← Back
The Comprehensive Aramaic Lexicon
← Return to the Text Browser
click on the file description for more information
62006: P Jos

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܘܟܢܫ ܝܫܘܥ ܠܟܠܗܘܢ ܫܒ̈ܛܐ ܕܐܝܣܪܝܠ ܠܫܟܝܡ܂ ܘܩܪܐ ܠܩܫܝܫ̈ܐ ܕܐܝܣܪܝܠ܂ ܘܠܪ̈ܝܫܝܗܘܢ ܘܠܕܝܢ̈ܝܗܘܢ ܘܠܣܦܪ̈ܝܗܘܢ܂ ܘܩܡ ܩܕܡ ܡܫܟܢܙܒܢܐ ܩܕܡ ܐܠܗܐ܂
24:02 [ai]ܘܐܡܪ ܝܫܘܥ ܠܟܠܗ ܥܡܐ܂ ܗܟܢܐ ܐܿܡܪ ܡܪܝܐ ܐܠܗܐ ܕܐܝܣܪܝܠ܂ ܒܥܒܪܐ ܕܢܗܪܐ ܝܬܒܘ ܗܘܘ ܐ̈ܒܗܝܟܘܢ ܡܢ ܥܠܡ܂ ܬܪܚ ܐܒܘܗܝ ܕܐܒܪܗܡ ܘܐܒܘܗܝ ܕܢܚܘܪ܂ ܘܦܠܚܝܢ ܗܘܘ ܬܡܢ ܐܠ̈ܗܐ ܐܚܪ̈ܢܐ܂
24:03 [ai]ܘܕܒܿܪܬ ܠܐܒܪܗܡ ܐܒܘܟܘܢ ܡܢ ܥܒܪܐ ܕܢܗܪܐ܂ ܘܗܿܠܟܬܗ ܒܟܠܗܿ ܐܪܥܐ ܕܟܢܥܢ܂ ܘܐܣܿܓܝܬ ܙܪܥܗ܂ ܘܝܗܿܒܬ ܠܗ ܠܐܝܣܚܩ܂
24:04 [ai]ܘܝܗܿܒܬ ܠܐܝܣܚܩ ܠܝܥܩܘܒ ܘܠܥܝܣܘ܂ ܘܝܗܿܒܬ ܠܥܣܘ܂ ܝܘܪܬܢܐ/ܠܝܘܪܬܢܐ#3#/ܝܪܬܘܬܐ#3#/ ܛܘܪܐ/ܠܛܘܪܐ#3#/ ܕܣܥܝܪ܂ ܘܝܥܩܘܒ ܘܒܢ̈ܘܗܝ ܢܚܬܘ ܠܡܨܪܝܢ܂
24:05 [ai]ܘܫܿܕܪܬ ܠܡܘܫܐ ܘܠܐܗܪܘܢ܂ ܘܡܚܿܝܬ ܠܡܨܪ̈ܝܐ܂ ܘܬܕܡܪ̈ܬܐ ܥܒܿܕܬ ܒܝܢܬܗܘܢ܂ ܘܡܢ ܒܬܪ ܗܝܕܝܢ ܐܦܩܿܬܟܘܢ܂
24:06 [ai]ܘܐܦܩܿܬ ܠܐ̈ܒܗܝܟܘܢ ܡܢ ܡܨܪܝܢ܂ ܘܐܝܿܬܝܬ ܐܢܘܢ ܠܝܡܐ܂ ܘܪܕܦܘ ܡܨܪ̈ܝܐ ܒܬܪ ܐ̈ܒܗܝܟܘܢ ܒܩܪ̈ܘܟܐ ܘܒܦܪ̈ܫܐ ܠܝܡܐ ܕܣܘܦ܂
