← Back
The Comprehensive Aramaic Lexicon
← Return to the Text Browser
click on the file description for more information
62010: P 1K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01)1( [ai]ܘܝܬܒܘ ܬܠܬ ܫܢܝ̈ܢ܂ ܘܠܐ ܗܘܐ ܩܪܒܐ ܒܝܢ̈ܝ ܐܕܘܡ ܠܐܝܣܪܝܠ܀
22:02)1( [ai]ܘܗܘܐ ܒܫܢܬܐ ܬܠܝܬܝܬܐ܂ ܘܢܚܬ ܝܘܫܦܛ ܡܠܟܐ ܕܝܗܘܕܐ ܠܘܬ ܐܚܒ ܡܠܟܐ ܕܐܝܣܪܝܠ܂
22:03)1( [ai]ܘܐܡܪ ܡܠܟܐ ܕܐܝܣܪܝܠ ܠܥܒ̈ܕܘܗܝ܂ ܝܕܥܝܢ ܐܢܬܘܢ ܕܕܝܠܢ ܗܝ ܪܡܬ ܓܠܥܕ܂ ܘܥܕܡܐ ܠܐܡܬܝ ܫܬܝܩܝܢܢ ܕܢܣܒܝܗ ܡܢ ܐܝܕܐ ܕܡܠܟܐ ܕܐܕܘܡ܂
22:04)1( [ai]ܘܐܡܪ ܠܝܘܫܦܛ܂ ܐܙܠ ܐܢܬ ܥܡܝ ܠܩܪܒܐ ܠܪܡܬ ܓܠܥܕ܂ ܘܐܡܪ ܝܘܫܦܛ ‍<‍ܡܠܟܐ ܕܝܗܘܕܐ#3#‍>‍܂ ܐܙܠ ܐܢܐ ܐܟܘܬܟ܂ ܘܥܡܝ ܐܝܟ ܥܡܟ ܘܪܟܫܝ ܐܝܟ ܪܟܫܟ܂
22:05)1( [ai]ܘܐܡܪ ܝܘܫܦܛ ܠܡܠܟܐ ܕܐܝܣܪܝܠ܂ ܫܐܠ ܢܐ/ܐܢܐ#2#/ ܝܘܡܢܐ ܦܬܓܡܗ ܕܡܪܝܐ܂
22:06)1( [ai]ܘܟܢܫ ܡܠܟܐ ܕܐܝܣܪܝܠ ܢܒ̈ܝܐ/ܠܢܒ̈ܝܐ#3#/ ܐܝܟ ܐܪܒܥܡܐܐ ܓܒܪ̈ܝܢ܂ ܘܐܡܪ ܠܗܘܢ܂ ܐܙܠ ܠܪܡܬ ܓܠܥܕ ܠܩܪܒܐ ܐܘ ܐܦܘܫ܂ ܐܡܪܝܢ ܠܗ ܣܩ܂ ܘܡܫܠܡ ܠܗܘܢ ܡܪܝܐ ܒܐ̈ܝܕܝܟ ܡܠܟܐ܂
22:07)1( [ai]ܘܐܡܪ ܝܘܫܦܛ܂ ܠܝܬ ܗܪܟܐ ‍<‍ܬܘܒ#3#‍>‍ ܢܒܝܐ ܕܐܠܗܐ܃ ܕܢܫܐܠ ܡܢܗ܂
