← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:00 [ai]ܨܠܘܬܗܿ ܕܚܢܐ
02:01 [ai]ܘܨܠܝܬ ܚܢܐ ܘܐܡܪܬ܂ ܥܫܢ ܠܒܝ ܒܡܪܝܐ ܘܐܬܬܪܝܡܬ ܩܪܢܝ ‍<‍ܒܐܠܗܝ#2#‍>‍܂ ܘܐܬܦܬܚ ܦܘܡܝ ܥܠ ܒ̈ܥܠܕܒܒܝ܂ ܡܛܠ ܕܚܕܝܬܢܝ ܒܦܘܪܩܢܟ܂
02:02 [ai]ܠܝܬ ܕܩܕܝܫ ܐܝܟ ܡܪܝܐ܂ ܡܛܠ ܕܠܝܬ ܠܒܪ ܡܢܟ܂ ܘܠܝܬ ܕܬܩܝܦ ܐܝܟ ܐܠܗܢ܂
02:03 [ai]ܠܐ ܬܣܓܘܢ ܠܡܡܠܠܘ ܪ̈ܘܪܒܬܐ܂ ܘܠܐ ܢܦܘܩ ܛܠܘܡܝܐ ܡܢ ܦܘܡܟܘܢ܂ ܡܛܠ ܕܕܝܕܥܬܐ/ܕܝܕܥܬܐ#3#/ ܗܘ ܡܪܝܐ܂ ܘܠܐ ܬܩ̈ܢܢ ܨ̈ܢܥܬܐ ܩܕܡܘܗܝ܂
02:04 [ai]ܩܫ̈ܬܬܐ ܕܓܢܒܪ̈ܐ ܢܬܬܒܪ̈ܢ܂ ܘܟܪ̈ܝܗܐ ܐܬܥܫܢܘ ܒܚܝܠܐ܂
02:05 [ai]ܘܣ̈ܒܥܐ ܒܠܚܡܐ ܐܬܐܓܪܘ܂ ܘܟܦܢ̈ܐ ܐܘܬܪܘ܂ ܥܩܪܬܐ ܝܠܕܬ ܘܣܒܥܬ܂ ܘܣܓܝܐܬ ܒ̈ܢܝܐ ܨܕܝܬ܂
02:06 [ai]ܡܪܝܐ ܗܘ ܡܡܝܬ ܘܡܚܐ ܘܡܚܬ ܠܫܝܘܠ ܘܡܣܩ܂
02:07 [ai]ܡܪܝܐ ܗܘ ܡܡܣܟܢ ܘܡܥܬܪ܂ ܘܡܫܦܠ ܘܐܦ ܡܪܝܡ܂
02:08 [ai]ܡܪܝܡ ܡܢ ܥܦܪܐ ܠܡܣܟܢܐ܂ ܘܡܢ ܩܩܠܬܐ ܡܩܝܡ/ܡܪܝܡ#3#/ ܠܒܝܫܐ܂ ܠܡܘܬܒܘܬܗ ܥܡ ܪ̈ܘܪܒܢܐ܂ ܘܟܘܪܣܝܐ ܕܐܝܩܪܐ ܢܘܪܬ ܐܢܘܢ܂ ܛܠܠ ܡܪܝܐ ܥܘܡ̈ܩܝܗܿ ܕܐܪܥܐ܂ ܘܣܡ ܥܠܝܗܘܢ ܬܒܝܠ܂
02:09 [ai]ܪ̈ܓܠܐ ܕܚ̈ܣܝܘܗܝ ܢܢܛܪ܂ ܘܪ̈ܫܝܥܐ ܒܚܫܘܟܐ ܢܫܬܬܩܘܢ܂ ܡܛܠ ܕܠܐ ܗܘܐ ܒܚܝܠܗ ܡܬܓܢܒܪ ܓܢܒܪܐ܂
02:10 [ai]ܡܪܝܐ ܢܬܒܪ ܡܡܪ̈ܡܪܢܘܗܝ܂ ܘܥܠܝܗܘܢ ܒܫܡܝܐ ܢܪܥܡ܂ ܡܪܝܐ ܢܕܘܢ ܥܒܪ̈ܝܗܿ ܕܐܪܥܐ܂ ܘܢܬܠ ܥܘܫܢܐ ܠܡܠܟܗ܂ ܘܢܪܝܡ ܩܪܢܐ ܕܡܫܝܚܗ܀܀܂
