← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܣܠܩ ܡܠܐܟܗ ܕܡܪܝܐ ܡܢ ܓܠܓܠܐ ܠܒܟܝܢ܂ ܘܐܡܪ ܠܒ̈ܢܝ ܐܝܣܪܝܠ܂ ܗܟܢܐ ‍<‍ܗܘ#3#‍>‍ ܐܡܪ ܡܪܝܐ ܐܢܐ ܐܣܩܬܟܘܢ ܡܢ ܐܪܥܐ ܕܡܨܪܝܢ܂ ܘܐܝܬܝܬܟܘܢ ܠܐܪܥܐ ܕܐܝܡܝܬ ܠܐ̈ܒܗܝܟܘܢ܂ ܘܐܡܪܬ ܕܠܐ ܐܒܛܠ ܩܝܡܝ ܕܥܡܟܘܢ ܠܥܠܡ܂
02:02 [ai]ܘܐܢܬܘܢ ܠܐ ܬܩܝܡܘܢ ܩܝܡܐ ܠܝܬ̈ܒܝ ܐܪܥܐ ܗܕܐ܂ ܡܕܒܚܝ̈ܗܘܢ ܥܩܪܘ܂ ܘܠܐ ܫܡܥܬܘܢ ܠܩܠܝ/ܒܩܠܝ#3#/܂ ܠܡܢܐ ܗܟܢܐ ܥܒܕܬܘܢ܂
02:03 [ai]ܐܦ ܐܢܐ ܗܟܢܐ ܐܡܪܬ܂ ܕܠܐ ܐܘܒܕ ܐܢܘܢ ܡܢ ܩܕܡܝܟܘܢ܂ ܘܢܗܘܘܢ ܠܟܘܢ ܠܣܪܝܩܘܬܐ܂ ܘܐ̈ܠܗܝܗܘܢ ܢܗܘܘܢ ܠܟܘܢ ܠܬܘܩܠܬܐ܂
02:04 [ai]ܘܟܕ ܐܡܪ ܡܠܐܟܗ ܕܡܪܝܐ ܡ̈ܠܐ ܗܠܝܢ ܟܠܗܝܢ ܠܐܝܣܪܝܠ܂ ܐܪܝܡܘ ܟܠܗ ܥܡܐ ܩܠܗܘܢ ܘܒܟܘ܂
02:05 [ai]ܘܩܪܐ ܥܡܐ ܫܡܗ ܕܐܬܪܐ ܗܘ ܒܟܝܢ܂ ܘܕܒܚܘ ܬܡܢ ܠܡܪܝܐ܂
02:06 [ai]ܘܫܕܪ ܝܫܘܥ ܠܥܡܐ܂ ܘܐܙܠܘ ܒܢ̈ܝ ܐܝܣܪܝܠ ܓܒܪ ܠܝܪܬܘܬܗ ܠܡܐܪܬ ܐܪܥܐ܂
02:07 [ai]ܘܦܠܚܘ ܥܡܐ ܠܡܪܝܐ ܟܠܗܘܢ ܝܘܡ̈ܬܗ ܕܝܫܘܥ܂ ܘܟܠܗܘܢ ܝܘܡ̈ܬܐ ܕܩܫܝ̈ܫܐ/ܕܣܒ̈ܐ#3#/ ܕܐܓܪܘ ܒܬܪ ܝܫܘܥ܂ ܘܚܙܘ ‍<‍ܟܠܗܘܢ#3#‍>‍ ܥܒܕ̈ܘܗܝ ܕܡܪܝܐ܂ ܘܪ̈ܘܪܒܬܐ ܕܥܒܕ ܠܐܝܣܪܝܠ܂
02:08 [ai]ܘܡܝܬ ܝܫܘܥ ܒܪ܆ܢܘܢ ܥܒܕܗ ܕܡܪܝܐ܂ ܒܪ ܡܐܐ ܘܥܣܪ ܫ̈ܢܝܢ܂
