← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܘܟܕ ܫܢܬܐ ܚܕܐ ܘܬܪ̈ܬܝܢ ܐܡܠܟ ܫܐܘܠ ܒܡܠܟܘܬܗ ܥܠ ܐܝܣܪܝܠ܂
13:02 [ai]ܓܒܝ ܠܗ ܫܐܘܠ ܬܠܬܐ ܐ̈ܠܦܝܢ ‍<‍ܓܒܪ̈ܝܢ#3#‍>‍ ܡܢ ܐܝܣܪܐܝܠ܂ ܘܗܘܘ ܥܡ ܫܐܘܠ ܬܪ̈ܝܢ ܐ̈ܠܦܝܢ ܒܡܟܡܣ ܘܒܛܘܪܐ ܕܒܝܬ ܐܝܠ܂ ܘܐܠܦ ܗܘܘ ܥܡ ܝܘܢܬܢ ܒܪܗ ܒܪܡܬܐ ܕܒܢܝܡܝܢ܂ ܘܫܪܟܗ ܕܥܡܐ ܫܪܐ ܐܢܘܢ ܐܢܫ ܠܒܝܬܗ܂
13:03 [ai]ܘܡܚܐ ܝܘܢܬܢ ܠܩܝܡܐ ܕܦܠܫܬ̈ܝܐ ܒܓܒܥ܂ ܘܫܡܥܘ ܦܠܫ̈ܬܝܐ܂ ܘܫܐܘܠ ܩܪܐ ܒܫܝܦܘܪܐ ܒܟܠܗܿ ܐܪܥܐ ܠܡܐܡܪ܂ ܢܫܡܥܘܢ ܥܒܪ̈ܝܐ
13:04 [ai]ܘܟܠܗ ܐܝܣܪܝܠ܂ ܕܡܚܐ ܫܐܘܠ ܠܩܝܡܐ ܕܦܠܫ̈ܬܝܐ܂ ܘܚܣܢ ܐܝܣܪܐܝܠ ܠܦܠܫ̈ܬܝܐ܂ ܘܐܬܟܢܫܘ ܥܡܐ ܒܬܪ ܫܐܘܠ ܠܓܠܓܠܐ܂
13:05 [ai]ܘܦܠܫ̈ܬܝܐ ܐܬܟܢܫܘ ܠܡܬܟܬܫܘ ܥܡ ܐܝܣܪܝܠ܂ ܬܠܬܐ ܐ̈ܠܦܝܢ ܡܪ̈ܟܒܢ܂ ܘܫܬܐ ܐ̈ܠܦܝܢ ܦܪ̈ܫܝܢ܂ ܘܥܡܐ ܐܝܟ ܚܠܐ ܕܥܠ ܣܦܬ ܝܡܐ ܣܘܓܐܐ ܕܛܒ܂ ܘܣܠܩܘ ܘܫܪܘ ܒܡܟܡܣ ܡܢ ܡܕܢܚܝܗܿ ܕܒܝܬ ܐܝܠ܂
13:06 [ai]ܘܚܙܘ ܓܒܪ̈ܐ ܕܐܝܣܪܝܠ ܘܕܚܠܘ܂ ܘܐܬܛܫܝܘ ܠܗܘܢ ܒܡܥܪ̈ܐ ܘܒܚ̈ܠܠܐ܂ ܘܒܫ̈ܩܝܦܐ ܘܒܦܥܪ̈ܐ ܘܒܓܘ̈ܒܐ܂
13:07 [ai]ܘܥܒܪ̈ܝܐ ܥܒܪܘ ܝܘܪܕܢܢ ܠܐܪܥܐ ܕܓܕ ܘܕܓܠܥܕ܂ ܘܫܐܘܠ ܥܕܟܝܠ ܒܓܠܓܠܐ ܗܘܐ܂ ܘܟܠܗ ܥܡܐ ܥܡܗ/ܕܥܡܗ#3#/܂
13:08 [ai]ܘܦܫ ܫܒܥܐ ܝܘܡ̈ܝܢ ܠܙܒܢܐ ܕܫܡܘܐܝܠ܂ ܘܠܐ ܐܬܐ ܫܡܘܐܝܠ ܠܓܠܓܠܐ܂ ܘܐܬܒܕܪ ܥܡܐ ܡܢ ܠܘܬ ܫܐܘܠ܂
13:09 [ai]ܘܐܡܪ ܫܐܘܠ܂ ܩܪܒܘ ܠܝ ܥܿܠܬܐ܂ ܘܐܣܩ ܕܒܚ̈ܐ ܫ̈ܠܡܐ ܠܥܿܠܬܐ܂
13:10 [ai]ܘܟܕ ܫܿܠܡ ܠܡܣܩܘ ܥܿܠܬܐ ܐܬܐ ܫܡܘܐܝܠ܂ ܘܢܦܩ ܫܐܘܠ ܠܐܘܪܥܗ ܠܡܒܪܟܘܬܗ܂
13:11 [ai]ܘܐܡܪ ‍<‍ܠܗ#3#‍>‍ ܫܡܘܐܝܠ܂ ܡܢܐ ܥܒܕܬ܂ ܘܐܡܪ ܫܐܘܠ ܚܙܝܬ ܕܐܬܒܕܪ ܠܗ ܥܡܐ ܡܢܝ܂ ܘܐܢܬ ܠܐ ܐܬܝܬ ܠܙܒ̈ܢܐ ܕܝܘܡ̈ܬܐ܂ ܘܦܠܫ̈ܬܝܐ ܟܢܝܫܝܢ ܒܡܟܡܣ܂
