← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܘܐܡܪ ܡܪܝܐ ܠܝܫܘܥ܂
20:02 [ai]ܐܡܪ ܠܒܢ̈ܝ ܐܝܣܪܝܠ܂ ܫܒܘܩܘ ܠܟܘܢ ܩܘܪ̈ܝܐ ܠܡܫܘܙܒܘܬܐ܂ ܐܝܟܢܐ ܕܐܡܿܪܬ ܠܟܘܢ ܒܐܝܕܐ ܕܥܒܕܝ ܡܘܫܐ܂
20:03 [ai]‍<‍ܡܛܠ#3#‍>‍ ܕܢܥܪܘܩ ܠܬܡܢ ܩܛܘܠܐ܂ ܐܝܢܐ ܕܢܩܛܘܠ ܢܦܫܐ ܡܢ ܫܠܝܐ܂ ܟܕ ܠܐ ܝܿܕܥ܂ ܘܢܗ̈ܘܝܢ ܠܟܘܢ ܠܡܫܘܙܒܘܬܐ܂ ܡܢ ܬܒܥ ܥܝܪܬܐ ܕܕܡܐ܂
20:04 [ai]ܘܢܥܪܘܩ ܠܚܕܐ ܡܢ ܗܠܝܢ ܩܘܪ̈ܝܐ܂ ܘܢܩܘܡ ܒܡܥܠܢܐ ܕܬܪܥܐ ܕܩܪܝܬܐ܂ ܘܢܡܠܠ ܩܕܡ ܩܫܝܫ̈ܐ ܕܩܪܝܬܐ ܗܿܝ ܘܢܐܡܪ ܡ̈ܠܘܗܝ܂ ܘܢܚܡܠܘܢܗ ܠܘܬܗܘܢ ܒܩܪܝܬܐ܂ ܘܢܬܠܘܢ ܠܗ ܕܘܟܬܐ ܠܡܥܡܪ ܥܡܗܘܢ܂
20:05 [ai]ܟܕ ܢܪܕܘܦ ܬܒܿܥ ܥܝܪܬܐ ܕܕܡܐ ܒܬܪܗ܂ ܘܠܐ ܢܫܠܡܘܢܗ ܒܐ̈ܝܕܘܗܝ ܠܩܛܘܠܐ/ܕܩܛܘܠܐ#3#/܂ ܡܛܠ ܕܟܕ ܠܐ ܝܿܕܥ ‍<‍ܗܘܐ#3#‍>‍ ܡܚܝܗܝ ܠܚܒܪܗ܂ ܘܠܐ ܣܿܢܐ ܗܘܐ ܠܗ ܡܢ ܩܕܡ ܝܘܡ̈ܬܐ܂
20:06 [ai]ܘܢܬܒ ܒܩܪܝܬܐ ܗܿܝ ܥܕܡܐ ܕܩܿܐܡ ܩܕܡ ܟܢܘܫܬܐ ܒܕܝܢܐ܂ ܥܕܡܐ ܕܢܡܘܬ ܟܗܢܐ ܪܒܐ ܕܢܗܘܐ ܒܝܘܡ̈ܬܐ ܗܿܢܘܢ ܘܗܝܕܝܢ ܢܗܦܘܟ ܩܛܘܠܐ ܘܢܐܬܐ ܠܒܝܬܗ ܘܠܩܪܝܬܗ ܘܠܡܕܝܢܬܐ ܕܥܪܩ ܡܢܗܿ܀܀
20:07 [ai]ܗܝܕܝܢ ܦܪܫܘ ܩܘܪ̈ܝܐ ܗܠܝܢ ܠܒܝܬ ܓܘܣܐ܂ ܠܪܩܡ ܕܒܓܠܝܠܐ ܕܒܛܘܪܐ ܕܢܦܬܠܝ܂ ܘܠܫܟܝܡ ܕܒܛܘܪܐ ܕܐܦܪܝܡ܂ ܘܠܩܘܪܝܬ ܐܪܒܥ ܕܗܝ ܗܝ ܚܒܪܘܢ ܕܒܛܘܪܐ ܕܝܗܘܕܐ܂
20:08 [ai]ܘܒܥܒܪܐ ܕܝܘܪܕܢܢ ܕܐܝܪܝܚܘ܂ ܡܢ ܡܕܢܚܐ܂ ܝܗܒܘ ܒܘܨܪ ܕܒܡܕܒܪܐ ܕܝܿܬܒܐ ܒܦܩܥܬܐ܂ ܡܢ ܫܒܛܐ ܕܪܘܒܝܠ܂ ܘܪܡܬ ܓܠܥܕ ܡܢ ܫܒܛܐ ܕܓܕ܂ ܘܓܘܠܢ ܕܒܡܬܢܝܢ ܡܢ ܫܒܛܐ ܕܡܢܫܐ܂
20:09 [ai]ܗܠܝܢ ܐܢܝ̈ܢ ܩܘܪ̈ܝܐ ܕܫܘܘܙܒܐ ܘܕܒܝܬ ܓܘܣܐ܂ ܠܟܠܗܘܢ ܒܢ̈ܝ ܐܝܣܪܝܠ܂ ܘܠܥܡܘܪ̈ܐ ܕܥܿܡܪܝܢ ܒܝܢܬܗܘܢ܂ ܕܢܗܘܐ ܥܿܪܩ ܠܬܡܢ ܟܠ ܡܿܢ ܕܩܿܛܠ ܢܦܫܐ ܡܢ ܫܠܝܐ܂ ܕܠܐ/ܘܠܐ#3#/ ܢܫܬܠܡ ܒܐܝܕܐ ܕܬܒܿܥ ܥܝܪܬܐ ܕܕܡܐ ܥܕܡܐ ܕܢܩܘܡ܂ ܩܕܡ ܟܢܘܫܬܐ ܒܕܝܢܐ܂

next chapter