← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܘܐܘܣܦܘ ܬܘܒ ܒܢ̈ܝ ܐܝܣܪܝܠ ܠܡܥܒܕ ܕܒܝܫ ܩܕܡ ܡܪܝܐ܂ ܘܐܗܘܪ ܡܝܬ܂
04:02 [ai]ܘܐܫܠܡ ܐܢܘܢ ܡܪܝܐ ܒܐܝܕܐ ܕܢܒܝܢ ܡܠܟܐ ܕܟܢܥܢ܂ ܕܐܡܠܟ ܒܚܨܘܪ܂ ܘܪܒ ܚܝܠܗ ܣܝܣܪܐ܂ ܘܗܘ ܝܬܿܒ ܗܘܐ ܒܚܪܫܬ ܕܥܡ̈ܡܐ܂
04:03 [ai]ܘܐܙܥܩܘ/ܘܙܥܩܘ#2#/ ܒܢ̈ܝ ܐܝܣܪܝܠ ܠܡܪܝܐ܂ ܡܛܘܠ ܕܬܫܥܡܐܐ ܡܪ̈ܟܒܬܐ ܕܦܪܙܠܐ ܐܝܬ ܗ̈ܘܝ ܠܗ܂ ܘܗܘ ܡܫܥܒܕ ܗܘܐ ‍<‍ܠܗܘܢ#3#‍>‍ ܠܒܢ̈ܝ ܐܝܣܪܝܠ ܒܩܛܝܪܐ ܥܣܪ̈ܝܢ/ܐܪܒܥܝܢ#3#/ ܫܢܝ̈ܢ܀
04:04 [ai]ܘܕܒܘܪܐ ܐܢܬܬܐ ܢܒܝܬܐ ܐܬܬ ܠܦܝܬܘܪ܂ ܘܗܝ ܗܘܬ ܕܝܿܢܐ ܠܐܝܣܪܝܠ ܒܗܘ ܙܒܢܐ܂
04:05 [ai]ܘܗܝ ܕܒܘܪܐ ܝܬܒܐ ܗܘܬ ܬܚܝܬ ܕܩܠܐ܂ ܒܝܬ ܪܡܬܐ܂ ܘܒܝܬ/ܘܒܝܢܬ#3#/ ܒܝܬ ܐܝܠ ܕܒܛܘܪܐ ܕܐܦܪܝܡ܂ ܘܣܠܩܘ ܠܘܬܗܿ ܒ̈ܢܝ ܐܝܣܪܝܠ ܠܕܝܢܐ܂
04:06 [ai]ܘܫܕܪܬ ܩܪܬ ‍<‍ܠܘܬܗ#3#‍>‍ ܠܒܪܩ ܒܪ ܐܒܝܢܥܡ ܡܢ ܪܩܡ ܕܢܦܬܠܝ܂ ܘܐܡܪܐ ܠܗ܂ ܠܐ/ܕܠܐ#3#/ ܦܩܕܟ ܡܪܝܐ ܐܠܗܐ ܕܐܝܣܪܝܠ ܕܬܐܙܠ ܘܬܬܒ ܒܛܘܪܐ ܕܬܒܘܪ܂ ܘܬܕܒܪ ܥܡܟ ‍<‍ܐܝܟ#3#‍>‍ ܥܣܪܐ ܐ̈ܠܦܝܢ ܓܒܪ̈ܝܢ ܡܢ ܒܢ̈ܝ ܢܦܬܠܝ܂ ܘܡܢ ܒܢ̈ܝ ܙܒܘܠܘܢ܂
04:07 [ai]ܘܢܐܬܘܢ ܥܡܟ ܠܢܚܠܐ ܕܩܝܫܘܢ܂ ܥܠ ܣܝܣܪܐ ܪܒ ܚܝܠܐ ܕܢܒܝܢ܂ ܘܥܠ ܡܪ̈ܟܒܬܗ ܘܥܠ ܚܝܠܗ܂ ܘܐܫܠܡܝܘܗܝ ܒܐ̈ܝܕܝܟ܂
04:08 [ai]ܐܡܪ ܠܗ ܒܪܩ܂ ܐܢ ܐܙܠܐ ܐܢܬܝ ܥܡܝ ܐܙܠܢܐ܂ ܘܐܢ ܠܐ ܐܙܠܐ ܐܢܬܝ ܥܡܝ ܠܐ ܐܙܠ ܐܢܐ܂
