← Back
The Comprehensive Aramaic Lexicon
← Return to the Text Browser
click on the file description for more information
62010: P 1K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01)1( [ai]ܘܡܠܟܐ ܫܠܝܡܘܢ ܪܚܡ ܢܫ̈ܐ ܣ̈ܓܝܐܬܐ ܢܘܟܪ̈ܝܬܐ܂ ܘܠܒܪܬ ܦܪܥܘܢ܂ ܘܥܡ̈ܘܢܝܬܐ܂ ܘܡܘܐ̈ܒܝܬܐ܂ ܘܐ̈ܕܘܡܝܬܐ܂ ܘܨܝ̈ܕܢܝܬܐ܂ ܘܚ̈ܬܝܬܐ܂
11:02)1( [ai]ܡܢ ܥܡ̈ܡܐ ܘܐܡܪ ܡܪܝܐ ܠܒܢ̈ܝ ܐܝܣܪܝܠ܂ ܠܐ ܬܬܚܠܛܘܢ ܒܗܘܢ܂ ܘܗܢܘܢ ܠܐ ܢܬܚܠܛܘܢ ܒܟܘܢ܂ ܕܠܡܐ ܢܣܛܝܢ ܠܒܟܘܢ ܒܬܪ ܐ̈ܠܗܝܗܝܢ܂ ܒܗܝܢ ܐܬܕܒܩ ܫܠܝܡܘܢ ܘܐܚܕ ܘܪܚܡ܂
11:03)1( [ai]ܘܗ̈ܘܝ ܠܗ ܢܫ̈ܐ ܚܐܪ̈ܬܐ ܫܒܥܡܐܐ܂ ܘܕܪ̈ܘܟܬܐ ܬܠܬܡܐܐ܂ ܘܐܣܛܝ ܢܫ̈ܘܗܝ ܠܒܗ܂
11:04)1( [ai]ܘܗܘܐ ܠܙܒܢܐ ܕܣܝܒܘܬܗ ܕܫܠܝܡܘܢ܂ ܢܫ̈ܘܗܝ ܐܣܛܝ ܠܒܗ ܒܬܪ ܐ̈ܠܗܐ ܐܚܪ̈ܢܐ܂ ܘܠܐ ܗܘܐ ܠܒܗ ܫܠܡ ܥܡ ܡܪܝܐ ܐܠܗܗ ܐܝܟ ܠܒܐ ܕܕܘܝܕ ܐܒܘܗܝ܂
11:05)1( [ai]ܘܐܙܠ ܫܠܝܡܘܢ ܒܬܪ ܥܣܬܪܘܬ ܐܠܗܬܐ ܕܨܝ̈ܕܢܝܐ܂ ܘܒܬܪ ܟܡܘܫ ܕܚܠܬܐ ܕܡܘܐ̈ܒܝܐ܂ ܘܒܬܪ ܡܠܟܘܡ ܐܠܗܐ ܕܒܢ̈ܝ ܥܡܘܢ܂
11:06)1( [ai]ܘܥܒܕ ܫܠܝܡܘܢ ܕܒܝܫ ܩܕܡ ܡܪܝܐ܂ ܘܠܐ ܫܡܠܝ ܒܬܪ ܡܪܝܐ ܐܝܟ ܕܘܝܕ ܐܒܘܗܝ܀
11:07)1( [ai]ܗܝܕܝܢ ܒܢܐ ܫܠܝܡܘܢ ܥܠܬܐ ܠܟܡܘܫ ܕܚܠܬܐ ܕܡܘܐܒ܂ ܒܛܘܪܐ ܕܩܕܡ ܐܘܪܫܠܡ܂ ܘܠܡܠܟܘܡ ܕܚܠܬܐ ܕܒܢ̈ܝ ܥܡܘܢ܂
