← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܗܘܬ ܩܒܘܬܗ ܕܡܪܝܐ ܒܚܩܠܐ ܕܦܠܫ̈ܬܝܐ ܫܒܥܐ ܝܪ̈ܚܝܢ܂
06:02 [ai]ܘܩܪܘ ܦܠܫ̈ܬܝܐ ܠܟܘܡܪ̈ܐ ܘܠܛܪ̈ܘܢܐ ܘܐܡܪܘ܂ ܡܢܐ ܢܥܒܕ ܠܩܒܘܬܗ ܕܡܪܝܐ܂ ܚܘܐܘܢ ܒܡܢܐ ܢܫܕܪܝܗ ܠܕܘܟܬܗܿ܂
06:03 [ai]ܘܐܡܪܘ܂ ܐܢ ܡܫܕܪܝܢ ܐܢܬܘܢ ܠܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܂ ܠܐ ܬܫܕܪܘܢܗܿ ܣܪܝܩܐܝܬ܂ ܐܠܐ ܡܝܬܝܘ ܐܝܬܘ ܠܗܿ ܩܘܪ̈ܒܢܐ܂ ܘܗܝܕܝܢ ܬܬܐܣܘܢ ܘܢܬܝܕܥ ܠܟܘܢ܂ ܕܠܡܐ/ܕܠܡܢܐ#3#/ ܠܐ ܬܗܦܘܟ ܐܝܕܗ ܕܡܪܝܐ ܡܢܟܘܢ܂
06:04 [ai]ܘܐܡܪܘ ܡܢܐ ܩܘܪ̈ܒܢܐ ܢܝܬܐ ܠܗܿ܂ ܘܐܡܪܘ܂ ܡܢܝܢܐ ܕܛܪ̈ܘܢܐ ܕܦܠܫ̈ܬܝܐ܂ ܚܡܫܐ ܛܚܘܪ̈ܝܢ ܕܕܗܒܐ܂ ܘܚܡܫܐ ܥܘܩܒܪ̈ܝܢ ܕܕܗܒܐ܂ ܡܛܘܠ ܕܡܚܘܬܐ ܚܕܐ ܗܝ ܠܟܘܢ ܘܠܛܪ̈ܘܢܝܟܘܢ܂
06:05 [ai]ܘܬܥܒܕܘܢ ܨ̈ܠܡܐ ܕܛܚܘܪ̈ܝܟܘܢ ܘܨ̈ܠܡܐ ܕܥܘܩܒܪ̈ܝܟܘܢ ܕܡܚܒܠܝܢ ܠܐܪܥܐ܂ ܘܬܬܠܘܢ ܠܐܠܗܐ ܕܐܝܣܪܝܠ ܐܝܩܪܐ܂ ܛܟ ܢܩܠ ܐܝܕܗ ܡܢܟܘܢ ܘܡܢ ܐܠܗܟܘܢ ܘܡܢ ܐܪܥܟܘܢ܂
06:06 [ai]ܘܠܐ ܬܥܫܢܘܢ ܠܒܟܘܢ ܐܝܟ ܕܐܥܫܢܘ ܡܨܪ̈ܝܐ ܘܦܪܥܘܢ ܠܒܗܘܢ܂ ܘܐܝܟ ܕܒܙܚܘ ܒܗܘܢ ܘܠܐ ܫܕܪܘ ܐܢܘܢ ܘܐܙܠܘ܂
06:07 [ai]ܗܫܐ ܣܒܘ ܘܥܒܕܘ ܥܓܠܬܐ ܚܕܐ ܚܕܬܐ܂ ܘܬܪ̈ܬܝܢ ܬܘܪ̈ܢ ܕܡܝܢ̈ܩܢ ܕܠܐ ܢܦܠ ܥܠܝܗܝܢ ܢܝܪܐ܂ ܘܐܣܘܪܘ ܬܘܪ̈ܬܐ ܒܥܓܠܬܐ܂ ܘܐܗܦܟܘ ܒܢܝܗܝܢ ܡܢ ܒܬܪܗܝܢ ܠܒܝܬܐ܂
