← Back
The Comprehensive Aramaic Lexicon
← Return to the Text Browser
click on the file description for more information
62008: P 1S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


30:01 [ai]ܘܟܕ ܐܬܐ ܕܘܝܕ ܘܓܒܪ̈ܘܗܝ ܠܨܢܩܠܓ ܒܝܘܡܐ ܬܠܝܬܝܐ ܘܥ̈ܡܠܩܝܐ ܗܠܟܘ ܥܠ ܢܓܒ ܘܥܠ ܨܢܩܠܓ ܘܐܘܩܕܘ ܐܢܝܢ ܒܢܘܪܐ܂
30:02 [ai]ܘܫܒܘ ܐܢܫܐ ܕܒܗܝܢ ܡܢ ܙܥܘܪܐ ܘܥܕܡܐ ܠܪܒܐ ܘܐܡܝܬܘ ܓܒܪ̈ܐ܂ ܘܕܒܪܘ ܘܐܙܠܘ ܒܐܘܪܚܗܘܢ/ܠܐܘܪܚܗܘܢ#3#/܂
30:03 [ai]ܘܐܬܐ ܕܘܝܕ ܘܓܒܪ̈ܘܗܝ ܠܩܪܝܬܐ܂ ܘܗܐ ܡܘܩܕܐ ܒܢܘܪܐ܂ ܘܢܫ̈ܝܗܘܢ ܘܒ̈ܢܝܗܘܢ ܘܒ̈ܢܬܗܘܢ ܐܫܬܒܝܘ܂
30:04 [ai]ܘܐܪܝܡ ܕܘܝܕ ܘܥܡܐ ܩܠܗܘܢ ܘܒܟܘ܂ ܥܕܡܐ ܕܠܐ ܗܘܐ ܒܗܘܢ ܚܝܠܐ ܠܡܒܟܐ܂
30:05 [ai]ܘܬܪ̈ܬܝܢ ܢܫ̈ܘܗܝ ܕܕܘܝܕ ܐܫܬܒܝ܂ ܐܚܝܢܥܡ ܕܡܢ ܐܝܙܪܥܝܠ ܘܐܒܝܓܠ ܐܢܬܬܗ ܕܢܒܠ ܟܪܡܠܝܐ܂
30:06 [ai]ܘܥܩܬ ܠܕܘܝܕ ܛܒ ܡܛܠ ܕܐܡܪܘ ܥܡܐ ܠܡܪܓܡܗ ܡܛܠ ܕܡܝܬܬ ܢܦܫܗ ܕܟܠܗ ܥܡܐ ܥܠ ܒܢ̈ܝܗܘܢ ܘܥܠ ܒܢ̈ܬܗܘܢ܀ ܘܚܡܣܢ ܕܘܝܕ ܒܡܪܝܐ ܐܠܗܗ܂
30:07 [ai]ܘܐܡܪ ‍<‍ܕܘܝܕ#3#‍>‍ ܠܐܒܝܬܪ ܟܗܢܐ ܒܪ ܐܚܝܡܠܟ܂ ܩܪܒ ܠܝ ܦܕܬܐ܂ ܘܩܪܒ ܐܒܝܬܪ ܦܕܬܐ ܠܕܘܝܕ܂
30:08 [ai]ܘܫܐܠ ܕܘܝܕ ܒܡܪܝܐ ܘܐܡܪ ܐܪܕܘܦ ܒܬܪ ܓܝܣܐ ܗܢܐ ܡܕܪܟ ܐܢܐ ܠܗ܂ ܘܐܡܪ ܠܗ ܪܕܘܦ ܡܛܠ ܕܒܥܓܠ ܡܕܪܟ ܐܢܬ ܠܗ ܘܡܦܨܐ ܐܢܬ܂
30:09 [ai]ܘܐܙܠ ܕܘܝܕ ܗܘ ܘܫܬܡܐܐ ܓܒܪ̈ܝܢ ܕܥܡܗ܂ ܘܐܬܘ ܥܕܡܐ ܠܢܚܠܐ ܕܒܘܨܪ܂ ܘܫܒܩ ܕܘܝܕ ܡܐ̈ܬܝܢ ܓܒܪ̈ܝܢ܂
