← Back
The Comprehensive Aramaic Lexicon
← Return to the Text Browser
click on the file description for more information
62009: P 2S

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܘܗܘܐ ܡܢ ܒܬܪ ܕܡܝܬ ܫܐܘܠ ܘܕܘܝܕ ܗܦܟ ܡܢ ܕܠܡܚܪܒ ܠܥܡ̈ܠܩܝܐ܂ ܘܝܬܒ ܕܘܝܕ ܒܨܢܩܠܓ ܝܘܡ̈ܬܐ ܬܪ̈ܝܢ܂
01:02 [ai]ܘܗܘܐ ܒܝܘܡܐ ܬܠܝܬܝܐ ܘܗܐ ܓܒܪܐ ܐܬܐ ܡܢ ܡܫܪܝܬܐ ܡܢ ܠܘܬ ܫܐܘܠ܂ ܘܡܨܪܝܢ ܠܒ̈ܘܫܘܗܝ ܘܐܕܡܬܐ ܒܪܝܫܗ܂ ܘܗܘܐ ܕܟܕ ܐܬܐ ܠܘܬ ܕܘܝܕ ܢܦܠ ܥܠ ܐܪܥܐ ܘܣܓܕ ܠܗ܂
01:03 [ai]ܘܐܡܪ ܠܗ ܕܘܝܕ܂ ܡܢ ܐܝܡܟܐ ܐܬܝܬ܂ ܘܐܡܪ ܠܗ܂ ܡܢ ܡܫܪܝܬܐ ܕܐܝܣܪܝܠ ܐܫܬܘܙܒܬ܂
01:00 [ai]‍<‍ܡܠܟܘܬܐ ܕܕܘܝܕ#3#‍>‍
01:04 [ai]ܘܐܡܪ ܠܗ ܕܘܝܕ ܡܢܐ ܗܿܘ ܦܬܓܡܐ ‍<‍ܗܢܐ#3#‍>‍ ܚܘܢܝ܂ ܘܐܡܪ ‍<‍ܠܗ#3#‍>‍ ܥܪܩ ܥܡܐ ܡܢ ܩܪܒܐ ܘܐܦ ܣܘܓܐܐ ܢܦܠܘ ܡܢ ܥܡܐ ܘܫܐܘܠ/ܘܐܦ ܫܐܘܠ#3#/ܘܡܝܬ ܫܐܘܠ#3#/ ܘܝܘܢܬܢ ܒܪܗ ܡܝܬܘ
01:05 [ai]ܘܐܡܪ ܕܘܝܕ ܠܥܠܝܡܐ ‍<‍ܗܘ#3#‍>‍܂ ܚܘܢܝ ܐܝܟܢܐ ܡܝܬܘ ܫܐܘܠ ܘܝܘܢܬܢ ܒܪܗ܂
01:06 [ai]ܘܐܡܪ ܠܗ ܥܠܝܡܐ ܗܿܘ܂ ܡܣܬܩܒܠܘ ܐܣܬܩܒܠܬ ܒܛܘܪܐ ܕܓܠܒܘܥ܂ ܘܗܐ ܫܐܘܠ ܣܡܝܟ ܥܠ ܡܘܪܢܝܬܗ܂ ܘܡܪ̈ܟܒܬܐ ܘܓܒܪ̈ܐ ܦܪ̈ܫܐ ܐܕܪܟܘܗܝ܂
01:07 [ai]ܘܐܬܦܢܝ ܠܒܣܬܪܗ ܘܚܙܢܝ ܘܩܪܢܝ ܘܐܡܪܬ ܗܐ ܐܢܐ܂
