← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܘܗܘܐ ܒܝ̈ܘܡܬܐ ܗܢܘܢ܂ ܘܡܠܟܐ ܠܝܬ ܗܘܐ ܒܝܬ ܐܝܣܪܝܠ܂ ܘܗܘܐ ܓܒܪܐ ܠܘܝ ܥܡܿܪ ‍<‍ܗܘܐ#3#‍>‍ ܒܫܦܘܠܐ ܕܛܘܪܐ܂ ܘܢܣܒ ܠܗ ܐܢܬܬܐ ܕܪܘܟܬܐ ܡܢ ܒܝܬ ܠܚܡ ܕܝܗܘܕܐ܂
19:02 [ai]ܘܙܢܝܬ ܥܠܘܗܝ ܕܪܘܟܬܗ܂ ܘܩܡܬ ܘܐܙܠܬ ܡܢ ܠܘܬܗ ܠܒܝܬ ܐܒܘܗ ܠܒܝܬ ܠܚܡ ܕܝܗܘܕܐ܂ ܘܗܘܬ ܬܡܢ ܝܘܡ̈ܬܐ ܝܪ̈ܚܐ ܐܪܒܥܐ܂
19:03 [ai]ܘܩܡ ܒܥܠܗܿ ܘܐܙܠ ܒܬܪܗܿ܂ ܕܢܡܠܐ ܒܠܒܗܿ ܘܢܝܬܝܗ܂ ܘܥܠܝܡܗ ܘܬܪ̈ܝܢ ܚܡܪ̈ܝܢ ܥܡܗ܂ ܘܐܥܠܬܗ ܠܒܝܬ/ܠܘܬ#3#/ ܐܒܘܗ܂ ܘܚܙܝܗܝ ܐܒܘܗ ܕܥܠܝܡܬܐ ܘܚܕܝ ܠܩܘܒܠܗ܂
19:04 [ai]ܘܐܚܕܗ ܚܡܘܗܝ ܐܒܘܗ ܕܥܠܝܡܬܐ܂ ܘܐܝܬܒ ܠܘܬܗ ܬܠܬܐ ܝܘܡ̈ܝܢ܂ ܘܠܥܣܘ ܘܐܫܬܝܘ ܘܒܬܘ ܬܡܢ܂
19:05 [ai]ܘܒܝܘܡܐ ܕܐܪܒܥܐ ܩܕܡ ܒܨܦܪܐ ܠܡܐܙܠ܂ ܘܐܡܪ ܐܒܘܗ ܕܥܠܝܡܬܐ ܠܚܬܢܗ܂ ܣܡܘܟ ܠܒܟ ܒܩܨܝܐ ܕܠܚܡܐ܂ ܘܗܝܕܝܢ ܬܩܘܡ ܘܬܐܙܠ܂
19:06 [ai]ܘܐܝܬܒܘ ܘܠܥܣܘ ܬܪ̈ܝܗܘܢ ܐܝܟ ܚܕܐ ܘܐܫܬܝܘ܂ ܘܐܡܪ ܐܒܘܗ ܕܥܠܝܡܬܐ ܠܚܬܢܗ܂ ܐܢ ܨܒܐ ܐܢܬ ܒܘܬ ܘܢܛܐܒ ܠܟ܂
19:07 [ai]ܘܩܡ ܓܒܪܐ ܠܡܐܙܠ܂ ܘܐܠܨܗ ܚܡܘܗܝ ܘܒܬ ܠܗ ܬܡܢ܂
19:08 [ai]ܘܩܕܡ ܒܨܦܪܐ ܒܝܘܡܐ/ܠܝܘܡܐ#3#/ ܕܚܡܫܐ ܠܡܐܙܠ܂ ܘܐܡܪ ܐܒܘܗ ܕܥܠܝܡܬܐ܂ ܣܡܘܟ ܠܒܟ ܘܐܬܟܪܟ ܥܕ ܨܠܐ ܝܘܡܐ܂ ܘܠܥܣܘ ܬܪ̈ܝܗܘܢ ܘܐܫܬܝܘ܀܂