02:09 [ai]ܘܩܒܪܘܗܝ ܒܬܚܘܡܐ ܕܝܪܬܘܬܗ܂ ܒܬܡܢܬ ܣܪܚ ܕܒܛܘܪܐ ܕܐܦܪܝܡ܂ ܡܢ ܓܪܒܝܐ ܕܛܘܪܐ/ܠܛܘܪܐ#3#/ ܕܓܥܫ܂
02:10 [ai]ܘܐܦ ܟܠܗ ܕܪܐ ܗܘ ܐܬܟܢܫܘ ܠܘܬ ܐܒ̈ܗܝܗܘܢ܂ ܘܩܡ ܕܪܐ ܐܚܪܢܐ ܒܬܪܗܘܢ܂ ܕܠܐ ܐܝܕܥܘ ܠܡܪܝܐ܂ ܘܐܦ ܠܐ ܠܥܒ̈ܕܘܗܝ ܕܥܒܕ ܠܐܝܣܪܝܠ܂
02:11 [ai]ܘܥܒܕܘ ܒܢܝ ܐܝܣܪܝܠ ܕܒܝܫ ܩܕܡ ܡܪܝܐ܂ ܘܦܠܚܘ ܠܒܥܠܐ܂
02:12 [ai]ܘܫܒܩܘ ܠܡܪܝܐ ܐܠܗܐ ܕܐܒܗ̈ܝܗܘܢ ܕܐܦܩ ܐܢܘܢ ܡܢ ܐܪܥܐ ܕܡܨܪܝܢ܂ ܘܐܙܠܘ ܒܬܪ ܐ̈ܠܗܐ ܐܚܪ̈ܢܐ ܕܥܡ̈ܡܐ ܕܒܚܕܪ̈ܝܗܘܢ/ܕܚܕܪ̈ܝܗܘܢ#3#/ ܘܣܓܕܘ ܠܗܘܢ܂ ܘܐܪܓܙܘ ܠܡܪܝܐ܂
02:13 [ai]ܘܫܒܩܘ ܠܡܪܝܐ܂ ܘܦܠܚܘ ܠܒܥܠܐ ܘܠܐܣܬܪ̈ܬܐ܂
02:14 [ai]ܘܐܬܚܡܬ ܡܪܝܐ/ܪܘܓܙܗ ܕܡܪܝܐ#3#/ ܥܠ ܐܝܣܪܝܠ܂ ܘܐܫܠܡ ܐܢܘܢ ܒܐܝܕܐ ܕܒܙܘ̈ܙܐ ܘܒܙܘ ܐܢܘܢ܂ ܘܐܫܠܡ ܐܢܘܢ ܒܐܝܕܐ ܕܒ̈ܥܠܕܒܒܝܗܘܢ ܕܒܚܕܪ̈ܝܗܘܢ܂ ܘܠܐ ܐܫܟܚܘ ܬܘܒ ܠܡܩܡ ܩܕܡ ܒ̈ܥܠܕܒܒܝܗܘܢ܂
02:15 [ai]ܘܠܟܪ ܕܢܦܩܝܢ ܗܘܘ܂ ܐܝܕܗ ܕܡܪܝܐ ܗܘܝܐ ܗܘܬ ܥܠܝܗܘܢ ܠܒܝܫܬܐ܂ ܐܝܟ ܕܐܡܪ ܡܪܝܐ܂ ܘܐܝܟ ܕܐܝܡܐ ܠܗܘܢ ܡܪܝܐ܂ ܘܥܩܬ ܠܗܘܢ ܛܒ܂
02:16 [ai]ܘܐܩܝܡ ܡܪܝܐ ܕܝܢ̈ܐ ܒܝܬ ܐܝܣܪܝܠ܂ ܘܦܪܩܘ ܐܢܘܢ ܡܢ ܐܝܕܐ ܕܒܙܘ̈ܙܝܗܘܢ܂
