← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܘܗܘܐ ܕܟܕ ܣܐܒ ܫܡܘܐܝܠ܂ ܥܒܕ ܠܒܢ̈ܘܗܝ ܕܝܢ̈ܐ ܥܠ ܐܝܣܪܝܠ܂
08:02 [ai]ܘܗܘܐ ܫܡ ܒܪܗ ܒܘܟܪܗ ܝܘܐܝܠ܂ ܘܫܡ ܬܢܝܢܗ ܐܒܝܐ܂ ܕܝܢ̈ܐ ܒܒܪܫܒܥ܂
08:03 [ai]ܘܠܐ ܗܠܟܘ ܒ̈ܢܘܗܝ ܒܐܘܪ̈ܚܬܗ ܘܐܨܛܠܝܘ ܒܬܪ ܢܟܠܐ܂ ܘܢܣܒܘ ܫܘܚܕܐ ܘܨܠܘ ܕܝܢܐ܂
08:04 [ai]ܘܐܬܟܢܫܘ ܟܠܗܘܢ ܣ̈ܒܐ ܕܒܢ̈ܝ ܐܝܣܪܝܠ܂ ܘܐܬܘ ܠܘܬ ܫܡܘܐܝܠ ܠܪܡܬܐ
08:05 [ai]ܘܐܡܪܘ ܠܗ܂ ܗܐ ܐܢܬ ܣܐܒܬ܂ ܘܒܢܝ̈ܟ ܠܐ ܡܗܠܟܝܢ ܒܐܘܪ̈ܚܬܟ܂ ܗܫܐ ܗܒ ܠܢ ܡܠܟܐ ܕܢܕܘܢܢ ܐܝܟ ܟܠܗܘܢ ܥܡ̈ܡܐ܂
08:06 [ai]ܘܐܬܒܐܫ/ܘܐܬܐܒܫ#2#/ ܦܬܓܡܐ ܒܥܝܢ̈ܘܗܝ ܕܫܡܘܐܝܠ܂ ܟܕ ܐܡܪܘ ܠܗ ܗܒ ܠܢ ܡܠܟܐ ܕܢܕܘܢܢ ܐܝܟ ܟܠܗܘܢ ܥܡ̈ܡܐ܂ ܘܨܠܝ ܫܡܘܐܝܠ ܩܕܡ ܡܪܝܐ܂
08:07 [ai]ܘܐܡܪ ܡܪܝܐ ܠܫܡܘܐܝܠ܂ ܫܡܥ ܒܩܠܗ ܕܥܡܐ ܠܟܠ ܕܐܡܪܝܢ ܠܟ܂ ܡܛܠ ܕܠܐ ܗܘܐ ܠܟ ܐܣܠܝܘ܂ ܐܠܐ ܠܝ ܐܣܠܝܘ ܕܠܐ ܐܡܠܟ ܥܠܝܗܘܢ܂
08:08 [ai]ܐܝܟ ܟܠ ܥܒ̈ܕܐ ܕܥܒܕܘ ܡܢ ܝܘܡܐ ܕܐܣܩܬ ܐܢܘܢ ܡܢ ܐܪܥܐ ܕܡܨܪܝܢ ܘܥܕܡܐ ܠܝܘܡܢܐ܂ ܘܫܒܩܘܢܝ ܘܦܠܚܘ ܠܐ̈ܠܗܐ ܐܚܪ̈ܢܐ܂ ܗܟܢܐ ܗܢܘܢ ܥܒܕܝܢ ܘܐܦ ܠܟ܂
08:09 [ai]ܘܗܫܐ ܫܡܥ ܒܩܠܗܘܢ܂ ܒܪܡ ܡܣܗܕܘ ܣܗܕ ܒܗܘܢ܂ ܘܚܘܐ ܐܢܘܢ ܢܡܘܣܗ ܕܡܠܟܐ ܕܡܡܠܟ ܥܠܝܗܘܢ܂
08:10 [ai]ܘܐܡܪ ܫܡܘܐܝܠ ܟܠܗܘܢ ܦܬܓܡ̈ܘܗܝ ܕܡܪܝܐ ܠܥܡܐ܂ ܕܫܐܠܘ ܡܢܗ ܡܠܟܐ܂
