← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܐܙܠ ܐܒܝܡܠܟ ܒܪ ܢܕܘܒܥܠ ܠܫܟܝܡ ܠܘܬ ܐܚ̈ܐ ܕܐܡܗ܂ ܘܐܡܪ ܠܗܘܢ ܘܠܟܠܗܿ ܫܪܒܬܐ ܕܒܝܬ ܐܒܘܗ ܕܐܡܗ܂
09:02 [ai]ܐܡܪ ܩܕܡ ܟܠܗܘܢ ܡܪ̈ܝܗ ܕܫܟܝܡ܂ ܡܢܐ ܦܩܚ ܠܟܘܢ܂ ܕܢܫܬܠܛܘܢ ܒܟܘܢ ܫܒܥܝܢ ܓܒܪ̈ܝܢ ܒܢ̈ܘܗܝ ‍<‍ܟܠܗܘܢ#3#‍>‍ ܕܢܕܘܒܥܝܠ܂ ܐܘ ܕܢܫܬܠܛ ܒܟܘܢ ܚܕ ܓܒܪ܂ ܘܐܬܕܟܪܘ ܕܓܪܡܟܘܢ ܐܢܐ ܘܒܣܪܟܘܢ܂
09:03 [ai]ܘܐܡܪܘ ܐ̈ܚܐ ܕܐܡܗ ܩܕܡ ܟܘܠܗܘܢ ܡܪ̈ܝܗ ܕܫܟܝܡ ܥܠܘܗܝ ܟܠܗܝܢ ܡ̈ܠܐ ܗܠܝܢ܂ ܘܐܨܛܒܝ ܠܒܗܘܢ ܒܬܪ ܐܒܝܡܠܟ܂ ܘܐܡܪܝܢ ܐܚܘܢ ܗܘ܂
09:04 [ai]ܘܝܗܒܘ ܠܗ ܫܒܥܝܢ ܕܟܣܦܐ ܡܢ ܒܝܬ ܒܥܠ ܩܝܡܐ܂ ܘܐܓܪ ܒܗܘܢ ܐܒܝܡܠܟ ܐܢܫܐ/ܠܐܢܫܐ#3#/ ܣܪ̈ܝܩܐ ܘܦܚ̈ܙܐ܂ ܘܐܙܠܘ ܒܬܪܗ܂
09:05 [ai]ܘܥܠ ܠܒܝܬ ܐܒܘܗܝ ܠܥܘܦܪܐ܂ ܘܩܛܠ ܠܐ̈ܚܘܗܝ ܒܢ̈ܘܗܝ ܕܢܕܘܒܥܝܠ ܫܒܥܝܢ ܓܒܪ̈ܝܢ ܥܠ ܟܐܦܐ ܚܕܐ܂ ܘܐܫܬܚܪ ܝܘܬܡ ܒܪ ܢܕܘܒܥܝܠ ܙܥܘܪܐ ܡܛܠ ܕܐܬܛܫܝ܂
09:06 [ai]ܘܐܬܟܢܫܘ ܟܠܗܘܢ ܡܪ̈ܝܗ ܕܫܟܝܡ ܘܟܘܠܗ ܥܡܐ ܕܒܝܬ ܡܠܘ܂ ܘܐܙܠܘ ܘܐܩܝܡܘ ܠܐܒܝܡܠܟ ܕܢܗܘܐ ܥܠܝܗܘܢ ܡܠܟܐ܂ ܥܠ ܓܢܒ ܒܠܘܛܐ ܕܡܨܦܝܐ/ܕܒܡܨܦܝܐ#3#/ ܕܐܝܬ ܒܫܟܝܡ܂