30:10 [ai]ܘܩܡ ܪܕܦ ܕܘܝܕ ܗܘ ܘܐܪ̈ܒܥܡܐܐ ܓܒܪ̈ܝܢ܂ ܘܩܡܘ ܡܐ̈ܬܝܢ ܓܒܪ̈ܝܢ ܕܦܫܘ܂ ܘܢܛܪܘ ܕܠܐ ܢܥܒܪܘܢ ܢܚܠܐ ܕܒܘܨܪ܂
30:11 [ai]ܘܐܫܟܚܘ ܓܒܪܐ ܡܨܪܝܐ ܒܚܩܠܐ ܘܐܝܬܝܘܗܝ ܠܘܬ ܕܘܝܕ܂ ܘܝܗܒܘ ܠܗ ܠܚܡܐ ܘܠܥܣ܂ ܘܐܫܩܝܘܗܝ ܡ̈ܝܐ ܘܬܪ̈ܬܝܢ ܓܘܒܢ̈ܝܢ܂
30:12 [ai]ܘܐܟܠ ܘܗܦܟܬ ܪܘܚܗ ܥܠܘܗܝ ܡܛܠ ܕܬܠܬܐ ܐܝܡ̈ܡܝܢ ܘܬܠܬܐ ܠܝܿܠܘܢ ܠܐ ܐܟܠ ܠܚܡܐ ܘܠܐ ܐܫܬܝ ܡ̈ܝܐ܂
30:13 [ai]ܘܐܡܪ ܠܗ ܕܘܝܕ ܕܡܿܢ ܐܢܬ ܘܡܢ ܐܝܡܟܐ/ܐܝܟܐ#3#/ ܐܬܝܬ܂ ܘܐܡܪ ܥܠܝܡܐ ܡܨܪܝܐ ܐܢܐ܂ ܥܒܕܐ ܐܢܐ ܕܓܒܪܐ ܥܡܠܩܝܐ܂ ܘܫܒܩܢܝ ܡܪܝ ܡܛܠ ܕܐܬܟܪܗܬ ܗܐ ܬܠܬܐ ܝܘܡ̈ܝܢ܂
30:14 [ai]ܗܐ ܡܢ ܕܐܬܝܢ ‍<‍ܐܢܚܢܢ#3#‍>‍ ܡܢ ܢܓܒ ܕܝܗܘܕܐ ܘܡܢ ܢܓܒ ܕܟܠܒ ܘܡܢ ܨܢܩܠܓ ܕܐܘܩܕܢ ܐ̈ܢܝܢ ܒܢܘܪܐ܂
30:15 [ai]ܐܡܪ ܠܗ ܕܘܝܕ ܡܚܬ ܐܢܬ ܠܝ ܥܠ ܓܝܣܐ ܗܢܐ܂ ܐܡܪ ܠܗ ܝܡܝ ܠܝ ܒܡܪܝܐ ܕܠܐ ܬܩܛܠܢܝ ܘܠܐ ܬܫܠܡܢܝ ܒܐܝܕܐ ܕܡܪܝ ܘܐܚܘܝܟ/ܘܐܢܐ ܐܚܘܝܟ#3#/ ܓܝܣܐ ܗܢܐ܂
30:16 [ai]ܘܐܝܡܐ ܠܗ ܕܘܝܕ ܘܐܚܬܗ܂ ܘܗܐ ܗܢܘܢ ܫܪܝܢ ܥܠ ܐ̈ܦܝ ܐܪܥܐ ܠܥܣܝܢ ܘܫܬܝܢ ܘܚܕܝܢ ܒܟܠܗܿ ܒܙܬܐ ܪܒܬܐ ܕܢܣܒܘ ܡܢ ܐܪܥܐ ܕܦܠܫ̈ܬܝܐ ܘܡܢ ܐܪܥܐ ܕܝܗܘܕܐ܂
30:17 [ai]ܘܡܚܐ ܐܢܘܢ ܕܘܝܕ ܡܢ ܨܦܪܐ ܘܥܕܡܐ ܠܪܡܫܐ ܡܢ ܒܣܬܪܗܘܢ܂ ܘܠܐ ܐܬܦܠܛ ܡܢܗܘܢ ܐܠܐ ‍<‍ܐܢ#3#‍>‍ ܐܪ̈ܒܥܡܐܐ ܓܒܪ̈ܝܢ ܕܪܟܒܘ ܥܠ ܓܡ̈ܠܐ ܘܥܪܩܘ܂
30:18 [ai]ܘܦܨܝ ܕܘܝܕ ܟܠ/ܠܟܠ#3#/ ܕܢܣܒܘ ܥܡ̈ܠܩܝܐ܂ ܘܬܪ̈ܬܝܢ ܢܫ̈ܘܗܝ ‍<‍ܒܝܘܡܐ ܗܿܘ#3#‍>‍܂
30:19 [ai]ܘܠܐ ܛܥܐ ܠܗܘܢ ܡܕܡ ܐܠܐ ܟܘܠ ܡܕܡ ܐܗܦܟ ܕܘܝܕ܂
