← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܘܗܘܐ ܦܬܓܡܗ ܕܫܡܘܐܝܠ \ܥܠ ܟܠܗ /ܒܟܠܗ#3#/ ܐܝܣܪܝܠ܂ ܘܢܦܩ ܐܝܣܪܝܠ ܠܐܘܪܥܐ ܕܦܠܫ̈ܬܝܐ ܠܩܪܒܐ܂ ܘܫܪܘ ܥܠ ܟܐܦܐ ܕܥܘܕܪܢܐ܂ ܘܦܠܫ̈ܬܝܐ ܫܪܘ ܒܐܦܩ܂
04:02 [ai]ܘܐܣܬܕܪܘ ܦܠܫ̈ܬܝܐ ܠܘܩܒܠ ܐܝܣܪܝܠ܂ ܘܗܘܐ ܩܪܒܐ܂ ܘܐܬܬܒܪ ܐܝܣܪܐܝܠ ܩܕܡ ܦܠܫ̈ܬܝܐ܂ ܘܐܬܩܛܠܘ ܒܣܕܪܐ ܒܚܩܠܐ܂ ܐܝܟ ܐܪ̈ܒܥܐ ܐ̈ܠܦܝܢ ܓܒܪ̈ܝܢ܂
04:03 [ai]ܘܐܬܐ ܥܡܐ ܠܡܫܪܝܬܐ܂ ܘܐܡܪܘ ܣܒ̈ܐ ܕܐܝܣܪܝܠ܂ ܠܡܢܐ ܬܒܪܢ ܡܪܝܐ ܝܘܡܢܐ ܩܕܡ ܦܠܫ̈ܬܝܐ/ܒܥܠܕܒ̈ܒܝܢ#3#/܂ ܢܕܒܪ ܠܢ ܡܢ ܫܝܠܘ ܩܒܘܬܐ/ܠܩܒܘܬܐ#3#/ ܕܩܝܡܗ ܕܡܪܝܐ "ܨܒܐܘܬ"܂ ܘܬܐܙܠ ܒܝܢܬܢ܂ ܘܬܦܪܩܢ ܡܢ ܐܝܕܐ ܕܒ̈ܥܠܕܒܒܝܢ܂
04:04 [ai]ܘܫܕܪܘ ܥܡܐ ܠܫܝܠܘ܂ ܘܫܩܠܘ ܡܢ ܬܡܢ ܩܒܘܬܐ/ܠܩܒܘܬܐ#3#/ ܕܩܝܡܗ ܕܡܪܝܐ "ܨܒܐܘܬ" ܝܬܿܒ ‍<‍ܥܠ#3#/ ܟܪ̈ܘܒܐ܂ ܘܬܡܢ ܬܪ̈ܝܢ ܒܢ̈ܘܗܝ ܕܥܠܝ ܥܡ ܩܒܘܬܐ ܕܩܝܡܗ ܕܡܪܝܐ ܚܦܢܝ ܘܦܝܢܚܝܣ܀܀܂
04:05 [ai]ܘܗܘܐ ܕܟܕ ܐܬܬ ܩܒܘܬܐ ܕܩܝܡܗ ܕܡܪܝܐ ܠܡܫܪܝܬܐ܂ ܝܒܒܘ ܟܠܗ ܐܝܣܪܝܠ ܝܘܒܒܐ ܪܒܐ܂ ܘܐܫܬܓܫܬ ܐܪܥܐ܂
04:06 [ai]ܘܫܡܥܘ ܦܠܫ̈ܬܝܐ ܩܠܐ ܕܝܘܒܒܐ ܘܐܡܪܘ܂ ܡܢܘ ܩܠܐ ܗܢܐ ܕܝܘܒܒܐ ܒܡܫܪܝܬܐ ܕܥܒܪ̈ܝܐ܂ ܘܝܕܥܘ ܕܩܒܘܬܗ ܕܡܪܝܐ ܐܬܬ ܠܡܫܪܝܬܐ܂