09:07 [ai]ܘܚܘܝܘ ܠܝܘܬܡ܂ ܘܣܠܩ ܘܩܡ ܒܪܝܫ ܛܘܪܐ ܕܓܪܙܝܡ܂ ܘܐܪܝܡ ܩܠܗ ܘܐܡܪ܂ ܫܘܡܥܘܢܝ ܡܪ̈ܝܗ ܕܫܟܝܡ ܕܢܫܡܥܟܘܢ ܐܠܗܐ܂
09:08 [ai]ܡܐܙܠ ܐܙܠܘ ܐ̈ܝܠܢܐ ܕܢܡܫܚܘܢ ܥܠܝܗܘܢ ܡܠܟܐ܂ ܐܡܪܝܢ ܠܙܝܬܐ ܐܡܠܟ ܥܠܝܢ܂
09:09 [ai]ܐܡܪ ܠܗܘܢ ܙܝܬܐ܂ ܠܐ ܫܒܩ ܐܢܐ ܕܘܗܢܝ܂ ܕܒܝ ܡܬܝܩܪܝܢ ܐ̈ܠܗܐ ܘܐ̈ܢܫܐ܂ ܘܐܙܠ ܐܢܐ ܠܡܢܕ ܥܠ ܐ̈ܝܠܢܐ܂
09:10 [ai]ܐܡܪܝܢ ܐ̈ܝܠܢܐ ܠܬܬܐ܂ ܬܝ ܐܢܬܝ ܐܡܠܟ ܥܠܝܢ܂
09:11 [ai]ܐܡܪܐ ܠܗܘܢ ܬܬܐ܂ ܠܐ ܫܒܩܐ ܐܢܐ ܚܠܝܘܬܝ ܘܐܒܝ ܛܒܐ܂ ܘܐܙܠܐ ܐܢܐ ܠܡܢܕ ܥܠ ܐ̈ܝܠܢܐ܂
09:12 [ai]ܐܡܪ̈ܝܢ ܐܝ̈ܠܢܐ ܠܓܦܬܐ܂ ܐܢܬܝ ܬܝ ܐܡܠܟ ܥܠܝܢ܂
09:13 [ai]ܐܡܪܐ ܠܗܘܢ ܓܦܬܐ܂ ܠܐ ܫܒܩܐ ܐܢܐ ܐܕܫܝ܂ ܕܡܚܕܐ ܠܒܐ ܕܐ̈ܠܗܐ ܘܐܢܫܐ/ܘܕܐܢܫܐ#3#/܂ ܘܐܙܠܐ ܐܢܐ ܠܡܢܕ ܥܠ ܐ̈ܝܠܢܐ܂
09:14 [ai]ܐܡܪܝܢ ܐܝ̈ܠܢܐ ܟܠܗܘܢ ܠܗܛܛܐ܂ ܐܢܬ ܐܡܠܟ ܥܠܝܢ܂
09:15 [ai]ܐܡܪ ܗܛܛܐ ܠܐ̈ܝܠܢܐ܂ ܐܢ ܒܫܪܪܐ ܡܫܚܝܢ ܐܢܬܘܢ ܠܝ ܕܐܡܠܟ ܥܠܝܟܘܢ܂ ܬܘ ܐܣܬܬܪܘ ܒܛܠܠܝ܂ ܘܐܠܐ ܬܦܘܩ ܢܘܪܐ ܡܢ ܗܛܛܐ܂ ܘܬܐܟܘܠ ܠܐܪ̈ܙܐ/ܐܪ̈ܙܐ#3#/ ܕܒܠܒܢܢ/ܕܠܒܢܢ#3#/
09:16 [ai]ܘܗܫܐ ܐܢ ܒܩܘܫܬܐ ܘܒܫܪܪܐ ܥܒܕܬܘܢ ܘܐܡܠܟܬܘܢ/ܕܐܡܠܟܬܘܢ#3#/ ܠܐܒܝܡܠܟ܂ ܘܐܢ ܛܒܬܐ ܥܒܕܬܘܢ ܥܡ ܢܕܘܒܥܝܠ ܘܥܡ ܒܝܬܗ܂ ܐܘ ܐܝܟ ܥܡܠܐ ܕܐ̈ܝܕܘܗܝ ܦܪܥܬܘܢܝܗܝ܂