22:08)1( [ai]ܘܐܡܪ ܡܠܟܐ ܕܐܝܣܪܝܠ ܠܝܘܫܦܛ܂ ܬܘܒ ܐܝܬ ܓܒܪܐ ܚܕ ܕܢܫܐܠ ܦܬܓܡܗ ܕܡܪܝܐ ܡܢܗ܂ ܘܐܢܐ ܣܢܝܬܗ܂ ܡܛܠ ܕܠܐ ܡܬܢܒܐ ܥܠܝ ܛܒܬܐ ܐܠܐ ܐܢ ܒܝܫܬܐ܂ ܡܝܟܐ ܫܡܗ ܒܪ ܝܡܠܐ܂ ܘܐܡܪ ‍<‍ܠܗ#3#‍>‍ ܝܘܫܦܛ܂ ܠܐ ܢܐܡܪ ‍<‍ܡܪܝ#3#‍>‍ ܡܠܟܐ ܗܟܢܐ܂
22:09)1( [ai]ܘܩܪܐ ܡܠܟܐ ܕܐܝܣܪܝܠ ܠܡܗܝܡܢܐ ܚܕ ܘܐܡܪ ܠܗ܂ ܒܥܓܠ ܠܡܝܟܐ ܒܪ ܝܡܠܐ ‍<‍ܐܝܬܐ#3#‍>‍܂
22:10)1( [ai]ܘܡܠܟܐ ܕܐܝܣܪܝܠ ܘܝܘܫܦܛ ܡܠܟܐ ܕܝܗܘܕܐ܂ ܝܬܒܝܢ ‍<‍ܗܘܘ#3#‍>‍ ܓܒܪ ܥܠ ܟܘܪܣܝܗ܂ ܘܠܒܝܫܝܢ ܠܒܘܫܐ ܒܪܕܐ܂ ‍<‍ܘܝܬܒܝܢ#3#‍>‍ ܒܡܥܠܢܐ ܕܬܪܥܐ ܕܫܡܪܝܢ܂ ܘܟܠܗܘܢ ܢܒ̈ܝܐ ܡܬܢܒܝܢ ܩܕܡܝܗܘܢ܂
22:11)1( [ai]ܘܥܒܕ ܠܗ ܨܕܩܝܐ ܒܪ ܟܢܥܢܝܬܐ ܩܪ̈ܢܬܐ ܕܦܪܙܠܐ܂ ܘܐܡܪ܂ ܗܟܢܐ ܐܡܪ ܡܪܝܐ܂ ܒܗܠܝܢ ܬܕܩܪ ܐܢܘܢ ܠܐܕ̈ܘܡܝܐ ܥܕܡܐ ܕܬܓܡܪ ܐܢܘܢ܂
22:12)1( [ai]ܘܟܠܗܘܢ ܢܒ̈ܝܐ ܡܬܢܒܝܢ ܗܟܢܐ ܘܐܡܪܝܢ܂ ܣܩ ܠܪܡܬ ܓܠܥܕ ܘܙܟܐ ܐܢܬ܂ ܘܡܫܠܡ ܠܗܘܢ ܡܪܝܐ ܒܐ̈ܝܕܝܟ ܡܠܟܐ܂
22:13)1( [ai]ܘܡܠܐܟܐ ܕܐܙܠ ܠܡܩܪܐ ܠܡܝܟܐ ܐܡܪ ܠܗ܂ ܗܐ ܡ̈ܠܝܗܘܢ ܕܢܒ̈ܝܐ ܕ̈ܓܠܐ܂ ܡܢ ܚܕ ܦܘܡ ܐܡܪܘ ܛܒܬܐ ܥܠ ܡܠܟܐ܂ ܬܗܘܐ ܡܠܬܟ ܐܝܟ ܡܠܬܐ ܕܚܕ ܡܢܗܘܢ܂ ܘܐܡܪ ܐܦ ܐܢܬ ‍<‍ܡܠܬܐ#3#‍>‍ ܛܒܬܐ܂
22:14)1( [ai]ܘܐܡܪ ܡܝܟܐ܂ ܚܝ ܗܘ ܡܪܝܐ܂ ܐܠܐ ܡܕܡ ܕܐܡܪ ܠܝ ܡܪܝܐ ܗܘ ܐܡܪ܂
22:15)1( [ai]ܘܐܬܐ ܠܘܬ ܡܠܟܐ܂ ܘܐܡܪ ܠܗ ܡܠܟܐ܂ ܡܝܟܐ܂ ܢܐܙܠ ܠܪܡܬ ܓܠܥܕ ܠܩܪܒܐ ܐܘ ܢܦܘܫ܂ ܐܡܪ ܠܗ ܣܩ ܘܙܟܝ܂ ܘܢܫܠܡ ܐܢܘܢ ܡܪܝܐ ܒ̈ܐܝܕܝܟ ܡܠܟܐ܂
