← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܘܐܥܠܝܘ ܒܢ̈ܝ ܐܝܣܪܝܠ ܥܘܠܐ ܒܚܪܡܐ܂ ܘܢܣܒ ܥܟܪ ܒܪ ܟܪܡܝ ܒܪ ܙܒܕܝ ܒܪ ܙܪܚ ܡܢ ܫܒܛܐ ܕܝܗܘܕܐ܂ ܘܢܣܒ ܡܢ ܚܪܡܐ ܘܛܫܝ܂ ܘܐܬܚܡܬ ܪܘܓܙܗ ܕܡܪܝܐ ܥܠ ܒܢ̈ܝ ܐܝܣܪܝܠ܀
07:02 [ai]ܘܫܕܪ ܝܫܘܥ ܓܒܪ̈ܐ ܡܢ ܐܝܪܝܚܘ܂ ܠܥܝ ܕܥܠ ܓܢܒ ܒܝܬ ܐܘܢ܂ ܡܢ ܡܕܢܚܐ ܕܒܝܬ ܐܝܠ/ܠܒܝܬ ܐܝܠ#2#/܂ ܘܐܡܪ ܠܗܘܢ܂ ܣܩܘ ܓܘܫܘ ܐܪܥܐ܂ ܘܣܠܩܘ ܓܒܪ̈ܐ ܘܓܫܘܗܿ ܠܥܝ܂
07:03 [ai]ܘܗܦܟܘ ‍<‍ܐܬܘ#3#‍>‍ ܠܘܬ ܝܫܘܥ ܘܐܿܡܪܝܢ ܠܗ܂ ܠܐ ܢܣܩ ܟܠܗ ܥܡܐ܂ ܐܠܐ ܐܝܟ ܬܪ̈ܝܢ ܬܠܬܐ ܐ̈ܠܦܝܢ ܓܒܪ̈ܝܢ ܢܣܩܘܢ ܢܚܪܒܘܢܗܿ ܠܥܝ܂ ܠܐ ܬܫܕܪ ܠܟܠܗ ܥܡܐ ܡܛܠ ܕܙܥܘܪܝܢ ܐܢܘܢ܂
07:04 [ai]ܘܣܠܩܘ ܡܢ ܥܡܐ ܠܬܡܢ܂ ܐܝܟ ܬܠܬܐ ܐ̈ܠܦܝܢ ܓܒܪ̈ܝܢ܂ ܘܥܪܩܘ ܠܗܘܢ ܡܢ ܩܕܡ ܐܢܫ̈ܝܗܿ ܕܥܝ܂
07:05 [ai]ܘܚܪܒܘ ܐܢܫ̈ܝܗܿ ܕܥܝ ܡܢ ܐܝܣܪܐܝܠ ܬܠܬܝܢ ܘܫܬܐ ܓܒܪ̈ܝܢ܂ ܘܪܕܦܘ ܐܢܘܢ ‍<‍ܡܢ#3#‍>‍ ܩܕܡ ܬܪܥܐ ܥܕܡܐ ܕܐܬܬܒܪܘ܂ ܘܡܚܘ ܒܗܘܢ ܡܚܘܬܐ܂ ܘܙܥ ܠܒܗ ܕܥܡܐ ܘܗܘܘ ܐܝܟ ܡ̈ܝܐ܂
07:06 [ai]ܘܨܪܝ ܝܫܘܥ ܠܒ̈ܘܫܘܗܝ܂ ܘܢܦܠ ܥܠ ܐ̈ܦܘܗܝ ܥܠ ܐܪܥܐ ܩܕܡ ܩܒܘܬܗ ܕܡܪܝܐ ܥܕܡܐ ܠܪܡܫܐ܂ ܗܘ ܘܩܫܝܫ̈ܐ ܕܐܝܣܪܝܠ܂ ܘܐܪܡܝܘ ܥܦܪܐ ܥܠ ܪ̈ܝܫܝܗܘܢ܂
07:07 [ai]ܘܐܡܪ ܝܫܘܥ܂ ܐܘܢ ܡܪܝܐ ܐܠܗܐ܂ ܠܡܢܐ ܐܥܒܪܬܝܗܝ ܠܥܡܐ ܗܢܐ ܝܘܪܕܢܢ܂ ܕܬܫܠܡܢ ܒܐܝܕܐ ܕܐܡܘܪ̈ܝܐ܂ ܐܠܘ ܐܝܬܒܢ ܗܘܝܢ ܠܢ ܟܝ ܒܥܒܪܐ ܕܝܘܪܕܢܢ܂
07:08 [ai]ܘܡܢܐ ܡܟܝܠ ܐܡܪ܂ ܕܐܦܢܝ ܐܝܣܪܝܠ ܩܕܠܗ ܩܕܡ ܒ̈ܥܠܕܒܒܘܗܝ܂