30:20 [ai]ܘܕܒܪ ܕܘܝܕ ܟܠܗܿ ܥܢܐ ܘܬܘܪ̈ܐ ܠܦܘܬ ܩܢܝܢܐ ܗܿܘ܂ ܘܐܡܪܘ ܗܢܐ ܡܕܡ ܕܐܥܕܝ ܕܘܝܕ܂
30:21 [ai]ܘܐܬܐ ܕܘܝܕ ܠܘܬ ܡܐܬܝܢ ܓܒܪ̈ܝܢ ܕܦܫܘ ܠܡܛܪ ܡܐ̈ܢܐ ܕܐܘܬܒ ܐܢܘܢ ܠܡܛܪ ܒܐܘܪܚܐ ܕܒܘܨܪ܂ ܘܢܦܩܘ ܠܐܘܪܥܗ ܕܕܘܝܕ ܘܠܐܘܪܥܐ ܕܥܡܐ ܕܥܡܗ܂ ܘܩܪܒ ܕܘܝܕ ܘܥܡܐ ܘܫܐܠܘ ܒܫܠܡܗܘܢ܂
30:22 [ai]ܘܥܢܘ ܓܒܪ̈ܐ ܒܝܫ̈ܐ ܘܥܘ̈ܠܐ ܡܢ ܓܒܪ̈ܐ ܕܐܙܠܘ ܥܡ ܕܘܝܕ ܘܐܡܪܘ܂ ܥܠ ܕܠܐ ܐܙܠܘ ܥܡܢ ܠܐ ܬܬܝܗܒ ܠܗܘܢ ܡܢܬܐ ܡܢ ܒܙܬܐ ܕܦܨܝܢ ܐܠܐ ܢܕܒܪܘܢ ܓܒܪ ܐܢܬܬܗ ܘܒ̈ܢܘܗܝ܂
30:23 [ai]ܘܐܡܪ ܕܘܝܕ ܠܐ ܬܥܒܕܘܢ ܗܟܢܐ ܐ̈ܚܝܢ ܕܝܗܒ ܠܢ ܡܪܝܐ ܘܢܛܪܢ ܘܐܫܠܡ ܒܐ̈ܝܕܝܢ ܓܝܣܐ ܕܐܬܐ ܥܠܝܢ܂
30:24 [ai]ܡܢܘ ܢܫܡܥ ܠܡܠܬܟܘܢ/ܡܠܬܟܘܢ#3#/ ܗܕܐ ܡܛܠ ܕܡܢܬܗ ܕܡܿܢ ܕܢܚܿܬ ܠܩܪܒܐ ܐܝܟ ܡܢܬܗ ܕܗܿܘ ܕܝܬܿܒ ܥܠ ܓܢܒ ܡܐ̈ܢܐ܂ ܘܐܟܚܕܐ ܡܦܠܓܝܢ܂
30:25 [ai]ܘܗܘܐ ܡܢ ܝܘܡܐ ܗܿܘ ܘܣܡܗ ܕܘܝܕ ܩܝܡܐ ܗܢܐ ܘܙܕܩܐ ܥܕܡܐ ܠܝܘܡܢܐ܀܂
30:26 [ai]ܘܐܬܐ ܕܘܝܕ ܠܨܢܩܠܓ܂ ܘܫܕܪ ܡܢ ܒܙܬܐ ܠܣ̈ܒܐ ܕܝܗܘܕܐ ܘܠܚܒܪ̈ܝܗܘܢ܂ ܘܐܡܪ ܗܐ ܠܟܘܢ ܒܘܪܟܬܐ ܡܢ ܒܙܬܐ ܕܒ̈ܥܠܕܒܒܘܗܝ ܕܡܪܝܐ܂
30:27 [ai]ܘܫܕܪ ܠܕܒܝܬ ܐܝܠ܂ ܘܠܕܒܝܬ ܪܡܘܬ ܢܓܒ܂ ܘܠܕܒܝܬ ܥܝ܂
30:28 [ai]ܘܠܕܒܝܬ ܥܕܘܥܝܪ܂ ܘܠܕܒܣܦܡܘܬ܂ ܘܠܕܒܫܬܡܘܥ܂
30:29 [ai]ܘܠܕܒܪܟܝܠ܂ ܘܠܕܒܩܘܪ̈ܝܐ ܕܝܪܚܡܠ܂ ܘܠܕܒܩ̈ܘܪܝܐ ܕܩܝ̈ܢܝܐ܂
30:30 [ai]ܘܠܕܒܚܪܡܐ܂ ܘܠܕܒܪܒܥܫܢ܂ ܘܠܕܒܬܥܢܟ܂
30:31 [ai]ܘܠܕܒܚܒܪܘܢ܂ ܘܠܟܠܗܘܢ ܐܬܪ̈ܘܬܐ ܕܗܠܟ ܬܡܢ ܕܘܝܕ ܗܘ ܘܓܒܪ̈ܘܗܝ܀܂

next chapter