19:09 [ai]ܘܩܡ ܓܒܪܐ ܠܡܐܙܠ܂ ܗܘ ܘܕܪܘܟܬܗ ܘܥܠܝܡܗ܂ ܘܐܡܪ ܠܗ ܚܡܘܗܝ ܐܒܘܗ ܕܥܠܝܡܬܐ܂ ܗܐ ܦܢܐ ܠܗ ܝܘܡܐ܂ ܒܘܬ ܗܪܟܐ ܘܢܛܐܒ ܠܟ܂ ܘܩܕܡܘ ܡܚܪ ܘܙܠܘ ܠܡܫܟܢܟܘܢ܂
19:10 [ai]ܘܠܐ ܨܒܐ ܓܒܪܐ ܠܡܒܬ܂ ܘܩܡ ܘܐܙܠ܂ ܘܡܛܝ ܠܘܩܒܠ ܝܒܘܣ ܕܗܝ ܗܝ ܐܘܪܫܠܡ܂ ܘܥܡܗ ܬܪ̈ܝܢ ܚܡܪ̈ܝܢ ܟܕ ܛܥܝܢ̈ܝܢ܂ ܘܕܪܘܟܬܗ ܥܡܗ܂
19:11 [ai]ܗܢܘܢ \ܥܠ ܓܢܒ /ܡܛܝܘ ܓܢܒ#2#/ ܝܒܘܣ܂ ܘܝܘܡܐ ܪܟܢ ܛܒ܀܀܂ ܘܐܡܪ ܥܠܝܡܐ ܠܡܪܗ܂ ܬܐ ܢܣܛܐ ܠܩܪܝܬܐ ܗܕܐ ܝܒܘܣ ܘܢܒܘܬ ܒܗܿ܂
19:12 [ai]ܘܐܡܪ ܠܗ ܡܪܗ܂ ܠܐ ܢܣܛܐ ܠܩܪܝܬܐ ‍<‍ܗܕܐ#2#‍>‍ ܢܘܟܪܝܬܐ ܕܠܐ ܗܘܬ ܡܢ ܕܒܝܬ/ܒܝܬ#3#/ ܐܝܣܪܝܠ܂ ܐܠܐ ܢܥܒܪ ܥܕܡܐ ܠܓܒܥ܂
19:13 [ai]ܘܐܡܪ ܠܗ ܡܪܗ܂ ܬܐ ܢܬܩܪܒ ܠܚܕ ܡܢ ܐܬܪ̈ܘܬܐ܂ ܘܢܒܘܬ ܒܓܒܥ/ܒܓܘܗ#3#/ ܐܘ ܒܪܡܬܐ܂
19:14 [ai]ܘܥܒܪܘ ܘܐܙܠܘ܂ ܘܥܪܒܬ ܠܗܘܢ ܫܡܫܐ ܥܠ ܓܢܒ ܓܒܥ ܕܒܢܝܡܝܢ܂
19:15 [ai]ܘܣܛܘ ܠܬܡܢ ܠܡܒܬ܂ ܘܥܠܘ ܠܓܒܥ܂ ܘܐܝܬܒܘ ܒܫܘܩܐ ܕܩܪܝܬܐ܂ ܘܠܝܬ ܐܢܫ ܕܡܥܠ ܠܗܘܢ ܠܒܝܬܐ ܠܡܒܬ܂
19:16 [ai]ܘܗܐ ܓܒܪܐ ܣܒܐ ܐܬܐ ܡܢ ܥܒܕܗ ܡܢ ܚܩܠܐ ܒܪܡܫܐ܂ ܘܓܒܪܐ ܡܢ ܛܘܪܐ ܗܘܐ ܕܐܦܪܝܡ܂ ܘܥܡܿܪ ܗܘܐ ܒܓܒܥ ܕܒܢܝܡܝܢ܂ ܘܐܢܫ̈ܘܗܝ ܕܐܬܪܐ ܒܢ̈ܝ ܒܢܝܡܝܢ ܒܝܫܝܢ ܗܘܘ ܥܒ̈ܕܝܗܘܢ ܛܒ܂
