡܪ܂ ܡܪܝܐ ܡܢ ܣܝܢܝ ܐܬܐ܂ ܘܕܢܚ ܠܢ ܡܢ ܣܥܝܪ ܘܐܬܓܠܝ ܡܢ ܛܘܪܐ ܕܦܪܢ܂ ܘܥܡܗ ܡܢ ܪ̈ܒܘܬܐ ܕܩܕܝܫ̈ܐ ܡܢ ܝܡܝܢܗ܂
33:03 [ai]ܝܗܒ ܠܗܘܢ ܘܐܦ ܐܪܚܡ ܐܢܘܢ ܠܥܡ̈ܡܐ܂ ܘܟܠܗܘܢ ܩܕܝܫ̈ܘܗܝ ܒܪܟ܂ ܘܗܢܘܢ ܡܕܪܟܝܢ ܠܪܓܠܟ܂ ܘܡܩܒܠܝܢ ܡܢ ܡܠܬܟ܂
33:04 [ai]ܢܡܘܣܐ ܐܫܠܡ ܠܢ ܡܘܫܐ܂ ܘܝܗܒܗ ܝܘܪܬܢܐ ܠܟܢܘܫܬܗ ܕܝܥܩܘܒ܂
33:05 [ai]ܘܢܗܘܐ ܒܐܝܣܪܝܠ ܡܠܟܐ ܡܐ/ܡܛܠ#3#/ ܕܐܬܟܢܫܘ ܪ̈ܝܫܐ ܕܥܡܐ ܐܟܚܕܐ܂ ܘܫ̈ܒܛܐ ܕܐܝܣܪܐܝܠ܂
33:06 [ai]ܢܚܐ ܪܘܒܝܠ ܘܠܐ ܢܡܘܬ܂ ܘܢܗܘܐ ܒܡܢܝܢܐ܂
33:07 [ai]ܘܗܕܐ ܐܡܪ ܠܝܗܘܕܐ܂ ܫܡܥ ܡܪܝܐ ܒܩܠܗ ܕܝܗܘܕܐ܂ ܘܠܥܡܗ ܐܝܬܝܗܝ܂ ܐ̈ܝܕܘܗܝ ܢܕܘܢܢ/ܢܕܘܝ̈ܢ#3#/ ܠܗ܂ ܘܥܕܘܪܐ ܡܢ ܐܠܘ̈ܨܘܗܝ ܗܘܝ ܠܗ܂
33:08 [ai]ܘܠܠܘܝ ܐܡܪ܂ ܫܘܡܠܝܟ ܘܢܘܗܪܟ ܠܓܒܪܐ ܚܣܝܐ܂ ܕܢܿܣܝܬܗ ܒܢܣ̈ܝܘܢܐ܂ ܘܒܚܪܬܗ ܒܡ̈ܝܐ ܕܡܨܘܬܐ܂
33:09 [ai]ܕܐܡܪ ܥܠ ܐܒܘܗܝ ܘܥܠ ܐܡܗ ܠܐ ܚܿܙܝܬܗ܂ ܘܠܐܚܘܗܝ ܠܐ ܐܫܬܘܕܥ܂ ܘܠܒܢ̈ܘܗܝ ܠܐ ܝܕܥ ܕܢܛܪܘ ܡܐܡܪܟ ܘܩܝܡܟ ܢܛܪܘ܂
33:10 [ai]ܢܠܦܘܢ ܕܝ̈ܢܝܟ ܠܝܥܩܘܒ܂ ܘܢܡ̈ܘܣܝܟ ܠܐܝܣܪܝܠ܂ ܢܣܝܡܘܢ ܥܛܪܐ ܒܪܘܓܙܟ܂ ܘܫܘܡܠܝܐ ܥܠ ܡܕܒܚܟ܂
33:11 [ai]ܒܪܟ ܡܪܝܐ ܚܝܠܗ܂ ܘܐܨܛܒܝ ܒܥܒܿܕܐ ܕܐ̈ܝܕܘܗܝ܂ ܬܒܪ ܚܨܐ ܕܣܢܐ̈ܘܗܝ܂ ܘܒ̈ܥܠܕܒܒܘܗܝ ܠܐ ܢܩܘܡܘܢ܂