22:16)1( [ai]ܐܡܪ ܠܗ ܡܠܟܐ܂ ܥܕܡܐ ܠܟܡܐ ܙܒ̈ܢܝܢ ܡܘܡܐ ܐܢܐ ܠܟ܃ ܕܠܐ ܬܐܡܪ ܠܝ ܐܠܐ ܐܢ ܫܪܝܪܬܐ ܒܫܡܗ ܕܡܪܝܐ܂
22:17)1( [ai]ܘܐܡܪ ܡܝܟܐ܂ ܚܙܝܬ ܠܐܝܣܪܝܠ ܡܒܕܪ ܥܠ ܛܘܪ̈ܐ܂ ܐܝܟ ܥܢܐ ܕܠܝܬ ܠܗ ܪܥܝܐ܂ ܘܐܡܪ ܡܪܝܐ܂ ܠܝܬ ܠܗܘܢ ܡܪܐ ܠܗܠܝܢ܂ ܢܗܦܟܘܢ ܐܢܫ ܠܒܝܬܗ ܒܫܠܡܐ܂
22:18)1( [ai]ܘܐܡܪ ܡܠܟܐ ܕܐܝܣܪܝܠ ܠܝܘܫܦܛ܂ ܠܐ ܐܡܪܬ ܠܟ ܕܠܐ ܡܬܢܒܐ ܥܠܝ ‍<‍ܗܢܐ#3#‍>‍ ܛܒܬܐ܃ ܐܠܐ ܐܢ ܒܝܫܬܐ܂
22:19)1( [ai]ܘܐܡܪ ܡܝܟܐ܂ ܡܛܠ ܗܢܐ ܫܡܥ ܦܬܓܡܗ ܕܡܪܝܐ܂ ܚܙܝܬ ܠܡܪܝܐ ܝܬܒ ܥܠ ܟܘܪܣܝܗ܂ ܘܟܠܗ ܚܝܠܐ ܕܫܡܝܐ ܩܐܡ ܠܥܠ ܡܢܗ܂ ܡܢ ܝܡܝܢܗ ܘܡܢ ܣܡܠܗ܂
22:20)1( [ai]ܘܐܡܪ ܡܪܝܐ܂ ܡܢܘ ܢܫܕܠܝܘܗܝ ܠܐܚܒ ܘܢܣܩ ܘܢܦܠ ܒܪܡܬ ܓܠܥܕ܂ ܗܢܐ ܐܡܪ ܗܟܢܐ܂ ܘܗܢܐ ܐܡܪ ܗܟܢܐ/ܕܗܟܢܐ#3#/܂
22:21)1( [ai]ܘܢܦܩ ܪܘܚܐ ܘܩܡ ܩܕܡ ܡܪܝܐ܂ ܘܐܡܪ ܐܢܐ ܡܫܕܠ ܐܢܐ ܠܗ܂ ܐܡܪ ܠܗ ܡܪܝܐ ܒܡܢܐ܂
22:22)1( [ai]ܘܐܡܪ ‍<‍ܠܗ#3#‍>‍ ܐܢܐ ܐܦܘܩ ܘܐܗܘܐ ܪܘܚܐ ܕܫܘܩܪܐ ܒܦܘܡܐ ܕܟܠܗܘܢ ܢܒܝ̈ܘܗܝ܂ ܐܡܪ ܠܗ܂ ܡܫܕܠ ܐܢܬ ܘܡܫܟܚ ܐܢܬ܂ ܦܘܩ ܘܥܒܕ ܗܟܢܐ܂
22:23)1( [ai]ܘܗܫܐ ܗܐ ܝܗܒ ܡܪܝܐ/ܐܠܗܐ#3#/ ܪܘܚܐ ܕܫܘܩܪܐ ܒܦܘܡܐ ܕܟܠܗܘܢ ܢܒ̈ܝܝܟ ܗܠܝܢ܂ ܘܡܪܝܐ ܐܡܪ ܥܠܝܟ ܒܝܫܬܐ܀
22:24)1( [ai]ܘܩܪܒ ܨܕܩܝܐ ܒܪ ܟܢܥܢܝܬܐ܂ ܘܡܚܝܗܝ ܠܡܝܟܐ ܥܠ ܦܟܗ ܘܐܡܪ ܠܗ܂ ܐܝܟܐ/ܐܝܟܢ#2#/ ܥܒܪܬ ܡܢܝ ܪܘܚܗ ܕܡܪܝܐ ܘܡܠܠܬ ܒܟ܂