02:17 [ai]ܘܐܦ ܠܕܝܢܝ̈ܗܘܢ ܠܐ ܫܡܥܘ܂ ܡܛܘܠ ܕܛܥܘ ܒܬܪ ܐ̈ܠܗܐ ܐܚܪ̈ܢܐ ܘܣܓܕܘ ܠܗܘܢ ܘܣܛܘ ܒܥܓܠ ܡܢ ܐܘܪܚܐ ܕܐܙܠܘ ܒܗܿ ܐ̈ܒܗܝܗܘܢ܂ ܠܡܫܡܥ/ܠܐ ܫܡܥܘ#3#/ ܦܘܩ̈ܕܢܘܗܝ ܕܡܪܝܐ܂ ܘܠܐ ܥܒܕܘ ܗܟܢܐ܂
02:18 [ai]ܘܟܕ ܐܩܝܡ ܠܗܘܢ ܡܪܝܐ ܕܝܢ̈ܐ܂ ܗܘܐ ܡܪܝܐ ܥܡ ܕܝܢ̈ܐ܂ ܘܦܪܩ ܐܢܘܢ ܡܢ ܐܝܕܐ ܕܒ̈ܥܠܕܒܒܝܗܘܢ ܟܠ ܝܘܡ̈ܝ ܕܝܢ̈ܐ ܫܡܿܥ ܗܘܐ ܡܪܝܐ ܐܢܩܬܗܘܢ܂ ܡܢ ܩܕܡ ܐ̈ܠܘܨܝܗܘܢ ܘܕܚܘ̈ܩܝܗܘܢ܂
02:19 [ai]ܘܟܕ ܡܝܬܘ ܕܝܢ̈ܐ܂ ܗܦܟܘ ܘܚܒܠܘ ܡܢ ܐ̈ܒܗܝܗܘܢ ܠܡܐܙܠ ܒܬܪ ܐ̈ܠܗܐ ܐܚܪ̈ܢܐ܂ ܠܡܦܠܚ ܐܢܘܢ ܘܠܡܣܓܕ ܠܗܘܢ܂ ܘܠܐ ܒܨܪܘ ܡܢ ܥܒ̈ܕܝܗܘܢ ܘܡܢ ܐܘܪ̈ܚܬܗܘܢ ܒܝܫ̈ܬܐ܂
02:20 [ai]ܘܐܬܚܡܬ ܡܪܝܐ ܥܠ ܐܝܣܪܝܠ ܘܐܡܪ܂ ܥܠ ܕܥܒܪܘ ܥܡܐ ܗܢܐ ܥܠ ܩܝܡܝ ܕܦܩܕܬ ܠܐ̈ܒܗܝܗܘܢ ܘܠܐ ܫܡܥܘ ܒܩܠܝ܂
02:21 [ai]ܘܐܦ ܐܢܐ ܠܐ ܐܘܣܦ ܠܡܘܒܕܘ ܠܐܢܫ/ܐܢܫ#3#/ ܡܢ ܩܕܡܝܗܘܢ܂ ܡܢ ܥܡ̈ܡܐ ܕܫܒܩ ܝܫܘܥ ‍<‍ܒܪ܆ܢܘܢ#3#‍>‍ ܘܡܝܬ܂
02:22 [ai]ܡܛܠ ܕܢܢܣܐ ܒܗܘܢ ܡܪܝܐ ܠܐܝܣܪܝܠ܂ ܐܢ ܢܛܪܝܢ ܐܘܪܚܗ ܕܡܪܝܐ܂ ܘܐܢ ܡܗܠܟܝܢ ܒܗܿ܂ ܐܝܟ ܕܢܛܪܘ ܐ̈ܒܗܝܗܘܢ ܐܘ ܠܐ܂
02:23 [ai]ܘܫܒܩ ܐܢܘܢ ܡܪܝܐ ܠܥܡ̈ܡܐ ܗܠܝܢ܂ ܘܠܐ ܐܘܒܕ ܐܢܘܢ ܒܥܓܠ܂ ܘܠܐ ܐܫܠܡ ܐܢܘܢ ܡܪܝܐ ܒܐܝܕܐ ܕܝܫܘܥ ‍<‍ܒܪ܆ܢܘܢ#3#‍>‍܂

next chapter