11:08)1( [ai]ܘܗܟܢܐ ܥܒܕ ܠܟܠܗܝܢ ܢܫ̈ܘܗܝ ܢܘܟܪ̈ܝܬܐ܂ ܕܣ̈ܝܡܢ ܗ̈ܘܝ ܒܣ̈ܡܐ ܘܡܕܒܚܢ ‍<‍ܗܘ̈ܐ#3#‍>‍ ܠܐ̈ܠܗܝܗܝܢ܂
11:09)1( [ai]ܘܪܓܙ ܡܪܝܐ ܥܠ ܫܠܝܡܘܢ܂ ܥܠ ܕܣܛܐ ܠܒܗ ܡܢ ܡܪܝܐ ܐܠܗܐ ܕܐܝܣܪܝܠ܂ ܕܐܬܓܠܝ ܥܠܘܗܝ ܬܪ̈ܬܝܢ/ܕܬܪ̈ܬܝܢ#3#/ ܙܒܢ̈ܝܢ
11:10)1( [ai]ܘܦܩܕܗ ܥܠ ܦܬܓܡܐ ܗܢܐ܂ ܕܠܐ ܢܐܙܠ ܒܬܪ ܐ̈ܠܗܐ ܕܥܡ̈ܡܐ܂ ܘܠܐ ܢܛܪ ܡܕܡ ܕܦܩܕܗ ܡܪܝܐ܀܂
11:11)1( [ai]ܘܐܡܪ ܡܪܝܐ ܠܫܠܝܡܘܢ܂ ܚܠܦ ܕܗܘܬ ܗܕܐ ܥܡܟ܃ ܘܠܐ ܢܛܪܬ ܩܝ̈ܡܝ ܘܕܝܢ̈ܝ ܘܦܘܩ̈ܕܢܝ ܕܦܩܕܬܟ܂ ܡܨܪܐ ܐܨܪܝܗ ܠܡܠܟܘܬܐ \ܡܢ ܐܝܕܟ /ܡܢܟ#3#/܂ ܘܐܬܠܝܗ ܠܥܒܕܟ܂
11:12)1( [ai]ܒܪܡ ܒܝ̈ܘܡܝܟ ܠܐ ܐܥܒܕܝܗ܂ ܡܛܠ ܕܘܝܕ ܥܒܕܝ܂ ܡܢ ܐܝܕܐ ܕܒܪܟ ܐܨܪܝܗ܂
11:13)1( [ai]ܒܪܡ/ܒܠܚܘܕ#3#/ ܟܠܗ ܡܠܟܘܬܐ ܠܐ ܐܨܪܐ܂ ܫܒܛܐ ܚܕ ܐܬܠ ܠܒܪܟ܂ ܡܛܠ ܕܘܝܕ ܥܒܕܝ܂ ܘܡܛܠ ܐܘܪܫܠܡ ܩܪܝܬܐ ܕܓܒܝܬ܂
11:14)1( [ai]ܘܐܩܝܡ ܡܪܝܐ ܣܛܢܐ ܠܫܠܝܡܘܢ܂ ܠܗܕܕ ܐܕܘܡܝܐ܂ ܡܢ ܙܪܥܐ ܗܘܐ ܓܝܪ ܕܡ̈ܠܟܐ ܒܐܕܘܡ܂
11:15)1( [ai]ܘܟܕ ܚܪܒ ܕܘܝܕ ܠܐܕܘܡ܂ ܟܕ ܣܠܩ ܝܘܐܒ ܪܒ ܚܝܠܐ ܠܡܩܒܪܘ ܩ̈ܛܝܠܐ܃ ܘܩܛܠ ܟܠ ܕܟܪܐ ܒܐܕܘܡ܂
11:16)1( [ai]ܡܛܠ ܕܫܬܐ ܝܪ̈ܚܝܢ ܝܬܒ ܬܡܢ ܝܘܐܒ ܘܟܠܗ ܐܝܣܪܝܠ ܥܡܗ܂ ܥܕܡܐ ܕܩܛܠ ܟܠ ܕܟܪܐ ܒܐܕܘܡ܂
11:17)1( [ai]ܘܥܪܩ ܗܕܕ ܗܘ ܘܐܢܫܐ ܐ̈ܕܘܡܝܐ܂ ܡܢ ܥܒ̈ܕܘܗܝ ܕܐܒܘܗܝ ܠܡܥܠ ܠܡܨܪܝܢ܂ ܘܗܕܕ ܛܠܝܐ ܗܘܐ ܙܥܘܪܐ܂
