The Comprehensive Aramaic Lexicon

10:01 [ai]	ܘܩܡ ܡܢ ܒܬܪ ܐܒܝܡܠܟ ܠܡܦܪܩ ܠܐܝܣܪܝܠ܂ ܬܘܠܥ ܒܪ ܦܘܐܐ܂ ܒܪ ܕܕܗ ܓܒܪܐ ܡܢ ܐܝܣܟܪ܂ ܘܗܘ ܝܬܒ ܗܘܐ ܒܫܡܝܪ/ܒܫܡܪܝܢ#2#/ ܛܘܪܐ ܕܐܦܪܝܡ܂
10:02 [ai]	ܘܕܢ ܠܐܝܣܪܐܝܠ ܥܣܪ̈ܝܢ ܘܬܠܬ ܫ̈ܢܝܢ܂ ܘܡܝܬ ܘܐܬܩܒܪ ܒܫܡܝܪ/ܒܡܫܝܪ#2#/܀
10:03 [ai]	ܘܩܡ ܡܢ ܒܬܪܗ ܝܐܝܪ ܓܠܥܕܝܐ܂ ܘܕܢ ܠܐܝܣܪܝܠ ܥܣܪ̈ܝܢ ܘܬܪ̈ܬܝܢ ܫܢܝ̈ܢ܂
10:04 [ai]	ܘܗܘܘ ܠܗ ܬܠܬܝܢ ܒܢܝܢ܂ ܘܪ̈ܟܝܒܝܢ ܗܘܘ ܥܠ ܬܠܬܝܢ ܥܝ̈ܠܝܢ܂ ܘܬܠܬܝܢ ܩܘܪ̈ܝܐ ܐܝܬ ܗ̈ܘܝ ܠܗܘܢ܂ ܘܩܪܝܢ ܗܘܘ ܠܗܝܢ ܟܦܪ̈ܘܢܐ ܕܝܐܝܪ ܥܕܡܐ ܠܝܘܡܢܐ܂ ܕܒܐܪܥܐ/ܒܐܪܥܐ#2#/ ܕܓܠܥܕ܂
10:05 [ai]	ܘܡܝܬ ܝܐܝܪ ܘܐܬܩܒܪ ܒܩܡܘܢ܀
10:06 [ai]	ܘܐܘܣܦܘ ܒ̈ܢܝ ܐܝܣܪܝܠ ܠܡܥܒܕ ܕܒܝܫ ܩܕܡ ܡܪܝܐ܂ ܘܦܠܚܘ ܠܒܥܠܐ ܘܠܐܣܬܪ̈ܬܐ ܘܠܐ̈ܠܗܐ ܕܐܕܘܡ ܘܠܐ̈ܠܗܐ ܕܨܝܕܢ ܘܠܐ̈ܠܗܐ ܕܡܘܐܒ ܘܠܐ̈ܠܗܐ ܕܒܢ̈ܝ ܥܡܘܢ܂ ܘܠܐ̈ܠܗܐ ܕܦܠܫ̈ܬܝܐ܂ ܘܠܐ̈ܠܗܐ ܕܫܪܟܐ ܕܥܡ̈ܡܐ܂ ܘܫܒܩܘ ܠܡܪܝܐ ܘܠܐ ܦܠܚܘܗܝ܂
10:07 [ai]	ܘܐܬܚܡܬ ܪܘܓܙܗ ܕܡܪܝܐ ܥܠ ܐܝܣܪܝܠ܂ ܘܐܫܠܡ ܐܢܘܢ ܒܐܝܕܐ ܕܦܠܫ̈ܬܝܐ܂ ܘܒܐܝܕܐ ܕܒܢ̈ܝ ܥܡܘܢ܂
10:08 [ai]	ܘܥܨܘ ܘܐܠܨܘ \ܠܒܢ̈ܝ ܐܝܣܪܝܠ /ܠܝܣܪܝܠ#3#/ ܡܢ ܗܝ ܫܢܬܐ ܬܡܢܥܣܪܐ ܫܢܝ̈ܢ܂ ܠܟܠܗܘܢ ܒܢ̈ܝ ܐܝܣܪܝܠ ܕܒܥܒܪܐ ܕܝܘܪܕܢܢ܂ ܒܐܪܥܐ ܕܐܡܘܪ̈ܝܐ ܕܒܓܠܥܕ/ܘܕܓܠܥܕ#3#/܂
