← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܘܗܘܐ ܓܒܪܐ ܚܕ ܡܢ ܪܡܬܐ ܕܕܘܩ̈ܐ ܡܢ ܛܘܪܐ ܕܐܦܪܝܡ܂ ܘܫܡܗ ܗܠܩܢܐ܂ ܒܪ ܝܪܚܘܡ ܒܪ ܐܠܝܗܘ܂ ܒܪ ܬܚܘ܂ ܒܪ ܨܘܦ ܐܦܪܬܝܐ܂
01:02 [ai]ܘܐܝܬ ܗ̈ܘܝ ܠܗ ܬܪ̈ܬܝܢ ܢܫ̈ܝܢ܂ ܫܡܗ ܕܚܕܐ ܚܢܐ܂ ܘܫܡܗܿ ܕܐܚܪܬܐ ܦܢܢܐ܂ ܘܗܘܘ ܠܦܢܢܐ ܒ̈ܢܝܐ܂ ܘܠܚܢܐ ܠܝܬ ܠܗܿ ܒ̈ܢܝܐ܂
01:03 [ai]ܘܣܿܠܩ ܗܘܐ ܓܒܪܐ ܗܘ ܡܢ ܩܪܝܬܗ ܡܢ ܥܕܢ ܠܥܕܢ܂ ܠܡܣܓܕ ܘܠܡܕܒܚܘ ܠܡܪܝܐ "ܨܒܐܘܬ" ܒܫܝܠܘ܂ ܘܬܡܢ ܐܝܬ ܗܘܘ ܬܪ̈ܝܢ ܒܢ̈ܘܗܝ ܕܥܠܝ܂ ܚܦܢܝ ܘܦܝܢܚܝܣ ܟܗ̈ܢܐ ܠܡܪܝܐ܂
01:04 [ai]ܘܗܘܐ ܝܘܡܐ ܘܕܒܚ ܗܠܩܢܐ܂ ܘܝܗܒ ܠܦܢܢܐ ܐܢܬܬܗ܂ ܘܠܟܘܠܗܘܢ ܒ̈ܢܝܗ ܘܒ̈ܢܬܗ ܝܗܒ ܡ̈ܢܘܬܐ܂
01:05 [ai]ܘܠܚܢܐ ܝܗܒ ܡܢܬܐ ܚܕܐ ܐܥܦܐ܂ ܡܛܠ ܕܠܚܢܐ ܪܚܿܡ ܗܘܐ܂ ܘܡܪܝܐ ܐܚܕ ܪܚܡܗܿ܂
01:06 [ai]ܘܡܪܓܙܐ ܗܘܬ ܠܗܿ ܥܪܬܗܿ ܐܦ ܡܪܓܙܘ܂ ܡܛܠ ܕܬܟܪܐ ܠܗܿ܂ ܡܛܠ ܕܐܚܕ ܡܪܝܐ ܒܐ̈ܦܝ ܡܪܒܥܗܿ܂
01:07 [ai]ܘܗܟܢܐ ܥܒܕܐ ܗܘܬ ܦܢܢܐ ܟܠ ܫܢܐ ܒܫܢܐ܂ ܒܙܒܢܐ ܕܣܠܩܐ ܗܘܬ ܠܒܝܬܗ ܕܡܪܝܐ܂ ܗܟܢܐ ܡܪܓܙܐ ܗܘܬ ܠܗܿ܂ ܘܒܟܬ ܚܢܐ ܘܠܐ ܠܥܣܬ܂
01:08 [ai]ܘܐܡܪ ܠܗܿ ܗܠܩܢܐ ܒܥܠܗܿ܂ ܚܢܐ ܠܡܢܐ ܒܟܝܐ ܐܢܬܝ܂ ܘܐܝܟܘ ܠܐ ܠܥܣܬܝ܂ ܘܠܡܢܐ ܒܝܫ ܠܒܟܝ܂ ܗܐ ܐܢܐ ܛܒ ܐܢܐ ܠܟܝ ܡܢ ܥܣܪ̈ܐ ܒܢܝܢ܂
01:09 [ai]ܘܩܡܬ ܚܢܐ ܡܢ ܒܬܪ ܕܠܥܣܬ ܒܫܝܠܘ ܘܡܢ ܒܬܪ ܕܐܫܬܝܬ܂ ܘܣܠܩܬ ܠܒܝܬܗ ܕܡܪܝܐ܂ ܘܥܠܝ ܟܗܢܐ ܝܬܿܒ ܗܘܐ ܥܠ ܟܘܪܣܝܐ ܥܠ ܐܣܟܘܦܬܐ ܕܗܝܟܠܗ/ܕܒܝܬܗ#3#/ ܕܡܪܝܐ܂