07:09 [ai]ܘܢܫܡܥܘܢ ܟܢ̈ܥܢܝܐ ܘܟܠܗܘܢ ܥܡܘܪ̈ܝܗܿ ܕܐܪܥܐ܂ ܘܢܬܟܢܫܘܢ ܥܠܝܢ ܘܢܘܒܕܘܢ ܫܡܢ ܡܢ ܐ̈ܦܝ ܐܪܥܐ܂ ܘܡܢܐ ܥܿܒܕ ܐܢܬ ܕܝܢ ܠܫܡܟ ܪܒܐ܂
07:10 [ai]ܘܐܡܪ ܡܪܝܐ ܠܝܫܘܥ܂ ܩܘܡ ܠܟ܂ ܠܡܢܐ ܐܪܡܐ ܐܢܬ ܥܠ ܐ̈ܦܝܟ ܥܠ ܐܪܥܐ܂
07:11 [ai]ܚܛܐ ܐܝܣܪܝܠ܂ ܘܥܒܪܘ ܥܠ ܦܘܩܕܢܐ ܕܦܩܿܕܬ ܐܢܘܢ܂ ܘܢܣܒܘ/ܘܣܡܘ#3#/ ܡܢ ܚܪܡܐ܂ ܘܐܦ ܓܢܒܘ ܐܦ ܟܕܒܘ ܘܛܫܝܘ ܒܡܢܝ̈ܗܘܢ܂
07:12 [ai]ܘܠܐ ܢܫܟܚܘܢ ܬܘܒ ܒܢ̈ܝ ܐܝܣܪܝܠ ܠܡܩܡ ܩܕܡ ܒ̈ܥܠܕܒܒܝܗܘܢ܂ ܐܠܐ ܩܕܠܗܘܢ ܢܦܢܘܢ ܩܕܡ ܒ̈ܥܠܕܒܒܝܗܘܢ܂ ܡܛܠ ܕܗܘܘ ܠܚܪܡܐ܂ ܘܬܘܒ ܠܐ ܐܗܘܐ ܥܡܗܘܢ ܐܠܐ ܐܢ ܐܦܪܩܬܘܢ ܚܪܡܐ ܡܢ ܒܝܢܬܟܘܢ܂
07:13 [ai]ܩܘܡ ܙܡܢܝܗܝ ܠܥܡܐ ܗܢܐ ܘܐܡܪ܂ ܐܙܕܡܢܘ ܡܚܪ܂ ܡܛܠ ܕܗܟܢܐ ܐܿܡܪ ܡܪܝܐ ܐܠܗܐ ܕܐܝܣܪܝܠ܂ ܚܪܡܐ ܒܓܘܟ ܐܝܣܪܝܠ܂ ܬܘܒ ܠܐ ܡܫܟܚ ܐܢܬ ܠܡܩܡ ܩܕܡ ܒ̈ܥܠܕܒܒܝܟ܂ ܥܕܡܐ ܕܬܦܪܩܘܢ ܚܪܡܐ ܡܢ ܒܝܢܬܟܘܢ܀
07:14 [ai]ܘܒܨܦܪܐ ܩܪܒܘ ܫܒ̈ܛܝܟܘܢ܂ ܘܫܒܛܐ ܕܢܐܚܕܝܘܗܝ ܡܪܝܐ ܢܬܩܪܒ ܠܫܪ̈ܒܬܐ܂ ܘܫܪܒܬܐ ܕܢܐܚܕܝܗܿ ܡܪܝܐ ܬܬܩܪܒ ܠܒ̈ܬܝܢ܂ ܘܒܝܬܐ ܕܢܐܚܕܝܘܗܝ ܡܪܝܐ ܢܬܩܪܒ ܠܓܒܪ̈ܝܢ܂
07:15 [ai]ܘܡܿܢ ܕܡܬܬܚܕ ܒܗ ܒܚܪܡܐ ܢܐܩܕ ܒܢܘܪܐ܂ ܗܘ ܘܟܠܡܕܡ ܕܐܝܬ ܠܗ܂ ܥܠ ܕܥܒܪ ܥܠ ܦܘܩܕܢܗ ܕܡܪܝܐ܂ ܘܥܠ ܕܥܒܕ ܥܘܠܐ ܒܐܝܣܪܝܠ܀܂
07:16 [ai]ܘܩܕܡ ܝܫܘܥ ܒܨܦܪܐ ܘܩܪܒܗ ܠܐܝܣܪܝܠ ܠܫܒ̈ܛܝܢ܂ ܘܐܬܬܚܕ ܫܒܛܐ ܕܝܗܘܕܐ܂
07:17 [ai]ܘܩܪܒ ܫܒܛܐ/ܠܫܒܛܐ#3#/ ܕܝܗܘܕܐ ܠܫܪ̈ܒܬܐ܂ ܘܐܬܬܚܕܬ ܫܪܒܬܐ ܕܙܪܚ܂ ܘܩܪܒ ܫܪܒܬܐ ܕܙܪܚ ܠܒ̈ܬܝܢ܂ ܘܐܬܬܚܕ ܙܒܕܝ܂