33:12 [ai]ܘܠܒܢܝܡܝܢ ܐܡܪ܂ ܚܒܝܒܗ ܕܡܪܝܐ ܢܫܪܐ ܒܫܠܝܐ܂ ܘܥܠܘܗܝ ܢܪܚܦ ܟܠܗ ܝܘܡܐ܂ ܘܒܝܬ ܟܬ̈ܦܬܗ ܢܫܪܐ܂
33:13 [ai]ܘܠܝܘܣܦ ܐܡܪ܂ ܡܒܪܟܬܐ ܗܝ ܕܡܪܝܐ ܐܪܥܗ ܒܐܒܐ܂ ܡܢ ܛܠܐ ܕܫܡܝܐ ܡܢ ܠܥܠ܂ ܘܡܢ ܬܗܘܡܐ ܕܐܪܒܝܥܐ ܡܢ ܠܬܚܬ܂
33:14 [ai]ܡܢ ܐܒܐ ܕܥ̈ܠܠܬܐ ܕܫܡܫܐ܂ ܘܡܢ ܐܒܐ ܕܡܘܥܐ ܣܗܪܐ܂
33:15 [ai]ܘܡܢ ܪܝܫ ܛܘܪ̈ܝ ܡܕܢܚܐ܂ ܘܡܢ ܐܒܐ ܕܪ̈ܡܬܐ ܕܥܠܡ܂
33:16 [ai]ܘܡܢ \ܐܒܐ ܕܐܪܥܐ /ܐܪܥܐ#3#/ ܘܡܠܐܗܿ܂ ܨܒܝܢܗ ܕܡܿܢ ܕܫܪܐ ܒܣܢܝܐ܂ ܢܐܬܝܢ ܥܠ ܪܫܗ ܕܝܘܣܦ܂ ܘܥܠ ܪܝܫ ܟܠܝܠܐ ܕܐ̈ܚܘܗܝ܂
33:17 [ai]ܒܘܟܪ̈ܐ ܕܬܘܪ̈ܐ ܗܕܪܐ ܠܗ܂ ܘܩܪ̈ܢܬܐ ܕܪܝܡܐ ܩܪ̈ܢܬܗ܂ ܒܗܝܢ ܢܕܩܪ ܥܡ̈ܡܐ ܐܟܚܕܐ܂ ܥܕܡܐ ܠܥܒܪ̈ܝܗܿ ܕܐܪܥܐ܂ ܗܠܝܢ ܪ̈ܒܘܬܐ ܕܐܦܪܝܡ܂ ܘܗܠܝܢ ܐ̈ܠܦܐ ܕܡܢܫܐ܂
33:18 [ai]ܘܠܙܒܠܘܢ ܐܡܪ܂ ܚܕܝ ܙܒܠܘܢ ܒܡܦܩܟ܂ ܘܐܝܣܟܪ ܒܡܫ̈ܟܢܝܟ܂
33:19 [ai]ܥܡ̈ܡܐ ܠܛܘܪܐ ܢܩܪܘܢ/ܢܥܪܘܢ#3#/܂ ܘܬܡܢ ܢܕܒܚܘܢ ܕܒܚ̈ܐ ܕܙܕܝܩܘܬܐ܂ ܡܛܠ ܕܫܦܥܐ ܕܝܡ̈ܡܐ ܢܐܢܩܘܢ܂ ܘܐ̈ܠܦܐ ܕܛܡܝܪ̈ܢ ܒܚܠܐ܂
33:20 [ai]ܘܠܓܕ ܐܡܪ܂ ܒܪܟ ܡܿܢ/ܗܘ#3#/ ܕܐܪܘܚ ܠܓܕ ܐܝܟ ܐܪܝܐ ܫܪܐ܂ ܘܬܒܪ ܕܪܥܐ ܥܡ ܪܝܫܐ܂
