← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62011: P 2K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܒܫܢܬ ܥܣܪ̈ܝܢ ܘܫܒܥ ܫܢܝ̈ܢ ܠܝܘܪܒܥܡ ܡܠܟܐ ܕܐܝܣܪܝܠ܂ ܐܡܠܟ ܥܘܙܝܐ ܒܪ ܐܡܘܨܝܐ ܡܠܟܐ ܕܝܗܘܕܐ܂
15:02 [ai]ܒܪ ܫܬܬܥܣܪܐ ܗܘܐ ܫܢܝ̈ܢ ܟܕ ܐܡܠܟ܂ ܘܚܡܫܝܢ ܘܬܪ̈ܬܝܢ ܫܢܝ̈ܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܝܟܢܝܐ܂ ܡܢ ܐܘܪܫܠܡ܂
15:03 [ai]ܘܥܒܕ ܕܫܦܝܪ ܩܕܡ ܡܪܝܐ ܐܝܟ ܐܡܘܨܝܐ ܐܒܘܗܝ܂
15:04 [ai]ܒܪܡ ܕܝܢ ܥ̈ܠܘܬܐ ܠܐ ܐܥܒܪ܂ ܘܥܕܟܝܠ ܥܡܐ ܡܕܒܚܝܢ ܗܘܘ ܘܣܝܡܝܢ ܒܣ̈ܡܐ ܥܠ ܥ̈ܠܘܬܐ܂
15:05 [ai]ܘܡܚܝܗܝ ܡܪܝܐ ܠܡܠܟܐ܂ ܘܗܘܐ ܓܪܒܐ ܥܕܡܐ ܠܝܘܡܐ ܕܡܝܬ܂ ܘܝܬܒ ܒܒܝܬܐ ܡܛܫܝܐܝܬ܂ ܘܝܘܬܡ ܒܪ ܡܠܟܐ ܪܒܝܬܐ ܕܐܢ ܗܘܐ ܠܥܡܐ ܕܐܪܥܐ܂
15:06 [ai]ܘܫܪܟܐ ܕܦܬ̈ܓܡܘܗܝ ܕܥܘܙܝܐ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
15:07 [ai]ܘܫܟܒ ܥܘܙܝܐ ܥܡ ܐ̈ܒܗܘܗܝ܂ ܘܩܒܪܘܗܝ ܥܡ ܐ̈ܒܗܘܗܝ ܒܩܪܝܬܐ ܕܕܘܝܕ܂ ܘܐܡܠܟ ܝܘܬܡ ܒܪܗ ܒܬܪܗ܀
15:08 [ai]ܒܫܢܬ ܬܠܬܝܢ ܘܬܡܢܐ ܫܢܝ̈ܢ ܠܥܘܙܝܐ ܡܠܟܐ ܕܝܗܘܕܐ܂ ܐܡܠܟ ܙܟܪܝܐ ܒܪ ܝܘܪܒܥܡ ܥܠ ܐܝܣܪܝܠ܂ ܒܫܡܪܝܢ ܫܬܐ ܝܪ̈ܚܝܢ܂
15:09 [ai]ܘܥܒܕ ܕܒܝܫ ܩܕܡ ܡܪܝܐ ܐܝܟ ܕܥܒܕ ܐܒܘܗܝ܂ ܘܠܐ ܣܛܐ ܡܢ ܟܠܗܘܢ ܚ̈ܛܗܘܗܝ ܕܝܘܪܒܥܡ ܒܪ ܢܒܛ ܕܐܚܛܝ ܠܐܝܣܪܝܠ܂