04:09 [ai]ܐܡܪܐ ܠܗ܂ ܡܐܙܠ ܐܙܠܐ ܐܢܐ ܥܡܟ ‍<‍ܒܪܩ#3#‍>‍܂ ܒܪܡ܂ ܒܪܩ ܠܐ ܬܫܬܒܗܪ ܥܠ ܐܘܪܚܐ ܕܐܙܠ ܐܢܬ܂ ܡܛܠ ܕܒܐܝܕܐ ܕܐܢܬܬܐ ܢܫܠܡܝܘܗܝ ܡܪܝܐ ܠܣܝܣܪܐ܂ ܘܩܡܬ ܕܒܘܪܐ ܘܐܙܠܬ ܥܡ ܒܪܩ ܠܪܩܡ܂
04:10 [ai]ܘܟܢܫ ܒܪܩ ܠܙܒܘܠܘܢ ܘܠܢܦܬܠܝ ܠܪܩܡ܂ ܘܣܠܩܘ ܥܡܗ ܥܣܪܐ ܐ̈ܠܦܝܢ ܓܒܪ̈ܝܢ܂ ܘܣܠܩܬ ܥܡܗ ܐܦ ܕܒܘܪܐ܂
04:11 [ai]ܘܚܘܒܪ ܩܝܢܢ ܢܦܩ ܡܢ ܩܝܢ܂ ܡܢ ܒ̈ܢܝ ܚܘܒܒ ‍<‍ܒܪ ܪܥܘܐܝܠ#3#‍>‍ ܚܡܘܗܝ ܕܡܘܫܐ܂ ܘܢܩܫ ܡܫܟܢܗ ܥܕܡܐ ܠܒܛܡܬܐ ܕܒܨܥܝܢܝܢ ܕܥܠ ܓܢܒ ܪܩܡ܂
04:12 [ai]ܘܚܘܝܘ ܠܣܝܣܪܐ ܕܣܠܩ ܒܪܩ ܒܪ ܐܒܝܢܥܡ ܠܛܘܪܐ ܕܬܒܘܪ܂
04:13 [ai]ܘܟܢܫ ܣܝܣܪܐ ܟܠܗܝܢ/ܠܟܠܗܝܢ#3#/ ܡܪ̈ܟܒܬܗ܂ ܬܫܥܡܐܐ ܡܪ̈ܟܒܬܐ ܕܦܪܙܠܐ܂ ܘܟܠܗ ܥܡܐ ܕܥܡܗ ܡܢ ܚܪܫܬ ܕܥܡ̈ܡܐ܂ ܘܥܕܡܐ ܠܢܚܠܐ ܕܩܝܫܘܢ܂
04:14 [ai]ܘܐܡܪܬ ܕܒܘܪܐ ܠܒܪܩ ܩܘܡ ܡܛܠ ܕܗܢܐ ܗܘ ܝܘܡܐ ܕܐܫܠܡ ܡܪܝܐ ܠܣܝܣܪܐ ܒܐ̈ܝܕܝܟ܂ ܗܐ ܡܪܝܐ ܢܦܩ ܩܕܡܝܟ܂ ܘܢܚܬ ܒܪܩ ܡܢ ܛܘܪܐ ܕܬܒܘܪ܂ ܘܥܣܪܐ ܐ̈ܠܦܝܢ ܓܒܪ̈ܝܢ ܥܡܗ܂
04:15 [ai]ܘܬܒܪ ܡܪܝܐ ܠܣܝܣܪܐ ܘܠܟܠܗܝܢ ܡܪ̈ܟܒܬܗ ܘܠܟܠܗܿ ܡܫܪܝܬܗ ܒܦܘܡܐ ܕܚܪܒܐ ܩܕܡ ܒܪܩ܂ ܘܢܚܬ ܣܝܣܪܐ ܡܢ ܡܪܟܒܬܗ ܘܥܪܩ ܒܪ̈ܓܠܘܗܝ܂
04:16 [ai]ܘܒܪܩ ܪܕܦ ‍<‍ܗܘܐ#3#‍>‍ ܒܬܪ ܡܪ̈ܟܒܬܗ ܘܒܬܪ ܡܫܪܝܬܗ ܥܕܡܐ ܠܚܪܫܬ ܕܥܡ̈ܡܐ܂ ܘܢܦܠܬ ܟܠܗܿ ܡܫܪܝܬܗ ܕܣܝܣܪܐ ܒܦܘܡܐ ܕܚܪܒܐ܂ ܘܐܢܫ ܠܐ ܐܬܦܠܛ ܟܕ ܚܝ܂