01:10 [ai]ܘܕܝܠܗܿ ܡܪܝܪܐ ܢܦܫܗܿ܂ ܘܡܨܠܝܐ ܗܘܬ ܩܕܡ ܡܪܝܐ܂ ܘܡܒܟܐ ܒܟܝܐ ܗܘܬ܂
01:11 [ai]ܘܢܕܪܬ ܢܕܪܐ ܘܐܡܪܬ܂ ܡܪܝܐ "ܨܒܐܘܬ"܂ ܐܢ ܡܚܙܐ ܬܚܙܐ ܒܫܘܥܒܕܗܿ ܕܐܡܬܟ܂ ܘܬܬܕܟܪܝܢܝ ܘܠܐ ܬܛܥܐ ܠܐܡܬܟ܂ ܘܬܬܠ ܠܐܡܬܟ ܙܪܥܐ ܕܐܢܫܐ܂ ܐܬܠܝܘܗܝ ܠܡܪܝܐ ܟܠ ܝܘܡ̈ܝ ܚܝ̈ܘܗܝ܂ ܘܡܕܟܝܐ ܠܐ ܢܣܩ ܥܠ ܪܝܫܗ܂
01:12 [ai]ܘܗܘܐ ܕܟܕ ܐܣܓܝܬ ܠܡܨܠܝܘ ܩܕܡ ܡܪܝܐ܂ ܘܥܠܝ ܢܿܛܪ ܗܘܐ ܠܦܘܡܗܿ܂
01:13 [ai]ܘܚܢܐ ܒܠܒܗܿ ܗܘ ܡܡܠܠܐ ܗܘܬ ܒܠܚܘܕ܂ ܘܣ̈ܦܘܬܗܿ ܗܘ ܙܝ̈ܥܢ ܗ̈ܘܝ ‍<‍ܒܠܚܘܕ#3#‍>‍܂ ܘܩܠܗܿ ܠܐ ܡܫܬܡܥ ܗܘܐ܂ ܘܚܫܒܗܿ ܥܠܝ ܐܝܟ ܪܘܝܐ܂
01:14 [ai]ܘܐܡܪ ܠܗ ܥܠܝ܂ ܥܕܡܐ ܠܐܡܬܝ ܡܬܪܘܝܐ ܐܢܬܝ܂ ܐܦܝܓܝ ܚܡܪܟܝ ܡܢܟܝ܂
01:15 [ai]ܥܢܬ ܚܢܐ ܘܐܡܪܬ ܠܗ܂ ܠܐ ܡܪܝ܂ ܐܢܬܬܐ ܐܢܐ ܥܝܝܩܬ ܪܘܚܐ܂ ܘܚܡܪܐ ܘܫܟܪܐ ܠܐ ܐܫܬܝܬ܂ ܘܐܫܕܬ ܢܦܫܝ ܩܕܡ ܡܪܝܐ܂
01:16 [ai]ܠܐ ܬܚܫܒܝܗܿ ܠܐܡܬܟ ܩܕܡܝܟ ܒܪܬ ܚܛܗܐ܂ ܡܛܘܠ ܕܡܢ ܣܘܓܐܐ ܗܘ ܕܥܩܬܝ ܘܕܪܘܓܙܝ ܡܠܠܬ ܥܕܡܐ ܠܗܫܐ܂
01:17 [ai]ܘܥܢܐ ܥܠܝ ܘܐܡܪ ܠܗܿ܂ ܙܠܝ ܒܫܠܡܐ܂ ܘܐܠܗܐ ܕܐܝܣܪܝܠ ܢܬܠ ‍<‍ܠܟܝ#3#‍>‍ ܫܐܠܬܟܝ ܕܫܐܠܬܝ ܡܢܗ܂
01:18 [ai]ܘܐܡܪܬ܂ ܬܫܟܚ ܐܡܬܟ ܪ̈ܚܡܐ ܒܥܝܢ̈ܝܟ܂ ܘܐܙܠܬ ܐܢܬܬܐ ܠܐܘܪܚܗܿ܂ ܘܐ̈ܦܝܗܿ ܠܐ ܙܥ ܠܗܿ ܬܘܒ܀