19:17 [ai]ܘܐܪܝܡ ܥܝܢ̈ܘܗܝ ܓܒܪܐ ܣܒܐ܂ ܘܚܙܐ ܐܪܚܐ ܒܫܘܩܐ ܕܩܪܝܬܐ܂ ܘܐܡܪ ܠܗ ܓܒܪܐ ܣܒܐ ܠܐܝܟܐ ܐܙܠ ܐܢܬ ܘܡܢ ܐܝܡܟܐ ܐܬܐ ܐܢܬ܂
19:18 [ai]ܐܡܪ ܠܗ܂ ܡܥܒܪ ܥܒܪܝܢܢ ܡܢ ܒܝܬ ܠܚܡ ܕܝܗܘܕܐ܂ ܥܕܡܐ ܠܫ̈ܦܘܠܝ ܛܘܪܐ܂ ܘܡܢ ܬܡܢ ܐܢܐ܂ ܘܐܙܠܬ ܥܕܡܐ ܠܒܝܬ ܠܚܡ ܕܝܗܘܕܐ܂ ܘܠܒܝܬܗ ܕܡܪܝܐ ܐܙܠ ܐܢܐ܂ ܘܠܝܬ ܐܢܫ ܕܡܥܠ ܠܢ ܠܒܝܬܐ܂
19:19 [ai]ܐܦ ܬܒܢܐ ܐܦ ܟܣܬܐ ܐܝܬ ܠܚܡܪ̈ܢ ܘܐܦ ܠܚܡܐ ܘܚܡܪܐ/ܐܦ ܚܡܪܐ#2#/ ܐܝܬ ܠܝ܂ ܘܠܐܡܬܟ ܘܠܥܠܝܡܐ ܥܒܕܟ܂ ܘܡܕܡ ܠܐ ܚܣܝܪ ܠܢ܂
19:20 [ai]ܐܡܪ ܠܗ ܓܒܪܐ ܣܒܐ܂ ܫܠܡ ܠܟ܂ ܟܘܠ ܡܕܡ ܕܚܣܝܪ ܥܠܝܟ/ܠܟ#3#/ ܐܢܐ ܐܬܠ܂ ܒܠܚܘܕ ܒܫܘܩܐ ܠܐ ܬܒܘܬ܂
19:21 [ai]ܘܐܥܠܗ ܠܒܝܬܗ܂ ܘܐܪܡܝ ܠܚܡܪܗ܂ ܘܐܫܝܓܘ ܪ̈ܓܠܝܗܘܢ ܘܠܥܣܘ ܘܐܫܬܝܘ܂
19:22 [ai]ܘܗܢܘܢ ܫܦܪ/ܫܦܝܪ#3#/ ܠܒܗܘܢ܂ ܘܗܐ ܐܢܫ̈ܝ ܩܪܝܬܐ ܓܒܪ̈ܐ ܥܘ̈ܠܐ ܐܬܟܪܟܘܗܝ ܠܒܝܬܐ ܘܥܠ ܬܪܥܐ ܡܬܟܬܫܝܢ܂ ܘܐܡܪܝܢ ܠܓܒܪܐ/ܓܒܪܐ#1##2#/ ܣܒܐ ܡܪܗ ܕܒܝܬܐ܂ ܐܦܩ ܠܢ ܠܓܒܪܐ ܕܥܠ ܠܒܝܬܟ ܘܢܕܥܝܘܗܝ܂
19:23 [ai]ܘܢܦܩ ܠܘܬܗܘܢ ܓܒܪܐ ܣܒܐ ܡܪܗ ܕܒܝܬܐ ܘܐܡܪ ܠܗܘܢ܂ ܠܐ ܐ̈ܚܝ ܠܐ ܬܒܐܫܘܢ ܗܟܢܐ܂ ܡܛܠ ܕܥܠ ܓܒܪܐ ܗܢܐ ܠܒܝܬܝ܂ ܠܐ ܬܥܒܕܘܢ ܨܥܪܐ ܗܢܐ܂