01:08 [ai]ܘܐܡܪ ܠܝ ܡܿܢ ܐܢܬ܂ ܘܐܡܪܬ ܠܗ ܥܡܠܩܝܐ ܐܢܐ܂
01:09 [ai]ܘܐܡܪ ܠܝ ܩܘܡ ܥܠܝ ܘܩܛܘܠܝܢܝ ܡܛܠ ܕܐܚܕܘܢܝ ܨܘܪ̈ܢܐ ܘܟܠܗܿ ܢܦܫܝ ܒܝ܂
01:10 [ai]ܘܩܡܬ ܥܠܘܗܝ ܘܩܛܠܬܗ ܡܛܠ ܕܝܕܥܬ ܕܠܐ ܚܝܐ ܒܬܪ ܡܦܘܠܬܗ܂ ܘܢܣܒܬ ܟܠܝܠܐ ܕܒܪܝܫܗ ܘܩܘܠܒܐ ܕܒܕܪܥܗ ܘܐܝܬܝܬ ܐܢܘܢ ܠܡܪܝ ܠܗܪܟܐ܂
01:11 [ai]ܘܐܚܕ ܕܘܝܕ ܒܠܒ̈ܘܫܘܗܝ ܘܨܪܝ ܐܢܘܢ܂ ܘܐܦ ܟܠܗܘܢ ܓܒܪ̈ܐ ܕܥܡܗ܂
01:12 [ai]ܘܐܪܩܕܘ ܘܒܟܘ ܘܨܡܘ ܥܕܡܐ ܠܪܡܫܐ ܥܠ ܫܐܘܠ ܘܥܠ ܝܘܢܬܢ ܒܪܗ ܘܥܠ ܥܡܗ ܕܡܪܝܐ ܘܥܠ ܒܢ̈ܝ ܐܝܣܪܝܠ ܕܢܦܠܘ ܒܚܪܒܐ/ܒܩܪܒܐ#3#/܂
01:13 [ai]ܘܐܡܪ ܕܘܝܕ ܠܥܠܝܡܐ ܗܿܘ ܕܚܘܝܗ܂ ܡܢ ܐܝܡܟܐ ܐܢܬ܂ ܘܐܡܪ ܠܗ܂ ܒܪ ܓܒܪܐ ܐܢܐ ܓܝܘܪܐ ܥܡܠܩܝܐ܂
01:14 [ai]ܘܐܡܪ ܠܗ ܕܘܝܕ܂ ܐܝܟܢܐ ܠܐ ܕܚܠܬ ܠܡܘܫܛܘ ܐܝܕܟ ܠܡܚܒܠܘ ܠܡܫܝܚܗ ܕܡܪܝܐ܂
01:15 [ai]ܘܩܪܐ ܕܘܝܕ ܠܚܕ ܡܢ ܥ̈ܠܝܡܐ ܘܐܡܪ ܠܗ܂ ܩܪܘܒ ܦܓܥ ܒܗ܂ ܘܩܪܒ ܦܓܥ ܒܗ ܘܡܚܝܗܝ ܘܡܝܬ܂
01:16 [ai]ܘܐܡܪ ܠܗ ܕܘܝܕ ܕܡܟ ܒܪܝܫܟ ܡܛܠ ܕܦܘܡܟ ܣܗܕ ܒܟ ܕܐܡܪܬ ܕܐܢܐ ܩܛܠܬ ܠܡܫܝܚܗ ܕܡܪܝܐ܀܂
01:00x [ai]‍<‍ܫܠܡ ܣܦܪܐ ܩܕܡܝܐ ܕܡܠܟܘ̈ܬܐ ܕܒܢ̈ܝ ܝܣܪܝܠ#3#‍>‍ ‍<‍ܐܘܠܝܬܐ ܕܕܘܝܕ ܥܠ ܫܐܘܠ ܘܥܠ ܝܘܢܬܢ#3#‍>‍
01:17 [ai]ܘܐܠܐ ܕܘܝܕ ܐܘܠܝܬܐ ܗܕܐ ܥܠ ܫܐܘܠ ܘܥܠ ܝܘܢܬܢ ܒܪܗ܂
