← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܟܕ ܫܠܡ ܕܘܝܕ ܠܡܐܡܪ ܠܫܐܘܠ ‍<‍ܡ̈ܠܐ ܗܠܝܢ#3#‍>‍܂ ܢܦܫܗ ܕܝܘܢܬܢ ܢܩܦܬ ܠܢܦܫܗ ܕܕܘܝܕ܂ ܘܪܚܡܗ ܝܘܢܬܢ ܐܝܟ ܢܦܫܗ܂
18:02 [ai]ܘܕܒܪܗ ܫܐܘܠ ܒܝܘܡܐ ܗܿܘ܂ ܘܠܐ ܫܒܩܗ ܠܡܗܦܟ ܠܒܝܬ/ܠܘܬ#3#/ ܐܒܘܗܝ܂
18:03 [ai]ܘܐܩܝܡܘ ܝܘܢܬܢ ܘܕܘܝܕ ܩܝܡܐ܂ ܡܛܠ ܕܪܚܡ ܗܘܐ ܝܘܢܬܢ ܠܕܘܝܕ ܐܝܟ ܢܦܫܗ܂
18:04 [ai]ܘܫܠܚ ܝܘܢܬܢ ܦܪܝܣܐ ܕܥܠܘܗܝ ܘܝܗܒܗ ܠܕܘܝܕ܂ ܘܡܐ̈ܢܐ ܕܥܠܘܗܝ܂ ܥܕܡܐ ܠܣܝܦܗ ܘܩܫܬܗ ܘܗܡܝܢܗ܂
18:05 [ai]ܘܢܦܩ ܗܘܐ ܕܘܝܕ ܠܐܝܟܐ ܕܡܫܕܪ ܗܘܐ܂ ܠܗ ܫܐܘܠ ܘܙܟܐ ܗܘܐ ܘܐܩܝܡܗ ܫܐܘܠ ܥܠ ܓܒܪ̈ܐ ܩܪ̈ܒܬܢܐ܂ ܘܫܦܪ ܒܥܝܢ̈ܝ ܥܡܐ ܘܐܦ ܒܥܝܢ̈ܝ ܥܒ̈ܕܘܗܝ ܕܫܐܘܠ܀܂
18:06 [ai]ܘܗܘܐ ܕܟܕ ܐܬܘ ܟܕ ܗܦܟ ܕܘܝܕ ܟܕ ܩܛܠܗ ܠܦܠܫܬܝܐ܂ ܢܦܩ ܢܫ̈ܐ ܡܢ ܟܠܗܝܢ ܩܘܪ̈ܝܐ ܕܐܝܣܪܝܠ܂ ܠܡܫܒܚܘ ܒܪ̈ܒܝܥܐ ܠܐܘܪܥܗ ܕܫܐܘܠ ܡܠܟܐ܂ ܒ̈ܦܠܓܐ ܘܒܨ̈ܨܠܐ ܘܒܚܕܘܬܐ܂
18:07 [ai]ܘܡܥܢܝ̈ܢ ܗ̈ܘܝ ܢܫ̈ܐ ܘܓܚ̈ܟܢ ܘܐܡܪ̈ܢ܂ ܩܛܠ ܫܐܘܠ ܒܐ̈ܠܦܐ ܘܕܘܝܕ ܒܪ̈ܒܘܬܐ܂
18:08 [ai]ܘܐܬܚܡܬ ܫܐܘܠ ܛܒ܂ ܘܐܬܐܒܫ ܒܥܝ̈ܢܘܗܝ ܦܬܓܡܐ ܗܢܐ܂ ܘܐܡܪ܂ ܝܗܒ ܠܕܘܝܕ ܪ̈ܒܘܬܐ ܘܠܝ ܝܗܒ ܐ̈ܠܦܐ܂ ܘܬܘܒ ܕܝܠܗ ܗܝ ܡܠܟܘܬܐ܂
18:09 [ai]ܘܫܪܝ ܫܐܘܠ ܠܡܣܩܪܗ ܠܕܘܝܕ ܡܢ ܗܿܘ ܝܘܡܐ܀܂
18:10 [ai]ܘܗܘܐ ܡܢ ܒܬܪ ܝܘܡ̈ܬܐ ܘܐܨܠܚܬ ܪܘܚܗ ܕܐܠܗܐ ܒܝܫܬܐ ܥܠ ܫܐܘܠ܂ ܘܐܬܢܒܝ ܒܓܘ ܒܝܬܗ܂ ܘܕܘܝܕ ܢܩܿܫ ܩܕܡܘܗܝ/ܒܐ̈ܝܕܘܗܝ#3#/ ܐܝܟ ܕܟܠ ܝܘܡ܂ ܘܡܘܪܢܝܬܐ ܒܐܝܕܗ ܕܫܐܘܠ܂
