← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܐܝܪܝܚܘ ܐܚܝܕܐ ܗܘܬ ܡܢ ܩܕܡ ܒܢ̈ܝ ܐܝܣܪܝܠ܂ ܘܠܝܬ ܗܘܐ ܕܢܿܦܩ ܘܠܐ ܕܥܿܐܠ܀
06:02 [ai]ܘܐܡܪ ܡܪܝܐ ܠܝܫܘܥ܂ ܚܙܝ/ܡܐ#3#/ ܕܐܫܿܠܡܬ ܒܐ̈ܝܕܝܟ܂ ܠܐܝܪܝܚܘ ܘܠܡܠܟܗܿ ܘܠܟܠܗ/ܘܠܓܢܒܪ̈ܝ#3#/ ܚܝܠܗܿ܂
06:03 [ai]ܚܘܕܪܘܗܿ ܠܡܕܝܢܬܐ ܟܠܗܘܢ ܓܒܪ̈ܐ ܥܿܒ̈ܕܝ ܩܪܒܐ܂ ܘܐܬܟܪܟܘܗܿ ܠܡܕܝܢܬܐ ܙܒܢܬܐ ܚܕܐ ܒܝܘܡܐ ܚܕ܂ ܗܟܢܐ ܥܒܕܘ ܫܬܐ ܝܘܡ̈ܝܢ܂
06:04 [ai]ܘܫܒܥܐ ܟܗ̈ܢܐ ܢܫܩܠܘܢ ܩܪ̈ܢܬܐ ܘܢܝܒܒܘܢ ܩܕܡ ܩܒܘܬܐ܂ ܘܠܝܘܡܐ ܕܫܒܥܐ ܐܬܟܪܟܘܗܿ ܠܡܕܝܢܬܐ ܫܒܥ ܙܒܢܝ̈ܢ܂ ܘܟܗ̈ܢܐ ܢܩܪܘܢ ܒܩܪ̈ܢܬܐ܂
06:05 [ai]ܘܡܐ ܕܝܒܒܘ ܒܩܪ̈ܢܬܐ ܘܫܡܥܬܘܢ ܩܠܐ ܕܩܪܢܐ܂ ܢܩܥܘܢ ܟܠܗ ܥܡܐ ܩܥܬܐ ܪܒܬܐ܂ ܘܢܦܠ ܫܘܪܐ ܕܡܕܝܢܬܐ ܥܠ ܕܘܟܬܗ܂ ܘܢܣܩܘܢ ܥܡܐ ܐܢܫ ܠܩܘܒܠܗ܂
06:06 [ai]ܘܩܪܐ ܝܫܘܥ ܒܪ܆ܢܘܢ ܠܟܗ̈ܢܐ ܘܐܡܪ ܠܗܘܢ܂ ܫܩܘܠܘ ܩܒܘܬܐ ܕܕܝܬܩܐ ܕܡܪܝܐ܂ ܘܫܒܥܐ ܟܗ̈ܢܝܢ ܢܫܩܠܘܢ ܫܒܥ ܩܪ̈ܢܢ ܘܢܝܒܒܘܢ ܩܕܡ ܩܒܘܬܗ ܕܡܪܝܐ܂
06:07 [ai]ܘܐܡܪ ܠܥܡܐ܂ ܥܒܪܘ ܘܐܬܟܪܟܘ ܠܡܕܝܢܬܐ܂ ܘܐܝܠܝܢ ܕܡܙܝܢܝܢ ܢܥܒܪܘܢ ܩܕܡ ܩܐܒܘܬܗ ܕܡܪܝܐ܂