13:12 [ai]ܘܐܡܪܬ ܕܠܡܐ ܢܚܬܘܢ ܦܠܫ̈ܬܝܐ ܥܠܝ ܠܓܠܓܠܐ܂ ܘܐ̈ܦܝ ܡܪܝܐ ܠܐ ܚܙܝܬ܂ ܘܐܡܪܚܬ ܘܐܣܩܬ ܥܿܠܬܐ܂
13:13 [ai]ܘܐܡܪ ܫܡܘܐܝܠ ܠܫܐܘܠ܂ ܐܣܟܠܬ ܕܠܐ ܢܛܪܬ ܦܘܩܕܢܗ ܕܡܪܝܐ ܐܠܗܟ ܕܦܩܕܟ܂ ܡܛܠ ܕܗܫܐ ܐܬܩܢ ܡܪܝܐ ܐܠܗܟ ܡܠܟܘܬܟ ܥܠ ܐܝܣܪܝܠ܂ ܘܐܡܪ ܕܢܬܩܢܟ ܥܕܡܐ ܠܥܠܡ܂
13:14 [ai]ܡܟܝܠ ܡܠܟܘܬܟ ܠܐ ܬܩܘܡ܂ ܡܛܠ ܕܓܒܐ ܠܗ ܡܪܝܐ ܓܒܪܐ ܐܝܟ ܠܒܗ܂ ܘܦܩܕܗ ܡܪܝܐ ܠܡܕܒܪܘ ܠܥܡܗ܂ ܡܛܠ ܕܠܐ ܢܛܪܬ ܟܠ ܕܦܩܕܟ ܡܪܝܐ ܐܠܗܟ܀܂
13:15 [ai]ܘܩܡ ܫܡܘܐܝܠ ܘܣܠܩ ܡܢ ܓܠܓܠܐ ܠܪܡܬܐ ܕܒܢܝܡܝܢ܂ ܘܡܢܐ ܫܐܘܠ ܠܥܡܐ ܕܐܫܬܟܚ ܥܡܗ ܐܝܟ ܫܬܡܐܐ ܓܒܪ̈ܝܢ܂
13:16 [ai]ܘܫܐܘܠ ܘܝܘܢܬܢ ܒܪܗ ܝܬܒܝܢ ܒܓܒܥܬܐ ܕܒܢܝܡܝܢ܂ ܘܦܠܫ̈ܬܝܐ ܫܪܝܢ ܒܡܟܡܣ܂
13:17 [ai]ܘܢܦܩܘ ܡܚ̈ܒܠܢܐ ܡܢ ܡܫܪܝܬܐ ܕܦܠܫ̈ܬܝܐ ܬܠܬܐ ܪ̈ܝܫܝܢ܂ ܪܝܫܐ ܚܕ ܡܢܗܘܢ ܐܙܿܠ ܠܐܘܪܚܐ ܕܥܦܪ ܥܠ ܐܪܥܐ ܕܫܓܘܐܝܠ܂
13:18 [ai]ܘܪܝܫܐ ܐܚܪܢܐ ܐܙܿܠ ܠܐܘܪܚܐ ܕܒܝܬ ܚܘܪܢ܂ ܘܪܝܫܐ ܐܚܪܢܐ ܦܢܿܐ ܠܐܘܪܚܐ ܕܬܚܘܡܐ ܕܚܐܪ ܠܢܚܠܐ ܕܨܒܥܘܢ ܘܠܡܕܒܪܐ܂
13:19 [ai]ܘܐܘܡܢܐ ܠܐ ܐܫܬܟܚ ܒܟܠܗܿ ܐܪܥܐ ܕܐܝܣܪܝܠ܂ ܡܛܠ ܕܐܡܪܘ ܦܠܫ̈ܬܝܐ܂ ܕܠܐ ܢܥܒܕܘܢ ܥܒܪ̈ܝܐ ܣܝ̈ܦܐ ܘܡܘܪ̈ܢܝܬܐ܂
13:20 [ai]ܘܢܚܬܘ ‍<‍ܡܢ#3#‍>‍ ܟܠܗ ܐܝܣܪܝܠ ‍<‍ܡܢ#3#‍>‍ ܠܘܬ ܦܠܫ̈ܬܝܐ ܠܡܠܛܫ ܐܢܫ ܡܓܠܗ ܘܣܟܬܗ ܘܟܘܠܒܗ ܘܡܣܣܗ܂
13:21 [ai]ܘܗܘܐ ܫܘܦܝܢܐ ܕܦܬܐ ܠܡܓܠܐ܂ ܘܠܣܟܬܐ ܘܠܐܒܘܬܐ ܘܠܟܘܠܒܐ ܘܠܩܝܡܬܐ ܕܡܣܣܐ܂
13:22 [ai]ܘܒܝܘܡܐ ܕܩܪܒܐ ܠܐ ܐܫܬܟܚ ܣܝܦܐ ܐܘ ܡܘܪܢܝܬܐ ܒܐܝܕܐ ܕܟܠܗ ܥܡܐ ܕܥܡ ܫܐܘܠ ܘܥܡ ܝܘܢܬܢ ‍<‍ܒܪܗ#3#‍>‍܂ ܘܐܫܬܟܚ ܠܫܐܘܠ ܘܠܝܘܢܬܢ ܒܪܗ܂
13:23 [ai]ܘܢܦܩܘ ܩܝܡܐ ܕܦܠܫ̈ܬܝܐ ܠܥܒܪܐ ܕܡܟܡܣ܂

next chapter