22:25)1( [ai]ܐܡܪ ܠܗ ܡܝܟܐ܂ ܗܐ ܚܙܐ ܐܢܬ ܒܗܘ ܝܘܡܐ܂ ܕܗܘܝܬ ܥܐܠ ܬܘܢ ܒܓܘ ܬܘܢ ܠܡܬܛܫܝܘ܂
22:26)1( [ai]ܘܐܡܪ ܡܠܟܐ ܕܐܝܣܪܐܝܠ܂ ܕܘܒܪܘܗܝ ܠܡܝܟܐ܂ ܘܐܫܠܡܘܗܝ ܠܐܡܘܢ ܫܠܝܛܐ ܕܩܪܝܬܐ ܘܠܝܘܐܫ ܒܪ ܡܠܟܐ܂
22:27)1( [ai]ܘܐܡܪܘ ܗܟܢܐ/ܕܗܟܢܐ#3#/ ܐܡܪ ܡܠܟܐ܂ ܐܪܡܘ ܠܗܢܐ ܒܝܬ ܐܣܝܪ̈ܐ܂ ܘܐܘܟܠܘܗܝ ܠܚܡܐ ܡܛܪ ܢܦܫ܂ ܘܐܫܩܐܘܗܝ ܡ̈ܝܐ ܡܛܪ ܢܦܫ܂ ܥܕܡܐ ܕܐܬܐ ܒܫܠܡܐ܂
22:28)1( [ai]ܘܐܡܪ ܡܝܟܐ܂ ܐܢ ܡܗܦܟ ܬܗܦܘܟ ܒܫܠܡܐ܂ ܐܦ ܠܐ ܡܠܠ ܒܝ ܡܪܝܐ܂ ܘܐܡܪ܂ ܫܡܥܘ ܥܡ̈ܡܐ ܟܠܟܘܢ܀܂
22:29)1( [ai]‍<‍ܘܗܦܟ#3#‍>‍ ܘܣܠܩ ܡܠܟܐ ܕܐܝܣܪܝܠ ܘܝܘܫܦܛ ܡܠܟܐ ܕܝܗܘܕܐ ܠܪܡܬ ܓܠܥܕ܂
22:30)1( [ai]ܘܐܡܪ ܡܠܟܐ ܕܐܝܣܪܝܠ ܠܝܘܫܦܛ܂ ܐܫܬܓܢܐ ܘܐܥܘܠ ܒܩܪܒܐ܂ ܘܐܢܬ ܠܒܫ ܠܒܘܫܟ܂ ܘܐܫܬܓܢܝ ܡܠܟܐ ܕܐܝܣܪܝܠ ܘܥܠ ܒܩܪܒܐ܂
22:31)1( [ai]ܘܡܠܟܐ ܕܐܕܘܡ܂ ܦܩܕ ܠܪ̈ܘܪܒܢܝ ܡܪ̈ܟܒܬܐ/ܪ̈ܟܒܐ#3#/ ܕܝܠܗ ܬܠܬܝܢ ܘܬܪ̈ܝܢ ‍<‍ܓܒܪ̈ܝܢ#3#‍>‍ ܘܐܡܪ܂ ܠܐ ܬܬܟܬܫܘܢ ܠܐ ܥܡ ܙܥܘܪܐ ܘܠܐ ܥܡ ܪܒܐ܂ ܐܠܐ ܥܡ ܡܠܟܐ ܕܐܝܣܪܝܠ ܒܠܚܘܕ܂
22:32)1( [ai]ܘܟܕ ܚܙܘ ܪ̈ܘܪܒܢܝ ܡܪ̈ܟܒܬܐ/ܪ̈ܟܒܐ#3#/ ܠܝܘܫܦܛ܂ ܣܒܪܘ ܕܡܠܟܐ ܗܘ ܕܐܝܣܪܝܠ܂ ܘܣܛܘ ܥܠܘܗܝ ܕܢܬܟܬܫܘܢ ܥܡܗ܂ ܘܐܝܠܠ ܝܘܫܦܛ܂
22:33)1( [ai]ܘܟܕ ܚܙܘ ܪ̈ܘܪܒܢܝ ܡܪ̈ܟܒܬܐ/ܪ̈ܟܒܐ#3#/ ܕܠܐ ܗܘܐ ܡܠܟܐ ܕܐܝܣܪܝܠ܂ ܗܦܟܘ ܠܗܘܢ ܡܢܗ܂