18:11 [ai]ܘܫܕܐ ܫܐܘܠ ܡܘܪܢܝܬܐ ܘܐܡܪ܂ ܐܡܚܐ ܒܕܘܝܕ ܘܒܐܣܬܐ܂ ܘܐܬܟܪܟ ܕܘܝܕ ܡܢ ܩܕܡܘܗܝ ܬܪ̈ܬܝܢ ܙܒܢܝ̈ܢ܂
18:12 [ai]ܘܕܚܠ ܫܐܘܠ ܡܢ ܩܕܡ ܕܘܝܕ ܡܛܠ ܕܡܪܝܐ ܗܘܐ ܥܡܗ܂ ܘܡܢ ܫܐܘܠ ܥܒܪ܂
18:13 [ai]ܘܐܦܪܩܗ ܫܐܘܠ ܡܢ ܠܘܬܗ܂ ܘܥܒܕܗ ܠܗ ܪܒ ܐܠܦܐ܂ \ܘܢܦܩܿ ܗܘܐ /ܘܗܘܐ ܢܦܩ#3#/ ܘܥܐܿܠ ܩܕܡ ܥܡܐ܂
18:14 [ai]ܘܗܘܐ ܕܘܝܕ ܒܟܠܗܝܢ ܐܘܪ̈ܚܬܗ ܣܟܘܠܬܢ ܘܡܪܝܐ ܥܡܗ܂
18:15 [ai]ܘܚܙܐ ܫܐܘܠ ܕܣܟܘܠܬܢ ܗܘ ܘܛܒ܂ ܘܕܚܠ ܡܢ ܩܕܡܘܗܝ܂
18:16 [ai]ܘܟܠܗ ܐܝܣܪܝܠ ܘܝܗܘܕܐ ܪܚܡܘ ܠܕܘܝܕ܂ ܡܛܠ ܕܗܘ ܢܦܩܿ ܗܘܐ ܘܥܐܠ ܩܕܡܝܗܘܢ܂
18:17 [ai]ܘܐܡܪ ܫܐܘܠ ܠܕܘܝܕ܂ ܗܐ ܒܪܬܝ ܩܫܝܫܬܐ ܢܕܒ ܐܬܠܝܗܿ ܠܟ ܐܢܬܬܐ܂ ܒܪܡ ܗܘܝ ܠܝ ܪܒ ܚܝܠܐ܂ ܘܐܬܟܬܫ ܒܩܪ̈ܒܘܗܝ ܕܡܪܝܐ܂ ܘܫܐܘܠ ܐܡܪ܂ ܠܐ ܬܗܘܐ ܒܗ ܐܝܕܝ܂ ܐܠܐ ܬܗܘܐ ܒܗ ܐܝܕܐ ܕܦܠܫ̈ܬܝܐ܂
18:18 [ai]ܘܐܡܪ ܕܘܝܕ ܠܫܐܘܠ܂ ܡܿܢ ܐܢܐ ܘܡܢܐ ܥܒܕܬ܂ ܘܡܢܐ ܐܢܘܢ ܚܝܝ̈ ܘܫܪܒܬܗ ܕܐܒܝ ܒܐܝܣܪܝܠ܂ ܕܒܪܬܗ ܕܡܠܟܐ ܐܣܒ܂
18:19 [ai]ܘܗܘܐ ܙܒܢܐ ܠܡܬܠ/ܘܝܗܒ#3#/ ܠܢܕܒ ܒܪܬ ܫܐܘܠ ܠܕܘܝܕ܂ ܘܗܝ ܐܬܝܗܒܬ ܠܥܙܪܐܝܠ ܕܡܢ ܡܚܘܠܐ ܐܢܬܬܐ܂
18:20 [ai]ܘܪܚܡܬ ܡܠܟܠ ܒܪܬ ܫܐܘܠ ܠܕܘܝܕ܂ ܘܚܘܝܘ ܠܫܐܘܠ ܘܫܦܪ ܦܬܓܡܐ ܒܥܝܢ̈ܘܗܝ܂
18:21 [ai]ܘܐܡܪ ܫܐܘܠ܂ ܐܬܠܝܗܿ ܠܗ ܘܬܗܘܐ ܠܗ ܬܘܩܠܬܐ/ܠܬܘܩܠܬܐ#3#/܂ ܕܬܗܘܐ/ܘܬܗܘܐ#3#/ ܒܗ ܐܝܕܐ ܕܦܠܫ̈ܬܝܐ܂ ܘܐܡܪ ܫܐܘܠ ܠܕܘܝܕ܂ ܒܬܪ̈ܬܝܗܝܢ ܬܗܘܐ ܠܝ ܚܬܢܐ ܝܘܡܢܐ܂