06:08 [ai]ܘܐܝܟ ܕܐܡܪ ܝܫܘܥ ܠܥܡܐ܂ ܫܒܥܐ ܟܗ̈ܢܝܢ ܫܩܝܠܝܢ/ܫܩܠܝܢ#3#/ ܗܘܘ ܫܒܥ ܩܪ̈ܢܢ ܘܡܝܒܒܝܢ ܗܘܘ ܩܕܡ ܩܒܘܬܗ ܕܡܪܝܐ܂ ܘܩܿܪܝܢ ܗܘܘ ܒܩܪ̈ܢܬܐ ܘܩܒܘܬܐ ܕܕܝܬܩܐ ܕܡܪܝܐ ܐܬܝܐ ܗܘܬ ܒܬܪܗܘܢ܂
06:09 [ai]ܘܕܡܙܝܢܝܢ ܗܘܘ܂ ܐܿܙܠܝܢ ܗܘܘ ܩܕܡ ܟܗ̈ܢܐ܂ ܕܩܿܪܝܢ ܗܘܘ ܒܩܪ̈ܢܬܐ܂ ܘܕܡܟܢܫܝܢ ܐܿܙܠܝܢ/ܐܬܝܢ#3#/ ܗܘܘ ܒܬܪ ܩܒܘܬܐ܂ ܘܡܗܠܟܝܢ ܗܘܘ ܘܩܿܪܝܢ/ܘܩܥܝܢ#3#/ ܗܘܘ ܒܩܪ̈ܢܬܐ܂
06:10 [ai]ܘܠܥܡܐ ܦܩܕ ܝܫܘܥ ܘܐܡܪ܂ ܠܐ ܬܩܥܘܢ ܘܠܐ ܬܫܡܥܘܢ ܩܠܟܘܢ܂ ܘܡܠܐ ܠܐ ܬܦܘܩ ܡܢ ܦܘܡܟܘܢ܂ ܥܕܡܐ ܠܝܘܡܐ ܕܐܡܪ ܠܟܘܢ ܕܩܥܘ܂ ܘܗܝܕܝܢ ܬܩܥܘܢ܂
06:11 [ai]ܘܐܬܟܪܟܬ ܩܒܘܬܗ ܕܡܪܝܐ ܠܡܕܝܢܬܐ ܙܒܢܬܐ ܚܕܐ܂ ܘܐܬܘ ܠܡܫܪܝܬܐ ܘܒܬܘ ܒܡܫܪܝܬܐ܂
06:12 [ai]ܘܩܕܡ ܝܫܘܥ ܒܫܦܪܐ/ܒܨܦܪܐ#3#/܂ ܘܫܩܠܘ ܟܗ̈ܢܐ ܩܒܘܬܗ ܕܡܪܝܐ܂
06:13 [ai]ܘܫܒܥܐ ܟܗ̈ܢܝܢ ܫܩܝܠܝܢ ܗܘܘ ܫܒܥ ܩܪ̈ܢܢ܂ ܘܐܿܙܠܝܢ ܗܘܘ ܩܕܡ ܩܒܘܬܗ ܕܡܪܝܐ܂ ܘܡܗܠܟܝܢ ܗܘܘ ܘܩܿܪܝܢ ‍<‍ܗܘܘ#3#‍>‍ ܒܩܪ̈ܢܬܐ܂ ܘܐܝܠܝܢ ܕܡܙܝܢܝܢ ܗܘܘ ܐܿܙܠܝܢ ܗܘܘ ܩܕܡܝܗܘܢ܂ ܘܕܡܟܢܫܝܢ ܗܘܘ ܐܿܙܠܝܢ ܗܘܘ ܒܬܪ ܩܒܘܬܗ ܕܡܪܝܐ ܘܩܿܪܝܢ ܒܩܪ̈ܢܬܐ܂
06:14 [ai]ܘܐܬܟܪܟܘܗܿ ܠܡܕܝܢܬܐ ܗܿܝ ܒܝܘܡܐ ܕܬܪ̈ܝܢ ܙܒܢܬܐ ܚܕܐ܂ ܘܗܦܟܘ ܠܗܘܢ ܠܡܫܪܝܬܐ܂ ܗܟܢܐ ܥܿܒܕܝܢ ܗܘܘ ܫܬܬܝܗܘܢ ܝܘܡ̈ܬܐ܂