09:17 [ai]ܕܐܬܟܬܫ ܐܒܝ ܥܠ ܐ̈ܦܝܟܘܢ܂ ܘܫܕܐ ܢܦܫܗ ܡܢ ܩܒܘܠ܂ ܘܦܨܝܟܘܢ ܡܢ ܐܝܕܐ ܕܡܕܝܢ܂
09:18 [ai]ܘܐܢܬܘܢ ܩܡܬܘܢ ܥܠ ܒܝܬ ܐܒܝ ܝܘܡܢܐ܂ ܘܩܛܠܬܘܢ ܠܒܢ̈ܘܗܝ ܫܒܥܝܢ ܓܒܪ̈ܝܢ ܥܠ ܟܐܦܐ ܚܕܐ ܘܐܡܠܟܬܘܢ ܠܐܒܝܡܠܟ ܒܪ ܐܡܬܗ ܥܠ ܡܪ̈ܝܗ ܕܫܟܝܡ܂ ܡܛܠ ܕܐܚܘܟܘܢ ܗܘ܂
09:19 [ai]ܘܐܢ ܒܩܘܫܬܐ ܘܒܫܪܪܐ ܥܒܕܬܘܢ ܥܡ ܕܒܝܬ/ܒܝܬܪ#3#/ ܢܕܘܒܥܝܠ ܘܥܡ ܒܝܬܗ ܝܘܡܢܐ܂ ܚܕܘ ܒܐܒܝܡܠܟ ܘܐܦ ܗܘ ܢܚܕܐ ܒܟܘܢ܂
09:20 [ai]ܘܐܠܐ ܬܦܘܩ ܢܘܪܐ ܡܢ ܐܒܝܡܠܟ܂ ܘܬܐܟܘܠ ܠܡܪ̈ܝܗ ܕܫܟܝܡ ܘܠܡܪ̈ܝܗ ܕܡܠܘ܂ ܘܬܦܘܩ ܢܘܪܐ ܡܢ ܒܝܬ ܡܪ̈ܝܗ ܕܫܟܝܡ ܘܡܪ̈ܝܗ/ܘܡܢ ܡܪ̈ܝܗ#3#/ ܕܡܠܘ܂ ܘܬܐܟܠܝܘܗܝ ܠܐܒܝܡܠܟ܂
09:21 [ai]ܘܥܪܩ ܝܘܬܡ ܘܐܬܦܠܛ ܘܐܙܠ ܠܕܒܝܪ ܘܐܝܬܒ ܬܡܢ܂ ܐܝܟܐ ܕܝܬܿܒ ܗܘܐ ܐܒܝܡܠܟ ‍<‍ܘܐܚ̈ܗܘܝ#3#‍>‍ ܡܢ ܩܕܝܡ܂
09:22 [ai]ܘܐܫܬܠܛ ܐܒܝܡܠܟ ܥܠ ܐܝܣܪܝܠ܂ ܬܠܬ ܫ̈ܢܝܢ܂
09:23 [ai]ܘܫܕܪ ܐܠܗܐ ܪܘܚܐ ܒܝܫܬܐ ܥܠ ܐܒܝܡܠܟ ܘܥܠ ܡܪ̈ܝܗ ܕܫܟܝܡ܂ ܘܕܓܠܘ ܡܪ̈ܝܗ ܕܫܟܝܡ ܒܐܒܝܡܠܟ܂
09:24 [ai]ܡܛܠ ܕܢܐܬܐ ܥܘܠܐ ܕܫܒܥܝܢ ܒ̈ܢܘܗܝ ܕܢܕܘܒܥܠ ܘܕܡܗܘܢ܂ ܠܡܣܡ ܥܠ ܐܒܝܡܠܟ ܐܚܘܗܘܢ ܕܩܛܠ ܐܢܘܢ܂ ܘܥܠ ܡܪ̈ܝܗ ܕܫܟܝܡ ܕܚܝܠܘ ܐ̈ܝܕܘܗܝ ܕܢܩܛܠ ܠܐܚ̈ܘܗܝ܂