01:19 [ai]ܘܩܕܡܘ ܒܨܦܪܐ ܘܣܓܕܘ ܩܕܡ ܡܪܝܐ܂ ܘܗܦܟܘ ܘܐܙܠܘ ܠܒܝܬܗܘܢ ܠܪܡܬܐ܂ ܘܚܟܡ ܗܠܩܢܐ ܠܚܢܐ ܐܢܬܬܗ܂ ܘܐܬܕܟܪܗܿ ܡܪܝܐ܂
01:20 [ai]ܘܗܘܐ ܠܙܒܢܐ ܕܝܘܡ̈ܬܐ܂ ܘܒܛܢܬ ܚܢܐ ܘܝܠܕܬ ܒܪܐ܂ ܘܩܪܬ ܫܡܗ ܫܡܘܐܝܠ܂ ܡܛܠ ܕܡܢ ܡܪܝܐ ܫܐܠܬܗ܂
01:21 [ai]ܘܣܠܩ ܓܒܪܐ ܗܠܩܢܐ ‍<‍ܗܘ#3#‍>‍ ܘܟܠܗ ܒܝܬܗ ܠܡܕܒܚܘ ܠܡܪܝܐ ܕܒܚ̈ܐ ܕܝܘܡ̈ܬܐ ܕܢܕܪܗ܂
01:22 [ai]ܘܚܢܐ ܠܐ ܣܠܩܬ܂ ܡܛܠ ܕܐܡܪܬ ܠܒܥܠܗܿ܂ ܥܕܡܐ ܕܢܬܚܣܠ ܛܠܝܐ܂ ܘܐܝܬܝܘܗܝ ܘܢܬܚܙܐ ܩܕܡ ܡܪܝܐ܂ ܘܢܬܒ ܬܡܢ ܠܥܠܡ܂
01:23 [ai]ܘܐܡܪ ܠܗܿ ܗܠܩܢܐ ܒܥܠܗܿ܂ ܥܒܕܝ ܐܝܟ ܕܫܦܝܪ ܒܥܝܢ̈ܝܟܝ܂ ܬܒܝ ܥܕܡܐ ܕܬܚܣܠܝܢܗ܂ ܒܪܡ ܢܫܿܪ ܡܪܝܐ ܡܠܬܟܝ܂ ܘܝܬܒܬ ܐܢܬܬܐ ܐܝܢܩܬ ܒܪܗܿ ܥܕܡܐ ܕܚܣܠܬܗ܀
01:24 [ai]ܘܐܣܩܬܗ ܥܡܗܿ ܟܕ ܚܣܠܬܗ ܒܬܘܪܐ ܬܘܠܬܐ܂ ܘܣܐܬܐ ܚܕܐ ܕܩܡܚܐ܂ ܘܓܪܒܐ ܚܕ ܕܚܡܪܐ܂ ܘܐܝܬܝܬܗ ܠܒܝܬܗ ܕܡܪܝܐ ܠܫܝܠܘ܂ ܘܛܠܝܐ ܛܠܐ ܗܘܐ܂
01:25 [ai]ܘܢܟܣܘ ܬܘܪܐ ܘܐܝܬܝܘܗܝ ܠܛܠܝܐ ܠܥܠܝ܂
01:26 [ai]ܘܐܡܪܬ ܚܢܐ ܠܥܠܝ܂ ܒܥܝܐ ܐܢܐ ܡܢܟ ܡܪܝ܂ ܚܝܐ ܗܝ ܢܦܫܟ ܡܪܝ܂ ܐܢܐ ܗܼܝ ܗܿܝ ܐܢܬܬܐ ܕܩܝܡܐ ܗܘܝܬ ܥܡܟ ܗܪܟܐ ܠܡܨܠܝܘ ܩܕܡ ܡܪܝܐ
01:27 [ai]ܥܠ ܛܠܝܐ ܗܢܐ܂ ܘܨܠܝܬ ܘܝܗܒ ܠܝ ܡܪܝܐ ܫܐܠܬܝ ܕܫܐܠܬ ܡܢܗ܂
01:28 [ai]ܘܐܦ ܐܢܐ ܐܫܐܠܬܗ ܠܡܪܝܐ܂ ܟܠܗܘܢ ܝܘܡ̈ܬܐ ܕܗܘ ܚܝ ܕܫܐܝܠ ܠܝ ܡܢ ܡܪܝܐ܂ ܘܣܓܕܘ ܬܡܢ ܠܡܪܝܐ/ܩܕܡ ܡܪܝܐ#3#/܂

next chapter