24:07 [ai]ܘܓܥܘ ܐ̈ܒܗܝܟܘܢ ܠܘܬ/ܩܕܡ#2#/ ܡܪܝܐ܂ ܘܥܒܕ ܚܫܘܟܐ ܒܝܢܝܗܘܢ/ܒܝܢܬܗܘܢ#3#/ ܠܡܨܪ̈ܝܐ܂ ܘܦܠܓ ܡܪܝܐ \ܝܡܐ /ܠܝܡܐ#3# /ܡܝ̈ܐ#2#/ ܕܣܘܦ܂ ܘܐܥܒܪ ܠܐ̈ܒܗܝܟܘܢ ܒܓܘܗ܂ ܘܐܝܬܝܗ ܠܝܡܐ ܥܠ ܡܨܪ̈ܝܐ ܘܟܣܝ/ܘܚܦܝ#3#/ ܐܢܘܢ܂ ܘܚ̈ܙܝ ܥܝܢ̈ܝܟܘܢ ܡܕܡ ܕܥܒܿܕܬ ܠܡܨܪ̈ܝܐ܂ ܘܐܝܿܬܝܬܟܘܢ ܠܡܕܒܪܐ ܘܐܝܬܒܬܘܢ ܒܡܕܒܪܐ ܝܘܡ̈ܬܐ ܣ̈ܓܝܐܐ܂
24:08 [ai]ܘܐ‍<‍ܝ‍>‍ܬܝܬܟܘܢ ܠܐܪܥܐ ܕܐܡܘܪ̈ܝܐ ܕܝܿܬܒܝܢ ܒܥܒܪܐ ܕܝܘܪܕܢܢ܂ ܘܐܬܟܬܫܘ ܥܡܟܘܢ ܘܐܫܿܠܡܬ ܐܢܘܢ ܒܐ̈ܝܕܝܟܘܢ ܘܐܘܿܒܕܬ ܐܢܘܢ ܡܢ ܩܕܡܝܟܘܢ ܘܐܝܪܬܬܘܢ ܐܪܥܗܘܢ܂
24:09 [ai]ܘܩܡ ܒܬܩ ܒܪ ܨܦܘܪ ܡܠܟܐ ܕܡܘܐ̈ܒܝܐ ܘܐܬܟܬܫ ܥܡ ܐܝܣܪܝܠ܂ ܘܫܕܪ ܩܪܐ ܠܒܠܥܡ ܒܪ ܒܥܘܪ ܠܡܠܛܟܘܢ܂
24:10 [ai]ܘܠܐ ܨܒܿܝܬ ܠܡܫܡܥܗ ܠܒܠܥܡ ‍<‍ܒܪ ܒܥܘܪ#3#‍>‍܂ ܘܡܒܪܟܘ ܒܪܟܿܬܟܘܢ ܘܦܨܿܝܬܟܘܢ ܡܢ ܐ̈ܝܕܘܗܝ܂
24:11 [ai]ܘܥܒܪܬܘܢ ܝܘܪܕܢܢ ܘܐܬܝܬܘܢ ܠܐܝܪܝܚܘ܂ ܘܐܬܟܬܫܘ ܥܡܟܘܢ ܓܒܪ̈ܐ ܕܐܝܪܝܚܘ܂ ܘܐܡܘܪ̈ܝܐ ܘܟܢ̈ܥܢܝܐ ܘܦܪ̈ܙܝܐ ܘܚ̈ܬܝܐ ܘܓܪ̈ܓܘܣܝܐ ܘܚ̈ܘܝܐ ܘܝܒ̈ܘܣܝܐ܂ ܘܐܫܿܠܡܬ ܐܢܘܢ ܒܐ̈ܝܕܝܟܘܢ܂
24:12 [ai]ܘܫܿܕܪܬ ܩܕܡܝܟܘܢ ܕܒܘܪ̈ܝܬܐ ܘܐܘܿܒܕܬ ܡܢ ܩܕܡܝܟܘܢ ܬܪ̈ܝܢ ܡ̈ܠܟܝܗܘܢ ܕܐܡܘܪ̈ܝܐ ܠܐ ܒܣ̈ܝܦܝܟܘܢ ܐܦܠܐ ܒܩܫ̈ܬܬܟܘܢ܂