09:25 [ai]ܘܐܟܡܢܘ/ܕܐܟܡܢܘ#3#/ ܠܗ/ܥܠܘܗܝ#3#/ ܟܡܐܢܐ ܥܠ ܪܝܫ ܛܘܪܐ܂ ܘܚܛܦܘ ܟܠ ܕܥܒܪ ܥܠܝܗܘܢ ܒܐܘܪܚܐ܂ ܘܐܬܚܘܝ ܠܐܒܝܡܠܟ܂
09:26 [ai]ܘܐܬܐ ܓܥܠ ܒܪ ܥܦܪ ‍<‍ܗܘ#3#‍>‍ ܘܐ̈ܚܘܗܝ ܘܥܒܪ ܒܫܟܝܡ܂ ܘܐܬܬܟܠܘ ܥܠܘܗܝ ܡܪ̈ܝܗ ܕܫܟܝܡ܂
09:27 [ai]ܘܢܦܩܘ ܠܕܒܪܐ܂ ܘܩܛܦܘ ܟܪ̈ܡܝܗܘܢ ܘܥܨܪܘ ܘܥܒܕܘ ܚܠܘܠܐ܂ ܘܥܠܘ ܠܒܝܬ ܐ̈ܠܗܝܗܘܢ ܘܠܥܣܘ ܘܐܫܬܝܘ܂ ܘܨܚܝܘ ܠܐܒܝܡܠܟ܂
09:28 [ai]ܘܐܡܪ ܓܥܠ ܒܪ ܥܦܪ܂ ܡܢܘ ܐܒܝܡܠܟ܂ ܘܡܢܘ ܫܟܝܡ ܕܢܦܠܚܝܘܗܝ܂ ܠܐ ܗܘܐ ܒܪ ܢܕܘܒܥܠ ܘܙܟܠ ܕܫܢܝ ܦܘܩܕܢܗ܂ ܦܠܚ ܠܐܢܫ̈ܝ ܚܡܘܪ ܐܒܘܗܝ ܕܫܟܝܡ܂ ܡܛܘܠ ܡܢܐ ܢܦܠܚܝܘܗܝ ܚܢܢ܂
09:29 [ai]ܡܿܢ ܕܝܢ ܐܫܠܡܗ ܠܥܡܐ ܗܢܐ ܒܐ̈ܝܕ܂ ܘܐܥܒܪܬܗ ܠܐܒܝܡܠܟ܂ ܘܐܡܪ ܠܐܒܝܡܠܟ܂ ܐܣܓܐ ܚܝܠܟ ܘܦܘܩ܂
09:30 [ai]ܘܫܡܥ ܙܟܠ ܫܠܝܛܐ ܕܩܪܝܬܐ ܡ̈ܠܘܗܝ ܕܓܥܠ ܒܪ ܥܦܪ܂ ܘܐܬܚܡܬ ܪܘܓܙܗ܂
09:31 [ai]ܘܫܕܪ ܐܝ̈ܙܓܕܐ ܠܘܬ ܐܒܝܡܠܟ ܒܢܟܠܐ ܘܐܡܪ܂ ܗܐ ܓܥܠ ܒܪ ܥܦܪ ܗܘ ܘܐܚ̈ܘܗܝ ܐܬܘ ܠܫܟܝܡ܂ ܘܗܐ ܚܕܝܪܝܢ/ܚܕܪܝܢ#3#/ ܠܩܪܝܬܐ ܥܠܝܟ܂
09:32 [ai]ܗܫܐ ܩܘܡ/ܩܕܡ#3#/ ܒܠܠܝܐ ܐܢܬ ܘܥܡܐ ܕܥܡܟ܂ ܘܐܬܟܡܢܘ ܒܕܒܪܐ/ܒܡܕܒܪܐ#3#/܂