15:10 [ai]ܘܡܪܕ ܥܠܘܗܝ ܫܠܘܡ ܒܪ ܝܒܝܫ܂ ܘܡܚܝܗܝ ܠܘܩܒܠ ܥܡܐ ܘܩܛܠܗ܂ ܘܐܡܠܟ ܒܬܪܗ܂
15:11 [ai]ܘܫܪܟܐ ܕܦܬܓܡ̈ܘܗܝ ܕܙܟܪܝܐ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
15:12 [ai]ܘܫܠܡܬ ܡܠܬܗ ܕܡܪܝܐ ܕܐܡܪ ܠܝܗܘ܂ ܕܒܢ̈ܝܐ ܐܪ̈ܒܝܥܝܐ ܢܬܒܘܢ ܠܟ ܥܠ ܟܘܪܣܝܐ ܕܐܝܣܪܝܠ܂ ܘܗܘܐ ܗܟܢܐ܀
15:13 [ai]ܘܫܠܘܡ ܒܪ ܝܒܝܫ ܐܡܠܟ܂ ܒܫܢܬ ܬܠܬܝܢ ܘܬܫܥ ܫܢܝ̈ܢ ܠܥܘܙܝܐ ܡܠܟܐ ܕܝܗܘܕܐ܂ ܘܐܡܠܟ ܝܪܚ ܝܘܡ̈ܝܢ ܒܫܡܪܝܢ܂
15:14 [ai]ܘܣܠܩ ܡܚܢܝܡ ܒܪ ܓܕܝ ܡܢ ܬܪܨܐ ܘܥܠ ܠܫܡܪܝܢ܂ ܘܡܚܝܗܝ ܠܫܠܘܡ ܒܪ ܝܒܝܫ ܒܫܡܪ̈ܝܢ܂ ܘܩܛܠܗ ܘܐܡܠܟ ܒܬܪܗ܂
15:15 [ai]ܘܫܪܟܐ ܕܦܬܓܡ̈ܘܗܝ ܕܫܠܘܡ ܘܡܪܕܐ ܕܡܪܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
15:16 [ai]ܗܝܕܝܢ ܡܚܐ ܡܚܢܝܡ ܠܬܦܣܚ ܘܠܟܠ ܕܐܝܬ ܒܗ ܘܠܬܚ̈ܘܡܝܗ ܡܢ ܬܪܨܐ܂ ܥܠ ܕܠܐ ܦܬܚܘ ܠܗ ܬܪܥܐ܂ ܘܚܪܒܗ ܘܠܟܠܗܝܢ ܒܛܢܬ̈ܗ ܦܪܬ܀܂
15:17 [ai]ܒܫܢܬ ܬܠܬܝܢ ܘܬܫܥ ܫ̈ܢܝܢ ܠܥܘܙܝܐ ܡܠܟܐ ܕܝܗܘܕܐ܂ ܐܡܠܟ ܡܚܢܝܡ ܒܪ ܓܕܝ ܥܠ ܐܝܣܪܝܠ܂ ܒܫܡܪܝܢ ܥܣܪ ܫ̈ܢܝܢ܂
15:18 [ai]ܘܥܒܕ ܕܒܝܫ ܩܕܡ ܡܪܝܐ܂ ܘܠܐ ܣܛܐ ܡܢ ‍<‍ܟܠܗܘܢ#3#‍>‍ ܚ̈ܛܗܘܗܝ ܕܝܘܪܒܥܡ ܒܪ ܢܒܛ ܕܐܚܛܝ ܠܐܝܣܪܝܠ ܟܘܠܗܘܢ/ܒܟܘܠܗܘܢ#3#/ ܝܘܡ̈ܘܗܝ܀
15:19 [ai]ܘܐܬܐ ܦܘܠ ܡܠܟܐ ܕܐܬܘܪ ܥܠ ܐܪܥܐ܂ ܘܝܗܒ ܡܚܢܝܡ ܠܦܘܠ ܐܠܦ ܟܟܪ̈ܝܢ ܕܟܣܦܐ܂ ܕܬܗܘܐ ܐܝܕܗ ܥܡܗ܂ ܘܢܐܚܘܕ ܡܠܟܘܬܐ ܒܐܝܕܗ܂
