← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܘܗܘܐ ܓܒܪܐ ܚܕ ܡܢ ܛܘܪܐ ܕܐܦܪܝܡ ܘܫܡܗ ܡܝܟܐ܂
17:02 [ai]ܘܐܡܪ ܠܐܡܗ܂ ܐܠܦ ܘܡܐܐ ܕܟܣܦܐ ܕܐܬܢܣܒ ܠܟܝ ܘܐܢܬܝ ܐܝܡܝܬܝ ܘܐܦ ܐܡܪܬܝ ܒܐ̈ܕܢܝ ܗܘ ܟܣܦܐ ܐܢܐ ܢܣܒܬܗ܂ ܘܐܡܪܬ ܐܡܗ ܒܪܝܟ ܒܪܝ ܠܡܪܝܐ܂
17:03 [ai]ܘܦܢܝ ܐܠܦ ܘܡܐܐ ܕܟܣܦܐ ܠܐܡܗ ܘܐܡܪܬ ܐܡܗ܂ ܡܩܕܫܘ ܩܕܫܬ ܟܣܦܐ ܠܡܪܝܐ ܡܢ ܐ̈ܝܕܝ ܒܪܝ܂ ܕܐܥܒܕ ܨܠܡܐ ܓܠܝܦܐ ܘܢܣܝܟܐ܂ ܘܗܫܐ ܦܢܝܗܝ ܠܝ܂
17:04 [ai]ܘܦܢܝ ܟܣܦܐ ܠܐܡܗ܂ ܘܢܣܒܬ ܐܡܗ ܡܐܬܝܢ ܕܟܣܦܐ ܘܝܗܒܬ ܠܩܝܢܝܐ܂ ܘܥܒܕ ܨܠܡܐ ܓܠܝܦܐ ܘܢܣܝܟܐ܂ ܘܗܘܐ ܒܒܝܬ ܡܝܟܐ܂
17:05 [ai]ܘܓܒܪܐ ܡܝܟܐ ܐܝܬ ܗܘܐ ܠܗ ܒܝܬ ܐܠܗܐ܂ ܘܥܒܕ ܦܕܬܐ ܘܦܪܝܣܐ܂ ܘܫܡܠܝ ܐܝܕܐ ܕܚܕ ܡܢ ܒܢ̈ܘܗܝ܂ ܘܗܘܐ ܠܗ ܟܘܡܪܐ܂
17:06 [ai]ܒܝ̈ܘܡܬܐ ܗܢܘܢ ܠܝܬ ܗܘܐ ܡܠܟܐ ܒܝܬ ܐܝܣܪܝܠ܂ ܘܟܠ ܐܢܫ ܡܕܡ ܕܫܦܝܪ ܒܥܝܢ̈ܘܗܝ ܥܒܕ ܗܘܐ܀܀
17:07 [ai]ܘܗܘܐ ܥܠܝܡܐ ܚܕ ܡܢ ܒܝܬ ܠܚܡ ܕܝܗܘܕܐ܂ ܘܫܡܗ ܠܘܝ܂ ܘܥܡܪ ܗܘܐ ܬܡܢ܂
17:08 [ai]ܘܐܙܠ ܓܒܪܐ ܡܢ ܩܪܝܬܐ ܡܢ ܒܝܬ ܠܚܡ ܕܝܗܘܕܐ܂ ܠܡܥܡܪ ܐܝܟܐ ܕܡܫܟܚ܂ ܘܡܛܐ ܠܛܘܪܐ ܕܐܦܪܝܡ ܥܕܡܐ ܠܒܝܬ ܡܝܟܐ ܠܡܣܥܪ ܐܘܪܚܗ܂
17:09 [ai]ܘܐܡܪ ܠܗ ܡܝܟܐ܂ ܐܝܡܟܐ ܐܬܐ ܐܢܬ܂ ܐܡܪ ܠܗ܂ ܠܘܝܐ ܐܢܐ ܡܢ ܒܝܬ ܠܚܡ ܕܝܗܘܕܐ܂ ܘܐܙܠ ܐܢܐ ܠܡܥܡܪ ܐܝܟܐ ܕܡܫܟܚ ܐܢܐ܂
17:10 [ai]ܐܡܪ ܠܗ ܡܝܟܐ ܬܒ ܠܘܬܝ܂ ܘܗܘܝ ܠܝ ܐܝܟ ܐܒܐ ܘܟܘܡܪܐ܂ ܘܐܢܐ ܐܬܠ ܠܟ ܥܣܪܐ ܕܟܣܦܐ ܠܝ̈ܘܡܬܐ܂ ܘܡܐ̈ܢܝܟ ܘܬܘܪܣܝܟ܂ ܘܐܙܠ ܠܘܝ
17:11 [ai]ܘܐܬܛܦܝܣ ܠܡܬܒ ܥܡ ܓܒܪܐ܂ ܘܗܘܐ ܠܗ ܥܠܝܡܐ ܐܝܟ ܚܕ ܡܢ ܒܢ̈ܘܗܝ܂
17:12 [ai]ܘܫܡܠܝ ܡܝܟܐ ܐܝܕܗ ܕܠܘܝܐ܂ ܘܗܘܐ ܠܗ ܟܘܡܪܐ܂ ܘܗܘܐ ܠܗ ܒܒܝܬ ܡܝܟܐ܂
17:13 [ai]ܘܐܡܪ ܡܝܟܐ܂ ܗܫܐ ܝܕܥܬ ܕܡܛܐܒ ܠܝ ܡܪܝܐ ܕܗܘܐ ܠܝ ܠܘܝܐ ܟܘܡܪܐ

next chapter