09:33 [ai]ܘܒܨܦܪܐ ܡܐ ܕܕܢܚܬ ܫܡܫܐ܂ ܩܘܡ ܘܗܠܟ ܥܠ ܩܪܝܬܐ܂ ܘܗܐ ܗܘ ܘܥܡܐ ܕܥܡܗ ܢܦܩܝܢ ܠܘܬܟ܂ ܥܒܕ ܠܗܘܢ ܐܝܟ ܡܐ ܕܣܦܩܐ ܒܐ̈ܝܕܝܟ܂
09:34 [ai]ܘܩܡ ܐܒܝܡܠܟ ܘܟܠܗ ܥܡܐ ܕܥܡܗ ܒܠܠܝܐ܂ ܘܐܬܟܡܢܘ ܥܠ ܫܟܝܡ ܐܪܒܥܐ ܪ̈ܫܝܢ܂
09:35 [ai]ܘܢܦܩ ܓܥܠ ܒܪ ܥܦܪ ܘܩܡ ܒܡܥܠܢܐ ܕܬܪܥܐ ܕܩܪܝܬܐ܂ ܘܩܡ ܐܒܝܡܠܟ ܘܥܡܐ ܕܥܡܗ ܡܢ ܟܡܐܢܐ܂
09:36 [ai]ܘܚܙܐ ܓܥܠ ܠܥܡܐ ܘܐܡܪ ܠܙܟܠ܂ ܗܐ ܥܡܐ ܢܚܬܝܢ ܡܢ ܪ̈ܝܫܝ ܛܘܪ̈ܐ܂ ܘܐܡܪ ܠܗ ܙܟܠ܂ ܛܠܠܐ ܗܘ ܕܛܘܪ̈ܐ ܚܙܐ ܐܢܬ ܐܝܟ ܐܢܫ̈ܐ܂
09:37 [ai]ܘܐܘܣܦ ܓܥܠ ܘܐܡܪ ܠܙܟܠ܂ ܗܐ ܥܡܐ ܢܚܬܝܢ ܡܢ ܬܘܩܢܗܿ ܕܐܪܥܐ܂ ܘܪܫܐ ܚܕ ܐܬܐ ܡܢ ܐܘܪܚܐ ܕܒܝܬ ܒܠܘܛܐ ܕܡܥܘܢܝܢ܂
09:38 [ai]ܐܡܪ ܠܗ ܙܟܠ܂ ܐܝܟܐ ܗܘ ܦܘܡܟ ܗܘ ܕܐܡܪ ܗܘܐ܂ ܕܡܢܘ/ܡܢܘ#3#/ ܐܒܝܡܠܟ ܕܢܦܠܚܝܘܗܝ܂ ܠܐ ܗܘܐ ܗܢܐ ܥܡܐ ܕܐܣܠܝܬ܂ ܦܘܩ ܗܫܐ ܘܐܬܟܬܫ ܥܡܗ܂
09:39 [ai]ܘܢܦܩ ܓܥܠ ܩܕܡ ܡܪ̈ܝܗ ܕܩܪܝܬܐ/ܕܫܟܝܡ#3#/܂ ܘܐܬܟܬܫ ܥܡ ܐܒܝܡܠܟ܂
09:40 [ai]ܘܪܕܦܗ ܐܒܝܡܠܟ ܘܥܪܩ ܡܢ ܩܕܡܘܗܝ܂ ܘܢܦܠܘ ܩ̈ܛܝܠܐ ܣ̈ܓܝܐܐ܂ ܥܕܡܐ ܠܡܥܠܢܐ ܕܬܪܥܐ܂
09:41 [ai]ܘܐܝܬܒ ܐܒܝܡܠܟ ܒܐܕܘܡܐ܂ ܘܛܪܕ ܙܟܠ ܠܓܥܠ ܘܠܐ̈ܚܘܗܝ ܕܠܐ ܢܬܒܘܢ ܒܫܟܝܡ܂