15:20 [ai]ܘܐܪܡܝ ܡܚܢܝܡ ܥܠ ܐܝܣܪܝܠ ܟܣܦܐ ܥܠ ܟܠܗܘܢ ܥܬܝܪ̈ܐ ܕܐܪܥܐ܂ ܕܢܬܠ ܠܡܠܟܐ ܕܐܬܘܪ܂ ܚܡܫܝܢ ܡܬܩ̈ܠܝܢ ܕܟܣܦܐ ܥܠ ܓܒܪܐ ܚܕ܂ ܘܗܦܟ/ܘܗܠܟ#3#/ ܡܠܟܐ ܕܐܬܘܪ ܘܠܐ ܩܡ ܬܡܢ ܒܐܪܥܐ܂
15:21 [ai]ܘܫܪܟܐ ܕܦ̈ܬܓܡܘܗܝ ܕܡܚܢܝܡ ܘܟܠ ܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
15:22 [ai]ܘܫܟܒ ܡܚܢܝܡ ܥܡ ܐ̈ܒܗܘܗܝ ܘܐܡܠܟ ܦܩܚܝܐ ܒܪܗ ܒܬܪܗ܀
15:23 [ai]ܒܫܢܬ ܚܡܫܝܢ ܫܢܝ̈ܢ ܠܥܘܙܝܐ ܡܠܟܐ ܕܝܗܘܕܐ܂ ܐܡܠܟ ܦܩܚܝܐ ܒܪ ܡܚܢܝܡ ܥܠ ܐܝܣܪܐܝܠ܂ ܒܫܡܪܝܢ ܬܪ̈ܬܝܢ ܫ̈ܢܝܢ܂
15:24 [ai]ܘܥܒܕ ܕܒܝܫ ܩܕܡ ܡܪܝܐ܂ ܘܠܐ ܣܛܐ ܡܢ ܚ̈ܛܗܘܗܝ ܕܝܘܪܒܥܡ ܒܪ ܢܒܛ ܕܐܚܛܝ ܠܐܝܣܪܝܠ܂
15:25 [ai]ܘܡܪܕ ܥܠܘܗܝ ܦܩܚ ܒܪ ܪܘܡܠܝܐ ܓܢܒܪܗ܂ ܘܩܛܠܗ ܒܫܡܪܝܢ ܒܣܚܪܬܐ ܕܒܝܬ ܡܠܟܐ܂ ܘܕܒܪ ܠܪܓܐܘܒ ܘܠܐܢܝ ܘܥܡܗ ܚܡܫܝܢ ܓܒܪ̈ܝܢ ܡܢ ܒܢ̈ܝ ܓܠܥܕ܂ ܘܩܛܠܗ ܘܐܡܠܟ ܒܬܪܗ܂
15:26 [ai]ܘܫܪܟܐ ܕܦ̈ܬܓܡܘܗܝ ܕܦܩܚܝܐ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܀
15:27 [ai]ܒܫܢܬ ܚܡܫܝܢ ܘܬܪ̈ܬܝܢ ܫܢܝ̈ܢ ܠܥܘܙܝܐ ܡܠܟܐ ܕܝܗܘܕܐ܂ ܐܡܠܟ ܦܩܚ ܒܪ ܪܘܡܠܝܐ ܥܠ ܐܝܣܪܝܠ܂ ܒܫܡܪܝܢ ܥܣܪܝܢ ܫ̈ܢܝܢ܂
15:28 [ai]ܘܥܒܕ ܕܒܝܫ ܩܕܡ ܡܪܝܐ܂ ܘܠܐ ܣܛܐ ܡܢ ܚ̈ܛܗܘܗܝ ܕܝܘܪܒܥܡ ܒܪ ܢܒܛ ܕܐܚܛܝ ܠܐܝܣܪܝܠ܂