04:07 [ai]ܘܕܚܠܘ ܦܠܫ̈ܬܝܐ܂ ܡܛܠ ܕܐܡܪܝܢ܂ ܐܬܐ/ܕܐܬܐ#3#/ ܐܠܗܐ ܠܡܫܪܝܬܐ܂ ܘܐܡܪܘ ܘܝ ܠܢ ܕܠܐ ܗܘܬ ܐܝܟ ܗܕܐ ܡܢ ܐܬܡܠܝ ܘܡܢ ܡܢܬܡܠܝ܂
04:08 [ai]ܘܝ ܠܢ܂ ܡܢܘ ܢܦܨܝܢ ܡܢ ܐ̈ܝܕܝ ܐܠܗܐ ܥܫܝܢܐ܂ ܗܢܘ ܐܠܗܐ ܕܡܚܐ \ܠܟܠܗܿ ܡܨܪܝܢ /ܠܟܠܗܘܢ ܡܨܪ̈ܝܐ#3#/ ܒܟܘܠ ܡܚ̈ܘܢ ܒܡܕܒܪܐ܂
04:09 [ai]ܐܬܚܝܠܘ ܘܗܘܘ ܓܒܪ̈ܐ ܦܠܫ̈ܬܝܐ܂ ܕܠܡܐ ܬܦܠܚܘܢ ܠܥܒܪ̈ܝܐ ܐܝܟ ܕܦܠܚܘܟܘܢ܂ ܘܗܘܘ ܓܒܪ̈ܐ ܘܐܬܟܬܫܘ ܥܡܗܘܢ܂
04:10 [ai]ܘܐܬܟܬܫܘ ܦܠܫ̈ܬܝܐ ܥܡ ܐܝܣܪܝܠ܂ ܘܐܬܬܒܪ ܐܝܣܪܝܠ܂ ܘܥܪܩܘ ܐܢܫ ܠܡܫܟܢܗ܂ ܘܗܘܬ ܡܚܘܬܐ ܪܒܬܐ ܕܛܒ ܒܐܝܣܪܝܠ܂ ܘܢܦܠܘ ܡܢ ܐܝܣܪܝܠ ܒܝܘܡܐ ܗܿܘ ܬܠܬܝܢ ܐ̈ܠܦܝܢ ܪ̈ܓܠܝܝܢ܂
04:11 [ai]ܘܩܒܘܬܗ ܕܡܪܝܐ ܐܬܕܒܪܬ܂ ܘܬܪ̈ܝܢ ܒܢ̈ܘܗܝ ܕܥܠܝ ܡܝܬܘ ܚܦܢܝ ܘܦܝܢܚܝܣ܂
04:12 [ai]ܘܪܗܛ ܓܒܪܐ ܡܢ ܕܒܝܬ ܒܢܝܡܝܢ ܡܢ ܣܕܪܐ܂ ܘܐܬܐ ܠܫܝܠܘ ܒܝܘܡܐ ܗܿܘ ܟܕ ܡܨܪܝܢ ܢܚ̈ܬܘܗܝ ܘܐܕܡܬܐ ܒܪܝܫܗ܂
04:13 [ai]ܘܥܠܝ ܝܬܿܒ ܗܘܐ ܥܠ ܟܘܪܣܝܐ ܥܠ ܝܕ ܐܘܪܚܐ ܘܚܐܪ ܗܘܐ܂ ܡܛܠ ܕܙܐܥ ܗܘܐ ܠܒܗ ܥܠ ܩܒܘܬܗ ܕܐܠܗܐ܂ ܘܓܒܪܐ ܐܬܐ ܠܡܚܘܝܘ ܒܩܪܝܬܐ܂ ܘܐܝܠܠܬ ܟܠܗܿ ܩܪܝܬܐ܂
04:14 [ai]ܘܫܡܥ ܥܠܝ ܩܠܐ ܕܐܝܠܠܬܐ ܘܐܡܪ܂ ܡܢܘ ܩܠܐ ܕܕܠܘܚܝܐ ܗܢܐ܂ ܘܓܒܪܐ ܣܪܗܒ ܘܐܬܐ ܘܚܘܝ ܠܥܠܝ܂
04:15 [ai]ܘܥܠܝ ܒܪ ܫܒܥܝܢ ܗܘܐ ܘܬܡܢܐ ܫ̈ܢܝܢ܂ ܘܥܝ̈ܢܘܗܝ ܐܝܩܪ/ܝܩܝܪܢ ܗܘܝ#3#/ ܘܠܐ ܡܫܟܚ ܗܘܐ ܠܡܚܙܐ܂