22:34)1( [ai]ܘܓܒܪܐ ܚܕ ܫܕܐ ܗܘܐ ܒܩܫܬܐ ܠܩܘܒܠܗ ܬܡܝܡܐܝܬ܂ ܘܡܚܝܗܝ ܠܡܠܟܐ ܕܐܝܣܪܝܠ ܒܝܬ ܕܒܩܐ ܕܫܪܝܢܐ܂ ܘܐܡܪ ܠܡܪܟܒܢܗ܂ ܐܗܦܟ ܐܝܕܟ ܘܐܦܩܝܢܝ ܡܢ ܡܫܪܝܬܐ ܡܛܠ ܕܡܛܝܘܢܝ ܚ̈ܒܠܐ ܕܡܘܬܐ܂
22:35)1( [ai]ܘܥܫܢ ܩܪܒܐ ܒܝܘܡܐ ܗܘ܂ ܘܡܠܟܐ ܩܐܡ ܗܘܐ ܒܡܪܟܒܬܐ ܠܘܩܒܠ ܐܕܘܡ܂ ܘܡܝܬ ܒܪܡܫܐ܂ ܘܪܕܐ ܕܡܐ ܕܡܚܘܬܗ ܒܚܢܗ ܕܡܪܟܒܬܗ܂
22:36)1( [ai]ܘܟܪܘܙܐ ܩܪܐ ܒܡܫܪܝܬܐ ܟܕ ܥܪܒܬ ܫܡܫܐ܂ ܘܐܡܪ܂ ܙܠܘ ܐܢܫ ܠܩܪܝܬܗ/ܠܒܝܬܗ#3#/ ܘܐܢܫ ܠܐܪܥܗ܂
22:37)1( [ai]ܘܡܝܬ ܡܠܟܐ ܘܥܠ ܠܫܡܪܝܢ܂ ܘܩܒܪܘܗܝ ܠܡܠܟܐ ܒܫܡܪܝܢ܂
22:38)1( [ai]ܘܐܫܝܓܘܗܝ ܠܡܪܟܒܬܐ ܒܪܡܬܐ ܕܫܡܪܝܢ܂ ܘܙܝܢܗ ܐܫܝܓܘ܂ ܘܠܥܘ ܟ̈ܠܒܐ ܕܡܗ܂ ܐܝܟ ܡܠܬܗ ܕܡܪܝܐ ܕܐܡܪ܂
22:39)1( [ai]ܘܫܪܟܐ ܕܦܬ̈ܓܡܘܗܝ ܕܐܚܒ ܘܟܠܡܕܡ ܕܥܒܕ܂ ܘܒܝܬܐ ܕܫܢܐ/ܪܝܫܢܐ#3#/ ܕܒܢܐ ܘܟܠܗܝܢ ܩܘܪ̈ܝܐ ܕܒܢܐ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
22:40)1( [ai]ܘܫܟܒ ܐܚܒ ܥܡ ܐ̈ܒܗܘܗܝ܂ ܘܐܡܠܟ ܐܚܙܝܐ ܒܪܗ ܒܬܪܗ܀
22:41)1( [ai]ܘܝܘܫܦܛ ܒܪ ܐܣܐ ܐܡܠܟ ܥܠ ܝܗܘܕܐ܂ ܒܫܢܬ ܐܪ̈ܒܥ ܠܐܚܒ ܡܠܟܐ ܕܐܝܣܪܐܝܠ܂
22:42)1( [ai]ܘܝܘܫܦܛ ܒܪ ܬܠܬܝܢ ܗܘܐ ܘܚܡܫ ܫܢܝ̈ܢ ܟܕ ܐܡܠܟ܂ ܘܥܣܪܝܢ ܘܚܡܫ ܫܢ̈ܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܥܪܘܒܐ ܒܪܬ ܫܠܚ܂
22:43)1( [ai]ܘܗܠܟ ܒܟܠܗܝܢ ܐܘܪ̈ܚܬܗ ܕܐܣܐ ܐܒܘܗܝ܂ ܘܠܐ ܣܛܐ ܡܢܗܝܢ܂ ܘܥܒܕ ܕܫܦܝܪ ܩܕܡ ܡܪܝܐ܂