15:29 [ai]ܘܒܝ̈ܘܡܘܗܝ ܕܦܩܚ ܡܠܟܐ ܕܐܝܣܪܝܠ܂ ܐܬܐ ܬܓܠܬܦܠܣܪ ܡܠܟܐ ܕܐܬܘܪ܂ ܘܕܒܪ ܠܥܝܘܢ܂ ܘܠܐܒܠ ܡܚܘܠܐ܂ ܘܠܟܠ ܒܝܬ ܡܥܟܐ܂ ܘܠܢܝܚ܂ ܘܠܩܕܫ܂ ܘܠܚܨܘܪ܂ ܘܠܓܠܥܕ܂ ܘܠܓܠܝܠܐ܂ ܘܠܟܠܗ ܐܪܥܐ ܕܢܦܬܠܝ܂ ܘܓܠܝ ܐܢܘܢ ܠܐܬܘܪ܂
15:30 [ai]ܘܡܪܕ ܡܪܕܐ ܗܘܫܥ ܒܪ ܐܠܐ ܥܠ ܦܩܚ ܒܪ ܪܘܡܠܝܐ܂ ܘܡܚܝܗܝ ܘܩܛܠܗ ܘܐܡܠܟ ܒܬܪܗ܂ ܒܫܢܬ ܬܪ̈ܬܝܢ ܠܝܘܬܡ/ܕܝܘܬܡ#2#/ ܒܪ ܥܘܙܝܐ܂
15:31 [ai]ܘܫܪܟܐ ܕܦ̈ܬܓܡܘܗܝ ܕܦܩܚ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܀
15:32 [ai]ܒܫܢܬ ܬܪ̈ܬܝܢ ܕܦܩܚ ܒܪ ܪܘܡܠܝܐ ܡܠܟܐ ܕܐܝܣܪܝܠ܂ ܐܡܠܟ ܝܘܬܡ ܒܪ ܥܘܙܝܐ ܡܠܟܐ ܕܝܗܘܕܐ܂
15:33 [ai]ܒܪ ܥܣܪ̈ܝܢ ܗܘܐ ܘܚܡܫ ܫܢܝ̈ܢ ܟܕ ܐܡܠܟ܂ ܘܫܬܬܥܣܪܐ ܫܢ̈ܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܝܪܘܫܐ ܒܪܬ ܨܕܘܩ܂
15:34 [ai]ܘܥܒܕ ܕܫܦܝܪ ܩܕܡ ܡܪܝܐ ܐܝܟ ܕܥܒܕ ܥܘܙܝܐ ܐܒܘܗܝ܂
15:35 [ai]ܒܪܡ ܥ̈ܠܘܬܐ ܠܐ ܐܥܒܪ܂ ܘܥܕܟܝܠ ܥܡܐ ܡܕܒܚܝܢ ܗܘܘ ܘܣܝܡܝܢ ܗܘܘ ܒܣ̈ܡܐ ܥܠ ܥ̈ܠܘܬܐ܂ ܘܗܘ ܒܢܐ ܬܪܥܐ ܥܠܝܐ ܕܒܝܬܗ ܕܡܪܝܐ܂
15:36 [ai]ܘܫܪܟܐ ܕܦܬ̈ܓܡܘܗܝ ܕܝܘܬܡ ܘܟܠ ܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
15:37 [ai]ܒܝ̈ܘܡܬܐ ܗܢܘܢ ܫܪܝ ܡܪܝܐ ܠܡܓܪܝܘ ܒܝܗܘܕܐ ܠܪܨܢ ܡܠܟܐ ܕܐܪܡ/ܕܐܕܘܡ#3#/܂ ܘܠܦܩܚ ܒܪ ܪܘܡܠܝܐ ܡܠܟܐ ܕܐܝܣܪܝܠ܂
15:38 [ai]ܘܫܟܒ ܝܘܬܡ ܥܡ ܐ̈ܒܗܘܗܝ܂ ܘܐܬܩܒܪ ܥܡ ܐ̈ܒܗܘܗܝ ܒܩܪܝܬܐ ܕܕܘܝܕ܂ ܘܐܡܠܟ ܐܚܙ ܒܪܗ ܒܬܪܗ܀

next chapter