24:13 [ai]ܘܝܗܿܒܬ ܠܟܘܢ ܐܪܥܐ ܕܠܐ ܠܐܝܬܘܢ ܒܗܿ܂ ܘܩܘܪ̈ܝܐ ܕܠܐ ܒܢܝܬܘܢ ܘܐܝܬܒܬܘܢ ܒܗܝܢ܂ ܘܟܪ̈ܡܐ ܘܙܝ̈ܬܐ ܕܠܐ ܢܨܒܬܘܢ ܗܐ ܐܿܟܠܝܢ ܐܢܬܘܢ܂
24:14 [ai]ܡܟܝܠ ܕܚܠܘ ܡܢ ܡܪܝܐ܂ ܘܦܘܠܚܘܗܝ ܒܬܡܝܡܘܬܐ ܘܒܩܘܫܬܐ܂ ܘܐܥܒܪܘ ܡܢ ܠܒܟܘܢ ܐ̈ܠܗܐ ܢܘܟܪ̈ܝܐ܂ ܕܦܠܚܘ ܐ̈ܒܗܝܟܘܢ ܒܥܒܪܐ ܕܢܗܪܐ ܘܒܡܨܪܝܢ܂ ܘܐܢܬܘܢ ܦܠܘܚܘ ܠܡܪܝܐ܂
24:15 [ai]ܘܐܢ ܒܝܫ ܗܘ ܒܥܝܢ̈ܝܟܘܢ ܠܡܦܠܚ ܠܡܪܝܐ܂ ܓܒܘ ܠܟܘܢ ܝܘܡܢܐ ܠܡܿܢ ܦܠܚܝܢ ܐܢܬܘܢ܂ ܐܢ ܠܐ̈ܠܗܐ ܕܦܠܚܘ ܐ̈ܒܗܝܟܘܢ ܒܥܒܪܐ ܕܢܗܪܐ܂ ܘܠܐ ܠܐ̈ܠܗܐ ܕܐܡܘܪ̈ܝܐ ܕܥܿܡܪܝܢ ܐܢܬܘܢ ܒܐܪܥܗܘܢ܂ ܐܢܐ ܕܝܢ/ܓܝܪ#3#/ ܘܒܢ̈ܝ ܒܝܬܝ ܠܡܪܝܐ ܗܘ ܐܠܗܐ ܦܠܚܝܢܢ܀
24:16 [ai]ܘܥܢܘ ܟܘܠܗ ܥܡܐ ܘܐܡܪܘ܂ ܚܣ ܠܢ ܕܢܫܒܘܩ ܠܡܪܝܐ ܘܢܦܠܘܚ ܠܐ̈ܠܗܐ ܐܚܪ̈ܢܐ܂
24:17 [ai]ܡܛܠ ܕܡܪܝܐ ܗܘ ܐܠܗܢ܂ ܗܿܘ/ܘܗܘܝܘ#3#/ ܕܐܣܩܢ/ܐܣܩܢ#3#/ ܡܢ ܐܪܥܐ ܕܡܨܪܝܢ ܡܢ ܒܝܬ ܥܒܕܘܬܐ܂ ܘܥܒܕ ܩܕܡܝܢ ܗܠܝܢ ܐ̈ܬܘܬܐ ܪ̈ܘܪܒܬܐ܂ ܘܢܛܪܢ ܒܟܠܗܿ ܐܘܪܚܐ ܕܗܠܟܢ ܒܗܿ܂ ܘܒܟܠܗܘܢ ܥܡ̈ܡܐ ܕܥܒܪܢ ܒܝܢܬܗܘܢ܂
24:18 [ai]ܘܐܘܒܕ ܐܢܘܢ ܡܪܝܐ ܐܠܗܢ܂ ܠܟܠܗܘܢ ܥܡ̈ܡܐ ܗܠܝܢ܂ ܘܠܐܡܘܪ̈ܝܐ ܕܥܿܡܪܝܢ ܚܢܢ ܒܐܪܥܗܘܢ܂ ܐܘܒܕ ܐܢܘܢ ܡܪܝܐ ܡܢ ܩܕܡܝܢ܂ ܡܛܠ ܗܢܐ ܠܡܪܝܐ ܗܘ ‍<‍ܐܠܗܐ#3#‍>‍ ܦܠܚܝܢܢ܂ ܡܛܠ ܕܗܘܝܘ ܐܠܗܐ ܒܠܚܘܕܘܗܝ ܘܗܘܝܘ ܐܠܗܢ܂܀܀