08:11 [ai]ܘܐܡܪ܂ ܗܢܐ ܢܗܘܐ ܢܡܘܣܗ ܕܡܠܟܐ ܕܡܡܠܟ ܥܠܝܟܘܢ܂ ܒܢܝܟ̈ܘܢ ܢܕܒܪ ܘܢܥܒܕ ܠܗ ܒܡܪ̈ܟܒܬܗ ܘܒܦܪ̈ܫܘܗܝ܂ ܘܢܪܗܛܘܢ ܩܕܡ ܡܪ̈ܟܒܬܗ܂
08:12 [ai]ܘܢܥܒܕ ܠܗ ܪ̈ܒܝ ܐ̈ܠܦܐ ܘܪ̈ܒܝ ܡܐ̈ܘܬܐ܂ ܘܪ̈ܒܝ ܚܡܫܝܢ ܘܪ̈ܒܝ ܥܣܪܐ܂ ܘܢܕܒܪܘܢ ܕܒܪܗ ܘܢܚܨܕܘܢ ܚܨܕܗ܂ ܘܢܥܒܕܘܢ ܡܐ̈ܢܝ ܩܪܒܗ ܘܡܐ̈ܢܝ ܡܪ̈ܟܒܬܗ܂
08:13 [ai]ܘܒܢ̈ܬܟܘܢ ܢܕܒܪ ܠܙܩܪ̈ܬܐ ܘܠܛܚ̈ܢܬܐ ܘܠܐ̈ܦܝܬܐ܂
08:14 [ai]ܘܚ̈ܩܠܬܟܘܢ ܘܟܪ̈ܡܝܟܘܢ ܘܙܝ̈ܬܝܟܘܢ ܛܒ̈ܐ ܢܣܒ ܘܢܬܠ ܠܥܒ̈ܕܘܗܝ܂
08:15 [ai]ܘܙܪܥܟܘܢ ܘܟܪ̈ܡܝܟܘܢ ܢܥܣܪ܂ ܘܢܬܠ ܠܡܗܝ̈ܡܢܘܗܝ ܘܠܥܒ̈ܕܘܗܝ܂
08:16 [ai]ܘܥܒ̈ܕܝܟܘܢ ܘܐܡ̈ܗܬܟܘܢ ܘܓܕܘ̈ܕܝܟܘܢ/ܘܓܙܪ̈ܝܟܘܢ#3#/ ܫܦܝܪ̈ܐ܂ ܘܚܡܪܟܘܢ ܢܕܒܪ ܘܢܥܒܕ ܥܒܕܗ܂
08:17 [ai]ܘܥܢܟܘܢ ܢܥܣܪ܂ ܘܐܢܬܘܢ ܬܗܘܘܢ ܠܗ ܥܒ̈ܕܐ܂
08:18 [ai]ܘܬܝܠܠܘܢ ܒܝܘܡܐ ܗܿܘ ܡܢ ܩܕܡ ܡܠܟܟܘܢ ܕܓܒܝܬܘܢ ܠܟܘܢ܂ ܘܠܐ ܢܥܢܝܟܘܢ ܡܪܝܐ ܒܝܘܡܐ ܗܿܘ܂
08:19 [ai]ܘܠܐ ܨܒܘ ܥܡܐ ܠܡܫܡܥ ܒܩܠܗ ܕܫܡܘܐܝܠ܂ ܘܐܡܪܘ ܠܗ܂ ܠܐ ܗܟܢܐ܂ ܐܠܐ ܡܠܟܐ ܢܗܘܐ ܥܠܝܢ܂
08:20 [ai]ܘܢܗܘܐ ܐܦ ܚܢܢ ܐܝܟ ܟܘܠܗܘܢ ܥܡ̈ܡܐ܂ ܘܢܕܘܢܢ ܡܠܟܢ ܘܢܦܘܩ ܩܕܡܝܢ ܘܢܬܟܬܫ ܬܟܬܘܫܢ܂
08:21 [ai]ܘܫܡܥ ܫܡܘܐܝܠ ܟܠܗܝܢ ܡ̈ܠܘܗܝ ܕܥܡܐ܂ ܘܡܠܠ ܐ̈ܢܝܢ ܩܕܡ ܡܪܝܐ܂
08:22 [ai]ܘܐܡܪ ܡܪܝܐ ܠܫܡܘܐܝܠ܂ ܫܡܥ ܒܩܠܗܘܢ ܘܐܡܠܟ ܠܗܘܢ ܡܠܟܐ܂ ܘܐܡܪ ܫܡܘܐܝܠ ܠܐܢܫܐ ܕܐܝܣܪܝܠ܂ ܙܠܘ ܐܢܫ ܠܩܪܝܬܗ܀

next chapter