33:21 [ai]ܘܚܙܐ/ܘܩܪܐ#3#/ ܩܕܡܝܬ ܠܗ܂ ܡܛܠ ܕܬܡܢ ܛܡܝܪܐ ܦܠܓܘܬܐ/ܦܠܓܘܬܗ#3#/ ܕܡܒܕܩܢܐ܂ ܕܢܿܦܩ ܗܘܐ ܒܪܝܫܗ ܕܥܡܐ܂ ܙܕܝܩܘܬܗ ܕܡܪܝܐ ܥܒܕ ܘܕܝ̈ܢܘܗܝ ܥܡ ܐܝܣܪܝܠ܂
33:22 [ai]ܘܠܕܢ ܐܡܪ܂ ܕܢ ܓܘܪܝܐ ܕܐܪܝܐ ܕܝܿܢܩ ܡܢ ܡܬܢܝܢ܂
33:23 [ai]ܘܠܢܦܬܠܝ ܐܡܪ܂ ܢܦܬܠܝ ܣܒܥ ܨܒܝܢܐ܂ ܘܡܠܼܐ ܒܘܪܟܬܗ ܕܡܪܝܐ܂ ܠܡܥܪܒܐ/ܠܝܡܐ#3#/ ܘܠܬܝܡܢܐ ܢܐܪܬ܂
33:24 [ai]ܘܠܐܫܝܪ ܐܡܪ܂ ܒܪܝܟ ܡܢ ܒܢ̈ܝܐ/ܡܪܝܐ#3#/ ܐܫܝܪ܂ ܢܗܘܐ ܨܒܝܢܐ ܠܐ̈ܚܘܗܝ܂ ܘܢܨܒܥ ܒܡܫܚܐ/ܒܫܘܒܚܐ#3#/ ܪܓܠܗ܂
33:25 [ai]ܦܪܙܠܐ ܘܢܚܫܐ ܡܣܢܟ܂ ܘܐܝܟ ܝܘܡ̈ܬܟ ܥܘܫܢܟ܂
33:26 [ai]ܠܝܬ ܐܝܟ ܐܠܗܐ ܕܐܝܣܪܐܝܠ ܕܡܪܟܒܬܗ ܒܫܡܝܐ܂ ܒܥܕܪܟ ܘܒܓܐܝܘܬܗ܂ ܒܫ̈ܡܝ ܫܡܝܐ܂
33:27 [ai]ܡܥܡܪܗ ܕܐܠܗܢ܂ ܡܢ ܩܕܝܡ܂ ܘܠܬܚܬ ܙܪܥ ܥܠܡܐ܂ ܘܢܘܒܕ ܡܢ ܩܕܡܝܟ܂ ܒܥܠܕܒܒܐ ܕܐܡܪ ܐܘܒܕ܂
33:28 [ai]ܘܢܫܪܐ ܐܝܣܪܝܠ ܒܫܠܝܐ ܒܠܚܘܕܘܗܝ܂ ܡܒܘܥܗ ܕܝܥܩܘܒ ܒܐܪܥܐ ܕܥܒܘܪܐ ܘܕܚܡܪܐ ܘܕܡܫܚܐ܂ ܘܐܦ ܫܡܝܐ ܢܪܣܘܢ/ܢܪܣܡܘܢ#3#/ܢܪܒܘܢ#3#/ ܛܠܐ܂
33:29 [ai]ܛܘܒܝܟ ܐܝܣܪܝܠ ܡܢܘ ܐܟܘܬܟ܂ ܥܡܐ ܕܦܘܪܩܢܗ ܒܡܪܝܐ ܡܣܝܥ܂ ܥܕܪܟ ܐܠܗܐ ܘܠܐ ܗܘܐ ܒܣܦܣܪܐ ܫܘܒܗܪܟ܂ ܢܬܟܕܒܘܢ ܠܟ ܒ̈ܥܠܕܒܒܝܟ܂ ܘܐܢܬ ܥܠ ܩܕܠܗܘܢ ܬܕܪܘܟ܂

next chapter