06:15 [ai]ܘܒܝܘܡܐ ܕܫܒܥܐ܂ ܩܕܡܘ ܒܫܦܪܐ/ܒܨܦܪܐ#3#/ ܘܐܬܟܪܟܘܗܿ ܠܡܕܝܢܬܐ ܐܝܟ ܢܡܘܣܐ ܗܢܐ ܫܒܥ ܙܒܢܝ̈ܢ܂ ܒܠܚܘܕ ܕܝܢ ܒܗ ܒܗܿܘ ܝܘܡܐ ܐܬܟܪܟܘܗܿ ܫܒܥ ܙܒܢܝ̈ܢ܂
06:16 [ai]ܘܒܙܒܢܬܐ ܗܿܝ ܕܫܒܥ܂ ܩܪܘ ܟܗ̈ܢܐ ܒܩܪ̈ܢܬܐ܂ ܘܐܡܪ ܝܫܘܥ ܠܥܡܐ ܩܥܘ܂ ܡܛܠ ܕܐܫܠܡܗܿ ܠܟܘܢ ܡܪܝܐ ܠܡܕܝܢܬܐ܂
06:17 [ai]ܘܬܗܘܢ ܡܕܝܢܬܐ ܗܕܐ ܘܟܠ ܕܐܝܬ ܒܗܿ ܚܪܡܐ ܠܡܪܝܐ܂ ܒܠܚܘܕ ܠܪܚܒ ܙܢܝܬܐ ܐܚܘ܂ ܠܗܿ ܘܠܟܠ ܕܐܝܬ ‍<‍ܠܗ#3#‍>‍ ܥܡܗܿ ܒܒܝܬܐ܂ ܡܛܘܠ ܕܛܫܝܬ \ܠܗܿܢܘܢ ܓܫܘ̈ܫܐ /ܓܫ̈ܘܫܐ ܗܢܘܢ#3#/ ܕܫܕܪܢ܀
06:18 [ai]ܐܢܬܘܢ ܕܝܢ ܗܘܝܬܘܢ ܙܗܝܪܝܢ ܡܢ ܚܪܡܐ܂ ܕܠܐ ܬܛܫܘܢ ܘܬܣܒܘܢ ܡܢ ܚܪܡܐ܂ ܘܬܥܒܕܘܢܗܿ ܠܡܫܪܝܬܐ ܕܐܝܣܪܝܠ ܚܪܡܐ ܘܬܕܠܚܘܢܗܿ܂
06:19 [ai]ܟܠ ܣܐܡܐ ܘܕܗܒܐ ܘܡܐ̈ܢܐ ܕܢܚܫܐ ܘܕܦܪܙܠܐ ܩܕܝܫܝܢ ܐܢܘܢ ܠܡܪܝܐ܂ ܠܒܝܬ ܓܙܗ ܕܡܪܝܐ ܢܥܠܘܢ܂
06:20 [ai]ܘܩܥܐ ܥܡܐ܂ ܘܩܪܘ ܒܩܪ̈ܢܬܐ܂ ܘܟܕ ܫܡܥܘ ܥܡܐ ܩܠܐ ܕܩܪ̈ܢܬܐ܂ ܩܥܐ ‍<‍ܟܠܗ#3#‍>‍ ܥܡܐ ܩܥܬܐ ܪܒܬܐ ܕܛܒ܂ ܘܢܦܠ ܫܘܪܐ ܥܠ ܕܘܟܬܗ܂ ܘܣܠܩܘ ܥܡܐ ܠܡܕܝܢܬܐ ܐܢܫ ܠܩܘܒܠܗ܂ ܘܟܒܫܘܗܿ ܠܡܕܝܢܬܐ܂
06:21 [ai]ܘܚܪܒܘ ܠܟܠ ܕܐܝܬ ܒܗܿ ܡܢ ܓܒܪ̈ܐ ܘܥܕܡܐ ܠܢܫ̈ܐ܂ ܘܡܢ ܛ̈ܠܝܐ ܘܥܕܡܐ ܠܩܫܝܫ̈ܐ܂ ܘܥܕܡܐ ܠܬܘܪ̈ܐ ܘܥܕܡܐ ܠܥܢܐ܂ ܘܠܚܡܪ̈ܐ ܚܪܒܘ ܒܦܘܡܐ ܕܣܝܦܐ܂