04:17 [ai]ܘܣܝܣܪܐ ܥܪܩ ܒܪܓܠ ܘܥܠ ܠܡܫܟܢܐ ܕܥܢܐܝܠ ܐܢܬܬ ܚܘܒܪ ܩܝܢܝܐ܂ ܡܛܠ ܕܫܠܡܐ ܐܝܬ ܗܘܐ ܒܝܬ ܢܒܝܢ ܡܠܟܐ ܕܚܨܘܪ ܘܒܝܬ ܚܘܒܪ ܩܝܢܝܐ܂
04:18 [ai]ܘܢܦܩܬ ܥܢܐܝܠ ܠܐܘܪܥܗ ܕܣܝܣܪܐ ܘܐܡܪܐ ܠܗ܂ ܣܛܝ ܡܪܝ ܣܛܝ ܠܘܬܝ ܘܠܐ ܬܕܚܠ܂ ܘܣܛܐ ܠܘܬܗܿ ܠܡܫܟܢܐ܂ ܘܟܣܝܬܗ ܒܚܡܝܠܬܐ܂
04:19 [ai]ܘܐܡܪ ܠܗܿ܂ ܐܫܩܐܝܢܝ ܩܠܝܠ ܡ̈ܝܐ ܡܛܠ ܕܨܗܝܬ܂ ܘܫܪܬ ܚܠܝܨܐ ܕܚܠܒܐ ܘܐܫܩܝܬܗ ܘܟܣܝܬܗ܂
04:20 [ai]ܘܐܡܪ ܠܗܿ܂ ܩܘܡ ܒܬܪܥܐ ܕܡܫܟܢܐ܂ ܘܐܢܗܘ ܕܐܬܐ ܐܢܫ ܫܐܠ ܠܟܝ ܘܐܡܿܪ ܕܐܝܬ ܬܢܢ ܐܢܫ܂ ܐܡܪ ܠܗ ܠܝܬ ‍<‍ܬܢܢ#3#‍>‍܂
04:21 [ai]ܘܢܣܒܬ ܥܢܐܝܠ ܐܢܬܬܗ ܕܚܘܒܪ ‍<‍ܩܝܢܝܐ#3#‍>‍ ܣܟܬܐ ܕܡܫܟܢܐ܂ ܘܐܚܕܬ ܐܪܙܦܬܐ ܒܐܝܕܗܿ܂ ܘܥܠܬ ܥܠܘܗܝ ܟܕ ܕܡܟ/ܕܡܝܟ#3#/܂ ܘܢܩܫܬ ܣܟܬܐ ܒܨܕܥܗ܂ ܘܛܒܥܬ ܒܐܪܥܐ ܟܕ ܗܘ ܕܡܟ/ܕܡܝܟ#3#/܂ ܘܐܬܛܪܦ ܘܡܝܬ܂
04:22 [ai]ܘܗܐ ܒܪܩ ܪܕܦ ܒܬܪ ܣܝܣܪܐ܂ ܘܢܦܩܬ ܥܢܐܝܠ ܠܐܘܪܥܗ܂ ܘܐܡܪܐ ܠܗ܂ ܬܐ ܐܚܘܝܟ ܠܓܒܪܐ ܕܒܥܐ ܐܢܬ܂ ܘܥܠ ܠܘܬܗܿ܂ ܘܚܙܐ ܘܗܐ ܣܝܣܪܐ ܪܡܐ ܘܡܝܬ܂ ܘܣܟܬܐ ܒܨܕܥܗ܂
04:23 [ai]ܘܬܒܪ ܡܪܝܐ ܒܝܘܡܐ ܗܘ ܠܢܒܝܢ ܡܠܟܐ ܕܟܢܥܢ ܩܕܡ ܒܢ̈ܝ ܐܝܣܪܝܠ܂
04:24 [ai]ܘܐܝܕܐ ܕܒܢ̈ܝ ܐܝܣܪܝܠ ܐܙܠܐ ܗܘܬ ܘܥܫܢܐ ܥܠ ܢܒܝܢ ܡܠܟܐ ܕܟܢܥܢ܂ ܥܕܡܐ ܕܩܛܠܘܗܝ ܠܢܒܝܢ ܡܠܟܐ ܕܟܢܥܢ܂

next chapter