19:24 [ai]ܗܐ ܒܪܬܝ ܒܬܘܠܬܐ ܘܕܪܘܟܬܗ܂ ܐܦܩ ܐܢܝ̈ܢ ܘܨܥܪܘ ܐ̈ܢܝܢ ‍<‍ܠܟܘܢ#3#‍>‍܂ ܘܥܒܕܘ ‍<‍ܠܗܝܢ#3#‍>‍ ܡܕܡ ܕܫܦܝܪ ܒܥܝܢ̈ܝܟܘܢ܂ ܘܠܓܒܪܐ ܗܢܐ ܠܐ ܬܥܒܕܘܢ ܨܥܪܐ ܗܢܐ܂
19:25 [ai]ܘܠܐ ܨܒܘ ܓܒܪ̈ܐ ܗܢܘܢ/ܗܠܝܢ#3#/ ܠܡܫܡܥܗ܂ ܘܐܚܕ ܓܒܪܐ ܕܪܘܟܬܗ ܘܐܦܩܗܿ ܠܗܘܢ ܠܒܪ܂ ܘܚܟܡܘܗ ܘܐܫܬܢܕܘ ܒܗܿ ܟܠܗ ܠܠܝܐ܂ ܥܕܡܐ ܠܨܦܪܐ܂ ܘܫܒܩܘܗ ܟܕ ܣܠܩ ܨܦܪܐ܂
19:26 [ai]ܘܐܬܬ ܐܢܬܬܐ ܠܥܕܢ ܨܦܪܐ܂ ܘܢܦܠܬ ܒܬܪܥܐ ܕܓܒܪܐ܂ ܐܝܟܐ ܕܡܪܗܿ ܬܡܢ ܥܕܡܐ ܕܢܓܗܬ܂
19:27 [ai]ܘܩܡ ܡܪܗܿ ܒܨܦܪܐ܂ ܘܦܬܚ/ܕܢܦܬܚ#3#/ ܬܪܥܐ ܕܒܝܬܐ ܘܢܦܩ ܕܢܐܙܠ ܠܐܘܪܚܗ܂ ܘܚܙܐ ܕܪܘܟܬܗ ܪܡܝܐ ܥܠ ܬܪܥܐ ܕܒܝܬܐ/ܘܡܝܬܐ#3#/܂ ܘܐܝܕܗܿ ܥܠ ܬܪܥܐ܂
19:28 [ai]ܘܐܡܪ ܠܗܿ ܩܘܡ ܢܐܙܠ ܘܠܐ ܥܢܝܐ ܠܗ܂ ܘܫܩܠܗܿ ܥܠ ܚܡܪܗ܂ ܘܩܡ ܓܒܪܐ ܘܐܙܠ ܠܐܬܪܗ܂
19:29 [ai]ܘܥܠ ܠܒܝܬܗ܂ ܘܢܣܒ ܣܟܝܢܐ ܘܦܫܚܗܿ ܠܕܪܘܟܬܗ ܠܬܪ̈ܬܥܣܪܐ ܡ̈ܢܘܢ܂ ܘܫܕܐ ܒܟܠܗܘܢ ܬܚ̈ܘܡܐ ܕܐܝܣܪܝܠ܂
19:30 [ai]ܘܟܠ ܡܿܢ ܕܚܙܗܿ ܐܡܪ܂ ܠܐ ܗܘܬ ܘܠܐ ܐܬܚܙܝܬ ܐܝܟ ܗܕܐ ܡܢ ܝܘܡܐ ܕܣܠܩܘ ܒܢ̈ܝ ܐܝܣܪܝܠ ܡܢ \ܐܪܥܐ ܕܡܨܪܝܢ /ܡܨܪܝܢ#3#/ ܘܥܕܡܐ ܠܝܘܡܢܐ܂ ܘܐܬܪܥܝܘ ܥܠܝܗ ܘܐܬܡܠܟܘ ܘܡܠܠܘ܂

next chapter