11:18)1( [ai]ܘܩܡܘ ܡܢ ܡܕܝܢ ܘܥܠܘ ܠܦܪܢ/ܠܦܕܢ#3#/܂ ܘܕܒܪܘ ܓܒܪ̈ܐ ܥܡܗܘܢ ܡܢ ܦܪܢ/ܦܕܢ#3#/܂ ܘܥܠܘ ܠܡܨܪܝܢ܂ ܠܘܬ ܦܪܥܘܢ ܡܠܟܐ ܕܡܨܪܝܢ܂ ܘܝܗܒ ܠܗ ܒܝܬܐ ܘܠܚܡܐ܂ ܘܐܡܪ ܠܗ ܬܒ ܠܘܬܝ܂ ܘܐܪܥܐ ܝܗܒ ܠܗ܂
11:19)1( [ai]ܘܐܫܟܚ ܗܕܕ ܪ̈ܚܡܐ ܒܥܝܢ̈ܝ ܦܪܥܘܢ܂ ܘܝܗܒ ܠܗ ܐܢܬܬܐ ܚܬܗ ܕܐܢܬܬܗ܂ ܚܬܗ ܕܬܚܦܝܣ ܪܒܬܐ܂
11:20)1( [ai]ܘܝܠܕܬ ܠܗ ܚܬܗ ܕܬܚܦܝܣ ܠܓܒܘܬ ܒܪܗ܂ ܘܚܣܠܬܗ ܬܚܦܝܣ ‍<‍ܠܓܒܘܬ ܒܪܗ#3#‍>‍ ܒܓܘ ܒܝܬ ܦܪܥܘܢ܂ ܘܗܘܐ ܓܒܘܬ ܒܝܬ ܦܪܥܘܢ ܒܝܢ̈ܬ ܒܢ̈ܘܗܝ ܕܦܪܥܘܢ܀
11:21)1( [ai]ܘܗܕܕ ܫܡܥ ܒܡܨܪܝܢ ܕܫܟܒ ܕܘܝܕ ܥܡ ܐ̈ܒܗܘܗܝ܂ ܘܕܡܝܬ ܝܘܐܒ ܪܒ ܚܝܠܐ܂ ܘܗܕܕ ܐܡܪ ܠܦܪܥܘܢ܂ ܫܕܪܝܢܝ ܐܙܠ ܠܐܪܥܝ܂
11:22)1( [ai]ܐܡܪ ܠܗ ܦܪܥܘܢ܂ ܡܢܐ ܓܝܪ ܚܣܪܬ ܠܘܬܝ܂ ܕܗܐ ܒܥܐ ܐܢܬ ܕܬܐܙܠ ܠܟ ܠܐܪܥܟ܂ ܐܡܪ ܠܗ ܠܐ܂ ܐܠܐ ܡܫܕܪܘ ܫܕܪܝܢܝ܂
11:23)1( [ai]ܘܐܩܝܡ ܠܗ ܡܪܝܐ ܣܛܢܐ ܠܗܕܪܘܢ ܒܪ ܐܠܝܕܥ܂ ܕܥܪܩ ܡܢ ܠܘܬ ܗܕܪܥܙܪ ܡܠܟܐ ܕܨܘܒܐ ܡܪܗ܂
11:24)1( [ai]ܘܟܢܫܘ ܥܠܘܗܝ ܓܒܪ̈ܐ ܘܗܘܐ ܪܒ ܓܝܣܐ܂ ܘܟܕ ܩܛܠ ܐܢܘܢ ܕܘܝܕ܂ ܐܙܠܘ ܠܕܪܡܣܘܩ ܘܝܬܒܘ ܒܗ܂ ܘܐܡܠܟ ܗܕܕ ܒܕܪܡܣܘܩ܂
11:25)1( [ai]ܘܗܘܐ ܣܛܢܐ ܠܐܝܣܪܝܠ܂ ܟܠܗܘܢ ܝܘܡ̈ܬܗ ܕܫܠܝܡܘܢ܂ ܥܠ ܒܝܫܬܐ ܕܥܒܕ܂ ܘܗܕܕ ܐܥܝܩ ܠܒܢ̈ܝ ܐܝܣܪܝܠ ܘܐܡܠܟ ܥܠ ܐܕܘܡ܀܀܂
11:26)1( [ai]ܘܝܘܪܒܥܡ ܒܪ ܢܒܛ ܐܦܪܬܝܐ ܡܢ ܨܕܕܐ܂ ܘܫܡܐ ܕܐܡܗ ܨܪܘܒܐ܂ ܐܢܬܬܐ ܐܪܡܠܬܐ܂ ܥܒܕܐ ܕܫܠܝܡܘܢ܂ ܘܐܪܝܡ ܐܝܕܐ \ܥܠ ܡܠܟܐ /ܒܡܠܟܐ#3#/ ܫܠܝܡܘܢ܂