06:22 [ai]ܘܠܬܪ̈ܝܢ ܓܒܪ̈ܝܢ ܗܿܢܘܢ/ܗܠܝܢ#3#/ ܕܓܫܘܗܿ ܠܐܪܥܐ ܐܡܪ ‍<‍ܠܗܘܢ#3#‍>‍ ܝܫܘܥ܂ ܥܘܠܘ ܠܒܝܬ ܐܢܬܬܐ ܗܿܝ ܙܢܝܬܐ܂ ܘܐܦܩܘܗܿ ܡܢ ܬܡܢ܂ ܠܗܿ ܠܐܢܬܬܐ ܘܠܟܠ ܕܐܝܬ ܠܗܿ/ܥܡܗܿ#3#/ ܐܝܟܢܐ ܕܐܝܡܝܬܘܢ ܠܗܿ܂
06:23 [ai]ܘܐܙܠܘ ܓܫܘ̈ܫܐ ‍<‍ܗܿܢܘܢ#3#‍>‍ ܘܐܦܩܘܗܿ ܠܪܚܒ܂ ܘܠܐܒܘܗܿ ܘܠܐܡܗܿ ܘܠܐ̈ܚܝܗܿ ܘܠܟܠ ܕܐܝܬ ܠܗܿ܂ ܘܠܟܠܗܿ ܫܪܒܬܗܿ ܐܦܩܘ܂ ܘܐܫܪܝܘ ܐܢܘܢ ܠܒܪ ܡܢ ܡܫܪܝܬܐ ܕܐܝܣܪܝܠ܂
06:24 [ai]ܘܠܡܕܝܢܬܐ ܐܘܩܕܘܗܿ ܒܢܘܪܐ܂ ܘܠܟܠ ܕܐܝܬ ܒܗܿ܂ ܒܠܚܘܕ ܠܕܗܒܐ ܘܠܣܐܡܐ܂ ܘܠܡܐ̈ܢܐ ܕܢܚܫܐ ܘܕܦܪܙܠܐ܂ ܐܝܬܝܘ ‍<‍ܐܢܘܢ#3#‍>‍ ܠܒܝܬ ܓܙܗ ܕܡܪܝܐ܂
06:25 [ai]ܘܠܪܚܒ ܙܢܝܬܐ ܘܠܒܝܬ ܐܒܘܗܿ ܘܠܟܠ ܕܐܝܬ ܠܗܿ ܐܚܝ ܝܫܘܥ܂ ܘܝܬܒܬ ܒܓܘ ܒܢ̈ܝ ܐܝܣܪܝܠ ܥܕܡܐ ܠܝܘܡܢܐ܂ ܡܛܠ ܕܛܫܝܬ ܓܫܘ̈ܫܐ ܕܫܕܪ ܝܫܘܥ ܠܡܓܫ/ܠܡܓܫܘ#3#/ ܠܐܝܪܝܚܘ܂
06:26 [ai]ܘܐܝܡܐ ܝܫܘܥ ܒܙܒܢܐ/ܒܗ ܒܝܘܡܐ#3#/ ܗܿܘ ܘܐܡܪ܂ ܠܝܛ ܗܘ ܓܒܪܐ ܩܕܡ ܡܪܝܐ܂ ܕܢܩܘܡ ܘܢܒܢܝܗܿ ܠܡܕܝܢܬܐ ܗܕܐ ܐܝܪܝܚܘ܂ ܒܒܘܟܪܗ ܢܒܢܝܗܿ ܘܒܙܥܘܪܗ ܢܩܝܡ ܬܪ̈ܥܝܗܿ܀
06:27 [ai]ܘܗܘܐ ܡܪܝܐ ܥܡ ܝܫܘܥ܂ ܘܫܡܥܗ ܐܿܙܠ ܗܘܐ ܒܟܠܗܿ ܐܪܥܐ܂

next chapter