← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܘܡܢ ܒܬܪ ܕܡܝܬ ܡܘܫܐ ܥܒܕܗ ܕܡܪܝܐ܂ ܐܡܪ ܡܪܝܐ ܠܝܫܘܥ ܒܪ܆ܢܘܢ ܡܫܡܫܢܗ ܕܡܘܫܐ܂
01:02 [ai]ܡܘܫܐ ܥܒܕܝ ܡܝܬ܂ ܡܟܝܠ ܩܘܡ ܥܒܪ ܝܘܪܕܢܢ ܗܢܐ܂ ܐܢܬ ܘܟܠܗ ܥܡܐ ܗܢܐ܂ ܠܐܪܥܐ ܕܝܿܗܒ ܐܢܐ ܠܗܘܢ ܠܒܢ̈ܝ ܐܝܣܪܐܝܠ܂
01:03 [ai]ܟܠ ܐܬܪܐ ܕܬܕܪܘܟ ܒܗ ܦܣܬܐ/ܦܪܣܬܐ#3#/ ܕܪܓܠܟܘܢ ܠܟܘܢ ܢܗܘܐ܂ ܐܝܟ ܕܐܡܿܪܬ ܠܡܘܫܐ܂
01:04 [ai]ܡܢ ܡܕܒܪܐ ܘܛܘܪܐ ܕܠܒܢܢ ܗܢܐ܂ ܘܥܕܡܐ ܠܦܪܬ ܢܗܪܐ ܪܒܐ܂ ܘܟܠܗܿ ܐܪܥܐ ܕܚ̈ܬܝܐ ܘܥܕܡܐ ܠܝܡܐ ܪܒܐ܂ ܒܝܬ ܡܥܪ̈ܒܝ ܫܡܫܐ ܢܗܘܐ ܬܚܘܡܟܘܢ܂
01:05 [ai]ܘܠܐ ܢܩܘܡ ܐܢܫ ܩܕܡܝܟܘܢ ܟܠܗܘܢ ܝܘܡ̈ܬܐ ܕܚܝܝ̈ܟܘܢ܂ ܘܐܝܟܢܐ ܕܗܘܿܝܬ ܥܡ ܡܘܫܐ ܐܗܘܐ ܐܦ ܥܡܟ܂ ܠܐ ܐܪܦܝܟ ܘܠܐ ܐܫܒܩܟ܂
01:06 [ai]ܐܬܚܝܠ ܘܐܬܥܫܢ ܛܒ܂ ܡܛܘܠ ܕܐܢܬ ܬܘܪܬܝܘܗܝ ܠܥܡܐ ܗܢܐ܂ ܐܪܥܐ ܕܐܝܡܿܝܬ ܠܐܒ̈ܗܝܗܘܢ ܠܡܬܠ ܠܗܘܢ܂
01:07 [ai]ܒܠܚܘܕ ܐܬܚܝܠ ܘܐܬܥܫܢ ܛܒ܂ ܠܡܛܪ ܘܠܡܥܒܕ ܟܠ ܢܡ̈ܘܣܐ ܕܦܩܕܟ ܡܘܫܐ ܥܒܕܝ܂ ܠܐ ܬܥܒܪ ܡܢܗܘܢ ܠܐ ܠܝܡܝܢܐ ܘܠܐ ܠܣܡܠܐ܂ ܡܛܠ ܕܬܨܠܚ ܒܟܠ ܕܬܗܠܟ܂
01:08 [ai]ܘܠܐ ܢܥܢܕ ܗܢܐ ܣܦܪܐ ܕܢܡܘܣܐ ܡܢ ܦܘܡܟ܂ ܐܠܐ ܗܘܝܬ/ܕܗܘܝܬ#3#/ ܪܢܿܐ ܒܗ ܒܠܠܝܐ ܘܒܐܝܡܡܐ܂ ܘܬܛܪ ܘܬܥܒܕ ܟܠ ܕܟܬܝܒ ܒܗ܂ ܕܬܨܠܚ/ܘܬܨܠܚ#3#/ ܘܬܟܫܪ܂
01:09 [ai]ܗܐ ܦܩܿܕܬܟ܂ ܐܬܚܝܠ ܘܐܬܥܫܢ܂ ܠܐ ܬܕܚܠ ܘܠܐ ܬܙܘܥ܂ ܡܛܠ ܕܥܡܟ ܗܘ ܡܪܝܐ ܐܠܗܟ܂ ܐܬܪ ܕܐܿܙܠ ܐܢܬ܀
01:10 [ai]ܘܦܩܕ ܝܫܘܥ ܠܫ̈ܠܝܛܢܐ ܕܥܡܐ ܘܠܣܦܪ̈ܘܗܝ ܘܐܡܪ ܠܗܘܢ܂