24:19 [ai]ܘܐܡܪ ܝܫܘܥ ܠܥܡܐ܂ ܚܙܘ \ܕܝܢ ܕܠܡܐ /ܠܡܐ ܕܝܢ#3#/ ܠܐ ܡܫܟܚܝܢ ܐܢܬܘܢ ܠܡܦܠܚ ܠܡܪܝܐ܂ ܡܛܠ ܕܐܠܗܐ ܗܘ/ܗܘܿ#3#/ ܩܕܝܫܐ ܘܐܠܗܐ ܗܘ ܛܢܢܐ܂ ܘܠܐ ܕܝܢ ܫܿܒܩ ܠܚ̈ܘܒܝܟܘܢ ܘܠܚ̈ܛܗܝܟܘܢ܂
24:20 [ai]ܕܠܡܐ ܬܫܒܩܘܢܗ ܠܡܪܝܐ ‍<‍ܐܠܗܟܘܢ#3#‍>‍܂ ܘܬܦܠܚܘܢ ܠܐ̈ܠܗܐ ܐܚܪ̈ܢܐ ܢܘܟܪ̈ܝܐ ܕܐܪܥܐ܂ ܘܢܗܦܘܟ ܡܪܝܐ ܠܡܒܐܫܘ ܠܟܘܢ܂ ܘܢܓܡܪܟܘܢ ܡܢ ܒܬܪ ܕܐܛܐܒ ܠܟܘܢ܂
24:21 [ai]ܘܐܡܪܘ ܥܡܐ ܠܝܫܘܥ܂ ܠܐ ܗܿܘܐ ܠܢ ‍<‍ܬܘܒ#3#‍>‍ ܦܘܠܚܢ ܐܚܪܝܢ܂ ܐܠܐ ܠܡܪܝܐ ܗܘ ܐܠܗܐ ܦܠܚܝܢܢ܂܀܂
24:22 [ai]ܘܐܡܪ ܝܫܘܥ ܠܥܡܐ܂ ܣܿܗܕܝܢ ܐܢܬܘܢ ܒܢܦܫܟܘܢ ܕܐܢܬܘܢ ܓܒܝܬܘܢ ܠܟܘܢ ܠܡܦܠܚ ܠܡܪܝܐ܂ ܘܐܿܡܪܝܢ ܠܗ ܣܿܗܕܝܢܢ܂
24:23 [ai]ܐܿܡܪ ܠܗܘܢ ܝܫܘܥ ܡܟܝܠ ܐܥܒܪܘ ܐ̈ܠܗܐ ܢܘܟܪ̈ܝܐ ܕܒܝܢܬܟܘܢ܂ ܘܐܬܩܢܘ/ܘܨܠܘ#3#/ ܠܒܟܘܢ ܠܘܬ ܡܪܝܐ ܐܠܗܐ ܕܐܝܣܪܝܠ܂
24:24 [ai]ܘܐܡܪܘ ܥܡܐ ܠܝܫܘܥ܂ ܠܡܪܝܐ ܐܠܗܢ ܦܠܚܝܢ ܚܢܢ ܘܒܩܠܗ ܫܿܡܥܝܢܢ܂
24:25 [ai]ܘܐܩܝܡ ܝܫܘܥ ܕܝܬܩܐ ܠܥܡܐ ܒܗ ܒܝܘܡܐ ܗܿܘ܂ ܘܐܠܦ ܐܢܘܢ ܦܘܩ̈ܕܢܐ ܘܕܝ̈ܢܐ ܒܫܟܝܡ܂