02:11 [ai]ܘܐܙܠ ܗܠܩܢܐ ܠܪܡܬܐ ܠܒܝܬܗ ܗܘ ܘܚܢܐ ܐܢܬܬܗ܂ ܘܛܠܝܐ ܫܡܘܐܝܠ ܡܫܡܫ ܗܘܐ ܩܕܡ ܡܪܝܐ ܩܕܡ ܥܠܝ ܟܗܢܐ܂
02:12 [ai]ܘܒܢ̈ܝ ܥܠܝ ܒܢ̈ܝ ܚܛܐ܂ ܠܐ ܝܕܥܝܢ ܗܘܘ ܠܡܪܝܐ܂
02:13 [ai]ܘܥܒܕܘ ܠܗܘܢ ܡܫܠܝܐ ܕܬܠܬ ܫܢ̈ܢܢ܂ ܘܙܕܩܐ ܕܟܗ̈ܢܐ ܢܣܒܝܢ ܗܘܘ ܡܢ ܥܡܐ܂ ܡܢ ܟܠ ܓܒܪܐ ܕܕܒܚ ܕܒܚܬܐ܂ ܘܐܬܐ ܗܘܐ ܛܠܝܐ ܕܟܗ̈ܢܐ ܡܐ ܕܡܬܒܫܠ ܒܣܪܐ܂ ܘܡܫܠܝܐ ܕܬܠܬ ܫܢ̈ܢܢ ܒܐܝܕܗ܂
02:14 [ai]ܘܡܘܫܛ ܗܘܐ ܠܩܕܣܐ ܐܘ ܠܐܝܪܐ ܐܘ ܠܩܪܕܠܐ ܐܘ ܠܩܕܪܐ܂ ܘܟܠ ܕܡܣܩ ܡܫܠܝܐ ܢܣܿܒ ܠܗ ܟܗܢܐ܂ ܗܟܢܐ ܥܒܕܝܢ ܗܘܘ ܠܟܠܗ ܐܝܣܪܝܠ܂ ܕܐܬܝܢ ܗܘܘ ܠܬܡܢ ܠܫܝܠܘ܂
02:15 [ai]\ܘܐܦ ܥܕܠܐ /ܘܥܕܠܐ#3#/ ܢܣܩܘܢ ܕܒܚ̈ܝ ܕܒܚܬܐ܂ ܐܬܐ ܗܘܐ ܛܠܝܐ ܕܟܗ̈ܢܐ܂ ܘܐܡܿܪ ܠܓܒܪܐ ܕܕܒܿܚ ‍<‍ܕܒܚܬܐ#3#‍>‍܂ ܗܒ ܒܣܪܐ ܠܡܛܘܝܘ ܠܟܗ̈ܢܐ܂ ܠܐ ܢܣܒ ܐܢܐ ܡܢܟ ܒܣܪܐ ܡܒܫܠܐ ܐܠܐ ܚܝܐ܂
02:16 [ai]ܘܐܡܪ ܠܗ ܓܒܪܐ܂ ܡܣܩܘ ܢܣܩܘܢ ܝܘܡܢܐ܂ ܘܣܒ ܠܟ ܐܝܟ ܡܐ ܕܪܓܐ ܢܦܫܟ܂ ܘܐܡܪ ܠܗ܂ ‍<‍ܠܐ#3#‍>‍ ܗܫܐ ܗܘ ܝܗܒ ܐܢܬ܂ ܘܐܠܐ ܢܣܒ ܐܢܐ ‍<‍ܡܢܟ#3#‍>‍ ܒܩܛܝܪܐ܂
02:17 [ai]ܘܗܘܬ ܚܛܝܬܐ ܕܛܠܝ̈ܐ ܪܒܐ ܛܒ ܩܕܡ ܡܪܝܐ܂ ܡܛܠ ܕܐܪܓܙܘ ܓܒܪ̈ܐ ܩܕܡ ܡܪܝܐ܀܀
02:18 [ai]ܘܫܡܘܐܝܠ ܛܠܝܐ ܡܫܡܫ ܗܘܐ ܩܕܡ ܡܪܝܐ܂ ܘܠܒܝܫ ܗܘܐ ܦܕܬܐ ܕܒܘܨܐ܂
02:19 [ai]ܘܦܪܝܣܐ ܙܥܘܪܐ ܥܒܕܬ ܠܗ ܐܡܗ܂ ܘܐܣܩܬ ܠܗ ܡܢ ܥܕܢ ܠܥܕܢ܂ ܟܕ ܣܠܩܬ ܥܡ ܒܥܠܗܿ ܠܡܕܒܚܘ ܕܒܚ̈ܐ ܕܢܕܪܗܿ܂