22:44)1( [ai]ܒܪܡ ‍<‍ܕܝܢ#3#‍>‍ ܥ̈ܠܘܬܐ ܠܐ ܐܥܒܪ܂ ܘܬܘܒ ܥܡܐ ܡܕܒܚܝܢ܂ ܘܣܝܡܝܢ ܒܣ̈ܡܐ ܥܠ ܥ̈ܠܘܬܐ܂
22:45)1( [ai]ܘܫܠܡ ܝܘܫܦܛ ܥܡ \ܡ̈ܠܟܐ ܕܐܝܣܪܝܠ /ܐܒܗ̈ܘܗܝ#3#/܂
22:46)1( [ai]ܘܫܪܟܐ ܕܦܬ̈ܓܡܘܗܝ ܕܝܘܫܦܛ ܘܟܠܗ ܓܢܒܪܘܬܗ ܕܥܒܕ ܘܕܐܬܟܬܫ/ܘܐܬܟܬܫ#3#/܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
22:47)1( [ai]ܘܫܪܟܐ ܕܙܢܝܘܬܐ ܕܐܫܬܚܪܬ ܒܝ̈ܘܡܘܗܝ ܕܐܣܐ ܐܒܘܗܝ ܐܥܒܪ ܡܢ ܐܪܥܐ܂
22:48)1( [ai]ܘܡܠܟܐ ܠܝܬ ‍<‍ܗܘܐ#3#‍>‍ ܒܐܕܘܡ ܕܩܐܡ܂
22:49)1( [ai]ܘܝܘܫܦܛ ܥܒܕ ܐ̈ܠܦܐ ܠܬܪܫܝܫ/ܕܬܪܫܝܫ#3#/ ܠܡܐܙܠ ܠܐܘܦܝܪ ܥܠ ܕܗܒܐ ܘܠܐ ܐܙܠ܂ ܡܛܠ ܕܐܬܬܒܪ ܐ̈ܠܦܐ ܒܥܨܝܢܘܓܒܪ/ܥܨܝܢܘܓܒܪ#3#/܂
22:50)1( [ai]ܗܝܕܝܢ ܐܡܪ ܐܚܙܝܐ ܒܪ ܐܚܒ ܠܝܘܫܦܛ܂ ܢܐܙܠܘܢ ܥܒ̈ܕܝ ܥܡ ܥܒ̈ܕܝܟ ܒܐܠܦܐ܂ ܘܠܐ ܨܒܐ ܝܘܫܦܛ܂
22:51)1( [ai]ܘܫܟܒ ܝܘܫܦܛ ܥܡ ܐ̈ܒܗܘܗܝ܂ ܘܐܬܩܒܪ ܥܡ ܐ̈ܒܗܘܗܝ ܒܩܪܝܬܐ ܕܕܘܝܕ ܐܒܘܗܝ܂ ܘܐܡܠܟ ܝܘܪܡ ܒܪܗ ܒܬܪܗ܀
22:52)1( [ai]ܘܐܚܙܝܐ ܒܪ ܐܚܒ ܐܡܠܟ ܥܠ ܐܝܣܪܝܠ ܒܫܡܪܝܢ܂ ܒܫܢܬ ܫܒܥܣܪܐ ܠܝܘܫܦܛ ܡܠܟܐ ܕܝܗܘܕܐ܂ ܘܐܡܠܟ ܥܠ ܐܝܣܪܝܠ ܬܪ̈ܬܝܢ ܫܢܝ̈ܢ܂
22:53)1( [ai]ܘܥܒܕ ܕܒܝܫ ܩܕܡ ܡܪܝܐ܂ ܘܗܠܟ ܒܐܘܪ̈ܚܬܗ ܕܐܒܘܗܝ ܘܒܐܘܪ̈ܚܬܗ ܕܐܡܗ܂ ܘܒܐܘܪ̈ܚܬܗ ܕܝܘܪܒܥܡ ܒܪ ܢܒܛ ܕܐܚܛܝ ܠܐܝܣܪܝܠ܂
22:54)1( [ai]ܘܦܠܚ ܠܒܥܠܐ ܘܣܓܕ ܠܗ܂ ܘܐܪܓܙ ܩܕܡ ܡܪܝܐ ܐܠܗܐ ܕܐܝܣܪܝܠ܂ ܐܝܟ ܕܥܒܕ ܐܒܘܗܝ܂