The Comprehensive Aramaic Lexicon

12:01 [ai]	ܘܩܥܘ ܓܒܪ̈ܐ ܕܐܦܪܝܡ ܘܥܒܪܘ ܠܓܪܒܝܐ܂ ܘܐܡܪܘ ܠܢܦܬܚ܂ ܠܡܢܐ ܥܒܪܬ ܠܡܬܟܬܫܘ ܥܡ/ܥܠ#2#/ ܒܢ̈ܝ ܥܡܘܢ܂ ܘܠܢ ܠܐ ܩܪܝܬ ܠܡܐܙܠ/ܕܢܐܙܠ#3#/ ܥܡܟ܂ ܒܝܬܟ ܡܘܩܕܝܢܢ ܥܠܝܟ ܒܢܘܪܐ܂
12:02 [ai]	ܘܐܡܪ ܠܗܘܢ ܢܦܬܚ܂ ܓܒܪ̈ܐ܂ ܢܨܐ ܗܘܝܬ ܐܢܐ ܘܥܡܝ ܥܡ ܒ̈ܢܝ ܥܡܘܢ܂ ܘܩܪܝܬܟܘܢ ܘܠܐ ܦܪܩܬܘܢܢܝ ܡܢ ܐ̈ܝܕܝܗܘܢ܂
12:03 [ai]	ܘܟܕ ܚܙܝܬ ܕܠܝܬ ܡܿܢ ܕܦܪܩ ܠܝ܂ ܣܡܬ ܢܦܫܝ ܒܙܘܪ̈ܝ/ܒܙܘܪ̈ܬܝ/ ܘܥܒܪܢ ܥܠ ܒܢ̈ܝ ܥܡܘܢ܂ ܘܐܫܠܡ ܐܢܘܢ ܡܪܝܐ ܒܐ̈ܝܕܝ܂ ܘܗܫܐ ܠܡܢܐ ܣܠܩܬܘܢ ܥܠܝ ܝܘܡܢܐ܂ ܕܬܬܟܬܫܘܢ ܥܡܝ܂
12:04 [ai]	ܘܟܢܫ ܢܦܬܚ ܠܟܠܗܘܢ ܐܢܫܐ ܕܓܠܥܕ܂ ܘܐܬܟܬܫ ܥܡ ܐܦܪܝܡ܂ ܘܡܚܘ ܐܢܫ̈ܝ ܓܠܥܕ ܠܐ̈ܢܫܝ/ܐ̈ܢܫܝ#3#/ ܐܦܪܝܡ܂ ܡܛܠ ܕܐܡܪ̈ܝܢ ܕܐܦܪ̈ܡܝܐ/ܕܐܦܪ̈ܬܝܐ#3#/ ܐܢܘܢ ܕܒܝܬ ܐܦܪܝܡ ܘܡܢܫܐ܂
12:05 [ai]	ܘܐܚܕܘ ܓܠܥܕ̈ܝܐ ܠܡܥܒܪܬܐ ܕܝܘܪܕܢܢ ܕܐܦܪܝܡ܂ ܘܡܐ ܕܥܒܪܝܢ ܗܘܘ ܒܡܥܒܪܬܐ ܐܝܠܝܢ ܕܡܬܦܠܛܝܢ ܗܘܘ ܡܢ ܐܦܪܝܡ ܠܡܥܒܪ܂ ܡܫܐܠܝܢ ܗܘܘ ܠܗ ܐܢܫ̈ܝ ܓܠܥܕ܂ ܐܦܪܡܝܐ/ܐܦܪܘܬܝܐ#3#/ ܐܢܬ܂