06:08 [ai]ܘܣܒܘ ܩܒܘܬܗ ܕܡܪܝܐ ܘܣܝܡܘ ܒܥܓܠܬܐ܂ ܘܡܐ̈ܢܐ ܕܕܗܒܐ ܕܐܝܬܝܬܘܢ ܠܗܿ ܩܘܪ̈ܒܢܐ܂ ܣܝܡܘ ܒܐܪܓܙܬܐ ܡܢ ܣܛܪܗܿ܂ ܘܫܕܪܘܗܿ ܘܬܐܙܠ܂
06:09 [ai]ܘܚܙܘ ܐܢ ܒܐܘܪܚܐ ܕܬܚܘܡܐ ܕܣܿܠܩ ܠܒܝܬ ܫܡܫ ܐܙܠܐ܂ ܡܪܝܐ ܗܘ ܥܒܕ ܠܢ ܗܕܐ ܒܝܫܬܐ ܪܒܬܐ܂ ܘܐܠܐ ܢܕܥ ܕܠܐ ܗܘܐ ܐܝܕܗ ܩܪܒܬ ܠܢ܂ ܐܠܐ ܣܘܩܒܠܐ/ܣܩܘܒܠܐ#3#/ ܗܘ ܗܘܐ ܠܢ܂
06:10 [ai]ܘܥܒܕܘ ܓܒܪ̈ܐ ܗܟܢܐ܂ ܘܕܒܪܘ ܬܪ̈ܬܝܢ ܬܘܪ̈ܢ ܕܡܝܢ̈ܩܢ ܘܐܣܪܘ ܐܢܝ̈ܢ ܒܥܓܠܬܐ܂ ܘܒܢܝܗ̈ܝܢ ܚܒܫܘ ܒܒܝܬܐ܂
06:11 [ai]ܘܣܡܘܗܿ ܠܩܒܘܬܗ ܕܐܠܗܐ ܒܥܓܠܬܐ܂ ܘܠܐܪܓܙܬܐ ܘܠܥܘܩܒܪ̈ܐ ܕܕܗܒܐ ܘܠܨܠܡ̈ܐ ܕܛܚܘܪ̈ܝܗܘܢ܂
06:12 [ai]ܘܐܫܬܕܪ ܬܘܪ̈ܬܐ ܒܐܘܪܚܐ \ܕܥܠ ܬܚܘܡܐ /ܕܬܚܘܡܐ#3#/ ܕܒܝܬ ܫܡܫ܂ ܒܫܒܝܠܐ ܚܕ \ܡܗ̈ܠܟܢ ܘܐܙܠܢ /ܐܙܠܢ ܘܡܗ̈ܠܟܢ#3#/ ܘܓܥܝܢ܂ ܘܠܐ ܣܛܝܢ ܠܝܡܝܢܐ ܘܠܣܡܠܐ܂ ܘܛܪ̈ܘܢܐ ܕܦܠܫ̈ܬܝܐ ܐܙܠܝܢ ܒܬܪܗܝܢ ܥܕܡܐ ܠܬܚܘܡܐ ܕܒܝܬ ܫܡܫ܂
06:13 [ai]ܘܐܢܫܐ ܕܩܪܝܬܐ ܕܒܝܬ ܫܡܫ ܚܨܕܝܢ ܗܘܘ ܚܨܕܐ ܕܚ̈ܛܐ ܒܥܘܡܩܐ܂ ܘܐܪܝܡܘ ܥܝ̈ܢܝܗܘܢ ܘܚܙܐܘܗܝ ܠܐܪܘܢܐ܂ ܘܚܕܝܘ ܟܕ ܚܙܐܘܗܝ܂
06:14 [ai]ܘܥܓܠܬܐ ܐܬܬ ܠܚܩܠܗ ܕܝܫܘܥ ܕܡܢ/ܡܢ#3#/ ܒܝܬ ܫܡܫ ܘܩܡܬ ܬܡܢ܂ ܘܬܡܢ ܟܐܦܐ ܪܒܬܐ܂ ܘܨܠܚܘ ܩܝ̈ܣܐ ܕܥܓܠܬܐ܂ ܘܬܘܪ̈ܬܐ ܐܣܩܘ ܥܿܠܬܐ ܠܡܪܝܐ܂
