← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܘܡܢ ܒܬܪ ܝܘܡ̈ܬܐ ܣ̈ܓܝܐܐ܂ ܐܢܝܚ ܡܪܝܐ ܠܐܝܣܪܝܠ ܡܢ ܟܠܗܘܢ ܒ̈ܥܠܕܒܒܝܗܘܢ ܕܟܪܝܟܝܢ ܠܗܘܢ܀܂ ܘܝܫܘܥ ܩܫ ܘܥܠ ܒܫܢ̈ܝܐ܂
23:02 [ai]ܘܩܪܐ ܝܫܘܥ ܠܟܠܗ ܐܝܣܪܝܠ ܠܩܫܝܫ̈ܘܗܝ ܘܠܪ̈ܝܫܘܗܝ ܘܠܕܝܢ̈ܘܗܝ ܘܠܣܦܪ̈ܘܗܝ ܘܐܡܪ ܠܗܘܢ܂ ܐܢܐ ܣܿܐܒܬ ܘܥܿܠܬ ܒܫܢ̈ܝܐ܂
23:03 [ai]ܘܐܢܬܘܢ ܚܙܝܬܘܢ ܟܠ ‍<‍ܡܕܡ#3#‍>‍ ܕܥܒܕ ܡܪܝܐ ܐܠܗܟܘܢ܂ ܠܟܠܗܘܢ ܥܡ̈ܡܐ ܗܠܝܢ ܕܐܘܒܕ/ܘܐܘܒܕ#3#/ ܐܢܘܢ ܡܢ ܩܕܡܝܟܘܢ܂ ܘܡܪܝܐ ܐܠܗܟܘܢ ܗܘܝܘ ܥܒܼܕ ܩܪܒܟܘܢ܂
23:04 [ai]ܚܙܘ ܕܝܢ ܕܠܐ ܦܠܓܬ ܠܟܘܢ ܥܡ̈ܡܐ ܗܠܝܢ ܕܐܫܬܚܪܘ ܒܝܪܬܘܬܐ ܕܫܒ̈ܛܝܟܘܢ܂ ܡܢ ܝܘܪܕܢܢ ܘܟܠܗܘܢ ܥܡ̈ܡܐ ܕܚܿܪܒܬ܂ ܘܝܡܐ ܪܒܐ ܒܡܥܪ̈ܒܝ/ܕܥܠ ܡܥܪ̈ܒܝ#3#/ ܫܡܫܐ ܦܠܓܬ ܠܟܘܢ܂
23:05 [ai]ܡܪܝܐ ܐܠܗܟܘܢ ܗܘ ܢܬܒܪ ܐܢܘܢ܂ ܘܢܚܪܘܒ ܐܢܘܢ ܡܢ ܩܕܡܝܟܘܢ܂ ܘܬܐܪܬܘܢ ܐܪܥܗܘܢ ܐܝܟ ܕܐܡܪ ܠܟܘܢ ܡܪܝܐ ܐܠܗܟܘܢ܂
23:06 [ai]ܒܠܚܘܕ ܐܬܚܝܠܘ ܛܒ܂ ܘܛܪܘ ܘܥܒܕܘ ܟܠ ܕܟܬܝܒ \ܒܣܦܪܐ ܕܢܡܘܣܐ /ܒܢܡܘܣܗ#3#/ ܕܡܘܫܐ ܥܒܕܗ ܕܡܪܝܐ܂ ܘܠܐ ܬܣܛܘܢ ܡܢܗ ܠܐ ܠܝܡܝܢܐ ܘܠܐ ܠܣܡܠܐ܂
23:07 [ai]ܘܠܐ ܬܬܚܠܛܘܢ ܒܥܡ̈ܡܐ ܗܠܝܢ ܕܐܫܬܚܪܘ ܒܝܢܬܟܘܢ܂ ܘܫܡܐ ܕܐ̈ܠܗܝܗܘܢ ܠܐ ܬܬܕܟܪܘܢ ܘܠܐ ܬܐܡܘܢ ܒܗܘܢ ܘܠܐ ܬܦܠܚܘܢ ܐܢܘܢ܂ ܘܠܐ ܬܣܓܕܘܢ ܠܗܘܢ܂
23:08 [ai]ܐܠܐ ܠܡܪܝܐ ܐܠܗܟܘܢ ܐܬܢܩܦܘ܂ ܐܝܟܢܐ ܕܥܒܕܬܘܢ ܥܕܡܐ ܠܝܘܡܢܐ܂
23:09 [ai]ܘܚܪܒ ܡܪܝܐ ܡܢ ܩܕܡܝܟܘܢ ܥܡ̈ܡܐ ܪ̈ܘܪܒܐ ܘܥܫܝ̈ܢܐ܂ ܘܐܢܫ ܠܐ ܩܡ ܠܘܩܒܠܟܘܢ ܥܕܡܐ ܠܝܘܡܢܐ܂