11:27)1( [ai]ܘܗܢܐ ܦܬܓܡܐ ܕܐܪܝܡ ܐܝܕܐ ܒܡܠܟܐ ܫܠܝܡܘܢ܂ ܟܕ ܒܢܐ ܠܡܠܘ ܘܣܟܪ ܬܘܪ̈ܥܬܐ ܕܩܪܝܬܗ ܕܕܘܝܕ ‍<‍ܐܒܘܗܝ#3#‍>‍܂
11:28)1( [ai]ܘܓܒܪܐ ܝܘܪܒܥܡ ܓܢܒܪ ܚܝܠܐ ܗܘܐ܂ ܘܚܙܝܗܝ ܡܠܟܐ ܫܠܝܡܘܢ ܠܛܠܝܐ ܕܓܢܒܪ ܚܝܠܐ ܗܘ܂ ܘܐܫܠܛܗ ܥܠ ܟܠܗ ܥܒܕܐ ܕܒܝܬ ܝܘܣܦ܀
11:29)1( [ai]ܘܗܘܐ ܒܙܒܢܐ ܗܘ܂ ܘܝܘܪܒܥܡ ܢܦܩ ܡܢ ܐܘܪܫܠܡ܂ ܘܐܫܟܚܗ ܐܚܝܐ ܢܒܝܐ ܫܝܠܘܢܝܐ ܒܐܘܪܚܐ ܘܐܚܝܐ܂/ܘܗܘ#3#/ ܡܟܣܝ ܗܘܐ ܒܠܒܘܫܐ ܚܕܬܐ܂ ܘܬܪ̈ܝܗܘܢ ܗܘܘ ܒܠܚܘܕ ܒܚܩܠܐ܂
11:30)1( [ai]ܘܐܚܕ ܐܚܝܐ ܒܠܒܘܫܐ ܚܕܬܐ ܕܥܠܘܗܝ܂ ܘܨܪܝܗܝ ܠܬܪ̈ܥܣܪ ܨܪ̈ܘܢ܂
11:31)1( [ai]ܘܐܡܪ ܠܝܘܪܒܥܡ܂ ܣܒ ܠܟ ܥܣܪܐ ܨܪ̈ܘܢ܂ ܡܛܠ ܕܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ܂ ܗܐ ܨܪܐ ܐܢܐ ܡܠܟܘܬܐ ܡܢ ܐܝܕܗ ܕܫܠܝܡܘܢ܂ ܘܐܬܠ ܠܟ ܥܣܪܐ ܫܒ̈ܛܝܢ܂
11:32)1( [ai]ܘܫܒܛܐ ܚܕ ܢܗܘܐ ܠܗ܂ ܡܛܠ ܕܘܝܕ ܥܒܕܝ܂ ܘܡܛܠ ܐܘܪܫܠܡ ܩܪܝܬܐ ܕܨܒܝܬ ܒܗ ܡܢ ܟܠܗܘܢ ܫܒ̈ܛܐ ܕܐܝܣܪܝܠ܂
11:33)1( [ai]ܥܠ ܕܫܒܩܢܝ ܘܣܓܕ ܠܥܣܬܪܘܬ ܐܠܗܬܐ ܕܨܝ̈ܕܢܝܐ܂ ܘܠܟܡܘܫ ܐܠܗܐ/ܕܚܠܬܐ#3#/ ܕܡ̈ܘܐܒܝܐ܂ ܘܠܡܠܟܘܡ ܐܠܗܐ ܕܒܢܝ ܥܡܘܢ܂ ܘܠܐ ܗܠܟ ܒܐܘܪ̈ܚܬܝ ܘܠܐ ܥܒܕ ܕܫܦܝܪ ܩܕܡܝ܂ ܘܠܐ ܢܛܪ ܩܝ̈ܡܝ ܘܕܝܢ̈ܝ ܐܝܟ ܕܘܝܕ ܐܒܘܗܝ܂
11:34)1( [ai]ܘܠܐ ܐܣܒ ܟܠܗ ܡܠܟܘܬܐ ܡܢ ܐ̈ܝܕܘܗܝ܂ ܐܠܐ ܪܒܐ ܐܥܒܕܝܘܗܝ ܟܠ ܝܘܡ̈ܝ ܚܝ̈ܘܗܝ܂ ܡܛܠ ܕܘܝܕ ܥܒܕܝ ܕܓܒܝܬܗ܂ ܕܢܛܪ ܦܘܩ̈ܕܢܝ ܘܩܝ̈ܡܝ܂
