← Back
The Comprehensive Aramaic Lexicon
← Return to the Text Browser
click on the file description for more information
62010: P 1K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01)1( [ai]ܘܗܘܐ ܦܬܓܡܗ ܕܡܪܝܐ ܥܠ ܝܗܘ ܒܪ ܚܢܢ ܥܠ ܒܥܫܐ ܠܡܐܡܪ܂
16:02)1( [ai]ܗܟܢܐ ܐܡܪ ܡܪܝܐ܂ ܚܠܦ ܕܐܪܝܡܬܟ ܡܢ ܥܦܪܐ ܘܥܒܕܬܟ ܡܕܒܪܢܐ ܥܠ ܥܡܝ ܐܝܣܪܝܠ܂ ܘܗܠܟܬ ܒܐܘܪ̈ܚܬܗ ܕܝܘܪܒܥܡ܂ ܘܐܚܛܝܬ ܠܥܡܝ ܐܝܣܪܝܠ܂ ܕܢܪܓܙܘܢܢܝ \ܒܥܒܕ ܐܝ̈ܕܝܗܘܢ /ܒܥ̈ܒܕܝܗܘܢ#3#/܂
16:03)1( [ai]ܗܐ ܡܒܥܪ ܐܢܐ ܒܬܪ ܒܥܫܐ ܘܒܬܪ ܒܝܬܗ܂ ܘܐܥܒܕܝܘܗܝ ܠܒܝܬܗ ܐܝܟ ܒܝܬܗ ܕܝܘܪܒܥܡ ܒܪ ܢܒܛ܂
16:04)1( [ai]ܕܢܡܘܬ ܠܒܥܫܐ ܒܩܪܝܬܐ ܢܐܟܠܘܢ ܟ̈ܠܒܐ܂ ܘܕܢܡܘܬ ܠܗ ܒܕܒܪܐ ܬܐܟܘܠ ܦܪܚܬܐ ܕܫܡܝܐ܂
16:05)1( [ai]ܘܫܪܟܐ ܕܦܬ̈ܓܡܘܗܝ ܕܒܥܫܐ ܘܟܠ ܡܕܡ ܕܥܒܕ ܘܟܠܗ ܓܢܒܪܘܬܗ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
16:06)1( [ai]ܘܫܟܒ ܒܥܫܐ ܥܡ ܐ̈ܒܗܘܗܝ܂ ܘܐܬܩܒܪ ܒܬܪܨܐ܂ ܘܐܡܠܟ ܐܠܐ ܒܪܗ ܒܬܪܗ܀
16:07)1( [ai]ܘܐܦ ܒܝܕ ܝܗܘ ܒܪ ܚܢܢ ܢܒܝܐ܂ ܗܘܐ ܦܬܓܡܗ ܕܡܪܝܐ ܥܠ ܒܥܫܐ ܘܥܠ ܟܠܗ ܒܝܬܗ ܥܠ ܟܠܗ ܒܝܫܬܐ ܕܥܒܕ ܩܕܡ ܡܪܝܐ܂ ܕܢܪܓܙܝܘܗܝ ܒܥܒܕ ܐ̈ܝܕܘܗܝ܂ ܕܢܗܘܐ ܐܝܟ ܒܝܬܗ ܕܝܘܪܒܥܡ ܥܠ ܕܩܛܠܗ܀
16:08)1( [ai]ܒܫܢܬ ܥܣܪ̈ܝܢ ܘܫܬ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܐܠܐ ܒܪ ܒܥܫܐ ܥܠ ܐܝܣܪܝܠ܂ ܒܬܪܨܐ ܬܪ̈ܬܝܢ ܫ̈ܢܝܢ܂
16:09)1( [ai]ܘܡܪܕ ܥܠܘܗܝ ܙܡܪܝ ܥܒܕܗ ܪܒ ܦܠܓܘܬ ܪ̈ܟܒܐ܂ ܘܗܘ ܒܬܪܨܐ ܫܬܐ ܗܘܐ ܥܬܝܩܐ܂ ܒܝܬ ܐܪܥܐ ܕܒܢܐ ܒܬܪܨܐ܂
16:10)1( [ai]ܘܥܠ ܙܡܪܝ ܘܡܚܝܗܝ ܘܩܛܠܗ܂ ܒܫܢܬ ܥܣܪ̈ܝܢ ܘܫܒܥ ܫ̈ܢܝܢ ܠܐܣܐ ܡܠܟܐ ܕܝܗܘܕܐ ܘܐܡܠܟ ܒܬܪܗ܂
16:11)1( [ai]ܘܟܕ ܐܡܠܟ ܘܝܬܒ ܥܠ ܟܘܪܣܝܗ܂ ܡܚܐ ܠܟܠܗ ܒܝܬ ܒܥܫܐ܂ ܘܠܐ ܫܒܩ ܠܗ ܕܬܐܢ ܒܐܣܬܐ܂ ܘܟܠ ܩܪ̈ܝܒܘܗܝ ܘܪܚ̈ܡܘܗܝ܂