02:20 [ai]ܘܒܪܟ ܥܠܝ ܠܗܠܩܢܐ ܘܠܐܢܬܬܗ ܘܐܡܪ܂ ܢܬܠ ܠܟ ܡܪܝܐ ܙܪܥܐ ܡܢ ܐܢܬܬܐ ܗܕܐ ܚܠܦ ܫܐܠܬܐ ܕܐܫܐܠܬ ܠܡܪܝܐ܂ ܘܐܙܠܘ ܠܐܬܪܗܘܢ܂
02:21 [ai]ܘܡܪܝܐ ܦܩܕ ܠܚܢܐ܂ ܘܒܛܢܬ ܘܝܠܕܬ ܬܠܬܐ ܒܢܝܢ ܘܬܪ̈ܬܝܢ ܒܢ̈ܢ܂ ܘܪܒܐ ܛܠܝܐ ܫܡܘܐܝܠ ܩܕܡ ܡܪܝܐ܂
02:22 [ai]ܘܥܠܝ ܣܐܒ ܛܒ܂ ܘܫܡܥ ܟܠ ܕܥܒܕܝܢ ܒܢ̈ܘܗܝ ܠܟܠܗܿ ܐܝܣܪܝܠ܂ ܘܕܡܨܥܪܝܢ ܢܫ̈ܐ ܕܡܨ̈ܠܝܢ ܒܡܫܟܢ܆ܙܒܢܐ܂
02:23 [ai]ܘܐܡܪ ܠܗܘܢ܂ ܠܡܢܐ ܥܒܕܝܢ ܐܢܬܘܢ ܐܝܟ ܡ̈ܠܐ ܗܠܝܢ܂ ܕܫܡܥ ܐܢܐ ܛܒܟܘܢ ܒܝܫܐ ܡܢ ܟܠܗ ܥܡܐ ܗܢܐ܂
02:24 [ai]ܠܐ ܒܢ̈ܝ܂ ܡܛܠ ܕܠܐ ܗܘܐ ܫܦܝܪ ܫܡܥܐ ܗܢܐ ܕܫܡܥ ܐܢܐ ‍<‍ܥܠܝܟܘܢ#3#‍>‍܂ ܕܡܒܛܠܝܢ ܐܢܬܘܢ ܠܥܡܗ/ܥܡܗ#3#/ ܕܡܪܝܐ܂
02:25 [ai]ܐܢ ܢܚܛܐ ܓܒܪܐ ܒܓܒܪܐ ܢܒܥܐ ܡܢ ܩܕܡ ܡܪܝܐ܂ ܘܐܢ ܠܡܪܝܐ/ܒܡܪܝܐ#3#/ ܢܚܛܐ ܓܒܪܐ ܡܢ ܡܿܢ ܢܒܥܐ܂ ܘܠܐ ܫܡܥܘ ܠܩܠܐ ܕܐܒܘܗܘܢ܂ ܡܛܠ ܕܨܒܐ ܡܪܝܐ ܕܢܡܝܬ/ܢܡܝܬ#3#/ ܐܢܘܢ܂
02:26 [ai]ܘܛܠܝܐ ܫܡܘܐܝܠ ܐܙܿܠ ܘܝܪܒ ܛܒ܂ ܘܛܐܒ/ܘܐܬܐܒ#1##2#/ ܩܕܡ ܡܪܝܐ ܘܐܦ ܩܕܡ ܒܢܝ ܐܢܫܐ܀܀܂
02:27 [ai]ܘܐܬܐ ܓܒܪܐ ܕܡܪܝܐ ܠܘܬ ܥܠܝ ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܡܬܓܠܝܘ ܐܬܓܠܝܬ ܥܠ ܒܝܬ ܐܒܘܟ܂ ܟܕ ܗܘܐ ܒܡܨܪܝܢ ܕܒܝܬ ܦܪܥܘܢ܂
02:28 [ai]ܘܓܒܝܬܗ ܠܝ ܡܢ ܟܠܗܘܢ ܫܒ̈ܛܐ ܕܐܝܣܪܝܠ ܠܟܗܢܐ ܕܢܣܩ ܥܠ ܡܕܒܚܝ ܘܢܣܝܡ ܒܣ̈ܡܐ ܩܕܡܝ܂ ܘܢܫܩܘܠ ܦܕܬܐ܂ ܘܝܗܒܬ ܠܒܝܬ ܐܒܘܟ ܟܠܗܘܢ ܩܘܪ̈ܒܢܐ ܕܒܢܝ/ܕܒܝܬ#3#/ ܐܝܣܪܝܠ ‍<‍ܥܡܝ#3#‍>‍܂