09:42 [ai]ܘܗܘܐ ܡܢ ܒܬܪ ܝܘܡܐ܂ ܘܢܦܩܘ ܥܡܐ ܠܕܒܪܐ܂ ܘܚܘܝܘ ܠܐܒܝܡܠܟ܂
09:43 [ai]ܘܕܒܪ ܠܥܡܐ ܘܦܠܓ ܐܢܘܢ ܠܬܠܬܐ ܪ̈ܫܝܢ ܘܐܬܟܡܢܘ ܒܕܒܪܐ܂ ܘܚܙܐ ܘܗܐ ܥܡܐ ܢܦܩ ܡܢ ܩܪܝܬܐ܂ ܘܩܡ ܥܠܝܗܘܢ ܘܩܛܠ ܐܢܘܢ܂
09:44 [ai]ܘܐܒܝܡܠܟ ܘܪ̈ܝܫܐ ܕܥܡܗ܂ ܗܠܟܘ ܘܩܡܘ ܒܡܥܠܢܐ ܕܬܪܥܐ ܕܩܪܝܬܐ܂ ܘܬܪ̈ܝܢ ܪ̈ܝܫܝܢ ܗܠܟܘ ܥܠ ܟܠ ܕܒܡܕܒܪܐ܂ ܘܩܛܠܘ ܐܢܘܢ܂
09:45 [ai]ܘܐܒܝܡܠܟ ܐܬܟܬܫ ܒܩܪܝܬܐ ܟܠܗ ܝܘܡܐ ܗܘ܂ ܘܟܒܫܗܿ ܠܩܪܝܬܐ܂ ܘܠܟܠܗ ܥܡܐ \ܕܐܝܬ ܒܗܿ /ܒܗ#3#/ ܩܛܠ܂ ܘܥܩܪܗܿ ܠܩܪܝܬܐ ܘܙܪܥܗܿ ܡܠܘܚܐ܂
09:46 [ai]ܘܫܡܥܘ ܟܠܗܘܢ ܡܪ̈ܝܗ ܕܡܓܕܠ ܫܟܝܡ܂ ܘܐܬܘ ܠܡܦܣܩ ܒܝܬ ܐܝܠ/ܒܒܝܬ ܐܝܠ#3#/ ܩܝܡܐ܂
09:47 [ai]ܘܚܘܝܘ ܠܐܒܝܡܠܟ ܕܐܬܟܢܫܘ ‍<‍ܟܠܗܘܢ#3#‍>‍ ܡܪ̈ܝܗ ܕܡܓܕܠ ܫܟܝܡ܂
09:48 [ai]ܘܣܠܩ ܐܒܝܡܠܟ ܠܛܘܪܐ ܕܨܠܡܘܢ܂ ܘܟܠܗ ܥܡܐ ܕܥܡܗ܂ ܘܢܣܒ ܐܒܝܡܠܟ ܢܪܓܐ ܒܐܝܕܗ ܘܦܣܩ ܣܘܟܬܐ ܕܩܝ̈ܣܐ ܘܫܩܠܗܿ ܘܣܡܗܿ ܥܠ ܟܬܦܗ܂ ܘܐܡܪ ܠܥܡܐ ܕܥܡܗ܂ ܡܐ ܕܚܙܝܬܘܢ ܕܥܒܕܬ܂ ܥܒܕܘ ܐܦ ܐܢܬܘܢ ܒܥܓܠ ܐܟܘܬܝ܂
09:49 [ai]ܘܦܣܩܘ ܓܒܪ ܣܘܟܬܗ܂ ܘܐܙܠܘ ܒܬܪ ܐܒܝܡܠܟ܂ ܘܣܡܘ ܟܫܝܬܐ܂ ܘܐܘܩܕܘܗ ܠܩܪܝܬܐ ܒܢܘܪܐ܂ ܘܡܝܬܘ ܟܠܗܘܢ ܐܢܫܐ ܕܐܝܬ ‍<‍ܗܘܘ#3#‍>‍ ܒܡܓܕܠ ܫܟܝܡ ܒܢܘܪܐ܂ ܐܝܟ ܐܠܦ ܒܝܬ ܓܒܪ̈ܐ ܠܢܫ̈ܐ܂