23:10 [ai]ܓܒܪܐ ܚܕ ܡܢܟܘܢ ܢܪܕܘܦ ܠܐܠܦܐ/ܐܠܦ#3#/܂ ܡܛܠ ܕܡܪܝܐ ܐܠܗܟܘܢ ܥܡܟܘܢ܂ ܘܗܘ ܥܿܒܕ ܩܪܒܟܘܢ܂ ܐܝܟܢܐ ܕܐܡܪ ܠܟܘܢ܂
23:11 [ai]ܐܙܕܗܪܘ ܛܒ ܒܢܦܫܟܘܢ ܠܡܕܚܠ/ܠܡܦܠܚ#3#/ ܠܡܪܝܐ ܐܠܗܟܘܢ܂
23:12 [ai]ܐܢ ܕܝܢ ܬܗܦܟܘܢ ܘܬܬܢܩܦܘܢ ܒܫܪܟܐ/ܠܫܪܟܐ#3#/ ܕܗܠܝܢ ܥܡ̈ܡܐ ܕܐܫܬܚܪܘ ܒܝܢܬܟܘܢ܂ ܘܬܗܘܘܢ ܠܗܘܢ ܚ̈ܬܢܐ܂ ܘܬܬܚܠܛܘܢ ܒܗܘܢ ܘܗܢܘܢ ܒܟܘܢ܂
23:13 [ai]ܗܘܝܬܘܢ ܝܿܕܥܝܢ ܕܬܘܒ ܠܐ ܡܘܣܦ ܡܪܝܐ ܐܠܗܟܘܢ܂ ܠܡܚܪܒ ܠܗܠܝܢ/ܗܠܝܢ#3#/ ܥܡ̈ܡܐ ܡܢ ܩܕܡܝܟܘܢ܂ ܘܢܗܘܘܢ ܠܟܘܢ ܠܦܚ̈ܐ ܘܠܬܘܩ̈ܠܬܐ܂ ܘܠܘ̈ܠܝܬܐ ܒܨ̈ܕܥܝܟܘܢ܂ ܘܨܢܪ̈ܝܬܐ ܒܥܝܢ̈ܝܟܘܢ܂ ܥܕܡܐ ܕܬܐܒܕܘܢ ܡܢ ܐܪܥܐ ܛܒܬܐ ܕܝܗܒ ܠܟܘܢ ܡܪܝܐ ܐܠܗܟܘܢ܂
23:14 [ai]ܐܢܐ ܕܝܢ ܗܐ ܐܿܙܠ ܐܢܐ ܒܐܘܪܚܐ ܕܟܠܗܿ ܐܪܥܐ܂ ܐܢܬܘܢ ܕܝܢ ܝܿܕܥܝܢ ܐܢܬܘܢ ܒܟܠܗ ܠܒܟܘܢ ܘܒܟܘܠܗܿ ܢܦܫܟܘܢ܂ ܕܠܐ ܒܛܠܬ ܡܠܬܐ ܚܕܐ ܡܢ ܟܠܗܝܢ ܡ̈ܠܐ ܛܒ̈ܬܐ ܕܐܡܪ ܡܪܝܐ ܐܠܗܟܘܢ ܥܠܝܟܘܢ܂ ‍<‍ܐܠܐ#3#‍>‍ ܟܠܗܝܢ ܐܬ̈ܝ ܥܠܝܟܘܢ܂ ܘܠܐ ܒܛܠܬ ܡܠܬܐ ܚܕܐ܂
23:15 [ai]ܘܐܝܟܢܐ ܕܝܢ ܕܐ̈ܬܝ ܥܠܝܟܘܢ ܟܠܗܝܢ ܡ̈ܠܐ ܛܒ̈ܬܐ ܕܐܡܪ ܠܟܘܢ ܡܪܝܐ ܐܠܗܟܘܢ܂ ܗܟܢܐ ܢܐܬ̈ܝܢ ܥܠܝܟܘܢ ܟܠܗܝܢ ܠܘ̈ܛܬܐ܂ ܥܕܡܐ ܕܢܘܒܕܟܘܢ ܡܢ ܐܪܥܐ ܗܕܐ ܛܒܬܐ ܕܝܗܒ ܠܟܘܢ܂
23:16 [ai]ܐܢ ‍<‍ܕܝܢ#3#‍>‍ ܬܥܒܪܘܢ ܥܠ ܕܝܬܩܐ ܕܡܪܝܐ ܐܠܗܟܘܢ܂ ܘܥܠ ܦܘܩ̈ܕܢܐ ܕܐܬܦܩܕܬܘܢ܂ ܘܬܐܙܠܘܢ ܘܬܦܠܚܘܢ ܠܐ̈ܠܗܐ ܐܚܪ̈ܢܐ ܘܬܣܓܕܘܢ ܠܗܘܢ܂ ܢܬܚܡܬ ܪܘܓܙܗ ܕܡܪܝܐ ܐܠܗܟܘܢ ܥܠܝܟܘܢ܂ ܘܬܐܒܕܘܢ ܒܥܓܠ ܡܢ ܐܪܥܐ ܛܒܬܐ ܕܝܗܒ ܠܟܘܢ܀

next chapter