07:18 [ai]ܘܩܪܒ ܒܝܬܗ ܠܓܒܪ̈ܝܢ܂ ܘܐܬܬܚܕ ܥܟܪ ܒܪ ܟܪܡܝ ܒܪ ܙܒܕܝ ܒܪ ܙܪܚ ܡܢ ܫܒܛܐ ܕܝܗܘܕܐ܂
07:19 [ai]ܘܐܡܪ ܝܫܘܥ ܠܥܟܪ܂ ܗܒ ܪܒܘܬܐ ܠܡܪܝܐ ܐܠܗܐ ܕܐܝܣܪܝܠ܂ ܘܗܒ ܠܗ ܬܘܕܝܬܐ܂ ܘܚܘܐ ܡܕܡ ܕܥܒܕܬ ܘܠܐ ܬܛܫܐ ܡܢܝ܂
07:20 [ai]ܥܢܐ ܥܟܪ ܘܐܡܪ ܠܝܫܘܥ܂ ܫܪܝܪܐܝܬ ܐܢܐ ܚܛܝܿܬ ܠܡܪܝܐ ܐܠܗܐ ܕܐܝܣܪܝܠ܂ ܘܗܟܢܐ ܥܒܿܕܬ܂
07:21 [ai]ܚܙܝܿܬ ܒܒܙܬܐ ܐܡܠܐ ܚܕܐ ܒܒܠܝܬܐ ܘܫܦܝܪܐ ܗܘܬ܂ ܘܡܐܬܝܢ ܡܬܩ̈ܠܝܢ ܕܣܐܡܐ܂ ܘܠܫܢܐ ܚܕ ܕܕܗܒܐ ܕܬܿܩܠ ܚܡܫܝܢ ܡܬܩ̈ܠܝܢ܂ ܘܪܓܿܬ ܐܢܘܢ ܘܢܣܿܒܬ ܐܢܘܢ܂ ܘܗܐ ܛܡܝܪܝܢ ܠܝ ܒܐܪܥܐ ܒܡܫܟܢܝ܂ ܘܣܐܡܐ ܡܢ ܠܬܚܬ܂
07:22 [ai]ܘܫܕܪ ܝܫܘܥ ܓܒܪ̈ܐ ܘܪܗܛܘ ܠܡܫܟܢܗ܂ ܘܚܙܘ ܕܛܡܝܪܝܢ ܒܡܫܟܢܗ܂ ܘܣܐܡܐ ܡܢ ܠܬܚܬ܂
07:23 [ai]ܘܢܣܒܘ ܐܢܘܢ ܡܢ ܡܫܟܢܗ܂ ܘܐܝܬܝܘ ܐܢܘܢ ܠܘܬ ܝܫܘܥ ܘܠܘܬ ܟܠܗ ܐܝܣܪܝܠ܂ ܘܣܡ ܐܢܘܢ ܩܕܡ ܡܪܝܐ܂
07:24 [ai]ܘܕܒܪܗ ܝܫܘܥ ܠܥܟܪ ܒܪ ܙܪܚ܂ ܘܢܣܒ ܠܣܐܡܐ ܘܠܐܡܠܐ ܘܠܠܫܢܐ ܕܕܗܒܐ܂ ܘܕܒܪ ܠܒܢ̈ܘܗܝ ܘܠܒܢ̈ܬܗ܂ ܘܠܬܘܪ̈ܘܗܝ ܘܠܚܡܪܗ ܘܠܥܢܗ܂ ܘܠܡܫܟܢܗ ܘܠܟܠ ܡܕܡ ܕܐܝܬ ܠܗ܂ ܘܠܟܠܗ ܐܝܣܪܝܠ ܥܡܗ܂ ܘܐܣܩ ܐܢܘܢ ܠܥܘܡܩܐ ܕܥܟܪ܂
07:25 [ai]ܘܐܡܪ ܠܗ ܝܫܘܥ܂ ܠܡܢܐ ܕܠܚܬܢ܂ ܢܕܠܚܟ ܡܪܝܐ ܒܝܘܡܐ ܗܢܐ܂ ܘܪܓܡܘܗܝ ܒܟܐ̈ܦܐ ܟܠܗ ܐܝܣܪܝܠ ܠܗ ܘܠܟܠ ‍<‍ܡܕܡ#3#‍>‍ ܕܐܝܬ ܠܗ܂ ܘܐܘܩܕܘ ܐܢܘܢ ܒܢܘܪܐ܂
07:26 [ai]ܘܐܩܝܡܘ ܥܠܘܗܝ ܝܓܪܐ ܕܟܐ̈ܦܐ ܪ̈ܘܪܒܬܐ ܥܕܡܐ ܠܝܘܡܢܐ܂ ܘܐܬܬܢܝܚ ܡܪܝܐ ܡܢ ܚܡܬܐ ܕܪܘܓܙܗ܂ ܡܛܠ ܗܢܐ ܐܬܩܪܝ ܫܡܗ ܕܐܬܪܐ ܗܿܘ܂ ܥܘܡܩܐ ܕܥܟܪ ܥܕܡܐ ܠܝܘܡܢܐ܀

next chapter