18:22 [ai]ܘܦܩܕ ܫܐܘܠ ܠܥܒ̈ܕܘܗܝ܂ ܕܐܡܪܘ/ܘܐܡܪܘ#3#/ ܠܕܘܝܕ ܒܪ ܐܝܫܝ ܗܐ/ܕܗܐ#3#/ ܨܒܐ ܒܟ ܡܠܟܐ܂ ܘܟܠܗܘܢ ܥܒ̈ܕܘܗܝ ܪܚܡܘܟ܂ ܗܫܐ ܗܘܝ ܚܬܢܐ ܠܡܠܟܐ܂
18:23 [ai]ܘܐܡܪܘ ܥܒ̈ܕܘܗܝ ܕܫܐܘܠ ܠܕܘܝܕ ܡ̈ܠܐ ܗܠܝܢ܂ ܘܐܡܪ ܕܘܝܕ܂ ܒܨܝܪܐ ܗܝ ܗܕܐ ܒܥܝܢ̈ܝܟܘܢ ܕܐܗܘܐ ܚܬܢܐ ܠܡܠܟܐ܂ ܘܐܢܐ ܓܒܪܐ ܐܢܐ ܡܣܟܢܐ ܘܡܨܥܪܐ܂
18:24 [ai]ܘܚܘܝܘܗܝ ܥܒ̈ܕܘܗܝ ܠܫܐܘܠ܂ ܘܐܡܪܘ ܠܗ ܡ̈ܠܐ ܗܠܝܢ ܕܐܡܪ ܕܘܝܕ܂
18:25 [ai]ܘܐܡܪ ܫܐܘܠ܂ ܗܟܢܐ ܬܐܡܪܘܢ ܠܕܘܝܕ ܠܐ ܨܒܿܐ ܡܠܟܐ ܒܡܗܪܐ ܐܠܐ ܒܡܐܬܝܢ ܥܘܪ̈ܠܘܬܐ ܕܦܠܫ̈ܬܝܐ܂ ܠܡܬܦܪܥܘ ܡܢ ܒ̈ܥܠܕܒܒܘܗܝ܂ ܘܡܠܟܐ ܫܐܘܠ ܐܬܚܫܒ ܠܡܪܡܝܘܬܗ ܠܕܘܝܕ ܒܐܝܕܐ ܕܦܠܫ̈ܬܝܐ܂
18:26 [ai]ܘܚܘܝܘܗܝ ܥܒ̈ܕܘܗܝ ܕܫܐܘܠ ܠܕܘܝܕ ܡ̈ܠܐ ܗܠܝܢ܂ ܘܫܦܪ ܦܬܓܡܐ ܒܥܝܢ̈ܘܗܝ ܕܕܘܝܕ ܠܡܗܘܐ ܚܬܢܐ ܠܡܠܟܐ܂ ܘܠܐ ܫܠܡܘ ܝܘܡ̈ܬܐ܂
18:27 [ai]ܘܩܡ ܕܘܝܕ ܘܐܙܠ ܗܘ ܘܓܒܪ̈ܘܗܝ/ܘܚܒܪ̈ܘܗܝ#3#/܂ ܘܩܿܛܠ ܡܢ ܦܠܫ̈ܬܝܐ ܡܐ̈ܬܝܢ ܓܒܪ̈ܝܢ܂ ܘܐܝܬܝ ܕܘܝܕ ܥܘܪ̈ܠܘܬܗܘܢ܂ ܘܩܿܪܒ ܐ̈ܢܝܢ ܠܡܠܟܐ܂ ܕܢܗܘܐ ܚܬܢܐ ܠܡܠܟܐ ܘܝܗܒ ܠܗ ܫܐܘܠ ܠܡܠܟܠ ܒܪܬܗ ܐܢܬܬܐ܂
18:28 [ai]ܘܚܙܐ ܫܐܘܠ ܘܝܕܥ ܕܡܪܝܐ ܗܘܐ ܥܡ ܕܘܝܕ ܘܡܠܟܠ ܒܪܬ ܫܐܘܠ ܪܚܡܬܗ ܠܕܘܝܕ ܛܒ܂
18:29 [ai]ܘܐܘܣܦ ܬܘܒ ܫܐܘܠ ܠܡܕܚܠ ܡܢ ܩܕܡ ܕܘܝܕ܂ ܘܗܘܐ ܫܐܘܠ ܒܥܠܕܒܒܐ ܠܕܘܝܕ ܟܠܗܘܢ ܝܘܡ̈ܬܐ܀܂
18:30 [ai]ܘܢܦܩܘ ܪ̈ܘܪܒܢܐ ܕܦܠܫ̈ܬܝܐ܂ ܘܗܘܐ ܒܙܒܢܐ ܕܢܦܩܘ܂ ܐܨܠܚ ܕܘܝܕ ܡܢ ܟܠܗܘܢ ܥܒ̈ܕܘܗܝ ܕܫܐܘܠ܂ ܘܐܬܝܩܪ ܫܡܗ ܛܒ܂

next chapter