16:12)1( [ai]ܘܐܘܒܕ ܙܡܪܝ ܠܟܠܗ ܒܝܬ ܒܥܫܐ܂ ܐܝܟ ܦܬܓܡܗ ܕܡܪܝܐ ܕܡܠܠ ܥܠ/ܥܡ#3#/ ܒܥܫܐ ܒܐܝܕܐ ܕܝܗܘ ܢܒܝܐ܂
16:13)1( [ai]ܥܠ ܟܠܗܘܢ ܚ̈ܛܗܘܗܝ ܕܒܥܫܐ ܘܚ̈ܛܗܘܗܝ ܕܐܠܐ ܒܪܗ܂ ܕܚܛܘ ܘܐܚܛܝܘ ܠܐܝܣܪܝܠ܂ ܠܡܪܓܙܘ ܠܡܪܝܐ ܐܠܗܐ ܕܐܝܣܪܝܠ ܒܕܚ̈ܠܬܗܘܢ܂
16:14)1( [ai]ܘܫܪܟܐ ܕܦܬ̈ܓܡܘܗܝ ܕܐܠܐ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܀܂
16:15)1( [ai]ܒܫܢܬ ܥܣܪ̈ܝܢ ܘܫܒܥ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܙܡܪܝ ܫܒܥܐ ܝܘܡ̈ܝܢ ܒܬܪܨܐ܂ ܘܥܡܐ ܫܪܝܢ ܥܠ ܓܬ ܕܦܠܫ̈ܬܝܐ܂
16:16)1( [ai]ܘܫܡܥܘ ܥܡܐ ܕܫܪܝܢ ܘܐܡܪܝܢ܂ ܡܪܕ ܙܡܪܝ ܘܐܦ ܩܛܠ ܠܡܠܟܐ܂ ܘܐܡܠܟܘ ܟܘܠܗ ܐܝܣܪܝܠ ܥܠܝܗܘܢ܂ ܠܥܡܪܝ ܪܒ ܚܝܠܐ ܥܠ ܐܝܣܪܝܠ ܒܝܘܡܐ ܗܘ ܒܡܫܪܝܬܐ܂
16:17)1( [ai]ܘܣܠܩ ܥܡܪܝ ܘܟܠܗ ܐܝܣܪܝܠ ܥܡܗ ܡܢ ܓܬ܂ ܘܫܪܘ ܥܠ ܬܪܨܐ܂
16:18)1( [ai]ܘܟܕ ܚܙܐ ܙܡܪܝ ܕܐܬܟܒܫܬ ܬܪܨܐ ܥܠ ܠܗ ܠܢܘܣܐ ܕܒܝܬ ܡܠܟܐ܂ ܘܐܘܩܕܘ ܥܠܘܗܝ ܒܝܬ ܡܠܟܐ ܒܢܘܪܐ ܘܡܝܬ܂
16:19)1( [ai]ܥܠ ܚ̈ܛܗܘܗܝ ܕܚܛܐ ܘܥܒܕ ܕܒܝܫ ܩܕܡ ܡܪܝܐ܂ ܠܡܗܠܟܘ ܒܐܘܪ̈ܚܬܗ ܕܝܘܪܒܥܡ ܒܪ ܢܒܛ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܂
16:20)1( [ai]ܘܫܪܟܐ ܕܦܬ̈ܓܡܘܗܝ ܕܙܡܪܝ ܘܡܪܕܐ ܕܡܪܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܐܝܠ܂
16:21)1( [ai]ܗܝܕܝܢ ܐܬܦܠܓܘ ܥܡܐ ܕܐܝܣܪܝܠ ܦ̈ܠܓܘܬܐ܂ ܦܠܓܗ ܕܥܡܐ ܗܘܐ ܒܬܪ ܬܒܢܝ ܒܪ ܓܢܝܬ ܠܡܡܠܟܘܬܗ܂ ܘܦܠܓܗ ܒܬܪ ܥܡܪܝ܂
16:22)1( [ai]ܘܥܫܢ ܥܡܐ ܕܒܬܪ/ܕܥܡ#3#/ ܥܡܪܝ ܡܢ ܥܡܐ ܕܒܬܪ ܬܒܢܝ܂ ܘܡܝܬ ܬܒܢܝ ܘܐܡܠܟ ܥܡܪܝ ‍<‍ܒܬܪܗ#3#‍>‍܂
16:23)1( [ai]ܒܫܢܬ ܬܠܬܝܢ ܘܚܕܐ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܥܡܪܝ ܥܠ ܐܝܣܪܝܠ ‍<‍ܫܒܥ ܫ̈ܢܝܢ#3#‍>‍ ܬܪ̈ܬܥܣܪܐ ܫ̈ܢܝܢ܂ ܒܬܪܨܐ ܐܡܠܟ ܫܬ ܫ̈ܢܝܢ܂