24:26 [ai]ܘܟܬܒ ܝܫܘܥ ܡ̈ܠܐ ܗܠܝܢ܂ ܒܣܦܪܐ ܕܢܡܘܣܗ ܕܐܠܗܐ/ܕܡܘܫܐ#3#/ܕܡܪܝܐ#3#/܂ ܘܢܣܒ ܟܐܦܐ ܪܒܬܐ܂ ܘܐܩܝܡܗܿ ܬܚܝܬ ܒܛܡܬܐ ܕܒܝܬ ܡܩܕܫܗ ܕܡܪܝܐ܂
24:27 [ai]ܘܐܡܪ ܝܫܘܥ ܠܟܘܠܗ ܥܡܐ܂ ܗܐ ܟܐܦܐ ܗܕܐ ܬܗܘܐ ܠܢ ܣܗܕܘܬܐ/ܠܣܗܕܘܬܐ#3#/ܣܗܕܬܐ#3#/܂ ܡܛܠ ܕܗܝ ܫܡܥܬ ܟܠܗܝܢ ܡ̈ܠܘܗܝ ܕܡܪܝܐ ܕܡܠܠ ܥܡܢ܂ ܘܬܗܘܐ ܠܟܘܢ ܠܣܗܕܘܬܐ܂ ܕܠܐ ܬܟܕܒܘܢ ܒܡܪܝܐ ܐܠܗܟܘܢ܀
24:28 [ai]ܘܡܢ ܒܬܪ ܕܦܩܕ ܝܫܘܥ ܠܥܡܐ܂ ܫܕܪ ܐܢܘܢ ܐܢܫ ܠܝܪܬܘܬܗ܂
24:29 [ai]ܘܡܢ ܒܬܪ ܡ̈ܠܐ ܗܠܝܢ܂ ܡܝܬ ܝܫܘܥ ܒܪ܆ܢܘܢ ܥܒܕܗ ܕܡܪܝܐ܂ ܒܪ ܡܐܐ ܘܥܣܪ ܫܢ̈ܝܢ܂
24:30 [ai]ܘܩܒܪܘܗܝ ܒܬܚܘܡܐ ܕܝܪܬܘܬܗ܂ ܒܬܡܢܬܣܪܚ ܕܒܛܘܪܐ ܕܐܦܪܝܡ܂ ܡܢ ܓܪܒܝܐ ܠܛܘܪܐ/ܕܛܘܪܐ#3#/ ܕܓܥܫ܂
24:31 [ai]ܘܦܠܚ ܐܝܣܪܝܠ ܠܡܪܝܐ ܟܠܗܘܢ ܝܘܡ̈ܬܗ ܕܝܫܘܥ܂ ܘܟܠܗܘܢ ܝܘܡ̈ܬܐ ܕܩܫܝܫ̈ܐ ܕܚܝܘ ܢܘܓܪܐ ܒܬܪ ܝܫܘܥ܂ ܘܐܝܕܥܘ ܥܒ̈ܕܘܗܝ ܕܡܪܝܐ ܕܥܒܕ ܠܐܝܣܪܝܠ܂
24:32 [ai]ܘܠܓܪ̈ܡܘܗܝ ܕܝܘܣܦ ܕܐܣܩܘ ܒܢ̈ܝ ܐܝܣܪܝܠ ܡܢ ܡܨܪܝܢ܂ ܩܒܪܘ ܒܫܟܝܡ܂ ܒܦܠܓܘܬܐ/ܒܦܩܥܬܐ#3#/ ܕܚܩܠܐ/ܕܚܒܠܐ#3#/ ܕܙܒܢ ܝܥܩܘܒ܂ ܡܢ ܚܡܘܪ ܐܒܘܗܝ ܕܫܟܝܡ ܒܡܐܐ ܢܩ̈ܘܢ܂ ܘܗܘܬ ܝܪܬܘܬܐ ܠܒܢ̈ܝ ܝܘܣܦ܀܀܀
24:33 [ai]ܘܐܠܝܥܙܪ ܟܗܢܐ ܒܪ ܐܗܪܘܢ ܟܗܢܐ ܡܝܬ܂ ܘܩܒܪܘܗܝ ܒܓܒܥܬܐ ܕܦܝܢܚܣ ܒܪܗ܂ ܕܐܬܝܗܒܬ ܠܗ ܒܛܘܪܐ ܕܐܦܪܝܡ܂