01:18 [ai]ܘܐܡܪ܂ ܠܡܠܦܘ ܠܒܢ̈ܝ ܝܗܘܕܐ ܩܫܬܐ܂ ܗܐ ܟܬܝܒ ܒܣܦܪ ܐܫܝܪ܂
01:19 [ai]ܛܒܝܐ ܐܝܣܪܝܠ ܥܠ ܪ̈ܡܬܟ ܩ̈ܛܝܠܐ܂ ܐܝܟܢܐ ܢܦܠܘ ܓܢܒܪ̈ܐ܂
01:20 [ai]ܠܐ ܬܚܘܘܢ ܒܓܬ ܘܠܐ ܬܣܒܪܘܢ ܒܫ̈ܘܩܐ ܕܐܫܩܠܘܢ܂ ܕܠܐ ܢܚ̈ܕܝܢ ܒܢ̈ܬ ܦܠܫ̈ܬܝܐ܂ ܘܠܐ ܢܕ̈ܘܨܢ ܒ̈ܢܬ ܥܘܪ̈ܠܐ܂
01:21 [ai]ܛܘܪ̈ܐ ܕܓܠܒܘܥ ܠܐ ܛܠܐ ܘܠܐ ܡܛܪܐ ܥܠܝܟܘܢ܂ ܘܚ̈ܩܠܬܐ ܕܡܦܪ̈ܫܝܢ ܡܛܠ ܕܬܡܢ ܐܬܬܒܪܬ ܣܟܪܐ ܕܓܢܒܪ̈ܐ ܣܟܪܗ ܕܫܐܘܠ ܕܡܫܝܚ ܗܘܐ ܒܡܫܚܐ܂
01:22 [ai]ܡܢ ܕܡܐ ܕܩ̈ܛܝܠܐ ܘܡܢ ܬܪܒܐ ܕܓܢܒܪ̈ܐ ܩܫܬܗ ܕܝܘܢܬܢ ܠܐ ܗܦܟܐ ܗܘܬ ܠܒܣܬܪܗܿ܂ ܘܚܪܒܗ ܕܫܐܘܠ ܠܐ \ܗܦܟ ܗܘܐ /ܗܦܟܐ ܗܘܬ#3#/ ܣܪܝܩܐܝܬ܂
01:23 [ai]ܫܐܘܠ ܘܝܘܢܬܢ ܪ̈ܚܝܡܐ ܘܒܣ̈ܝܡܐ ܒܚܝ̈ܝܗܘܢ ܘܒܡܘܬܗܘܢ ܠܐ ܦܪܫܘ ܡܢ ܢܫܪ̈ܐ ܩ̈ܠܝܠܝܢ ܗܘܘ ܘܡܢ ܐܪ̈ܝܘܬܐ ܥܫ̈ܝܢܝܢ ܗܘܘ܂
01:24 [ai]ܒܢ̈ܬ ܐܝܣܪܝܠ ܥܠ ܫܐܘܠ ܒܟܝ̈ܝܢ ܕܡܠܒܫ ܗܘܐ ܠܟܝܢ ܙܚܘܪ̈ܝܬܐ ܥܠ/ܥܡ#3#/ ܨܘ̈ܒܥܢܐ ܘܡܣܩ ܗܘܐ ܨܘܪ̈ܬܐ ܕܕܗܒܐ ܥܠ ܠܒܘܫ̈ܝܟܝܢ܂
01:25 [ai]ܐܝܟܢܐ ܢܦܠܘ ܓܢܒܪ̈ܐ ܒܓܘ ܩܪܒܐ܂ ܝܘܢܬܢ ܥܠ ܪ̈ܡܬܟ ܩ̈ܛܝܠܐ܂
01:26 [ai]ܥܩܬ ܠܝ ܥܠܝܟ ܐܚܝ ܝܘܢܬܢ܂ ܚܒܝܒ ܗܘܝܬ ܠܝ ܛܒ܂ ܦܪܝܫܐ ܗܘܬ ܠܝ ܪܚܡܬܟ ܡܢ ܪܚܡܬܐ ܕܢܫ̈ܐ/ܕܐܢܫܐ#2#/܂
01:27 [ai]ܐܝܟܢܐ ܢܦܠܘ ܓܢܒܪ̈ܐ ܘܐܒܕܘ ܡܐ̈ܢܐ ܕܩܪܒܐ܂

next chapter