06:15 [ai]ܘܠܘ̈ܝܐ ܐܚܬܘ ܠܐܪܘܢܗ ܕܡܪܝܐ܂ ܘܠܐܪܓܙܬܐ ܕܥܡܗ ܕܐܝܬ ܒܗܿ ܡܐ̈ܢܝ ܕܗܒܐ܂ ܘܣܡܘ ܥܠ ܟܐܦܐ ܪܒܬܐ܂ ܘܐܢܫܐ ܕܒܝܬ ܫܡܫ ܐܣܩܘ ܥܿܠܬܐ܂ ܘܕܒܚܘ ܕܒܚ̈ܐ ܒܝܘܡܐ ܗܘܿ ܠܐܠܗܐ܂
06:16 [ai]ܘܚܡܫܐ ܛܪ̈ܘܢܐ ܕܦܠܫܬ̈ܝܐ ܚܙܘ ܘܗܦܟܘ ܠܥܩܪܘܢ ܒܝܘܡܐ ܗܿܘ܂
06:17 [ai]ܘܗܠܝܢ ܛܚܘܪ̈ܐ ܕܕܗܒܐ ܕܐܝܬܝܘ ܦܠܫ̈ܬܝܐ ܩܘܪܒܢܐ ܠܐܠܗܐ܂ ܕܐܫܕܘܕ ܚܕ ܘܕܥܐܙܐ ܚܕ ܘܕܐܫܩܠܘܢ ܚܕ ܘܕܓܬ ܚܕ ܘܕܥܩܪܘܢ ܚܕ܂
06:18 [ai]ܘܚܕ ܚܕ ܥܘܩܒܪܐ ܕܕܗܒܐ܂ ܡܢܝܢܐ ܕܟܠܗܝܢ ܩܘܪ̈ܝܐ ܕܦܠܫ̈ܬܝܐ܂ ܘܚܡܫܐ/ܘܕܚܡܫܐ#3#/ ܛܪ̈ܘܢܐ ܡܢ ܡܕܝܢ̈ܬܐ ܥܫܝܢ̈ܬܐ܂ ܘܥܕܡܐ ܠܟܦܪܐ ܕܦܪ̈ܙܝܐ܂ ܘܥܕܡܐ ܠܐܒܠ ܪܒܬܐ܂ ܘܣܡܘ ܥܠܝܗ ܐܪܘܢܗ ܕܡܪܝܐ ܥܕܡܐ ܠܝܘܡܢܐ܂ ܒܚܩܠܗ ܕܝܫܘܥ ܕܡܢ ܒܝܬ ܫܡܫ܂
06:19 [ai]ܘܡܚܐ ܡܪܝܐ ܠܐܢܫܐ ܕܒܝܬ ܫܡܫ ܥܠ ܕܕܚܠܘ ܒܐܪܘܢܗ ܕܡܪܝܐ܂ ܘܡܚܐ ܡܪܝܐ ܒܥܡܐ ܚܡܫܐ ܐ̈ܠܦܝܢ ܘܫܒܥܝܢ ܓܒܪ̈ܝܢ܂ ܘܐܬܐܒܠܘ ܥܡܐ ܥܠ ܕܡܚܐ ܡܪܝܐ ܒܥܡܐ ܡܚܘܬܐ ܪܒܬܐ܂
06:20 [ai]ܘܐܡܪܘ ܐܢܫܐ ܕܒܝܬ ܫܡܫ܂ ܡܢܘ ܡܫܟܚ ܠܡܩܡ ܩܕܡ ܡܪܝܐ ܐܠܗܐ ܩܕܝܫܐ ܗܢܐ܂ ܘܡܢܘ ܢܣܩܝܘܗܝ ܡܢܢ ܠܐܪܘܢܐ ‍<‍ܗܢܐ#3#‍>‍܂
06:21 [ai]ܘܫܕܪܘ ܐܝ̈ܙܓܕܐ ܠܘܬ ܝܬ̈ܒܝ ܩܘܪܝܬ ܢܥܪܝܢ ܘܐܡܪܘ܂ ܐܗܦܟܘ ܦܠܫ̈ܬܝܐ ܠܐܪܘܢܗ ܕܡܪܝܐ܂ ܚܘܬܘ ܐܣܩܘܗܝ ܠܘܬܟܘܢ܂

next chapter