02:29 [ai]ܠܡܢܐ ܐܥܠܝܬܘܢ ܒܕܒܚ̈ܝ ܘܒܩܘܪ̈ܒܢܝ ܕܦܩܕܬ ܡܢ ܡܕܒܪܐ܂ ܘܝܩܪܬ ܒܢܝܟ ܡܢܝ ܕܬܓܒܘܢ ܡܢ ܪܝܫ ܟܘܠܗܘܢ ܩܘܪ̈ܒܢܐ ܕܒܢ̈ܝ ܐܝܣܪܝܠ ܥܡܝ܂
02:30 [ai]ܡܛܠ ܗܢܐ ܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ܂ ܡܐܡܪ ܐܡܪܬ܂ ܕܒܝܬܟ ܘܒܝܬ ܐܒܘܟ ܢܫܡܫܘܢ ܩܕܡܝ \ܥܕܡܐ ܠܥܠܡ /ܟܘܠܗܘܢ ܝܘܡ̈ܬܐ#3#/܂ ܘܗܫܐ ܐܡܪ ܡܪܝܐ ܚܣ ܠܝ܂ ܡܛܠ ܕܡܝܩܪ̈ܢܝ ܐܝܩܪ ܘܫܝ̈ܘܛܝ ܢܨܛܥܪܘܢ܂
02:31 [ai]ܗܐ ܝܘܡ̈ܬܐ ܐ̈ܬܝܢ ܐܡܪ ܡܪܝܐ܂ ܘܐܓܕܘܡ ܕܪܥܟ/ܙܪܥܟ#3#/ ܘܕܪܥܗ/ܘܙܪܥܗ#3#/ ܕܐܒܘܟ܂ ܘܠܐ ܢܗܘܐ ܣܒܐ ܒܒܝܬܟ܂
02:32 [ai]ܘܕܐܚܕ/ܘܕܐܚܝܕ#3#/ ܬܩܕܐ ܒܡܥܡܪܟ ܟܠ ܕܡܛܐܒ ܒܐܝܣܪܝܠ܂ ܘܠܐ ܢܗܘܐ ܣܒܐ ܒܒܝܬܟ ܟܠܗܘܢ ܝܘܡ̈ܬܐ܂
02:33 [ai]ܘܓܒܪܐ ܠܐ ܐܥܢܕ ܠܟ ܡܢ ܡܕܒܚܝ ܠܡܚܫܟܘ ܥܝܢ̈ܝܟ ܘܠܡܕܝܒܘ ܢܦܫܟ܂ ܘܟܠܗܿ ܡܪܒܝܬܐ ܕܒܝܬܟ ܢܡܘܬܘܢ ܓܒܪ̈ܐ܂
02:34 [ai]ܘܗܕܐ ܠܟ ܐܬܐ ܕܐܬܝܐ ܥܠ ܬܪ̈ܝܢ ܒܢܝܟ܂ ܥܠ ܚܦܢܝ ܘܥܠ ܦܝܢܚܝܣ܂ ܒܝܘܡܐ ܚܕ ܢܡܘܬܘܢ ܬܪ̈ܝܗܘܢ܂
02:35 [ai]ܘܐܩܝܡ ܠܝ ܟܗܢܐ ܕܡܗܝܡܢ ܐܝܟ ܠܒܝ܂ ܘܐܝܟ ܕܒܠܒܝ ܘܒܢܦܫܝ ܢܥܒܕ܂ ܘܐܒܢܐ ܠܗ ܒܝܬܐ ܡܗܝܡܢܐ܂ ܘܢܗܠܟ ܩܕܡܝ ܡܫܝܚܝ ܟܘܠܗܘܢ ܝܘܡ̈ܬܐ܂
02:36 [ai]ܘܢܗܘܐ ܟܠ ܕܡܫܬܚܪ ܒܒܝܬܟ ܢܐܬܐ ܠܡܣܓܕ ܠܗ܂ ܠܐܓܝܪܬܐ ܕܟܣܦܐ ܘܠܓܪܝܨܬܐ ܕܠܚܡܐ܂ ܘܢܐܡܪ ‍<‍ܠܗ#3#‍>‍܂ ܫܕܪܝܢܝ ܠܘܬ ܚܕ ܡܢ ܟܗ̈ܢܐ܂ ܕܐܠܥܣ ܥܘܡܨܐ ܕܠܚܡܐ܂

next chapter