09:50 [ai]ܘܐܙܠ ܐܒܝܡܠܟ ܠܬܒܨ܂ ܘܫܪܐ ܒܬܒܨ܂ ܘܐܚܕܗܿ܂
09:51 [ai]ܘܡܓܕܠܐ ܥܫܝܢܐ ܗܘܐ \ܒܓܘܗܿ ܕܩܪܝܬܐ /ܒܓܘ ܩܪܝܬܐ#3#/܂ ܘܥܪܩܘ ܠܬܡܢ ܟܠܗܘܢ ܓܒܪ̈ܐ ܘܢܫ̈ܐ܂ ܘܟܠܗܘܢ ܡܪ̈ܝܗ ܕܩܪܝܬܐ܂ ܘܐܚܕܘ ܒܐ̈ܦܝܗܘܢ܂ ܘܣܠܩܘ ܠܐܓܪܐ ܕܡܓܕܠܐ܂
09:52 [ai]ܘܡܛܝ ܐܒܝܡܠܟ ܥܕܡܐ ܠܡܓܕܠܐ܂ ܘܡܬܟܬܫ ܒܗ܂ ܘܩܪܒ ܥܕܡܐ ܠܬܪܥܐ ܕܡܓܕܠܐ ܕܢܘܩܕܝܘܗܝ ܒܢܘܪܐ܂
09:53 [ai]ܘܫܕܬ ܐܢܬܬܐ ܚܕܐ ܬܒܪܐ ܕܪܟܒܐ ܕܪܚܝܐ ܥܠ ܪܝܫܗ ܕܐܒܝܡܠܟ܂ ܘܬܒܪܬܗ ܠܪܝܫܗ܂
09:54 [ai]ܘܩܪܐ ܡܣܪܗܒܐܝܬ ܠܛܠܝܐ ܫܿܩܠ/ܕܫܩܠ#2#/ ܡܐ̈ܢܘܗܝ ܘܐܡܪ ܠܗ܂ ܫܡܘܛ ܣܝܦܟ ܘܩܛܘܠܝܢܝ ܒܗ܂ ܕܠܐ ܢܐܡܪܘܢ ܥܠܝ ܕܐܢܬܬܐ ܩܛܠܬܗ܂ ܘܕܩܪܗ ܥܠܝܡܐ/ܛܠܝܐ#3#/ ܘܡܝܬ܀܀
09:55 [ai]ܘܚܙܘ ܒ̈ܢܝ ܐܝܣܪܝܠ ܕܡܝܬ ܠܗ ܐܒܝܡܠܟ܂ ܘܐܙܠܘ ܐܢܫ ܠܐܬܪܗ܂
09:56 [ai]ܘܦܪܥܗ ܐܠܗܐ ܒܝܫܬܐ ܠܐܒܝܡܠܟ ܕܥܒܕ ܠܐܒܘܗܝ܂ ܘܩܛܠ ܫܒܥܝܢ/ܠܫܒܥܝܢ#3#/ ܐ̈ܚܘܗܝ܂
09:57 [ai]ܘܟܠܗܿ ܒܝܫܬܐ ܕܥܒܕܘ ܐܢܫ̈ܝ ܫܟܝܡ܂ ܐܗܦܟ ܐܠܗܐ ܒܪܝܫܗܘܢ܂ ܘܐܬܬ ܥܠܝܗܘܢ ܟܠܗܿ ܠܘܛܬܗ ܕܝܘܬܡ ܒܪ ܢܕܘܒܥܝܠ܂

next chapter