10:09 [ai]	ܘܥܒܪܘ ܒܢ̈ܝ ܥܡܘܢ ܝܘܪܕܢܢ܂ ܠܡܬܟܬܫܘ ܥܡ/ܥܠ#1##2#/ ܝܗܘܕܐ܂ ܘܐܦ ܥܡ ܒܢ̈ܝ ܐܦܪܝܡ ܘܒܢܝܡܝܢ܂ ܘܥܩܬ ܠܐܝܣܪܝܠ ܛܒ܂
10:10 [ai]	ܘܐܙܥܩܘ ܒ̈ܢܝ ܐܝܣܪܝܠ ܠܘܬ ܡܪܝܐ ܘܐܡܪ̈ܝܢ܂ ܚܛܝܢ ܠܟ ܕܫܒܩܢ ܠܐܠܗܢ܂ ܘܦܠܚܢ ܠܒܥܠܐ܀
10:11 [ai]	ܘܐܡܪ ܡܪܝܐ ܠܒܢ̈ܝ ܐܝܣܪܝܠ܂ ܠܐ ܡܨܪ̈ܝܐ ܘܡܘܐ̈ܒܝܐ ܘܒܢ̈ܝ ܥܡܘܢ ܘܦܠܫ̈ܬܝܐ
10:12 [ai]	ܘܨܝ̈ܕܢܝܐ ܘܥܡܠܝܩ ܘܥܡܘܢ ܐܠܨܟܘܢ܂ ܘܓܥܝܬܘܢ ܠܘܬܝ ܘܦܪܩܬܟܘܢ ܡܢ ܐ̈ܝܕܝܗܘܢ܂
10:13 [ai]	ܘܐܢܬܘܢ ܫܒܩܬܘܢܢܝ ܘܦܠܚܬܘܢ ܠܐ̈ܠܗܐ ܐܚܪ̈ܢܐ܂ ܡܛܠ ܗܢܐ ܠܐ ܐܘܣܦ ܬܘܒ ܕܐܦܪܘܩܟܘܢ/ܐܦܪܘܩܟܘܢ#3#/܂
10:14 [ai]	ܙܠܘ ܨܠܘ ܠܘܬ ܐ̈ܠܗܐ ܕܨܒܝܬܘܢ ܒܗܘܢ܂ ܗܢܘܢ ܢܗܘܘܢ ܠܟܘܢ ܦܪ̈ܘܩܐ ܒܙܒܢܐ ‍<‍ܗܢܐ#3#‍>‍ ܕܥܩܬܟܘܢ܂
10:15 [ai]	ܘܐܡܪܘ ܒܢ̈ܝ ܐܝܣܪܝܠ ܠܡܪܝܐ܂ ܚܛܝܢ ܠܟ܂ ܐܢܬ ܥܒܕ ܠܢ ܡܕܡ ܕܫܦܝܪ ܒܥܝܢ̈ܝܟ܂ ܒܠܚܘܕ ܦܨܢ ܝܘܡܢܐ܂
10:16 [ai]	ܘܐܦܪܩܘ ܒ̈ܢܝ ܐܝܣܪܝܠ ܐ̈ܠܗܐ ܢܘܟܪ̈ܝܐ ܡܢ ܒܝܢܬܗܘܢ ܘܦܠܚܘ ܠܡܪܝܐ܂ ܡܛܠ ܕܐܬܬܥܝܩܬ ܢܦܫܗ ܕܐܝܣܪܝܠ܂
10:17 [ai]	ܘܐܬܟܢܫܘ ܒܢ̈ܝ ܥܡܘܢ ܘܫܪܘ ܒܓܠܥܕ/ܒܓܒܥ#3#/܂ ܘܐܬܟܢܫܘ ܒܢ̈ܝ ܐܝܣܪܝܠ ܘܫܪܘ ܒܡܨܦܝܐ܂
10:18 [ai]	ܘܐܡܪܘ ܥܡܐ ܪ̈ܘܪܒܢܝ ܓܠܥܕ ܐܢܫ ܠܚܒܪܗ܂ ܐܝܢܐ ܓܒܪܐ ܕܢܫܪܐ ܠܡܬܟܬܫܘ ܥܡ ܒܢ̈ܝ ܥܡܘܢ܂ ܗܘ ܢܗܘܐ ܪܝܫܐ ܠܟܠ ܝ̈ܬܒܝ ܓܠܥܕ܀܀

next chapter