11:35)1( [ai]ܘܐܣܒ ܡܠܟܘܬܐ ܡܢ ܐܝ̈ܕܝ ܒܪܗ܂ ܘܐܬܠ ܠܟ ܥܣܪܐ ܫܒ̈ܛܝܢ܂
11:36)1( [ai]ܘܠܒܪܗ ܐܬܠ ܫܒܛܐ ܚܕ܂ ܡܛܠ ܕܢܗܘܐ ܫܪܓܐ ܠܥܒܕܝ ܕܘܝܕ ܟܠܗܘܢ ܝܘܡ̈ܬܐ ܩܕܡܝ܂ ܒܐܘܪܫܠܡ ܩܪܝܬܐ ܕܓܒܝܬ ܠܝ ܠܡܣܡ ܫܡܝ ܬܡܢ/ܠܥܠܡ#3#/܂
11:37)1( [ai]ܘܠܟ ܐܬܠ܂ ܘܬܡܠܟ ܐܝܟ ܕܨܒܝܐ ܢܦܫܟ܂ ܘܬܗܘܐ ܡܠܟܐ ܥܠ ܐܝܣܪܝܠ܂
11:38)1( [ai]ܘܐܢ ܬܫܡܥ ܟܘܠ ܕܦܩܕܬܟ܃ ܘܬܗܠܟ ܒܐܘܪ̈ܚܬܝ ܘܬܥܒܕ ‍<‍ܟܠ#3#‍>‍ ܕܫܦܝܪ ܩܕܡܝ܃ ܘܬܛܪ ܩܝ̈ܡܝ ܘܦܘܩ̈ܕܢܝ ܐܝܟ ܕܥܒܕ ܕܘܝܕ ܥܒܕܝ܂ ܐܗܘܐ ܥܡܟ ܘܐܒܢܐ ܠܟ ܒܝܬܐ ܡܗܝܡܢܐ܂ ܐܝܟ ܕܒܢܝܬ ܠܕܘܝܕ ܥܒܕܝ܂ ܘܐܬܠ ܠܟ ܠܐܝܣܪܝܠ܂
11:39)1( [ai]ܘܐܡܟܟ ܙܪܥܗ ܕܕܘܝܕ ܡܛܠ ܗܕܐ܂ ܒܪܡ ‍<‍ܕܝܢ#3#‍>‍ ܠܐ ܟܠܗܘܢ ܝܘܡ̈ܬܐ܂
11:40)1( [ai]ܘܒܥܐ ܫܠܝܡܘܢ ܠܡܩܛܠܗ ܠܝܘܪܒܥܡ܂ ܘܩܡ ܝܘܪܒܥܡ ܘܥܪܩ ܠܡܨܪܝܢ܂ ܠܘܬ ܫܝܫܩ ܡܠܟܐ ܕܡܨܪܝܢ܂ ܘܗܘܐ ܒܡܨܪܝܢ/ܬܡܢ#3#/ ܥܕܡܐ ܕܡܝܬ ܫܠܝܡܘܢ܂
11:41)1( [ai]ܘܫܪܟܐ ܕܦܬ̈ܓܡܘܗܝ ܕܫܠܝܡܘܢ ܘܟܠ ܡܕܡ ܕܥܒܕ ܘܚܟܡܬܗ܂ ܗܐ ܟܬܝܒܝܢ ܒܣܦܪ ܦܬ̈ܓܡܘܗܝ ܕܫܠܝܡܘܢ܂
11:42)1( [ai]ܘܝܘܡ̈ܬܐ ܕܐܡܠܟ ܫܠܝܡܘܢ ܒܐܘܪܫܠܡ ܥܠ ܟܠܗ ܐܝܣܪܝܠ܂ ܐܪ̈ܒܥܝܢ ܫ̈ܢܝܢ܂
11:43)1( [ai]ܘܫܟܒ ܫܠܝܡܘܢ ܥܡ ܐ̈ܒܗܘܗܝ܂ ܘܐܬܩܒܪ ܒܩܪܝܬܐ ܕܕܘܝܕ ܐܒܘܗܝ܂ ܘܐܡܠܟ ܪܚܒܥܡ ܒܪܗ ܒܬܪܗ܂

next chapter