12:06 [ai]	ܐܡܿܪ ܠܐ܂ ܐܡܪ̈ܝܢ ܠܗ܂ ܐܡܪ ܫܒ̈ܠܐ܂ ܐܡܿܪ ܣܒ̈ܠܐ܂ ܡܛܠ ܕܠܐ ܓܝܪ ܡܫܟܚ ܗܘܐ ܠܡܡܠܠܘ ܗܟܢܐ܂ ܘܐܥܒܪܘܗܝ ܘܢܟܣܘܗܝ ܥܠ ܡܥܒܪܬܐ ܕܝܘܪܕܢܢ܀܀܂ ܘܢܦܠܘ ܒܙܒܢܐ ܗܘ ܡܢ ܐܦܪܝܡ܂ ܐܪ̈ܒܥܝܢ ܘܬܪ̈ܝܢ ܐ̈ܠܦܝܢ܂
12:07 [ai]	ܘܕܢ ܢܦܬܚ ܠܐܝܣܪܝܠ ܫܬ ܫܢܝ̈ܢ܂ ܘܡܝܬ ܢܦܬܚ ܓܠܥܕܝܐ܂ ܘܐܬܩܒܪ ܒܩܪܝܬܐ ܕܓܠܥܕ܀܀܂
12:08 [ai]	ܘܕܢ ܡܢ ܒܬܪܗ ܠܐܝܣܪܝܠ܂ ܐܒܝܨܢ ܕܡܢ ܒܝܬ ܠܚܡ܂
12:09 [ai]	ܘܗܘܘ ܠܗ ܬܠܬܝܢ ܒܢܝܢ ܘܬܠܬܝܢ ܒܢ̈ܢ܂ ܘܬܠܬܝܢ ܒܢ̈ܬܗ ܐܦܩ ܠܒܪ܂ ܘܬܠܬܝܢ ܟ̈ܠܠܢ ܐܥܠ ܡܢ ܠܒܪ܂ ܘܕܢ ‍<‍ܗܘܐ#3#‍>‍ ܠܐܝܣܪܝܠ ܫܒܥ ܫܢ̈ܝܢ܂
12:10 [ai]	ܘܡܝܬ ܐܒܝܨܢ ܘܐܬܩܒܪ ܒܝܬ ܠܚܡ/ܒܒܝܬ ܠܚܡ#3#/܂܀܀
12:11 [ai]	ܘܕܢ ܡܢ ܒܬܪܗ ܠܐܝܣܪܝܠ܂ ܐܠܘܢ ܕܡܢ ܙܒܘܠܘܢ ܥܣܪ ܫܢܝ̈ܢ܂
12:12 [ai]	ܘܡܝܬ ܐܠܘܢ ܕܡܢ ܙܒܘܠܘܢ܂ ܘܐܬܩܒܪ ܒܐܝܠܘܢ ܒܐܪܥܐ ܕܙܒܘܠܘܢ܂
12:13 [ai]	ܘܕܢ ܡܢ ܒܬܪܗ ܠܐܝܣܪܝܠ܂ ܥܟܪܢ ܒܪ ܗܠܝܢ ܐܦܪܥܬܘܢܝܐ܂
12:14 [ai]	ܘܗܘܘ ܠܗ ܐܪ̈ܒܥܝܢ ܒܢܝܢ܂ ܘܬܠܬܝܢ ܒܢ̈ܝ ܒܢ̈ܘܗܝ܂ ܘܗܘܘ ܪ̈ܟܝܒܝܢ/ܪܟܒܝܢ#3#/ ܥܠ ܫܒܥܝܢ ܥ̈ܝܠܝܢ܂ ܘܕܢ ܠܐܝܣܪܝܠ ܬܡܢܐ ܫܢ̈ܝܢ܂
12:15 [ai]	ܘܡܝܬ ܥܟܪܢ ܒܪ ܗܠܝܢ ܐܦܪܥܬܘܢܝܐ܂ ܘܐܬܩܒܪ ܒܐܦܪܥܬܘܢ܂ ܒܐܪܥܐ ܕܐܦܪܝܡ ܒܛܘܪܐ ܕܥܡ̈ܠܩܝܐ/ܕܥܡܠܩ#3#/܀܀܀܂

next chapter