16:24)1( [ai]ܘܙܒܢܗ ܠܛܘܪܐ ܕܫܡܪܝܢ ܡܢ ܫܡܝܪ ܒܟܟܪܐ ܕܟܣܦܐ܂ ܘܒܢܝܗܝ ܠܛܘܪܐ/ܛܘܪܐ#3#/܂ ܘܩܪܐ ܫܡܗ ܕܩܪܝܬܐ ܕܒܢܐ܂ ܥܠ ܫܡ ܫܡܝܪ ܡܪܗ ܕܛܘܪܐ ܫܡܪܝܢ/ܕܫܡܪܝܢ#3#/܂
16:25)1( [ai]ܘܥܒܕ ܥܡܪܝ ܕܒܝܫ ܩܕܡ ܡܪܝܐ܂ ܘܐܒܐܫ ܡܢ ܟܠܗܘܢ ܡ̈ܠܟܐ ܕܗܘܘ ܩܕܡܘܗܝ܂
16:26)1( [ai]ܘܗܠܟ ܒܟܠܗ ܐܘܪܚܗ ܕܝܘܪܒܥܡ ܒܪ ܢܒܛ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܂ ܠܡܪܓܙܘ ܠܡܪܝܐ ܐܠܗܐ/ܠܐܠܗܐ#3#/ ܕܐܝܣܪܝܠ ܒܕܚ̈ܠܬܗܘܢ܂
16:27)1( [ai]ܘܫܪܟܐ ܕܦܬ̈ܓܡܘܗܝ ܕܥܡܪܝ ܘܟܠܡܕܡ ܕܥܒܕ܂ ܘܟܠܗ ܓܢܒܪܘܬܗ/ܓܒܪܘܬܗ#2#/܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
16:28)1( [ai]ܘܫܟܒ ܥܡܪܝ ܥܡ ܐ̈ܒܗܘܗܝ܂ ܘܐܬܩܒܪ ܒܫܡܪܝܢ܂ ܘܐܡܠܟ ܐܚܒ ܒܪܗ ܒܬܪܗ܀
16:29)1( [ai]ܘܐܚܒ ܒܪ ܥܡܪܝ ܐܡܠܟ ܥܠ ܐܝܣܪܝܠ܂ ܒܫܢܬ ܬܠܬܝܢ ܘܬܡܢܐ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܐܚܒ ܒܪ ܥܡܪܝ ܥܠ ܐܝܣܪܝܠ܂ ܒܫܡܪܝܢ ܥܣܪ̈ܝܢ ܘܬܪ̈ܬܝܢ ܫ̈ܢܝܢ܂
16:30)1( [ai]ܘܥܒܕ ܐܚܒ ܒܪ ܥܡܪܝ ܕܒܝܫ ܩܕܡ ܡܪܝܐ܂ ܡܢ ܟܠ ܕܗܘܘ ܩܕܡܘܗܝ܂
16:31)1( [ai]ܘܡܼܢ ܕܩܠܝܠ ܗܘܐ ܒܥܝ̈ܢܘܗܝ܂ ܕܢܗܠܟ ܒܚ̈ܛܗܘܗܝ ܕܝܘܪܒܥܡ ܒܪ ܢܒܛ܂ ܐܙܠ ܘܢܣܒ ܐܢܬܬܐ܂ ܠܐܝܙܒܠ ܒܪܬ ܐܝܬܒܥܠ ܡܠܟܐ ܕܨܝ̈ܕܢܝܐ܂ ܘܐܙܠ ܘܦܠܚ ܠܒܥܠܐ ܘܣܓܕ ܠܗ܂
16:32)1( [ai]ܘܐܩܝܡ ܡܕܒܚܐ ܠܒܥܠܐ܂ ܒܝܬ ܒܥܠܐ ܕܒܢܐ ܒܫܡܪܝܢ܂
16:33)1( [ai]ܘܦܠܚ ܐܚܒ ܠܕܚ̈ܠܬܐ܂ ܘܐܘܣܦ ܐܚܒ ‍<‍ܒܕܚ̈ܠܬܐ#3#‍>‍ ܠܡܦܠܚ ܘܠܡܪܓܙܘ ܩܕܡ ܡܪܝܐ ܐܠܗܐ ܕܐܝܣܪܝܠ܂ ܡܢ ܟܠܗܘܢ ܡ̈ܠܟܐ ܕܐܝܣܪܐܝܠ ܕܗܘܘ ܩܕܡܘܗܝ܂
16:34)1( [ai]ܘܒܝ̈ܘܡܘܗܝ ܒܢܐ ܐܚܒ ܒܝܬ ܠܘܛܬܐ ܠܐܝܪܝܚܘ/ܕܐܝܪܝܚܘ#3#/܂ ܒܐܒܝܪܡ ܒܘܟܪܗ ܫܟܠܠܗ܂ ܘܒܫܟܘܒ ܙܥܘܪܗ ܐܩܝܡ ܬܪ̈ܥܝܗ܂ ܐܝܟ ܦܬܓܡܗ ܕܡܪܝܐ ܕܡܠܠ ܒܐܝܕܐ ܕܝܫܘܥ ܒܪ܆ܢܘܢ܀

next chapter