01:11 [ai]ܥܒܪܘ ܒܓܘ ܡܫܪܝܬܐ܂ ܘܦܩܕܘ ܠܥܡܐ܂ ܘܐܡܪܘ ܠܗܘܢ܂ ܛܝܒܘ ܠܟܘܢ ܙܘ̈ܕܐ܂ ܡܛܠ ܕܡܟܐ ܠܬܠܬܐ ܝܘܡ̈ܝܢ ܥܿܒܪܝܢ ܐܢܬܘܢ ܝܘܪܕܢܢ ܗܢܐ܂ ܠܡܥܠ ܠܡܐܪܬ ܐܪܥܐ ܕܡܪܝܐ ܐܠܗܟܘܢ ܝܿܗܒ ܠܟܘܢ ܠܡܐܪܬܗܿ܀܂
01:12 [ai]ܘܠܪܘܒܝܠ ܘܠܓܕ ܘܠܦܠܓܗ ܕܫܒܛܐ ܕܡܢܫܐ ܐܡܪ ܝܫܘܥ܂
01:13 [ai]ܐܬܕܟܪܘ ܦܬܓܡܐ ܕܦܩܕܟܘܢ ܡܘܫܐ ܥܒܕܗ ܕܡܪܝܐ ܘܐܡܪ ܠܟܘܢ܂ ܡܪܝܐ ܐܠܗܟܘܢ ܡܢܝܚ ܠܟܘܢ܂ ܘܿܝܗܒ ܠܟܘܢ ܐܪܥܐ ܗܕܐ܂
01:14 [ai]ܢܫܝ̈ܟܘܢ ܘܐܝܩܪܬܟܘܢ ܘܩܢܝܢܟܘܢ ܢܬܒܘܢ ܒܐܪܥܐ ܕܝܗܒ ܠܟܘܢ ܡܘܫܐ ܒܥܒܪܐ ܕܝܘܪܕܢܢ܂ ܘܐܢܬܘܢ ܥܒܪܘ ܟܕ ܡܙܝܢܝܢ ܐܢܬܘܢ ܩܕܡ ܐ̈ܚܝܟܘܢ܂ ܟܠܟܘܢ ܓܢܒܪ̈ܝ ܚܝܠܐ ܘܥܕܪܘ/ܘܥܪܕܘ#2#/ ܐܢܘܢ܂
01:15 [ai]ܥܕܡܐ ܕܢܢܝܚ ܡܪܝܐ ܠܐ̈ܚܝܟܘܢ ܐܟܘܬܟܘܢ܂ ܘܢܐܪܬܘܢ ܐܦ ܗܢܘܢ ܐܪܥܐ ܕܡܪܝܐ ܐܠܗܟܘܢ ܝܿܗܒ ܠܗܘܢ܂ ܘܬܗܦܟܘܢ ܠܐܪܥܐ ܕܝܪܬܘܬܟܘܢ ܘܬܐܪܬܘܢܗܿ܂ ܕܝܗܒ ܠܟܘܢ ܡܘܫܐ ܥܒܕܗ ܕܡܪܝܐ ܒܥܒܪܐ ܕܝܘܪܕܢܢ܂ \ܡܢ ܡܕܢܚ̈ܝ /ܒܡܕܢ̈ܚܝ#3#/ ܫܡܫܐ܂
01:16 [ai]ܘܥܢܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܒܢ̈ܝ ܡܢܫܐ ܘܐܡܪܘ ܠܝܫܘܥ܂ ܟܠ ‍<‍ܡܕܡ#3#‍>‍ ܕܦܩܕ ܐܢܬ ܠܢ ܢܥܒܕ܂ ܘܠܐܝܟܐ/ܘܠܟܠ ܐܬܪ#3#/ ܕܬܫܕܪܢ ܢܐܙܠ܂
01:17 [ai]ܘܐܝܟܢܐ ܕܫܿܡܥܝܢ ܗܘܝܢ ܠܡܘܫܐ ܗܟܢܐ ܢܫܡܥܟ܂ ܒܠܚܘܕ ܡܪܝܐ ܐܠܗܟ ܢܗܘܐ ܥܡܟ܂ ܐܝܟܢܐ ܕܗܘܐ ܥܡ ܡܘܫܐ܂
01:18 [ai]ܘܟܠ ܐܢܫ ܕܢܬܚܪܐ ܥܡܟ܂ ܘܠܐ ܢܫܡܥ ܡܠܬܟ ܠܟܠ ܡܕܡ ܕܦܩܕ ܐܢܬ ܠܗ ܢܬܩܛܠ܂ ܒܠܚܘܕ ܐܬܚܝܠ ܘܐܬܥܫܢ܀

next chapter