04:16 [ai]ܘܐܡܪ ܓܒܪܐ ܗܘ ܠܥܠܝ܂ ܐܢܐ ܐܬܝܬ ܡܢ ܣܕܪܐ܂ ܘܐܢܐ ܡܢ ܣܕܪܐ ܥܪܩܬ ܐܬܝܬ ܝܘܡܢܐ܂ ܘܐܡܪ ܠܗ܂ ܡܢܘ ܦܬܓܡܐ ܒܪܝ܂
04:17 [ai]ܘܥܢܐ ܡܣܒܪܢܐ ܘܐܡܪ ܥܪܩ ܐܝܣܪܝܠ ܡܢ ܩܕܡ ܦܠܫ̈ܬܝܐ܂ ܘܐܦ ܡܚܘܬܐ ܪܒܬܐ ܗܘܬ ܒܥܡܐ܂ ܘܐܦ ܬܪ̈ܝܢ ܒܢܝܟ ܡܝܬܘ܂ ܚܦܢܝ ܘܦܝܢܚܣ܂ ܘܩܒܘܬܗ ܕܐܠܗܐ ܐܬܕܒܪܬ܂
04:18 [ai]ܘܗܘܐ ܕܟܕ ܐܬܕܟܪܗܿ ܥܠܝ ܠܩܒܘܬܗ ܕܐܠܗܐ܂ ܢܦܠ ܡܢ ܟܘܪܣܝܐ ܠܒܣܬܪܗ ܥܠ ܝܕ ܬܪܥܐ܂ ܘܐܬܬܒܪܬ ܦܪܩܬܗ ܘܡܝܬ܂ ܡܛܠ ܕܣܐܒ ܗܘܐ ܓܒܪܐ ܘܝܩܪ ܘܗܘ ܕܢ ܠܐܝܣܪܝܠ ܐܪ̈ܒܥܝܢ ܫܢ̈ܝܢ܂
04:19 [ai]ܘܟܠܬܗ ܐܢܬܬ ܦܝܢܚܝܣ ܒܛܢܐ ܗܘܬ܂ ܘܩܪܝܒܐ ܗܘܬ ܠܡܐܠܕ܂ ܘܟܕ ܫܡܥܬ ܫܡܥܐ ܕܐܬܕܒܪܬ ܩܒܘܬܗ ܕܐܠܗܐ܂ ܘܡܝܬ/ܘܕܡܝܬ#3#/ ܚܡܘܗܿ ܘܒܥܠܗܿ܂ ܒܪܟܬ ܘܝܠܕܬ܂ ܡܛܠ ܕܐܬܗܦܟܘ ܥܠܝܗ ܚ̈ܒܠܝܗ܂
04:20 [ai]ܘܒܫܥܬܐ ܕܡܘܬܗܿ ܐܡܪ ܐܝܠܝܢ ܕܩ̈ܝܡܢ ܠܥܠ ܡܢܗܿ܂ ܠܐ ܬܕܚܠܝܢ ܡܛܠ ܕܕܟܪܐ ܝܠܕܬܝ܂ ܘܠܐ ܥܢܬ ܘܠܐ ܐܝܬܝܬ ܥܠ ܒܠܗܿ܂
04:21 [ai]ܘܩܪܬ ܫܡܗ ܕܛܠܝܐ ܝܘܟܒܪ܂ ܘܐܡܪܬ ܥܒܪ ܐܝܩܪܐ ܡܢ ܐܝܣܪܝܠ܂ ܡܛܠ ܕܐܬܕܒܪܬ ܩܒܘܬܗ ܕܐܠܗܐ/ܕܡܪܝܐ#3#/܂ ܘܥܠ ܚܡܘܗܿ ܘܥܠ ܒܥܠܗܿ܂
04:22 [ai]ܘܐܡܪܬ܂ ܥܒܪ ܐܝܩܪܐ ܡܢ ܐܝܣܪܐܝܠ܂ ܡܛܠ ܕܐܬܕܒܪܬ ܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܂

next chapter